<p>ಲಾಕ್ಡೌನ್ ಆರಂಭದ ದಿನಗಳಿಂದಲೂ ಜನರಿಗೆ ಒಂದಲ್ಲ ಒಂದು ರೀತಿ ಸಹಾಯ ಮಾಡುವ ಮೂಲಕ ನಿಜ ಜೀವನದ ಹೀರೊ ಎನ್ನಿಸಿಕೊಂಡಿದ್ದಾರೆ ನಟ ಸೋನು ಸೂದ್. ಕಳೆದ ಕೆಲ ದಿನಗಳ ಹಿಂದೆ ಆಂಧ್ರಪ್ರದೇಶದ ರೈತ ಕುಟುಂಬಕ್ಕೆ ಟ್ರ್ಯಾಕ್ಟರ್ ನೀಡುವ ಮೂಲಕ ಮಾನವೀಯತೆ ಮೆರೆದಿದ್ದರು.</p>.<p>ಆದರೆ ಸೋನು ಸೂದ್ ಟ್ರ್ಯಾಕ್ಟರ್ ಉಡುಗೊರೆ ನೀಡಿದ್ದ ರೈತ ಕುಟುಂಬ ಸೋನುಗೆ ಮೋಸ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಆ ಕುಟುಂಬ ಮೋಜಿಗಾಗಿ ಮಾಡಿದ್ದ ವಿಡಿಯೊ ವೈರಲ್ ಆಗಿತ್ತು. ಅಲ್ಲದೇ ಅವರೂ ರೈತ ಕುಟುಂಬವೇ ಅಲ್ಲ ಎಂಬ ಸುದ್ದಿ ಹರಿದಾಡುತ್ತಿದೆ.</p>.<p><strong>ವಿಡಿಯೊ ಹೀಗಿತ್ತು</strong><br />ಆ ವಿಡಿಯೊದಲ್ಲಿರೈತ ದಂಪತಿಗಳು ತಮ್ಮ ಇಬ್ಬರು ಹೆಣ್ಣುಮಕ್ಕಳನ್ನು ಎತ್ತುಗಳಂತೆ ಕಟ್ಟಿಕೊಂಡು ಉಳುಮೆ ಮಾಡುತ್ತಿರುವ ದೃಶ್ಯವಿತ್ತು. ಅದು ಮಾಧ್ಯಮ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾನೇ ವೈರಲ್ ಆಗಿತ್ತು. ಇದನ್ನು ಮಾಧ್ಯಮ ವರದಿಗಾರರೊಬ್ಬರು ಸೋನು ಸೂದ್ಗೆ ಟ್ವಿಟ್ಟರ್ನಲ್ಲಿ ಟ್ಯಾಗ್ ಮಾಡಿದ್ದರು. ಆ ವಿಡಿಯೊ ನೋಡಿದ್ದ ಸೋನು ತಕ್ಷಣ ಸ್ಪಂದಿಸಿದಲ್ಲದೇ ಆ ರೈತ ಕುಟುಂಬಕ್ಕೆ ಹೊಚ್ಚ ಹೊಸ ಟ್ರ್ಯಾಕ್ಟರ್ ಕೊಡಿಸಿದ್ದರು.</p>.<p>ಆದರೆ ಹೆಣ್ಣುಮಕ್ಕಳನ್ನು ಎತ್ತುಗಳಂತೆ ಕಟ್ಟಿಕೊಂಡು ಉಳುಮೆ ಮಾಡಿದ ರೈತ ಕುಟುಂಬದ ಕಥೆಯೇ ಬೇರೆ.ಅವರು ಬಡವರೂ ಅಲ್ಲ, ರೈತರೂ ಅಲ್ಲ. ಲಾಕ್ಡೌನ್ ರಜೆಯಲ್ಲಿ ಹಳ್ಳಿ ಬಂದಿದ್ದ ಹೆಣ್ಣುಮಕ್ಕಳು ಎಂಜಾಯ್ಮೆಂಟ್ಗಾಗಿ ಈ ರೀತಿ ಮಾಡಿದ್ದರು ಎನ್ನಲಾಗುತ್ತಿದೆ.</p>.<p>ಈ ಕುರಿತು ಅಲ್ಲಿನ ಪಂಚಾಯತಿ ಅಧಿಕಾರಿ ಸ್ಪಷ್ಟನೆ ನೀಡಿದ್ದಾರೆ. ‘ಆ ರೈತ ಕುಟುಂಬದವರು ಬಡವರು ಹಾಗೂ ಅವರಿಗೆ ಎತ್ತು ಅಥವಾ ಟ್ರ್ಯಾಕ್ಟರ್ ಕೊಳ್ಳುವ ಸಾಮರ್ಥ್ಯವಿಲ್ಲ, ಆ ಕಾರಣಕ್ಕೆ ಮಕ್ಕಳನ್ನೇ ಎತ್ತುಗಳ ರೀತಿ ಮುಂದೆ ಕಟ್ಟಿಕೊಂಡು ಊಳುತ್ತಿದ್ದಾರೆ ಎಂಬುದು ಸುಳ್ಳು. ಅಲ್ಲದೇ ಕುಟುಂಬದವರು ತಮ್ಮ ಖುಷಿಗಾಗಿ ಹೀಗೆ ಮಾಡಿದ್ದಾರೆ’ ಎಂದಿದ್ದಾರೆ.</p>.<p>‘ಆ ಕುಟುಂಬ ತಮ್ಮ ಸಂತೋಷ ಹಾಗೂ ನೆನಪಿನಲ್ಲಿ ಉಳಿಯುವ ಒಂದು ಕ್ಷಣವಿರಬೇಕು ಎಂಬ ಕಾರಣಕ್ಕೆ ಈ ರೀತಿ ಮಾಡಿದೆ. ನಮ್ಮ ಖುಷಿಗಾಗಿ ನಾವು ಮಾಡಿಕೊಂಡ ವಿಡಿಯೊದಿಂದ ಇಷ್ಟು ದೊಡ್ಡ ಘಟನೆ ನಡೆಯುತ್ತದೆ ಎಂಬುದು ನಮಗೆ ಅರಿವಿರಲಿಲ್ಲ ಎಂದಿದ್ದಾರೆ. ಅಲ್ಲದೇ ಈ ಬಗ್ಗೆ ಕ್ಷಮೆ ಕೂಡ ಕೇಳಿದ್ದಾರೆ’ ಎಂದಿದ್ದಾರೆ ಅಧಿಕಾರಿ. ಜೊತೆಗೆ ಆ ಕುಟುಂಬವು ತಾತ್ಕಾಲಿಕವಾಗಿ ನೆಲೆಸಲು ಹಳ್ಳಿಗೆ ಬಂದಿದ್ದರು ಎಂಬುದನ್ನೂ ತಿಳಿಸಿದ್ದಾರೆ.</p>.<p>ಈ ಕುಟುಂಬ ಹೊಸ ಟ್ರ್ಯಾಕ್ಟರ್ನೊಂದಿಗೆ ಫೋಟೊಗೆ ಪೋಸ್ ನೀಡಿದ್ದ ದೃಶ್ಯಗಳನ್ನು ನೋಡಿದ್ದ ಸರ್ಕಾರ ಈ ಕುರಿತು ತನಿಖೆಗೆ ಆದೇಶಿಸಿತ್ತು. ಅಲ್ಲದೇ ಇದು ಕಟ್ಟು ಕಥೆ ಎಂಬುದನ್ನು ಬಹಿರಂಗ ಪಡಿಸಿತ್ತು ಎನ್ನಲಾಗುತ್ತಿದೆ. ತಮ್ಮ ಸಂತೋಷಕ್ಕಾಗಿ ಈ ರೀತಿ ಮಾಡಿದ್ದು, ತಂದೆಯೇ ಸ್ನೇಹಿತರ ಬಳಿ ವಿಡಿಯೊ ಚಿತ್ರೀಕರಿಸಲು ಹೇಳಿದ್ದರು ಎನ್ನಲಾಗುತ್ತಿದೆ.</p>.<p><strong>ಅಸಲಿ ಕಥೆ</strong><br />ಆಂಧ್ರಪ್ರದೇಶದ ಮಹಲ್ರಾಜುವಾರಿಪಲ್ಲೇ ಗ್ರಾಮದ ನಾಗೇಶ್ವರರಾವ್ ಮದನಪಲ್ಲಿಯಲ್ಲಿ ಟೀ ಅಂಗಡಿಯೊಂದರ ಮಾಲಿಕ. ಅವರ ಒಬ್ಬರು ಹೆಣ್ಣುಮಕ್ಕಳು ಪಟ್ಟಣದಲ್ಲಿ ಹತ್ತನೇ ತರಗತಿ ಹಾಗೂ ಪಿಯುಸಿ ಓದುತ್ತಿದ್ದಾರೆ.ಲಾಕ್ಡೌನ್ ಕಾರಣದಿಂದ ತೊಂದರೆಯಲ್ಲಿ ಸಿಕ್ಕಿಕೊಂಡ ಕುಟುಂಬ ತಮ್ಮ ಹಳ್ಳಿಗೆ ಮರಳಿತ್ತು.</p>.<p>ಹಳ್ಳಿಯಲ್ಲಿ ಎಂಜಾಯ್ಮೆಂಟ್ಗಾಗಿನಾಗೇಶ್ವರ್ ರಾವ್ ತಮ್ಮ ಇಬ್ಬರು ಪುತ್ರಿಯರಾದ ವೆನ್ನೆಲಾ ಹಾಗೂ ಚಂದನಾ ಅವರನ್ನು ಎತ್ತುಗಳಂತೆ ಕಟ್ಟಿಕೊಂಡ ಉಳುಮೆ ಮಾಡಿದ್ದರು. ಅವರ ಪತ್ನಿ ಕಡಲೆ ಹಾಗೂ ತೊಗರಿ ಬಿತ್ತಿದ್ದರು. ಇದನ್ನು ನಾಗೇಶ್ವರ ರಾವ್ ತಮ್ಮ ಸ್ನೇಹಿತರ ಬಳಿ ವಿಡಿಯೊ ಮಾಡಲು ಹೇಳಿದ್ದರು.</p>.<p>ಆದರೆ ಈ ವಿಡಿಯೊ ಎಲ್ಲೆಡೆ ಹರಿದಾಡಿದ್ದು ಸಾಕಷ್ಟು ವೈರಲ್ ಆಗಿತ್ತು. ಅಲ್ಲದೇ ಮಾಧ್ಯಮಗಳಲ್ಲೂ ವರದಿ ಪ್ರಸಾರವಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಲಾಕ್ಡೌನ್ ಆರಂಭದ ದಿನಗಳಿಂದಲೂ ಜನರಿಗೆ ಒಂದಲ್ಲ ಒಂದು ರೀತಿ ಸಹಾಯ ಮಾಡುವ ಮೂಲಕ ನಿಜ ಜೀವನದ ಹೀರೊ ಎನ್ನಿಸಿಕೊಂಡಿದ್ದಾರೆ ನಟ ಸೋನು ಸೂದ್. ಕಳೆದ ಕೆಲ ದಿನಗಳ ಹಿಂದೆ ಆಂಧ್ರಪ್ರದೇಶದ ರೈತ ಕುಟುಂಬಕ್ಕೆ ಟ್ರ್ಯಾಕ್ಟರ್ ನೀಡುವ ಮೂಲಕ ಮಾನವೀಯತೆ ಮೆರೆದಿದ್ದರು.</p>.<p>ಆದರೆ ಸೋನು ಸೂದ್ ಟ್ರ್ಯಾಕ್ಟರ್ ಉಡುಗೊರೆ ನೀಡಿದ್ದ ರೈತ ಕುಟುಂಬ ಸೋನುಗೆ ಮೋಸ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಆ ಕುಟುಂಬ ಮೋಜಿಗಾಗಿ ಮಾಡಿದ್ದ ವಿಡಿಯೊ ವೈರಲ್ ಆಗಿತ್ತು. ಅಲ್ಲದೇ ಅವರೂ ರೈತ ಕುಟುಂಬವೇ ಅಲ್ಲ ಎಂಬ ಸುದ್ದಿ ಹರಿದಾಡುತ್ತಿದೆ.</p>.<p><strong>ವಿಡಿಯೊ ಹೀಗಿತ್ತು</strong><br />ಆ ವಿಡಿಯೊದಲ್ಲಿರೈತ ದಂಪತಿಗಳು ತಮ್ಮ ಇಬ್ಬರು ಹೆಣ್ಣುಮಕ್ಕಳನ್ನು ಎತ್ತುಗಳಂತೆ ಕಟ್ಟಿಕೊಂಡು ಉಳುಮೆ ಮಾಡುತ್ತಿರುವ ದೃಶ್ಯವಿತ್ತು. ಅದು ಮಾಧ್ಯಮ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾನೇ ವೈರಲ್ ಆಗಿತ್ತು. ಇದನ್ನು ಮಾಧ್ಯಮ ವರದಿಗಾರರೊಬ್ಬರು ಸೋನು ಸೂದ್ಗೆ ಟ್ವಿಟ್ಟರ್ನಲ್ಲಿ ಟ್ಯಾಗ್ ಮಾಡಿದ್ದರು. ಆ ವಿಡಿಯೊ ನೋಡಿದ್ದ ಸೋನು ತಕ್ಷಣ ಸ್ಪಂದಿಸಿದಲ್ಲದೇ ಆ ರೈತ ಕುಟುಂಬಕ್ಕೆ ಹೊಚ್ಚ ಹೊಸ ಟ್ರ್ಯಾಕ್ಟರ್ ಕೊಡಿಸಿದ್ದರು.</p>.<p>ಆದರೆ ಹೆಣ್ಣುಮಕ್ಕಳನ್ನು ಎತ್ತುಗಳಂತೆ ಕಟ್ಟಿಕೊಂಡು ಉಳುಮೆ ಮಾಡಿದ ರೈತ ಕುಟುಂಬದ ಕಥೆಯೇ ಬೇರೆ.ಅವರು ಬಡವರೂ ಅಲ್ಲ, ರೈತರೂ ಅಲ್ಲ. ಲಾಕ್ಡೌನ್ ರಜೆಯಲ್ಲಿ ಹಳ್ಳಿ ಬಂದಿದ್ದ ಹೆಣ್ಣುಮಕ್ಕಳು ಎಂಜಾಯ್ಮೆಂಟ್ಗಾಗಿ ಈ ರೀತಿ ಮಾಡಿದ್ದರು ಎನ್ನಲಾಗುತ್ತಿದೆ.</p>.<p>ಈ ಕುರಿತು ಅಲ್ಲಿನ ಪಂಚಾಯತಿ ಅಧಿಕಾರಿ ಸ್ಪಷ್ಟನೆ ನೀಡಿದ್ದಾರೆ. ‘ಆ ರೈತ ಕುಟುಂಬದವರು ಬಡವರು ಹಾಗೂ ಅವರಿಗೆ ಎತ್ತು ಅಥವಾ ಟ್ರ್ಯಾಕ್ಟರ್ ಕೊಳ್ಳುವ ಸಾಮರ್ಥ್ಯವಿಲ್ಲ, ಆ ಕಾರಣಕ್ಕೆ ಮಕ್ಕಳನ್ನೇ ಎತ್ತುಗಳ ರೀತಿ ಮುಂದೆ ಕಟ್ಟಿಕೊಂಡು ಊಳುತ್ತಿದ್ದಾರೆ ಎಂಬುದು ಸುಳ್ಳು. ಅಲ್ಲದೇ ಕುಟುಂಬದವರು ತಮ್ಮ ಖುಷಿಗಾಗಿ ಹೀಗೆ ಮಾಡಿದ್ದಾರೆ’ ಎಂದಿದ್ದಾರೆ.</p>.<p>‘ಆ ಕುಟುಂಬ ತಮ್ಮ ಸಂತೋಷ ಹಾಗೂ ನೆನಪಿನಲ್ಲಿ ಉಳಿಯುವ ಒಂದು ಕ್ಷಣವಿರಬೇಕು ಎಂಬ ಕಾರಣಕ್ಕೆ ಈ ರೀತಿ ಮಾಡಿದೆ. ನಮ್ಮ ಖುಷಿಗಾಗಿ ನಾವು ಮಾಡಿಕೊಂಡ ವಿಡಿಯೊದಿಂದ ಇಷ್ಟು ದೊಡ್ಡ ಘಟನೆ ನಡೆಯುತ್ತದೆ ಎಂಬುದು ನಮಗೆ ಅರಿವಿರಲಿಲ್ಲ ಎಂದಿದ್ದಾರೆ. ಅಲ್ಲದೇ ಈ ಬಗ್ಗೆ ಕ್ಷಮೆ ಕೂಡ ಕೇಳಿದ್ದಾರೆ’ ಎಂದಿದ್ದಾರೆ ಅಧಿಕಾರಿ. ಜೊತೆಗೆ ಆ ಕುಟುಂಬವು ತಾತ್ಕಾಲಿಕವಾಗಿ ನೆಲೆಸಲು ಹಳ್ಳಿಗೆ ಬಂದಿದ್ದರು ಎಂಬುದನ್ನೂ ತಿಳಿಸಿದ್ದಾರೆ.</p>.<p>ಈ ಕುಟುಂಬ ಹೊಸ ಟ್ರ್ಯಾಕ್ಟರ್ನೊಂದಿಗೆ ಫೋಟೊಗೆ ಪೋಸ್ ನೀಡಿದ್ದ ದೃಶ್ಯಗಳನ್ನು ನೋಡಿದ್ದ ಸರ್ಕಾರ ಈ ಕುರಿತು ತನಿಖೆಗೆ ಆದೇಶಿಸಿತ್ತು. ಅಲ್ಲದೇ ಇದು ಕಟ್ಟು ಕಥೆ ಎಂಬುದನ್ನು ಬಹಿರಂಗ ಪಡಿಸಿತ್ತು ಎನ್ನಲಾಗುತ್ತಿದೆ. ತಮ್ಮ ಸಂತೋಷಕ್ಕಾಗಿ ಈ ರೀತಿ ಮಾಡಿದ್ದು, ತಂದೆಯೇ ಸ್ನೇಹಿತರ ಬಳಿ ವಿಡಿಯೊ ಚಿತ್ರೀಕರಿಸಲು ಹೇಳಿದ್ದರು ಎನ್ನಲಾಗುತ್ತಿದೆ.</p>.<p><strong>ಅಸಲಿ ಕಥೆ</strong><br />ಆಂಧ್ರಪ್ರದೇಶದ ಮಹಲ್ರಾಜುವಾರಿಪಲ್ಲೇ ಗ್ರಾಮದ ನಾಗೇಶ್ವರರಾವ್ ಮದನಪಲ್ಲಿಯಲ್ಲಿ ಟೀ ಅಂಗಡಿಯೊಂದರ ಮಾಲಿಕ. ಅವರ ಒಬ್ಬರು ಹೆಣ್ಣುಮಕ್ಕಳು ಪಟ್ಟಣದಲ್ಲಿ ಹತ್ತನೇ ತರಗತಿ ಹಾಗೂ ಪಿಯುಸಿ ಓದುತ್ತಿದ್ದಾರೆ.ಲಾಕ್ಡೌನ್ ಕಾರಣದಿಂದ ತೊಂದರೆಯಲ್ಲಿ ಸಿಕ್ಕಿಕೊಂಡ ಕುಟುಂಬ ತಮ್ಮ ಹಳ್ಳಿಗೆ ಮರಳಿತ್ತು.</p>.<p>ಹಳ್ಳಿಯಲ್ಲಿ ಎಂಜಾಯ್ಮೆಂಟ್ಗಾಗಿನಾಗೇಶ್ವರ್ ರಾವ್ ತಮ್ಮ ಇಬ್ಬರು ಪುತ್ರಿಯರಾದ ವೆನ್ನೆಲಾ ಹಾಗೂ ಚಂದನಾ ಅವರನ್ನು ಎತ್ತುಗಳಂತೆ ಕಟ್ಟಿಕೊಂಡ ಉಳುಮೆ ಮಾಡಿದ್ದರು. ಅವರ ಪತ್ನಿ ಕಡಲೆ ಹಾಗೂ ತೊಗರಿ ಬಿತ್ತಿದ್ದರು. ಇದನ್ನು ನಾಗೇಶ್ವರ ರಾವ್ ತಮ್ಮ ಸ್ನೇಹಿತರ ಬಳಿ ವಿಡಿಯೊ ಮಾಡಲು ಹೇಳಿದ್ದರು.</p>.<p>ಆದರೆ ಈ ವಿಡಿಯೊ ಎಲ್ಲೆಡೆ ಹರಿದಾಡಿದ್ದು ಸಾಕಷ್ಟು ವೈರಲ್ ಆಗಿತ್ತು. ಅಲ್ಲದೇ ಮಾಧ್ಯಮಗಳಲ್ಲೂ ವರದಿ ಪ್ರಸಾರವಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
