ಒಂದೇ ವೇದಿಕೆಯಲ್ಲಿ ಅಮಿತಾಭ್–ರಜನಿ

ಪಣಜಿ: ಅಮಿತಾಭ್ ಬಚ್ಚನ್ ಅವರಿಂದ ಉದ್ಘಾಟನೆ, ‘ಐಕಾನ್ ಆಫ್ ಗೋಲ್ಡನ್ ಜುಬಿಲಿ ಪ್ರಶಸ್ತಿ’ ಪಡೆಯಲು ರಜನೀಕಾಂತ್ ಉಪಸ್ಥಿತಿ, ಕರಣ್ ಜೋಹರ್ ನಿರೂಪಣೆ, ಶಂಕರ್ ಮಹದೇವನ್ ಸಂಗೀತ... ಈ ಸಲದ ಗೋವಾ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದ ಉದ್ಘಾಟನಾ ಸಮಾರಂಭದ ಮುಖ್ಯಾಂಶ ಇದು.

. ಅಮಿತಾಭ್ ಬರುವರೋ ಬಾರದೇ ಇರುವರೋ ಎಂಬ ಅನುಮಾನದ ನಡುವೆಯೂ ನಿರೀಕ್ಷೆ ಉಳಿದಿದೆ.

. ಚಿತ್ರೋತ್ಸವಕ್ಕೀಗ ಸ್ವರ್ಣ ಸಂಭ್ರಮ. ಬುಧವಾರ ಗೋವಾ ವಿಶ್ವವಿದ್ಯಾಲಯದ ಒಳಾಂಗಣ ಕ್ರೀಡಾಂಗಣದಲ್ಲಿ ಉದ್ಘಾಟನಾ ಸಮಾರಂಭದ ಮೂಲಕ ಪರದೆ ಸರಿದ ಮೇಲೆ ರಸಿಕರಿಗೆ ಒಂಬತ್ತು ದಿನಗಳ ಕಾಲ (ನ. 28ರವರೆಗೆ) ತರಹೇವಾರಿ ಸಿನಿಮಾಗಳ ದರ್ಶನ.

. ‘ಡಿಸ್ಪೈಟ್ ದಿ ಫಾಗ್’ ಇಟಾಲಿಯನ್ ಚಿತ್ರ ಪ್ರದರ್ಶನದೊಂದಿಗೆ ಉತ್ಸವ ಪ್ರಾರಂಭವಾಗಲಿದೆ. 76 ದೇಶಗಳ 200 ಚಿತ್ರಗಳಲ್ಲಿ ಅಭಿರುಚಿಗೆ ತಕ್ಕಂಥದ್ದನ್ನು ನೋಡುಗರು ಆಯ್ಕೆ ಮಾಡಿಕೊಳ್ಳಬಹುದು.

. ಚೊಚ್ಚಲ ನಿರ್ದೇಶಕರಿಗೆಂದೇ ವಿಶೇಷ ಸ್ಪರ್ಧೆಯೊಂದು ಇದ್ದು, 7 ಚಿತ್ರಗಳು ಅದಕ್ಕಾಗಿ ಆಯ್ಕೆಯಾಗಿವೆ. ಅಭಿಷೇಕ್ ಶಾ ನಿರ್ದೇಶನದ, ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ‘ಹಿಲಾರೋ’ (ಗುಜರಾತಿ) ಹಾಗೂ ಮನು ಅಶೋಕನ್ ಅವರ ಮಲಯಾಳಂ ಸಿನಿಮಾ ‘ಉಯರೆ’ ಈ ಸ್ಪರ್ಧಾಕಣದಲ್ಲಿವೆ. ಭಾರತೀಯ ಪನೋರಮಾ ವಿಭಾಗ ದಲ್ಲಿ 26 ಚಲನಚಿತ್ರಗಳು ಹಾಗೂ 15 ಕಿರುಚಿತ್ರಗಳು ಪ್ರದರ್ಶನಗೊಳ್ಳಲಿವೆ. ದಯಾಳ್ ಪದ್ಮನಾಭನ್ ನಿರ್ದೇಶಿಸಿರುವ ‘ರಂಗನಾಯಕಿ’ ಈ ವಿಭಾಗದಲ್ಲಿ ಇರುವ ಕನ್ನಡದ ಏಕೈಕ ಸಿನಿಮಾ.

. ಅಂತರರಾಷ್ಟ್ರೀಯ ಸ್ಪರ್ಧೆಯಲ್ಲಿ 15 ಚಿತ್ರಗಳಿದ್ದು, ಲಿಜೊ ಜೋಸ್ ಪೆಲ್ಲಿಸ್ಸೆರಿ ನಿರ್ದೇಶನದ ಮಲಯಾಳಂ ಸಿನಿಮಾ ‘ಜಲ್ಲಿಕಟ್ಟು’ ಕೂಡ ರೇಸ್ನಲ್ಲಿದೆ. ‘ಮಾಯ್ ಘಾಟ್: ಕ್ರೈಮ್ ನಂ. 103/205’ ಮರಾಠಿ ಸಿನಿಮಾ ಸ್ಪರ್ಧಾಕಣದಲ್ಲಿರುವ ಭಾರತದ ಇನ್ನೊಂದು ಚಿತ್ರ. ಗೆಲ್ಲುವ ಚಿತ್ರಕ್ಕೆ ಸ್ವರ್ಣ ಮಯೂರ ಪ್ರಶಸ್ತಿ (₹ 40 ಲಕ್ಷ ಬಹುಮಾನದ ಸಹಿತ) ಸಲ್ಲಲಿದೆ.

. ಗಿರೀಶ ಕಾರ್ನಾಡರ ನೆನಪಿನಲ್ಲಿ ಅವರದ್ದೇ ನಿರ್ದೇಶನದ ‘ಕಾನೂರು ಹೆಗ್ಗಡಿತಿ’ ಚಿತ್ರ ಪ್ರದರ್ಶನವಿದೆ. ಇಟಲಿ ಯದ್ದೇ ‘ಮಾರ್ಗ್ ಅಂಡ್ ಹರ್ ಮದರ್’ ಸಿನಿಮಾ ಪ್ರದರ್ಶನದ ಮೂಲಕ ಚಿತ್ರೋತ್ಸವಕ್ಕೆ ತೆರೆ ಬೀಳಲಿದೆ.

. 2014ರಲ್ಲಿ ರಜನೀಕಾಂತ್ ಅವರಿಗೆ ಶತಮಾನದ ಶ್ರೇಷ್ಠ ನಟ ಗೌರವಕ್ಕೆ ಭಾರತ ಸರ್ಕಾರ ಆಯ್ಕೆ ಮಾಡಿತ್ತು. ಈಗ ಮತ್ತೊಂದು ಪ್ರತಿಷ್ಠಿತ ಪ್ರಶಸ್ತಿ ನೀಡುತ್ತಿರುವುದು ಚೆನ್ನೈನಲ್ಲಿ ಬಿಜೆಪಿ ಪ್ರಭಾವ ಬೀರಲು ಆರಿಸಿಕೊಂಡಿರುವ ರಾಜಕೀಯ ತಂತ್ರ ಎಂಬ ಆರೋಪವೂ ಕೇಳಿಬಂದಿದೆ.

. ಅದೇನೇ ಇರಲಿ, ಐನಾಕ್ಸ್ ಚಿತ್ರ ಮಂದಿರದ ಕಾಂಪ್ಲೆಕ್ಸ್ನ 4 ತೆರೆಗಳು, ಗೋವಾ ಮೆಡಿಕಲ್ ಕಾಲೇಜಿನ ಹಳೆಯ ಕಟ್ಟಡದ 2 ಚಿಕ್ಕ ಚಿತ್ರಮಂದಿರಗಳು ಹಾಗೂ ಕಲಾ ಅಕಾಡೆಮಿಯ ದೊಡ್ಡ ಥಿಯೇಟರ್ನಲ್ಲಿ ಚಿತ್ರಗಳನ್ನು ಕಣ್ತುಂಬಿಕೊಳ್ಳಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಒಂದೇ ವೇದಿಕೆಯಲ್ಲಿ ಅಮಿತಾಭ್–ರಜನಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು