<p><strong>ಚೆನ್ನೈ:</strong> ಕೆಜಿಎಫ್ ಚಾಪ್ಟರ್ 2 ಮತ್ತು ದಳಪತಿ ವಿಜಯ್ ಅಭಿನಯದ ಬೀಸ್ಟ್ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಪೈಪೋಟಿ ಒಡ್ಡಲಿವೆ ಎನ್ನುವ ಕುರಿತು ನಟ ಯಶ್ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಆಡಿದ ಮಾತುಗಳಿಗೆ ತಮಿಳು ಸಿನಿರಂಗದ ಯುವ ನಟ ಹರೀಶ್ ಕಲ್ಯಾಣ್ ಮೆಚ್ಚುಗೆ ಸೂಚಿಸಿದ್ದಾರೆ.</p>.<p>ಈ ಕುರಿತು ಟ್ವಿಟರ್ನಲ್ಲಿ ಯಶ್ ಮಾತನಾಡಿರುವ ಕ್ಲಿಪ್ ಅನ್ನು ಹಂಚಿಕೊಂಡಿದ್ದು, 'ಯಶ್ಗಾರು ಹೇಳಿರುವ ಮಾತು ಹೃದಯಸ್ಪರ್ಶಿ ಆಗಿದೆ. ಸೂಪರ್ ಸರ್, ತುಂಬಾ ಚೆನ್ನಾಗಿ ಹೇಳಿದಿರಿ. ಇದು ಬೀಸ್ಟ್ vs ಕೆಜಿಎಫ್ ಚಾಪ್ಟರ್ 2 ರ ವಿಚಾರ. ಎಲ್ಲೆಡೆ ಪ್ರೀತಿ ಮತ್ತು ಸಕಾರಾತ್ಮಕತೆಯನ್ನೇ ಹರಡೋಣ! ಅವರು ತಮ್ಮ ಹಿರಿಯ ನಟರನ್ನು ಗೌರವಿಸುವ ಪರಿಯೂ ನನಗೆ ಇಷ್ಟವಾಯಿತು' ಎಂದಿದ್ದಾರೆ.</p>.<p>ಭಾನುವಾರ ಬೆಂಗಳೂರಿನಲ್ಲಿ ಅದ್ದೂರಿಯಾಗಿ ನಡೆದ ಕೆಜಿಎಫ್ ಚಾಪ್ಟರ್ 2 ಚಿತ್ರದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ‘ಬೀಸ್ಟ್’ ಸಿನಿಮಾ ಕೂಡ ರಿಲೀಸ್ ಆಗುತ್ತಿದ್ದು, ಆ ಸಿನಿಮಾದೊಂದಿಗಿನ ಕ್ಲ್ಯಾಶ್ ಬಗ್ಗೆ ಪ್ರಶ್ನೆ ಎದುರಾಗಿದೆ. ಇದಕ್ಕೆ ಉತ್ತರಿಸಿದ ಯಶ್ ಅವರು, 'ಬೀಸ್ಟ್ ವರ್ಸಸ್ ಕೆಜಿಎಫ್ ಎಂದು ಹೇಳಬಾರದು. ಅದನ್ನು ಬೀಸ್ಟ್ ಮತ್ತು ಕೆಜಿಎಫ್ ಎನ್ನಬೇಕು. ಎರಡೂ ಕೂಡ ಭಾರತೀಯ ಸಿನಿಮಾಗಳು' ಎಂದಿದ್ದಾರೆ.</p>.<p>'ಇದು ಎಲೆಕ್ಷನ್ ಅಲ್ಲ. ಚುನಾವಣೆಯಲ್ಲಿ ಮಾತ್ರ ಯಾರಾದರೂ ಒಬ್ಬರಿಗೆ ಮಾತ್ರ ಮತ ಚಲಾಯಿಸಬಹುದು. ಮತ ಪಡೆಯಲು ಹೋರಾಟ ಮಾಡಬೇಕಾಗುತ್ತದೆ. ಒಬ್ಬರು ಗೆದ್ದರೆ, ಮತ್ತೊಬ್ಬರು ಸೋಲಬೇಕಾಗುತ್ತದೆ. ಇದು ಸಿನಿಮಾ. ನೀವು ಅವರ ಸಿನಿಮಾವನ್ನು ನೋಡಬಹುದು, ನನ್ನ ಸಿನಿಮಾವನ್ನೂ ನೋಡಬಹುದು' ಎಂದು ಯಶ್ ಹೇಳಿದ್ದಾರೆ.</p>.<p>'ನಮ್ಮದು ಪ್ಯಾನ್ ಇಂಡಿಯಾ ಸಿನಿಮಾ ಮತ್ತು ಸಿನಿಮಾ ಬಿಡುಗಡೆ ಬಗ್ಗೆ 8 ತಿಂಗಳ ಹಿಂದೆಯೇ ಘೋಷಿಸಿದ್ದೆವು. ಯಾವೆಲ್ಲ ಸಿನಿಮಾಗಳು ಆಗ ಬಿಡುಗಡೆಯಾಗಬಹುದೆಂದು ನಮಗೆ ತಿಳಿದಿರಲಿಲ್ಲ. ವಿಜಯ್ ಸರ್ ಅಭಿಮಾನಿಗಳಿಗೂ ಕೂಡ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಖಂಡಿತವಾಗಿಯೂ ಇಷ್ಟವಾಗುತ್ತದೆ. ಎರಡೂ ಸಿನಿಮಾಗಳನ್ನೂ ಎಲ್ಲರೂ ನೋಡಲಿ. ನಾನು ಬೀಸ್ಟ್ ಸಿನಿಮಾವನ್ನು ನೋಡುತ್ತೇನೆ. ಎಲ್ಲರೂ ಒಟ್ಟಿಗೆ ಸಂಭ್ರಮಿಸೋಣ' ಎಂದಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ:</strong> ಕೆಜಿಎಫ್ ಚಾಪ್ಟರ್ 2 ಮತ್ತು ದಳಪತಿ ವಿಜಯ್ ಅಭಿನಯದ ಬೀಸ್ಟ್ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಪೈಪೋಟಿ ಒಡ್ಡಲಿವೆ ಎನ್ನುವ ಕುರಿತು ನಟ ಯಶ್ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಆಡಿದ ಮಾತುಗಳಿಗೆ ತಮಿಳು ಸಿನಿರಂಗದ ಯುವ ನಟ ಹರೀಶ್ ಕಲ್ಯಾಣ್ ಮೆಚ್ಚುಗೆ ಸೂಚಿಸಿದ್ದಾರೆ.</p>.<p>ಈ ಕುರಿತು ಟ್ವಿಟರ್ನಲ್ಲಿ ಯಶ್ ಮಾತನಾಡಿರುವ ಕ್ಲಿಪ್ ಅನ್ನು ಹಂಚಿಕೊಂಡಿದ್ದು, 'ಯಶ್ಗಾರು ಹೇಳಿರುವ ಮಾತು ಹೃದಯಸ್ಪರ್ಶಿ ಆಗಿದೆ. ಸೂಪರ್ ಸರ್, ತುಂಬಾ ಚೆನ್ನಾಗಿ ಹೇಳಿದಿರಿ. ಇದು ಬೀಸ್ಟ್ vs ಕೆಜಿಎಫ್ ಚಾಪ್ಟರ್ 2 ರ ವಿಚಾರ. ಎಲ್ಲೆಡೆ ಪ್ರೀತಿ ಮತ್ತು ಸಕಾರಾತ್ಮಕತೆಯನ್ನೇ ಹರಡೋಣ! ಅವರು ತಮ್ಮ ಹಿರಿಯ ನಟರನ್ನು ಗೌರವಿಸುವ ಪರಿಯೂ ನನಗೆ ಇಷ್ಟವಾಯಿತು' ಎಂದಿದ್ದಾರೆ.</p>.<p>ಭಾನುವಾರ ಬೆಂಗಳೂರಿನಲ್ಲಿ ಅದ್ದೂರಿಯಾಗಿ ನಡೆದ ಕೆಜಿಎಫ್ ಚಾಪ್ಟರ್ 2 ಚಿತ್ರದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ‘ಬೀಸ್ಟ್’ ಸಿನಿಮಾ ಕೂಡ ರಿಲೀಸ್ ಆಗುತ್ತಿದ್ದು, ಆ ಸಿನಿಮಾದೊಂದಿಗಿನ ಕ್ಲ್ಯಾಶ್ ಬಗ್ಗೆ ಪ್ರಶ್ನೆ ಎದುರಾಗಿದೆ. ಇದಕ್ಕೆ ಉತ್ತರಿಸಿದ ಯಶ್ ಅವರು, 'ಬೀಸ್ಟ್ ವರ್ಸಸ್ ಕೆಜಿಎಫ್ ಎಂದು ಹೇಳಬಾರದು. ಅದನ್ನು ಬೀಸ್ಟ್ ಮತ್ತು ಕೆಜಿಎಫ್ ಎನ್ನಬೇಕು. ಎರಡೂ ಕೂಡ ಭಾರತೀಯ ಸಿನಿಮಾಗಳು' ಎಂದಿದ್ದಾರೆ.</p>.<p>'ಇದು ಎಲೆಕ್ಷನ್ ಅಲ್ಲ. ಚುನಾವಣೆಯಲ್ಲಿ ಮಾತ್ರ ಯಾರಾದರೂ ಒಬ್ಬರಿಗೆ ಮಾತ್ರ ಮತ ಚಲಾಯಿಸಬಹುದು. ಮತ ಪಡೆಯಲು ಹೋರಾಟ ಮಾಡಬೇಕಾಗುತ್ತದೆ. ಒಬ್ಬರು ಗೆದ್ದರೆ, ಮತ್ತೊಬ್ಬರು ಸೋಲಬೇಕಾಗುತ್ತದೆ. ಇದು ಸಿನಿಮಾ. ನೀವು ಅವರ ಸಿನಿಮಾವನ್ನು ನೋಡಬಹುದು, ನನ್ನ ಸಿನಿಮಾವನ್ನೂ ನೋಡಬಹುದು' ಎಂದು ಯಶ್ ಹೇಳಿದ್ದಾರೆ.</p>.<p>'ನಮ್ಮದು ಪ್ಯಾನ್ ಇಂಡಿಯಾ ಸಿನಿಮಾ ಮತ್ತು ಸಿನಿಮಾ ಬಿಡುಗಡೆ ಬಗ್ಗೆ 8 ತಿಂಗಳ ಹಿಂದೆಯೇ ಘೋಷಿಸಿದ್ದೆವು. ಯಾವೆಲ್ಲ ಸಿನಿಮಾಗಳು ಆಗ ಬಿಡುಗಡೆಯಾಗಬಹುದೆಂದು ನಮಗೆ ತಿಳಿದಿರಲಿಲ್ಲ. ವಿಜಯ್ ಸರ್ ಅಭಿಮಾನಿಗಳಿಗೂ ಕೂಡ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಖಂಡಿತವಾಗಿಯೂ ಇಷ್ಟವಾಗುತ್ತದೆ. ಎರಡೂ ಸಿನಿಮಾಗಳನ್ನೂ ಎಲ್ಲರೂ ನೋಡಲಿ. ನಾನು ಬೀಸ್ಟ್ ಸಿನಿಮಾವನ್ನು ನೋಡುತ್ತೇನೆ. ಎಲ್ಲರೂ ಒಟ್ಟಿಗೆ ಸಂಭ್ರಮಿಸೋಣ' ಎಂದಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
