ಜೇಮ್ಸ್ ಬಾಂಡ್‌ ಪಾತ್ರದ ಬಗ್ಗೆ ಭಾವನಾತ್ಮಕವಾಗಿ ಮಾತನಾಡಿದ ನಟ ಡೇನಿಯಲ್ ಕ್ರೇಗ್

ಬೆಂಗಳೂರು : ಜೇಮ್ಸ್ ಬಾಂಡ್ ಪಾತ್ರದ ಮೂಲಕ ಸಿನಿಜಗತ್ತಿನಲ್ಲಿ ಜನಪ್ರಿಯವಾಗಿರುವ ನಟ ಡೇನಿಯಲ್ ಕ್ರೇಗ್ ಅವರು ಜೇಮ್ಸ್ ಬಾಂಡ್ 007 ಪಾತ್ರದಿಂದ ನಿವೃತ್ತಿಯಾಗುತ್ತೇನೆ ಎಂದು ಕಳೆದ ವರ್ಷ ಘೋಷಿಸಿದ್ದರು.

. ಸದ್ಯ ನಿರ್ಮಾಣವಾಗುತ್ತಿರುವ ‘ನೋ ಟೈಮ್ ಟು ಡೈ‘ ಜೇಮ್ಸ್ ಬಾಂಡ್ ಸಿನಿಮಾದ ನಂತರ ಅವರು ಆ ಪಾತ್ರಕ್ಕೆ ವಿದಾಯ ಹೇಳಲಿದ್ದಾರೆ.

. ಜಗತ್ತಿನಾದ್ಯಂತ ಜೇಮ್ಸ್ ಬಾಂಡ್ ಪಾತ್ರದ ಮೂಲಕವೇ ಜನಪ್ರಿಯರಾಗಿರುವ ಡೇನಿಯಲ್ ಕ್ರೇಗ್ ಅವರು ಕಾರ್ಯಕ್ರಮವೊಂದರಲ್ಲಿ ಆ ಪಾತ್ರದ ಬಗ್ಗೆ ಭಾವನಾತ್ಮಕವಾಗಿ ಮಾತನಾಡಿದ್ದಾರೆ.

. ‘ಜೇಮ್ಸ್ ಬಾಂಡ್ ಪಾತ್ರ ನನ್ನ ಜೀವನದಲ್ಲಿ ನನಗೆ ಎಲ್ಲವೂ. ಅದು ನನಗೆ ತುಂಬಾ ಭಾವನಾತ್ಮಕವಾದದ್ದು‘ ಎಂದು ಅವರು ಹೇಳಿದ್ದಾರೆ.

. ‘ಬಾಂಡ್ ಸಿನಿಮಾಗಳು ಪದೇ ಪದೇ ಆಗುವುದಿಲ್ಲ. ಆದ್ದರಿಂದ ಈ ಅವಕಾಶವು ನನ್ನ ವೃತ್ತಿಜೀವನದ ದೊಡ್ಡ ವಿಷಯವಾಗಿದೆ, ಹೀಗಾಗಿ ಇದು ನನಗೆ ತುಂಬಾ ಭಾವನಾತ್ಮಕವಾಗಿದೆ. ನಾನು ಆ ಪಾತ್ರದಿಂದ ನಿರ್ಗಮಿಸುತ್ತಿರುವುದಕ್ಕೆ ಸಂತೃಪ್ತಿ ಇದೆ. ಅದನ್ನು ಮಾಡಲು ನನಗೆ ಅವಕಾಶ ನೀಡಿದ ನಿರ್ಮಾಪಕರಿಗೆ ನಾನು ಆಭಾರಿಯಾಗಿದ್ದೇನೆ. ಆದರೆ, ನಾನು ಖಂಡಿತ ಅದನ್ನು ‘ಮಿಸ್‘ ಮಾಡಿಕೊಳ್ಳುತ್ತೇನೆ‘ ಎಂದು ಹೇಳಿದ್ದಾರೆ.

. ‘ಮುಂದೆ ಹೊಸ ನಟ ಜೇಮ್ಸ್ ಬಾಂಡ್ ಪಾತ್ರಕ್ಕೆ ಬಣ್ಣ ಹಚ್ಚಿದಾಗ ನಾನು ನಂಬಲಾಗದಷ್ಟು ಹೊಟ್ಟೆ ಕಿಚ್ಚು ಪಡುತ್ತೇನೆ‘ ಎಂದು ಹಾಸ್ಯಭರಿತವಾಗಿ ಡೇನಿಯಲ್ ಕ್ರೇಗ್ ಹೇಳಿದ್ದಾರೆ.

. ಡೇನಿಯಲ್ ಕ್ರೇಗ್ ಅವರಿಗೆ ಇತ್ತೀಚೆಗೆ ಬ್ರಿಟನ್ ಸರ್ಕಾರ ಅತ್ಯುನ್ನತ ‘ಆನರರಿ ಕಮಾಂಡರ್‘ ಪದವಿ ನೀಡಿ ಗೌರವಿಸಿದೆ.

. 1953 ರಲ್ಲಿ ಬ್ರಿಟಿಷ್ ಪತ್ರಕರ್ತ ಹಾಗೂ ಕಾದಂಬರಿಕಾರ ಲ್ಯಾನ್ ಫ್ಲೆಮಿಂಗ್ ಅವರು ಸೃಷ್ಟಿಸಿದ ಕಾಲ್ಪನಿಕ ಗೂಡಚರ್ಯೆ ಪಾತ್ರವೇ ಜೇಮ್ಸ್ ಬಾಂಡ್ 007. ಗೂಢಚರ್ಯೆ ಜಗತ್ತಿನ ಬೆರುಗು ಹುಟ್ಟಿಸುವ ಕಥೆಗಳನ್ನು ಈ ಸರಣಿಯ ಸಿನಿಮಾಗಳು ಹೊಂದಿರುತ್ತಿದ್ದವು. ಒಟ್ಟು ಇಲ್ಲಿಯವರೆಗೆ 24 ಜೇಮ್ಸ್ ಬಾಂಡ್ ಸರಣಿಯ ಸಿನಿಮಾಗಳು ತರೆಗೆ ಬಂದಿವೆ.

. ಇತ್ತೀಚೆಗೆ ಜೇಮ್ಸ್ ಬಾಂಡ್ ಸರಣಿಯ ಸ್ಪೆಕ್ಟರ್ 2015 ರಲ್ಲಿ ಬಿಡುಗಡೆಯಾಗಿತ್ತು. ಇದೀಗ ಡೇನಿಯಲ್ ಕ್ರೇಗ್ ಅಭಿನಯದ ‘ನೋ ಟೈಮ್ ಟು ಡೈ‘ ಸಿನಿಮಾ ನಿರ್ಮಾಣವಾಗುತ್ತಿದೆ. ಇದು ಈಗಾಗಲೇ ಬಿಡುಗಡೆಯಾಗಬೇಕಿತ್ತು. ಆದರೆ, ಕೊರೊನಾ ಲಾಕ್ಡೌನ್ಗಳ ಕಾರಣ ವಿಳಂಬವಾಗಿದೆ.

. ಇದನ್ನೂ ಓದಿ: ಗಾನ ಗಂಧರ್ವನ ಮೊದಲ ವರ್ಷದ ಪುಣ್ಯತಿಥಿ: ಅಭಿಮಾನಿಗಳಿಂದ ಬಾಲಸುಬ್ರಹ್ಮಣ್ಯಂ ಸ್ಮರಣೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜೇಮ್ಸ್ ಬಾಂಡ್‌ ಪಾತ್ರದ ಬಗ್ಗೆ ಭಾವನಾತ್ಮಕವಾಗಿ ಮಾತನಾಡಿದ ನಟ ಡೇನಿಯಲ್ ಕ್ರೇಗ್

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ಹಾಸನ: ಹಣ ಹಾಕುವ ಯಂತ್ರದಲ್ಲಿ ₹39,500 ಕಳೆದುಕೊಂಡ ವ್ಯಕ್ತಿ

ಬಿಜೆಪಿ ವಿರುದ್ಧ CM ಸಿದ್ದರಾಮಯ್ಯ ಮಾಡಿರುವ ಆರೋಪದಲ್ಲಿ ಹುರುಳಿದೆ: ಸಂತೋಷ್ ಲಾಡ್

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ಹಾಸನ: ಹಣ ಹಾಕುವ ಯಂತ್ರದಲ್ಲಿ ₹39,500 ಕಳೆದುಕೊಂಡ ವ್ಯಕ್ತಿ

ಬಿಜೆಪಿ ವಿರುದ್ಧ CM ಸಿದ್ದರಾಮಯ್ಯ ಮಾಡಿರುವ ಆರೋಪದಲ್ಲಿ ಹುರುಳಿದೆ: ಸಂತೋಷ್ ಲಾಡ್