<p>ದಕ್ಷಿಣ ಭಾರತದ ಬಹುಮುಖ ಪ್ರತಿಭೆಯ ನಟ ಕಮಲ್ ಹಾಸನ್ ಚಿತ್ರರಂಗದಲ್ಲಿ 60 ವರ್ಷ ಪೂರೈಸಿದ್ದಾರೆ! ನಟನೊಬ್ಬ ಚಿತ್ರರಂಗದಲ್ಲಿ 60 ವರ್ಷ ಪೂರೈಸುವುದು ಕಡಿಮೆ ಸಾಧನೆಯಲ್ಲ.</p>.<p>1959ರಲ್ಲಿ ಬಿಡುಗಡೆಯಾದ ‘ಕಲತ್ತೂರ್ ಕಣ್ಣಮ್ಮ’ ತಮಿಳು ಚಿತ್ರದ ಮೂಲಕ ಬಾಲನಟನಾಗಿ ಬಣ್ಣದ ಬದುಕಿಗೆ ಅಡಿ ಇಟ್ಟ ಕಮಲ್ ನಂತರ ಹಿಂದಿರುಗಿ ನೋಡಲಿಲ್ಲ. ಆ ನಂಟಿಗೆ ಈಗ 60 ವರ್ಷ.</p>.<p>ಆ ಚಿತ್ರ ತೆರೆಕಂಡು ಆಗಸ್ಟ್ 12ಕ್ಕೆ ಸರಿಯಾಗಿ 60 ವರ್ಷವಾಯಿತು.ಕಮಲ್ ವೃತ್ತಿ ಬದುಕಿಗೆ ನಾಂದಿ ಹಾಡಿದ ಈ ಚಿತ್ರದಲ್ಲಿ ಅಭಿನಯಕ್ಕಾಗಿ ಉತ್ತಮ ಬಾಲನಟ ರಾಷ್ಟ್ರೀಯ ಪ್ರಶಸ್ತಿ ದೊರೆತಿತ್ತು.ಆಗಿನ್ನೂ ಅವರಿಗೆ ನಾಲ್ಕು ವರ್ಷ. ಜೇಮಿನಿ ಗಣೇಶನ್, ಸಾವಿತ್ರಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು.</p>.<p>ಕಮಲ್ ಹಾಸನ್ ಭಾರತೀಯ ಚಿತ್ರರಂಗ ಕಂಡ ಅದ್ಭುತ ಕಲಾವಿದ. ಹಲವು ಪ್ರತಿಭೆಗಳ ಸಂಗಮ. ಅಮೋಘ ಸಾಧನೆಯನ್ನು ಮೆಲುಕು ಹಾಕಲು ಅವರ ಅಭಿಮಾನಿಗಳುwww.ikamalhaasan.com ತೆರೆದಿದ್ದಾರೆ. ಕಮಲ್ ಬಣ್ಣದ ಬದುಕಿನ ಮಹತ್ವದ ಘಟನೆಗಳನ್ನು ನೆನಪಿಸುವ ಚಿತ್ರ, ವಿಡಿಯೊಗಳು ಈ ವೆಬ್ಸೈಟ್ನಲ್ಲಿವೆ.</p>.<p>ಚಿತ್ರರಂಗದಲ್ಲಿ ಆರು ದಶಕ ಕಳೆದ ಕಮಲ್ 150 ಚಿತ್ರಗಳಲ್ಲಿ ನಟಿಸಿದ್ದಾರೆ. ಹಲವು ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಚಿತ್ರಕತೆ,ಸಾಹಿತ್ಯ, ಹಾಡು ಬರೆದಿದ್ದಾರೆ. ಕಾಲಿವುಡ್ ಜನರು ಪ್ರೀತಿಯಿಂದ ಅವರನ್ನು‘ಉಳಗನಾಯಗನ್’ ಎಂದು ಕರೆದಿದೆ.</p>.<p>ಅಪೂರ್ವ್ ರಾಗಂಗಳ್, ಮೂಂದ್ರಮ್ ಪಿರಾಯ್ (ಸದ್ಮಾ), ಸಾಗರ ಸಂಗಮಂ, ನಾಯಗನ್, ಏಕ್ ದೂಜೆ ಕೇಲಿಯೆ, ಪುಷ್ಪಕ ವಿಮಾನ, ಅಪೂರ್ವ್ ಸಹೋದರಗಳ್, ಥೇವರ್ ಮಗನ್, ಸ್ವಾತಿಮುತ್ತ್ಯಂ, ಗುಣ, ನಾಯಗನ್, ಹೇ ರಾಮ್, ಇಂಡಿಯನ್, ದಶಾವತಾರಂ, ವಿಶ್ವರೂಪಂ ಮುಂತಾದವು ಬಹುಕಾಲ ನೆನಪಿನಲ್ಲಿ ಉಳಿಯುತ್ತವೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದಕ್ಷಿಣ ಭಾರತದ ಬಹುಮುಖ ಪ್ರತಿಭೆಯ ನಟ ಕಮಲ್ ಹಾಸನ್ ಚಿತ್ರರಂಗದಲ್ಲಿ 60 ವರ್ಷ ಪೂರೈಸಿದ್ದಾರೆ! ನಟನೊಬ್ಬ ಚಿತ್ರರಂಗದಲ್ಲಿ 60 ವರ್ಷ ಪೂರೈಸುವುದು ಕಡಿಮೆ ಸಾಧನೆಯಲ್ಲ.</p>.<p>1959ರಲ್ಲಿ ಬಿಡುಗಡೆಯಾದ ‘ಕಲತ್ತೂರ್ ಕಣ್ಣಮ್ಮ’ ತಮಿಳು ಚಿತ್ರದ ಮೂಲಕ ಬಾಲನಟನಾಗಿ ಬಣ್ಣದ ಬದುಕಿಗೆ ಅಡಿ ಇಟ್ಟ ಕಮಲ್ ನಂತರ ಹಿಂದಿರುಗಿ ನೋಡಲಿಲ್ಲ. ಆ ನಂಟಿಗೆ ಈಗ 60 ವರ್ಷ.</p>.<p>ಆ ಚಿತ್ರ ತೆರೆಕಂಡು ಆಗಸ್ಟ್ 12ಕ್ಕೆ ಸರಿಯಾಗಿ 60 ವರ್ಷವಾಯಿತು.ಕಮಲ್ ವೃತ್ತಿ ಬದುಕಿಗೆ ನಾಂದಿ ಹಾಡಿದ ಈ ಚಿತ್ರದಲ್ಲಿ ಅಭಿನಯಕ್ಕಾಗಿ ಉತ್ತಮ ಬಾಲನಟ ರಾಷ್ಟ್ರೀಯ ಪ್ರಶಸ್ತಿ ದೊರೆತಿತ್ತು.ಆಗಿನ್ನೂ ಅವರಿಗೆ ನಾಲ್ಕು ವರ್ಷ. ಜೇಮಿನಿ ಗಣೇಶನ್, ಸಾವಿತ್ರಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು.</p>.<p>ಕಮಲ್ ಹಾಸನ್ ಭಾರತೀಯ ಚಿತ್ರರಂಗ ಕಂಡ ಅದ್ಭುತ ಕಲಾವಿದ. ಹಲವು ಪ್ರತಿಭೆಗಳ ಸಂಗಮ. ಅಮೋಘ ಸಾಧನೆಯನ್ನು ಮೆಲುಕು ಹಾಕಲು ಅವರ ಅಭಿಮಾನಿಗಳುwww.ikamalhaasan.com ತೆರೆದಿದ್ದಾರೆ. ಕಮಲ್ ಬಣ್ಣದ ಬದುಕಿನ ಮಹತ್ವದ ಘಟನೆಗಳನ್ನು ನೆನಪಿಸುವ ಚಿತ್ರ, ವಿಡಿಯೊಗಳು ಈ ವೆಬ್ಸೈಟ್ನಲ್ಲಿವೆ.</p>.<p>ಚಿತ್ರರಂಗದಲ್ಲಿ ಆರು ದಶಕ ಕಳೆದ ಕಮಲ್ 150 ಚಿತ್ರಗಳಲ್ಲಿ ನಟಿಸಿದ್ದಾರೆ. ಹಲವು ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ. ಚಿತ್ರಕತೆ,ಸಾಹಿತ್ಯ, ಹಾಡು ಬರೆದಿದ್ದಾರೆ. ಕಾಲಿವುಡ್ ಜನರು ಪ್ರೀತಿಯಿಂದ ಅವರನ್ನು‘ಉಳಗನಾಯಗನ್’ ಎಂದು ಕರೆದಿದೆ.</p>.<p>ಅಪೂರ್ವ್ ರಾಗಂಗಳ್, ಮೂಂದ್ರಮ್ ಪಿರಾಯ್ (ಸದ್ಮಾ), ಸಾಗರ ಸಂಗಮಂ, ನಾಯಗನ್, ಏಕ್ ದೂಜೆ ಕೇಲಿಯೆ, ಪುಷ್ಪಕ ವಿಮಾನ, ಅಪೂರ್ವ್ ಸಹೋದರಗಳ್, ಥೇವರ್ ಮಗನ್, ಸ್ವಾತಿಮುತ್ತ್ಯಂ, ಗುಣ, ನಾಯಗನ್, ಹೇ ರಾಮ್, ಇಂಡಿಯನ್, ದಶಾವತಾರಂ, ವಿಶ್ವರೂಪಂ ಮುಂತಾದವು ಬಹುಕಾಲ ನೆನಪಿನಲ್ಲಿ ಉಳಿಯುತ್ತವೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
