<p>ತಮಿಳು ಚಿತ್ರರಂಗದಲ್ಲಿ ಹಿಂದಿನಿಂದಲೂ ಹಾರರ್ ಸಿನಿಮಾಗಳು ಸಾಕಷ್ಟು ನಿರ್ಮಾಣವಾಗಿದ್ದರೂ ಈಚೆಗೆ ಅದು ಟ್ರೆಂಡ್ ಆಗಿ ಬದಲಾಗಿದೆ. ಸ್ಟಾರ್ ನಟರಿಂದ ಹಿಡಿದು ಪೋಷಕ ಪಾತ್ರಗಳಲ್ಲಿ ಮಿಂಚುತ್ತಿರುವ ಕಲಾವಿದರು ಕೂಡ ಅಭಿನಯಿಸಿರುವ ಇಂತಹ ಸಿನಿಮಾಗಳು ತಮಿಳು ಪ್ರೇಕ್ಷಕರನ್ನು ಮೋಡಿ ಮಾಡುವಲ್ಲಿ ಯಶಸ್ವಿಯಾಗಿವೆ.</p>.<p>ಭರ್ಜರಿ ಕಲೆಕ್ಷನ್ ಹಾಗೂ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುವುದರಿಂದಲೇ ಈ ತರದ ಸಿನಿಮಾಗಳ ಸೀಕ್ವೆಲ್ಗಳು ಈಗ ಒಂದರ ಹಿಂದೆ ಒಂದರಂತೆ ತಮಿಳಿನಲ್ಲಿ ನಿರ್ಮಾಣವಾಗುತ್ತಿವೆ. ಈ ವರ್ಷ ಈಗಾಗಲೇ ಇಂತಹ ಹಲವು ಸಿನಿಮಾಗಳು ತೆರೆಕಂಡಿದ್ದು, ಇನ್ನಷ್ಟು ಸಿನಿಮಾಗಳು ನಿರ್ಮಾಣ ಹಂತದಲ್ಲಿರುವುದು ಹೊಸ ಸುದ್ದಿ.</p>.<p>ಸದ್ಯ ಪ್ರದರ್ಶನಗೊಳ್ಳುತ್ತಿರುವ ರಾಘವ ಲಾರೆನ್ಸ್ ನಿರ್ದೇಶನದ ‘ಕಾಂಚನ- 3’ ಕೂಡ ಇದೇ ಸಾಲಿಗೆ ಸೇರುವ ಸಿನಿಮಾ. ಇದು 2007ರಲ್ಲಿ ಬಿಡುಗಡೆಗೊಂಡಿದ್ದ ‘ಮುನಿ’ ಸಿನಿಮಾದ ಸೀಕ್ವೆಲ್. ಈ ಸರಣಿಯ ಎಲ್ಲಾ ಸಿನಿಮಾಗಳನ್ನು ನಿರ್ದೇಶಿಸಿರುವ ರಾಘವ್ ಲಾರೆನ್ಸ್ ಅವರೇ ಪ್ರಮುಖ ಪಾತ್ರದಲ್ಲೂ ನಟಿಸಿರುವುದು ವಿಶೇಷ.</p>.<p>‘ಮುನಿ’ ಸಿನಿಮಾದ ಯಶಸ್ಸಿನಿಂದ ಪ್ರೇರಣೆಗೊಂಡ ರಾಘವ್ 2011ರಲ್ಲಿ ‘ಮುನಿ 2’ ಸಿನಿಮಾ ನಿರ್ಮಿಸಿದ್ದರು. ಈ ಸಿನಿಮಾಕ್ಕೆ ‘ಕಾಂಚನ’ ಎಂದೂ ಹೆಸರಿಟ್ಟಿದ್ದರು. ಇದಕ್ಕೂ ಪ್ರೇಕ್ಷಕರಿಂದ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಇದೇ ಕಾರಣಕ್ಕೆ 2015ರಲ್ಲಿ ‘ಕಾಂಚನ 2’ ನಿರ್ಮಿಸಿದ್ದರು. ಇದೀಗ ತೆರೆಕಂಡಿರುವ ‘ಕಾಂಚನ- 3’ ಸಿನಿಮಾ ‘ಮುನಿ’ ಸರಣಿಯ ನಾಲ್ಕನೇ ಚಿತ್ರ. ಕಾಂಚನ ಸಿನಿಮಾ ‘ಕಲ್ಪನ’ ಹೆಸರಿನಲ್ಲಿ ಕನ್ನಡಕ್ಕೂ ರಿಮೇಕ್ ಆಗಿತ್ತು.</p>.<p>2005ರಲ್ಲಿ ಪಿ. ವಾಸು ನಿರ್ದೇಶನದಲ್ಲಿ ಮೂಡಿಬಂದಿದ್ದ ‘ಚಂದ್ರಮುಖಿ’ ಸಿನಿಮಾ ಕಾಲಿವುಡ್ನ ಹಾರರ್ ಸಿನಿಮಾಗಳಿಗೊಂದು ಮೈಲುಗಲ್ಲು. ರಜನಿಕಾಂತ್, ಪ್ರಭು, ಜ್ಯೋತಿಕಾ, ನಯನ ತಾರಾ ಮೊದಲಾದ ಸ್ಟಾರ್ ನಟ, ನಟಿಯರ ದಂಡೇ ಈ ಸಿನಿಮಾದಲ್ಲಿತ್ತು. ಈ ಕಾರಣಕ್ಕೆ ಭರ್ಜರಿ ಯಶಸ್ಸು ಕಂಡಿತ್ತು. ಇದೇ ಸಿನಿಮಾ ‘ಆಪ್ತಮಿತ್ರ’ ಹೆಸರಿನಲ್ಲಿ ಕನ್ನಡದಲ್ಲಿ<br />ನಿರ್ಮಾಣಗೊಂಡಿತ್ತು. ಪಿ. ವಾಸು ಅವರೇ ಇದನ್ನೂ ನಿರ್ದೇಶಿಸಿದ್ದರು. ಇದಕ್ಕೆ ಪ್ರೇರಣೆ 1993ರಲ್ಲಿ ಫಾಜಿಲ್ ನಿರ್ದೇಶನದಲ್ಲಿ ಮೂಡಿಬಂದಿದ್ದ ಮಲಯಾಳದ ‘ಮಣಿಚಿತ್ರತಾಳ್’ ಚಿತ್ರ. ಮೋಹನ್ ಲಾಲ್, ಶೋಭನಾ, ಸುರೇಶ್ಗೋಪಿ ತಾರಾಗಣದ ಈ ಚಿತ್ರ ಮಾಲಿವುಡ್ನಲ್ಲಿ ಆಗ ದೊಡ್ಡ ಸದ್ದು ಮಾಡಿತ್ತು.</p>.<p>‘ಚಂದ್ರಮುಖಿ’ ಸಿನಿಮಾದ ಬಳಿಕ ತಮಿಳಿನಲ್ಲಿ ಹಾರರ್ ಸಿನಿಮಾಗಳ ಪರ್ವಕಾಲ ಆರಂಭವಾಯಿತು ಎನ್ನಬಹುದು. ‘ಮುನಿ’ ಸೇರಿದಂತೆ ಹಲವು ಸಿನಿಮಾಗಳು ಆ ನಂತರ ನಿರ್ಮಾಣಗೊಂಡವು. 2012ರಲ್ಲಿ ಬಿಡುಗಡೆಗೊಂಡಿದ್ದ ‘ಪಿಜ್ಜಾ‘ ಸಿನಿಮಾ ಕೂಡ ಯಶಸ್ಸು ಕಂಡಿತ್ತು. ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದ ಈ ಸಿನಿಮಾದಲ್ಲಿ ವಿಜಯ್ ಸೇತುಪತಿ ಮುಖ್ಯಪಾತ್ರದಲ್ಲಿ ಅಭಿನಯಿಸಿದ್ದರು.</p>.<p>2014ರಲ್ಲಿ ಸುಂದರ್ ಸಿ. ನಿರ್ದೇಶನದಲ್ಲಿ ಮೂಡಿಬಂದಿದ್ದ ‘ಅರನ್ಮನೈ’ ಸಿನಿಮಾ ಗಲ್ಲಾಪೆಟ್ಟಿಗೆಯಲ್ಲಿ ಭರ್ಜರಿ ಗಳಿಗೆ ಮಾಡಿತ್ತು. ಹನ್ಸಿಕಾ ಮೋಟ್ವಾನಿ, ಆ್ಯಂಡ್ರಿಯಾ ಇದರಲ್ಲಿ ನಟಿಸಿದ್ದರು.</p>.<p>2018ರಲ್ಲಿ ಬಿಡುಗಡೆಗೊಂಡಿದ್ದ ತ್ರಿಷಾ ಅಭಿನಯದ ‘ಮೋಹಿನಿ’ ಸಿನಿಮಾದ ಯಶಸ್ಸು ಕೂಡ ಕಾಲಿವುಡ್ನಲ್ಲಿ ಈ ರೀತಿಯ ಸಿನಿಮಾ ನಿರ್ಮಿಸುವವರಿಗೆ ಸ್ಫೂರ್ತಿಯಾಯಿತು. ಆನಂತರ ಬಿಡುಗಡೆಯಾದ ಸರ್ಜುನ್ ಕೆ.ಎಂ. ನಿರ್ದೇಶನದ ‘ಐರಾ’, ವದಿವುದೆಯನ್ ನಿರ್ದೇಶನದ ‘ಪೊಟ್ಟು’ ಸಿನಿಮಾಗಳಿಗೂ ಪ್ರೇಕ್ಷಕರಿಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತ್ತು.</p>.<p>ರಾಜು ವಿಶ್ವನಾಥ್ ನಿರ್ದೇಶನದ ‘ಲಿಸಾ’, ದಿಲ್ಸತ್ಯ ನಿರ್ದೇಶನದ ‘ಮಾಳಿಗೈ’ ಸಿನಿಮಾಗಳು ನಿರ್ಮಾಣ ಹಂತದಲ್ಲಿವೆ. ‘ಮಾಳಿಗೈ’ನಲ್ಲಿ ಆ್ಯಂಡ್ರಿಯಾ ಅವರದು ಪ್ರಮುಖ ಪಾತ್ರ. 2017ರಲ್ಲಿ ಬಿಡುಗಡೆಗೊಂಡಿದ್ದ ಆಂಡ್ರಿಯಾ ನಟನೆಯ ‘ಅವಳ್’ ಸಿನಿಮಾ ಹಿಟ್ ಆಗಿರುವುದು ಇಲ್ಲಿ ಗಮನಾರ್ಹ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ತಮಿಳು ಚಿತ್ರರಂಗದಲ್ಲಿ ಹಿಂದಿನಿಂದಲೂ ಹಾರರ್ ಸಿನಿಮಾಗಳು ಸಾಕಷ್ಟು ನಿರ್ಮಾಣವಾಗಿದ್ದರೂ ಈಚೆಗೆ ಅದು ಟ್ರೆಂಡ್ ಆಗಿ ಬದಲಾಗಿದೆ. ಸ್ಟಾರ್ ನಟರಿಂದ ಹಿಡಿದು ಪೋಷಕ ಪಾತ್ರಗಳಲ್ಲಿ ಮಿಂಚುತ್ತಿರುವ ಕಲಾವಿದರು ಕೂಡ ಅಭಿನಯಿಸಿರುವ ಇಂತಹ ಸಿನಿಮಾಗಳು ತಮಿಳು ಪ್ರೇಕ್ಷಕರನ್ನು ಮೋಡಿ ಮಾಡುವಲ್ಲಿ ಯಶಸ್ವಿಯಾಗಿವೆ.</p>.<p>ಭರ್ಜರಿ ಕಲೆಕ್ಷನ್ ಹಾಗೂ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುವುದರಿಂದಲೇ ಈ ತರದ ಸಿನಿಮಾಗಳ ಸೀಕ್ವೆಲ್ಗಳು ಈಗ ಒಂದರ ಹಿಂದೆ ಒಂದರಂತೆ ತಮಿಳಿನಲ್ಲಿ ನಿರ್ಮಾಣವಾಗುತ್ತಿವೆ. ಈ ವರ್ಷ ಈಗಾಗಲೇ ಇಂತಹ ಹಲವು ಸಿನಿಮಾಗಳು ತೆರೆಕಂಡಿದ್ದು, ಇನ್ನಷ್ಟು ಸಿನಿಮಾಗಳು ನಿರ್ಮಾಣ ಹಂತದಲ್ಲಿರುವುದು ಹೊಸ ಸುದ್ದಿ.</p>.<p>ಸದ್ಯ ಪ್ರದರ್ಶನಗೊಳ್ಳುತ್ತಿರುವ ರಾಘವ ಲಾರೆನ್ಸ್ ನಿರ್ದೇಶನದ ‘ಕಾಂಚನ- 3’ ಕೂಡ ಇದೇ ಸಾಲಿಗೆ ಸೇರುವ ಸಿನಿಮಾ. ಇದು 2007ರಲ್ಲಿ ಬಿಡುಗಡೆಗೊಂಡಿದ್ದ ‘ಮುನಿ’ ಸಿನಿಮಾದ ಸೀಕ್ವೆಲ್. ಈ ಸರಣಿಯ ಎಲ್ಲಾ ಸಿನಿಮಾಗಳನ್ನು ನಿರ್ದೇಶಿಸಿರುವ ರಾಘವ್ ಲಾರೆನ್ಸ್ ಅವರೇ ಪ್ರಮುಖ ಪಾತ್ರದಲ್ಲೂ ನಟಿಸಿರುವುದು ವಿಶೇಷ.</p>.<p>‘ಮುನಿ’ ಸಿನಿಮಾದ ಯಶಸ್ಸಿನಿಂದ ಪ್ರೇರಣೆಗೊಂಡ ರಾಘವ್ 2011ರಲ್ಲಿ ‘ಮುನಿ 2’ ಸಿನಿಮಾ ನಿರ್ಮಿಸಿದ್ದರು. ಈ ಸಿನಿಮಾಕ್ಕೆ ‘ಕಾಂಚನ’ ಎಂದೂ ಹೆಸರಿಟ್ಟಿದ್ದರು. ಇದಕ್ಕೂ ಪ್ರೇಕ್ಷಕರಿಂದ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಇದೇ ಕಾರಣಕ್ಕೆ 2015ರಲ್ಲಿ ‘ಕಾಂಚನ 2’ ನಿರ್ಮಿಸಿದ್ದರು. ಇದೀಗ ತೆರೆಕಂಡಿರುವ ‘ಕಾಂಚನ- 3’ ಸಿನಿಮಾ ‘ಮುನಿ’ ಸರಣಿಯ ನಾಲ್ಕನೇ ಚಿತ್ರ. ಕಾಂಚನ ಸಿನಿಮಾ ‘ಕಲ್ಪನ’ ಹೆಸರಿನಲ್ಲಿ ಕನ್ನಡಕ್ಕೂ ರಿಮೇಕ್ ಆಗಿತ್ತು.</p>.<p>2005ರಲ್ಲಿ ಪಿ. ವಾಸು ನಿರ್ದೇಶನದಲ್ಲಿ ಮೂಡಿಬಂದಿದ್ದ ‘ಚಂದ್ರಮುಖಿ’ ಸಿನಿಮಾ ಕಾಲಿವುಡ್ನ ಹಾರರ್ ಸಿನಿಮಾಗಳಿಗೊಂದು ಮೈಲುಗಲ್ಲು. ರಜನಿಕಾಂತ್, ಪ್ರಭು, ಜ್ಯೋತಿಕಾ, ನಯನ ತಾರಾ ಮೊದಲಾದ ಸ್ಟಾರ್ ನಟ, ನಟಿಯರ ದಂಡೇ ಈ ಸಿನಿಮಾದಲ್ಲಿತ್ತು. ಈ ಕಾರಣಕ್ಕೆ ಭರ್ಜರಿ ಯಶಸ್ಸು ಕಂಡಿತ್ತು. ಇದೇ ಸಿನಿಮಾ ‘ಆಪ್ತಮಿತ್ರ’ ಹೆಸರಿನಲ್ಲಿ ಕನ್ನಡದಲ್ಲಿ<br />ನಿರ್ಮಾಣಗೊಂಡಿತ್ತು. ಪಿ. ವಾಸು ಅವರೇ ಇದನ್ನೂ ನಿರ್ದೇಶಿಸಿದ್ದರು. ಇದಕ್ಕೆ ಪ್ರೇರಣೆ 1993ರಲ್ಲಿ ಫಾಜಿಲ್ ನಿರ್ದೇಶನದಲ್ಲಿ ಮೂಡಿಬಂದಿದ್ದ ಮಲಯಾಳದ ‘ಮಣಿಚಿತ್ರತಾಳ್’ ಚಿತ್ರ. ಮೋಹನ್ ಲಾಲ್, ಶೋಭನಾ, ಸುರೇಶ್ಗೋಪಿ ತಾರಾಗಣದ ಈ ಚಿತ್ರ ಮಾಲಿವುಡ್ನಲ್ಲಿ ಆಗ ದೊಡ್ಡ ಸದ್ದು ಮಾಡಿತ್ತು.</p>.<p>‘ಚಂದ್ರಮುಖಿ’ ಸಿನಿಮಾದ ಬಳಿಕ ತಮಿಳಿನಲ್ಲಿ ಹಾರರ್ ಸಿನಿಮಾಗಳ ಪರ್ವಕಾಲ ಆರಂಭವಾಯಿತು ಎನ್ನಬಹುದು. ‘ಮುನಿ’ ಸೇರಿದಂತೆ ಹಲವು ಸಿನಿಮಾಗಳು ಆ ನಂತರ ನಿರ್ಮಾಣಗೊಂಡವು. 2012ರಲ್ಲಿ ಬಿಡುಗಡೆಗೊಂಡಿದ್ದ ‘ಪಿಜ್ಜಾ‘ ಸಿನಿಮಾ ಕೂಡ ಯಶಸ್ಸು ಕಂಡಿತ್ತು. ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದ ಈ ಸಿನಿಮಾದಲ್ಲಿ ವಿಜಯ್ ಸೇತುಪತಿ ಮುಖ್ಯಪಾತ್ರದಲ್ಲಿ ಅಭಿನಯಿಸಿದ್ದರು.</p>.<p>2014ರಲ್ಲಿ ಸುಂದರ್ ಸಿ. ನಿರ್ದೇಶನದಲ್ಲಿ ಮೂಡಿಬಂದಿದ್ದ ‘ಅರನ್ಮನೈ’ ಸಿನಿಮಾ ಗಲ್ಲಾಪೆಟ್ಟಿಗೆಯಲ್ಲಿ ಭರ್ಜರಿ ಗಳಿಗೆ ಮಾಡಿತ್ತು. ಹನ್ಸಿಕಾ ಮೋಟ್ವಾನಿ, ಆ್ಯಂಡ್ರಿಯಾ ಇದರಲ್ಲಿ ನಟಿಸಿದ್ದರು.</p>.<p>2018ರಲ್ಲಿ ಬಿಡುಗಡೆಗೊಂಡಿದ್ದ ತ್ರಿಷಾ ಅಭಿನಯದ ‘ಮೋಹಿನಿ’ ಸಿನಿಮಾದ ಯಶಸ್ಸು ಕೂಡ ಕಾಲಿವುಡ್ನಲ್ಲಿ ಈ ರೀತಿಯ ಸಿನಿಮಾ ನಿರ್ಮಿಸುವವರಿಗೆ ಸ್ಫೂರ್ತಿಯಾಯಿತು. ಆನಂತರ ಬಿಡುಗಡೆಯಾದ ಸರ್ಜುನ್ ಕೆ.ಎಂ. ನಿರ್ದೇಶನದ ‘ಐರಾ’, ವದಿವುದೆಯನ್ ನಿರ್ದೇಶನದ ‘ಪೊಟ್ಟು’ ಸಿನಿಮಾಗಳಿಗೂ ಪ್ರೇಕ್ಷಕರಿಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತ್ತು.</p>.<p>ರಾಜು ವಿಶ್ವನಾಥ್ ನಿರ್ದೇಶನದ ‘ಲಿಸಾ’, ದಿಲ್ಸತ್ಯ ನಿರ್ದೇಶನದ ‘ಮಾಳಿಗೈ’ ಸಿನಿಮಾಗಳು ನಿರ್ಮಾಣ ಹಂತದಲ್ಲಿವೆ. ‘ಮಾಳಿಗೈ’ನಲ್ಲಿ ಆ್ಯಂಡ್ರಿಯಾ ಅವರದು ಪ್ರಮುಖ ಪಾತ್ರ. 2017ರಲ್ಲಿ ಬಿಡುಗಡೆಗೊಂಡಿದ್ದ ಆಂಡ್ರಿಯಾ ನಟನೆಯ ‘ಅವಳ್’ ಸಿನಿಮಾ ಹಿಟ್ ಆಗಿರುವುದು ಇಲ್ಲಿ ಗಮನಾರ್ಹ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
