ವಿಕ್ರಮ್‌ ರವಿಚಂದ್ರನ್‌ ಸಂದರ್ಶನ: ‘ಮನೆಯೇ ಪಾಠ ಶಾಲೆ’

ಅಪ್ಪ, ಕ್ರೇಜಿಸ್ಟಾರ್ ರವಿಚಂದ್ರ ವಿ. ಅವರ ಗರಡಿಯಲ್ಲಿ ಪಳಗಿ, ಮನೆಯನ್ನೇ ನಟನೆಯ ಪಾಠಶಾಲೆಯಾಗಿ ಮಾಡಿಕೊಂಡವರು ವಿಕ್ರಮ್. ಅವರ ಚೊಚ್ಚಲ ಚಿತ್ರ ‘ತ್ರಿವಿಕ್ರಮ’ ಇಂದು(ಜೂನ್ 24) ಬಿಡುಗಡೆಯಾಗುತ್ತಿದ್ದು, ಈ ಹೊತ್ತಿನಲ್ಲಿ ಒಂದಿಷ್ಟು ಮಾತು..

. ನಟನೆಯ ಹಿನ್ನೆಲೆ ಏನು?

. ಅಪ್ಪನ (ರವಿಚಂದ್ರ ವಿ.) ಜೊತೆಗೆ ‘ಮಲ್ಲ’, ‘ಹಠವಾದಿ’, ‘ಕ್ರೇಜಿ ಸ್ಟಾರ್’ ಸೇರಿದಂತೆ ಹಲವು ಚಿತ್ರಗಳಲ್ಲಿ ಅಭಿನಯಿಸಿದ್ದೆ. ಕೆಲಕಾಲ ಅಭಿನಯ ತರಂಗ ನಟನಾ ಶಾಲೆಯಲ್ಲೂ ಕಲಿತೆ. ಈ ಕ್ಷೇತ್ರಕ್ಕೆ ಬರಲು ಮನೆಯೇ ಕಾರ್ಯಾಗಾರ ಆಗಿತ್ತು. ಚಿಕ್ಕಂದಿನಿಂದಲೂ ಕಲಿಯುತ್ತಲೇ ಬೆಳೆದಿದ್ದೇನೆ.

. ಅಪ್ಪ, ಅಣ್ಣನ ಪ್ರಭಾವ ನಿಮ್ಮ ಮೇಲೆ ಎಷ್ಟಿದೆ?

. ಖಂಡಿತವಾಗಿಯೂ ಇದೆ. ನನ್ನ ಬದುಕಿನ ಬೆನ್ನೆಲುಬು ಅವರೇ. ಕಲಿಸಿ, ತಿದ್ದಿ ತೀಡಿದ್ದಾರೆ. ಅವರು ಜನರ ಪ್ರೀತಿ ಗಳಿಸಿದ್ದಾರೆ. ಅದನ್ನು ಉಳಿಸಿ ಮುಂದುವರಿಸಿಕೊಂಡು ಹೋಗುವ ಜವಾಬ್ದಾರಿ ನನಗಿದೆ. ಅಪ್ಪ ಹೇಳುವುದು ಒಂದೇ ಮಾತು. ಜನ ಬೆಳೆಸಿದ್ದಾರೆ. ಅವರ ಪ್ರೀತಿ ಉಳಿಸಿಕೊಂಡು ಹೋಗಬೇಕು ಅಷ್ಟೆ.

. ತ್ರಿವಿಕ್ರಮ ಸಿನಿಮಾದ ಅನುಭವ?

. ಮೊದಲ ಸಿನಿಮಾ ಸಹಜವಾಗಿಯೇ ಖುಷಿ, ಆತಂಕ ಎರಡೂ ಇದೆ. ಒಂದು ಒಳ್ಳೆಯ ಪ್ರಯಾಣ. ಇದರ ಗೆಲುವಿನಲ್ಲೇ ನನ್ನ ಕನಸುಗಳಿವೆ. ಚಿತ್ರೀಕರಣ ಸಂದರ್ಭದ ಅನುಭವಗಳು ಮರೆಯಲಾಗದಂಥವು. ಜನ ಹೇಗೆ ಸ್ವೀಕರಿಸುತ್ತಾರೋ ನೋಡಬೇಕು.

. ಅಪ್ಪನ ರೊಮ್ಯಾನ್ಸ್ ದೃಶ್ಯಗಳನ್ನು ವಿಕ್ರಮ್ ಕೂಡಾ ಮಾಡಬಹುದೇ?

. ಕನ್ನಡಕ್ಕೊಬ್ಬರೇ ಕ್ರೇಜಿಸ್ಟಾರ್. ಅದನ್ನೆಲ್ಲ ನನ್ನಿಂದ ಮಾಡಲಾಗದು. ಆದರೆ, ರೊಮ್ಯಾನ್ಸ್ ಅನ್ನು ಕಥೆ ಬಯಸಿದರೆ, ನಿರ್ದೇಶಕರು ಹೇಳಿದರೆ ಮಾಡಲೇಬೇಕಾಗುತ್ತದೆ. ಹಾಗೆಂದು ಅದೊಂದೇ ಆದ್ಯತೆ ಅಲ್ಲ.

. ನಿರ್ಮಾಣಕ್ಕೆ 8 ವರ್ಷ ಬೇಕಾಯಿತೇ?

. ನಿರ್ಮಾಣವೊಂದೇ ಅಲ್ಲ. ಕಥೆಯ ಕುರಿತ ಬೇರೆ ಬೇರೆ ಸ್ವರೂಪದ ಪ್ರಸ್ತುತಿಗೆ, ಅಧ್ಯಯನಕ್ಕೆ ನಿರ್ದೇಶಕರು (ಸಹನಾಮೂರ್ತಿ) ಸಮಯ ಮೀಸಲಿಟ್ಟರು. ನಾನು ಈ ತಂಡ ಸೇರಿದ್ದು 2019ರಲ್ಲಿ. ಮಧ್ಯೆ ಕೋವಿಡ್ ಬಂದು ಎಲ್ಲವೂ ಸ್ಥಗಿತಗೊಂಡಿತು. ನಿರ್ದೇಶಕರಿಗೆ ಬದ್ಧತೆ, ಅಧ್ಯಯನದ ಆಸಕ್ತಿ ತುಂಬಾ ಇದೆ. ಎಲ್ಲೂ ರಾಜಿಯಾಗುವವರಲ್ಲ. ಹಾಗಾಗಿ ಚಿತ್ರ ಅದ್ಭುತವಾಗಿ ಬರಲು ಸಾಧ್ಯವಾಯಿತು.

. ‘ತ್ರಿವಿಕ್ರಮ’ದ ಮಧ್ಯಮವರ್ಗದ ಹುಡುಗ ಹೇಗಿದ್ದಾನೆ?

. ತುಂಬಾ ಬಿಂದಾಸ್ ಆಗಿದ್ದಾನೆ. ಮಧ್ಯಮವರ್ಗದ ಜನ ಅಂದರೆ ಗೊತ್ತಲ್ಲಾ. ಒಂಥರಾ ಹೊಂದಾಣಿಕೆಯ ಬದುಕು. ಒಂದಿಷ್ಟು ಲೆಕ್ಕಾಚಾರ, ಜೀವಮಾನವಿಡೀ ಹಾಗೇ ಇರುತ್ತಾರೆ. ಅಂಥದ್ದೊಂದು ಪಾತ್ರ ನನಗೆ ಸಿಕ್ಕಿದೆ. ಇದು ಕುಟುಂಬ ಸಮೇತ ನೋಡಬಹುದಾದ ಚಿತ್ರ. ಕಥೆ ನವಿರಾಗಿ ನೋಡಿಸಿಕೊಂಡು ಹೋಗುತ್ತದೆ.

. ಚಿತ್ರದಾಚೆ ನಿಮ್ಮ ಆಸಕ್ತಿಗಳು?

. ನಾನು ಓದಿದ್ದು ಬಿಬಿಎ. ವಿದ್ಯಾರ್ಥಿ ಜೀವನದಲ್ಲಿ ರಾಷ್ಟ್ರಮಟ್ಟದ ಟೆನಿಸ್ ಆಟಗಾರನಾಗಿದ್ದೆ. ಸದ್ಯ ಈಗ ಸಿನಿಮಾ ನೋಡುವುದು, ನಟನೆ ಅಭ್ಯಾಸ, ಕತೆ ಬರೆಯುವುದು, ಸಿನಿಮಾ ನಿರ್ಮಾಣ, ವಿತರಣೆಗೆ ಸಂಬಂಧಿಸಿದ ಯೋಜನೆ ರೂಪಿಸುವುದು ಎಲ್ಲವನ್ನೂ ಮಾಡುತ್ತಿರುತ್ತೇನೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಕ್ರಮ್‌ ರವಿಚಂದ್ರನ್‌ ಸಂದರ್ಶನ: ‘ಮನೆಯೇ ಪಾಠ ಶಾಲೆ’

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC

WPL: ಆರ್‌ಸಿಬಿಯಲ್ಲಿ ಉಳಿದ ಸ್ಮೃತಿ, ಶ್ರೇಯಾಂಕಾ

ಬ್ಯಾಡ್ಮಿಂಟನ್ ಟೂರ್ನಿ: ಎಂಟರ ಘಟ್ಟಕ್ಕೆ ಕಿರಣ್ ಜಾರ್ಜ್

ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20: 2ನೇ ಸಾಲಿನ ಆಟಗಾರರಿಗೆ ಮಿಂಚಲು ಅವಕಾಶ

ಈಜುಪಟು ವೀರಧವಳ ಖಾಡೆ ವಿರುದ್ಧ ಲೈಂಗಿಕ ಕಿರುಕುಳ ದೂರು: ಎಸ್‌ಎಫ್‌ಐನಿಂದ ತನಿಖೆ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC