ಬಿಗಿಲ್ ಸಿನಿಮಾ ವಿಮರ್ಶೆ: ಹಿಂಡಿದ ಭಾವದ ಕ್ರೀಡಾ ಕಥನ

ಚಿತ್ರ: ಬಿಗಿಲ್ (ತಮಿಳು) ನಿರ್ಮಾಣ: ಕಲ್ಪತಿ ಎಸ್. ಅಘೋರಾಮ್, ಕಲ್ಪತಿ ಎಸ್. ಗಣೇಶ್, ಕಲ್ಪತಿ ಎಸ್. ಸುರೇಶ್ ನಿರ್ದೇಶನ: ಅಟ್ಲಿ ಕುಮಾರ್ ತಾರಾಗಣ: ವಿಜಯ್, ಜಾಕಿ ಶ್ರಾಫ್, ನಯನತಾರಾ, ವಿವೇಕ್, ಕತಿರ್, ಡೇನಿಯೆಲ್ ಬಾಲಾಜಿ, ಇಂದುಜಾ, ರೆಬಾ, ವರ್ಷಾ, ಅಮೃತಾ ಅಯ್ಯರ್, ಇಂದ್ರಜಾ ಶಂಕರ್, ಗಾಯತ್ರಿ ರೆಡ್ಡಿ.

. ‘ಚಕ್ ದೇ ಇಂಡಿಯಾ’ ಹಿಂದಿ ಸಿನಿಮಾ ಗೆಲುವನ್ನು ವಿಶ್ಲೇಷಿಸುತ್ತಾ ಎಷ್ಟೋ ಜನ ಅದು ಮಹಿಳಾ ಪ್ರಧಾನ ಸಿನಿಮಾ ಎಂದಿದ್ದರು. ನಿಜಕ್ಕೂ ಅದರಲ್ಲಿ ಶಾರುಖ್ ಖಾನ್ ಪಾತ್ರವೇ ತಂತುವಾಗಿತ್ತು. ಅದರ ಸುತ್ತ ಉಳಿದೆಲ್ಲ ಹಾಕಿ ಆಟಗಾರ್ತಿಯರ ಗಿರಕಿ. ‘ಅಟ್ಲಿ’ ತಮಿಳು ಚಿತ್ರದ ಎರಡನೇ ಅರ್ಧದ ಆತ್ಮ ‘ಚಕ್ ದೇ ಇಂಡಿಯಾ’ ಚಿತ್ರದ್ದೇ. ಆದರೆ, ಚಿತ್ರಕಥೆಯನ್ನು ನಿರ್ದೇಶಕರು ತಮಿಳೀಕರಿಸಿರುವ ರೀತಿ ‘ಮಾಸ್ ಅಪೀಲ್’ ಉಮೇದಿಗೆ ತಕ್ಕಂತಿದೆ.

. ‘ಮರ್ಸಲ್’ ಯಶಸ್ಸಿನ ನಂತರ ಅಟ್ಲಿ ಒಪ್ಪಿತ ಮಸಾಲೆ ಸಿನಿಮಾವನ್ನು ಕೊಟ್ಟಿದ್ದಾರೆ. ವಿಜಯ್ ಇಲ್ಲಿ ಅಪ್ಪನೂ ಹೌದು, ಮಗನೂ. ಅಪ್ಪ ಉಗ್ಗುತ್ತಾನೆ. ಮಗ ಫುಟ್ಬಾಲ್ ಆಡುತ್ತಾನೆ. ಇಬ್ಬರದ್ದೂ ‘ಇಕ್ರಲಾ ಒದಿರ್ಲಾ’ ಕುಟುಂಬ. ಮಗ ತನ್ನ ರೌಡಿಲೋಕದಿಂದ ದೂರ ಉಳಿದು ಫುಟ್ಬಾಲ್ ಆಡಿ, ದೊಡ್ಡ ಕಪ್ ಗೆದ್ದು ತರಲಿ. ತನ್ನ ಸಮಾಜದವರ ಕುರಿತು ಇರುವ ಕೆಟ್ಟ ಜನಾಭಿಪ್ರಾಯ ದೂರ ಮಾಡಲಿ ಎನ್ನುವುದು ಅಪ್ಪನ ಮಹತ್ವಾಕಾಂಕ್ಷೆ. ಅದನ್ನು ಈಡೇರಿಸಲು ಮಗ ಇನ್ನೇನು ಕೊನೆ ಮೆಟ್ಟಿಲು ಹತ್ತಬೇಕು, ಅಷ್ಟರಲ್ಲಿ ನಿರೀಕ್ಷಿತ ತಿರುವು. ಅಪ್ಪನ ರಕ್ತ ಮೆತ್ತಿದ ದೇಹವನ್ನು ಅಪ್ಪಿಕೊಳ್ಳುವ ಮಗ ಅವನ ರಕ್ತದೋಕುಳಿ ಆಟವನ್ನೇ ಮುಂದುವರಿಸಬೇಕಾದ ಅನಿವಾರ್ಯಕ್ಕೆ ಸಿಲುಕುತ್ತಾನೆ. ಇದು ಪೀಠಿಕೆ.

. ಇದನ್ನೂ ಓದಿ: ಅಳುವ ಕಡಲೊಳು ನಗೆಯ ಹಾಯಿದೋಣಿ ಬಿಟ್ಟ ‘ಇಳಯದಳಪತಿ’ ವಿಜಯ್

. ಸಿನಿಮಾದ ಮೊದಲ ಒಂದೂಕಾಲು ಗಂಟೆ ಹೀಗೆ ಚದುರಿದ ಹೊಡೆದಾಟಗಳ ನಡುವೆ ಅಲ್ಲಲ್ಲಿ ಕಚಗುಳಿ ಇಡುವ ದೃಶ್ಯಗಳಿಂದ ಕಳೆದುಹೋಗುತ್ತದೆ. ಇದೂ ಮಾಮೂಲಿ ಕಥೆ ಎಂದು ಅಂದುಕೊಳ್ಳುವಷ್ಟರಲ್ಲಿ ಮಹಿಳೆಯರ ಫುಟ್ಬಾಲ್ ತಂಡದ ಪ್ರವೇಶವಾಗುತ್ತದೆ. ಸಿನಿಮಾ ಕಳೆಗಟ್ಟುವುದೇ ಇಲ್ಲಿಂದ.

. ‘ರೌಡಿ ಕೋಚ್’ ಹೇಗೆ ಆ ಆಟಗಾರ್ತಿಯರ ಮನವನ್ನಷ್ಟೇ ಅಲ್ಲದೆ ಕಪ್ ಕೂಡ ಗೆದ್ದು ತರುತ್ತಾನೆ ಎನ್ನುವುದು ಹಿಡಿದಿಡುವ ಮೆಲೋಡ್ರಾಮಾಗಳಿಂದ ವ್ಯಕ್ತಗೊಳ್ಳುತ್ತದೆ. ಸಿನಿಮಾದ ಶೀರ್ಷಿಕೆಯ ಅರ್ಥ ಶೀಟಿ. ಪದೇ ಪದೇ ಪ್ರೇಕ್ಷಕರು ಶೀಟಿ ಹೊಡೆಯಬೇಕು, ಆಗೀಗ ಕಣ್ಣಾಲಿಗಳಲ್ಲಿ ನೀರು ತುಂಬಿಕೊಳ್ಳಬೇಕು, ಹುಡುಗಿಯರು ಗೋಲ್ಗಳನ್ನು ಹೊಡೆದಾಗ ಶಹಬ್ಬಾಸ್ ಎನ್ನಬೇಕು ಆ ರೀತಿ ಜಿ.ಕೆ. ವಿಷ್ಣು ಸಿನಿಮಾಟೊಗ್ರಫಿ ಕೆಲಸ ಮಾಡಿದೆ.

. ಇದನ್ನೂ ಓದಿ: ‘ಬಿಗಿಲ್’ ಸಿನಿಮಾದಲ್ಲಿ ಕೆಲಸ ಮಾಡಿದವರಿಗೆ ವಿಜಯ್ನಿಂದ ರಿಂಗ್ ಉಡುಗೊರೆ

. ಅಪ್ಪನಾಗಿ ಕಷ್ಟಪಟ್ಟು ನಟಿಸಿರುವ ವಿಜಯ್, ಮಗನಾಗಿ ಎರಡು ‘ಶೇಡ್’ಗಳಲ್ಲಿ ಲೀಲಾಜಾಲ. ಅವರ ರಂಜನೀಯ ಶೈಲಿ, ಕಾಮಿಡಿ ಟೈಮಿಂಗ್ ಇಲ್ಲೂ ಕೆಲಸ ಮಾಡಿದೆ. ನಗಿಸುವ ವಿಜಯ್ ಇಷ್ಟವಾದಷ್ಟು ಅಳಿಸುವ ವಿಜಯ್ ಹಿಡಿಸುವುದಿಲ್ಲ. ಎ.ಆರ್. ರೆಹಮಾನ್ ಸಂಗೀತದ ಒಂದು ಹಾಡಿನ ಲಯ ಕಾಡಿದರೆ, ಹಿನ್ನೆಲೆ ಸಂಗೀತ ಇಡೀ ಚಿತ್ರವನ್ನು ಮೇಲೆತ್ತುತ್ತದೆ. ಜಾಕಿ ಶ್ರಾಫ್ ತಮ್ಮದೇ ತಣ್ಣಗಿನ ಅಭಿನಯದಿಂದ ಕ್ರೌರ್ಯ ತುಳುಕಿಸುತ್ತಾರೆ. ನಯನತಾರಾ ಮಾಗಿದ ನಟಿ. ಆಟಗಾರ್ತಿಯರಾಗಿ ಇಂದುಜಾ, ರೆಬಾ, ವರ್ಷಾ, ಅಮೃತಾ ಅಯ್ಯರ್, ಇಂದ್ರಜಾ ತಮ್ಮ ತಮ್ಮ ಪಾತ್ರಗಳನ್ನು ಸುಖಿಸಿದ್ದಾರೆ.

. ಸ್ಟಾರ್ ನಟನ ಸುತ್ತ ಹೀಗೆ ಭಾವುಕ ಕ್ರೀಡಾ ಕಥನವನ್ನು ಕಟ್ಟಿ, ಗಿರಿಗಿಟ್ಲೆ ಆಡಿಸಿರುವ ನಿರ್ದೇಶಕ ಅಟ್ಲಿ ದೊಡ್ಡದಾಗಿ ಯೋಚಿಸುತ್ತಾರೆ ಎನ್ನುವುದಕ್ಕೆ ಸಾಕಷ್ಟು ಕುರುಹುಗಳು ಚಿತ್ರದಲ್ಲಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಿಗಿಲ್ ಸಿನಿಮಾ ವಿಮರ್ಶೆ: ಹಿಂಡಿದ ಭಾವದ ಕ್ರೀಡಾ ಕಥನ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

SA vs IND T20: ಕಿಂಗ್ಸ್‌ಮೀಡ್‌ನಲ್ಲಿ ಟಾಸ್ ಸೋತ ಭಾರತ ಬ್ಯಾಟಿಂಗ್

ಹ್ಯಾರಿಸ್‌, ಅಯೂಬ್ ಮಿಂಚು; ಪಾಕ್‌ಗೆ ಮಣಿದ ಆಸ್ಟ್ರೇಲಿಯಾ

ಮುನಿಸಿಕೊಂಡ ಬೌಲರ್ ಅಲ್ಜಾರಿ: 2 ಪಂದ್ಯಕ್ಕೆ ಅಮಾನತು

ಟೆಸ್ಟ್‌ನಲ್ಲಿ ರಾಹುಲ್, ಅಭಿಮನ್ಯು ಉತ್ತಮ ಆರಂಭ ನೀಡಬಲ್ಲರು: ರಾಬಿನ್ ಉತ್ತಪ್ಪ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024