ಏಳು ಹಂತಗಳಲ್ಲಿ ಮತದಾನ ನಿಗದಿಯಾಗಿರುವ ಕೆಲವೇ ರಾಜ್ಯಗಳಲ್ಲಿ ಬಿಹಾರ ಸಹ ಒಂದು. ಆದರೆ ಬಿಹಾರದಲ್ಲಿನ ಲೋಕಸಭಾ ಚುನಾವಣಾ ಕಣ ದಿನದಿನವೂ ಬದಲಾಗುತ್ತಿದೆ. ಮತದಾನ ಆರಂಭಕ್ಕೂ ಮುನ್ನ ಎನ್‌ಡಿಎ ಮತ್ತು ‘ಇಂಡಿಯಾ’ ಮೈತ್ರಿಕೂಟಗಳು ಅನುಸರಿಸುತ್ತಿದ್ದ ಚುನಾವಣಾ ತಂತ್ರಗಳೇ ಒಂದು, ಎರಡು ಹಂತದ ಮತದಾನ ಮುಗಿದ ನಂತರ ಈಗ ಹೂಡುತ್ತಿರುವ ತಂತ್ರವೇ ಇನ್ನೊಂದು. ಇನ್ನೂ ಐದು ಹಂತದ ಮತದಾನ ಉಳಿದಿದ್ದು, ಪರಿಸ್ಥಿತಿ ಮತ್ತೆ–ಮತ್ತೆ ಬದಲಾಗುವ ಸಾಧ್ಯತೆ ಹೆಚ್ಚೇ ಇದೆ ಎಂದು ನಿರೀಕ್ಷಿಸಲಾಗಿದೆ