Fact check: ಯೂಸುಫ್ ಪಠಾಣ್ ‘ಜೈ ಗುಜರಾತ್’ ಎಂದಿದ್ದು ಸುಳ್ಳು

ಟಿಎಂಸಿ ಮುಖಂಡ ಹಾಗೂ ಕ್ರಿಕೆಟ್ ಆಟಗಾರ ಯೂಸುಫ್ ಪಠಾಣ್ ಅವರ ವಿಡಿಯೊ ಒಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಕಾಂಗ್ರೆಸ್‌ನ ಅಧೀರ್ ರಂಜನ್ ಚೌಧರಿ ಅವರನ್ನು ಸೋಲಿಸುವ ಮೂಲಕ ಪಠಾಣ್ ಸಂಸದರಾಗಿ ಆಯ್ಕೆ ಆಗಿದ್ದರು. ಸಂಸದರಾಗಿ ಪ್ರತಿಜ್ಞೆ ಸ್ವೀಕರಿಸಿದ ನಂತರ ಅವರು ‘ಜೈ ಗುಜರಾತ್’ ಎಂದಿರುವುದು ವಿಡಿಯೊದಲ್ಲಿ ಮೇಲ್ನೋಟಕ್ಕೆ ಕಾಣುತ್ತದೆ. ‘ಪಶ್ಚಿಮ ಬಂಗಾಳದಿಂದ ಸಂಸದರಾಗಿ ಆಯ್ಕೆಯಾಗಿರುವ ಪಠಾಣ್ ಅವರು ಜೈ ಗುಜರಾತ್ ಎಂದಿದ್ದಾರೆ’ ಎಂದು ಅದನ್ನು ವಿರೋಧಿ ಗುಂಪುಗಳು ವ್ಯಾಪಕವಾಗಿ ಹಂಚಿಕೊಳ್ಳುತ್ತಿವೆ. ಆದರೆ, ಅವರ ಪ್ರತಿಪಾದನೆ ಸುಳ್ಳು.