ವಿಡಿಯೊ ಅನ್ನು ಇನ್ವಿಡ್ ಟೂಲ್ ಸರ್ಚ್ಗೆ ಒಳಪಡಿಸಿ, ಗೂಗಲ್ ಲೆನ್ಸ್ ಮೂಲಕ ಪರಿಶೀಲಿಸಿದಾಗ ಒಂದೇ ವಿಡಿಯೊ ಅನ್ನು ಹಲವರು ಹಂಚಿಕೊಡಿದ್ದರುವುದು ಕಂಡುಬಂತು. ವಾಸ್ತವ ಏನೆಂದರೆ, ಸಂಸತ್ತಿನಲ್ಲಿ ಪ್ರತಿಜ್ಞೆ ಸ್ವೀಕರಿಸಿದ ನಂತರ ಪಠಾಣ್ ಅವರು, ‘ಜೈ ಹಿಂದ್, ಜೈ ಬಾಂಗ್ಲಾ, ಜೈ ಗುಜರಾತ್’ ಎಂದಿದ್ದರು. ಅವರ ಮಾತಿನ ಭಾಗವನ್ನು ಎಡಿಟ್ ಮಾಡಿ, ‘ಜೈ ಗುಜರಾತ್’ ಎಂದಿರುವುದನ್ನು ಮಾತ್ರ ಉಳಿಸಿಕೊಂಡು, ಅದನ್ನು ಹಂಚಿಕೊಳ್ಳಲಾಗುತ್ತಿದೆ. ಈ ಬಗ್ಗೆ ಪಿಟಿಐ ಫ್ಯಾಕ್ಟ್ ಚೆಕ್ ಪ್ರಕಟಿಸಿದೆ.