ನಮ್ಮಂತಹ ಪ್ರಯೋಗಶೀಲ ಸಿನಿಮಾಗಳಿಗೆ ಒಟಿಟಿ ಅದ್ಭುತ ವೇದಿಕೆಯಾಗಿದೆ. ‘ರಾಘು’ ಸಿನಿಮಾ ಕನ್ನಡದಲ್ಲಷ್ಟೇ ಬಿಡುಗಡೆಯಾಗಿತ್ತು. ಒಟಿಟಿಗೆ ಬಂದ ಬಳಿಕ ತಮಿಳು ತೆಲುಗು ಪ್ರೇಕ್ಷಕರೂ ಸಿನಿಮಾ ನೋಡಿ ಟ್ವೀಟ್‌ ಮಾಡಿದ್ದಾರೆ. ಒಟಿಟಿಯಲ್ಲಿ ಬಿಡುಗಡೆಯಾದ ಬಳಿಕ ಸಾಮಾಜಿಕ ಮಾಧ್ಯಮಗಳಲ್ಲಿ ಸಿನಿಮಾಗೆ ಉತ್ತಮವಾದ ಪ್ರಚಾರ ನೀಡಿದರೆ ರೆವೆನ್ಯೂ ಶೇರಿಂಗ್‌ ಮಾದರಿಯೂ ಆದಾಯದ ವೇದಿಕೆಯಾಗುತ್ತದೆ.

ಹೊಸಬರ ಸಿನಿಮಾಗಳಿಗೆ ಸವಾಲುಗಳಿಲ್ಲ ಎಂದಲ್ಲ. ಆದರೆ ಸೋಲಿಗೆ ಯಾರನ್ನೋ ದೂರಲು ಸಾಧ್ಯವಿಲ್ಲ. ನಾವು ಈ ಸವಾಲುಗಳನ್ನು ದಾಟುವುದನ್ನು ಕಲಿಯುತ್ತ ಹೋಗುತ್ತೇವೆ. ಚಿತ್ರಮಂದಿರದಲ್ಲಿ ಜನ ಬಂದಿಲ್ಲ ಎಂಬ ಕಾರಣಕ್ಕೆ ಬೇರೆ ಯಾವ ವೇದಿಕೆಗಳು ಸಿಗದಂತಾಗಿರುವುದು ನಿಜ.

‘ಇವತ್ತು ಹಾಲು ಮೊಸರನ್ನು ಆನ್‌ಲೈನ್‌ನಲ್ಲಿ ಆರ್ಡರ್‌ ಮಾಡುವ ಕಾಲಘಟ್ಟದಲ್ಲಿದ್ದೇವೆ. ಸದ್ಯ ಮನರಂಜನೆಗಾಗಿ ಸಿನಿಮಾವನ್ನೇ ಹೋಗಿ ನೋಡಬೇಕು ಅಂತಿಲ್ಲ. ಅತ್ಯುತ್ತಮ ಸಿನಿಮಾಗಳು ಅಂಗೈ ತುದಿಯಲ್ಲಿ ಒಟಿಟಿಯಲ್ಲಿ ಸಿಗುತ್ತಿವೆ. ಚಿತ್ರಮಂದಿರದ ಎಫೆಕ್ಟ್‌ ಕೂಡ ಇವತ್ತು ಮನೆಯಲ್ಲೇ ಸಿಗುತ್ತದೆ. ಇಷ್ಟೆಲ್ಲ ಸವಾಲುಗಳನ್ನು ಮೀರಿದ ಸಿನಿಮಾ ಗೆಲ್ಲುತ್ತದೆ.