ನಯನಗಳ ನಾಜೂಕು: ಕಣ್ಣುಗಳ ಆರೋಗ್ಯಕ್ಕೆ ಇಲ್ಲಿವೆ ಕ್ರಮಬದ್ಧ ವ್ಯಾಯಾಮಗಳು

ಆಧುನಿಕ ಜಗತ್ತಿನಲ್ಲಿ ಕಣ್ಣುಗಳು ಸಾಕಷ್ಟು ಒತ್ತಡಗಳನ್ನು ತಡೆದುಕೊಳ್ಳಬೇಕಾಗಿದೆ. ನಯನಗಳನ್ನು ನಾಜೂಕಾಗಿ ನೋಡಿಕೊಳ್ಳುವುದು ಇಂದಿನ ಅನಿವಾರ್ಯ.

. ಅತಿಯಾದ ಇಂಟರ್ನೆಟ್ನ ಬಳಕೆ, ಕಂಪ್ಯೂಟರ್/ಲ್ಯಾಪ್ಟಾಪ್ಗಳ ಉಪಯೋಗ, ಹೆಚ್ಚಾಗಿ ಟೆಲಿವಿಷನನ್ನು ವೀಕ್ಷಿಸುವುದು, ಮೊಬೈಲ್ ಫೋನ್ಗಳ ಕಿರುಪರದೆಯನ್ನು ದೃಷ್ಟಿಸುವುದು, ವಿಡಿಯೊ ಗೇಮ್ಸ್ಗಳ ಪರಿಣಾಮವಾಗಿ ಕಣ್ಣುಗಳು ನಿತ್ರಾಣವಾಗುತ್ತಿರುವುದು ಅನೇಕರು ದೃಷ್ಟಿದೋಷಗಳಿಗೆ ತುತ್ತಾಗುತ್ತಿರುವುದು ದುರ್ದೈವವೇ ಸರಿ. ಇದರೊಂದಿಗೆ ಅಲ್ಪಕಾಲೀನ ನಿದ್ರೆ, ನಿನಿದ್ರತೆಗಳೂ ಸೇರಿಬಿಟ್ಟರೆ ಕಣ್ಣುಗಳು ಮತ್ತಷ್ಟು ಬಳಲಿಕೆಗೆ ಒಳಗಾಗುತ್ತವೆ.

. ಕಣ್ಣುಗಳ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಅಳವಡಿಸಿಕೊಳ್ಳಬಹುದಾದ ಕೆಲವು ವಿಧಾನಗಳನ್ನು ಈ ಲೇಖನದಲ್ಲಿ ಕೊಡಲಾಗಿದೆ. ಕಣ್ಣಿಗೆ ಕೆಲವು ಸುಲಭ ಸಾಧ್ಯವಾದ ವ್ಯಾಯಾಮ ವಿಧಾನಗಳನ್ನು ಅಳವಡಿಸಿಕೊಳ್ಳುವುದರ ಮೂಲಕ ಕಣ್ಣುಗಳಿಗೆ ಸಾಕಷ್ಟು ತ್ರಾಣವನ್ನು ನೀಡಬಹುದು.

. ಈ ವ್ಯಾಯಾಮಗಳನ್ನು ಮಾಡುವಾಗ ಗಮನಿಸಬೇಕಾದ ಅಂಶಗಳು:

. 1. ಕಣ್ಣಿನ ಸ್ನಾಯುಗಳ ಮೇಲೆ ತೀವ್ರ ಒತ್ತಡ ಬರದಂತೆ ಎಚ್ಚರ ವಹಿಸಿ.

. 2. ತಲೆನೋವು, ತಲೆ ತಿರುಗುವಿಕೆ ಇತ್ಯಾದಿ ಸಮಸ್ಯೆಗಳು ತಲೆದೋರಿದರೆ ಅಭ್ಯಾಸವನ್ನು ನಿಲ್ಲಿಸಿ.

. 3. ಈ ಚಲನೆಗಳನ್ನು ಉಸಿರಾಟದೊಂದಿಗೆ ಸಮೀಕರಿಸಿ ಮಾಡಬಹುದು.

. ಎಚ್ಚರಿಕೆ: ಕಣ್ಣಿನ ತೀವ್ರ ತರವಾದ ಸಮಸ್ಯೆಯಿರುವವರು ವೈದ್ಯರ ಸಲಹೆಯನ್ನು ಪಡೆದು ನುರಿತ ಶಿಕ್ಷಕರ ಬಳಿ ಆಭ್ಯಾಸ ಮಾಡಬೇಕು

. ಕ್ರಮ 1 : ಮುಂದು-ಹಿಂದು ಚಲನೆ

. 1. ಕುರ್ಚಿಯ ಮೇಲೆ ನೇರವಾಗಿ ಕುಳಿತುಕೊಳ್ಳಿ. ನಿಮ್ಮ ಅಸ್ಥಿ-ಸ್ನಾಯುಗಳ ವ್ಯವಸ್ಥೆಯ ಸಮಗ್ರ ಅರಿವಿರಲಿ.

. 2. ಬಲಹೆಬ್ಬೆಟ್ಟನ್ನು ನೇರ ಮಾಡಿ; ಮಿಕ್ಕ ನಾಲ್ಕು ಬೆರಳುಗಳನ್ನು ಮಡಿಚಿ; ಬಲಗೈಯನ್ನು ಮುಂದಕ್ಕೆ ಚಾಚಿ. ಹೆಬ್ಬೆಟ್ಟಿನ ತುದಿ ಕಣ್ಣಿನ ನೇರಕ್ಕೆ ಹಿಡಿಯಿರಿ.

. 3. ಬಲಹೆಬ್ಬೆಟ್ಟನ್ನು ತದೇಕ ಚಿತ್ತದಿಂದ ರೆಪ್ಪೆಗಳನ್ನು ಅಲುಗಾಡಿಸದೇ ದೃಷ್ಟಿಸಿ ನೋಡಿ.

. 4. ಉಸಿರನ್ನು ತೆಗೆದುಕೊಳ್ಳುತ್ತಾ, ಮೊಣಕೈಯನ್ನು ನಿಧಾನವಾಗಿ ಮಡಿಚಿ ಬಲಹಸ್ತವನ್ನು ಕಣ್ಣಿನ ಹತ್ತಿರಕ್ಕೆ (ಕಣ್ಣಿನಿಂದ ಸುಮಾರು 6 ಇಂಚುಗಳಷ್ಟು ದೂರಕ್ಕೆ) ತನ್ನಿ.

. 5. ಉಸಿರನ್ನು ಬಿಡುತ್ತಾ, ಮೊಣಕೈಯನ್ನು ನಿಧಾನವಾಗಿ ಚಾಚಿ ಬಲಹಸ್ತವನ್ನು ಕಣ್ಣಿನಿಂದ ದೂರಕ್ಕೆ ಸರಿಸಿ. ಹೆಬ್ಬೆಟ್ಟು ಒಂದೇ ಎತ್ತರದಲ್ಲಿರುವಂತೆ ಚಲಿಸಿ.

. 6. ಈ ಕ್ರಮವನ್ನು ಸುಮಾರು 10-15 ಬಾರಿ ಪುನರಾವರ್ತಿಸಿ.

. 7. ಕಣ್ಣುಗಳನ್ನು ಮುಚ್ಚಿ, ಕೈಗಳನ್ನು ವಿರಮಿಸಿ.

. ಕ್ರಮ 2 : ಪಾರ್ಶ್ವಚಲನೆ

. 1. ಮುಂದಕ್ಕೆ ಹಾಗೂ ಹಿಂದಕ್ಕೆ ಚಲಿಸಿ ವಿರಮಿಸಿದ ನಂತರ ಮೇಲೆ ಹೇಳಿದ ರೀತಿ ಹೆಬ್ಬೆಟ್ಟನ್ನು ಹಿಡಿದು ಪಾರ್ಶ್ವಚಲನೆಗಳನ್ನು ಮಾಡಿ.

. 2. ಸ್ವಾಭಾವಿಕವಾಗಿ ಅಕ್ಕ-ಪಕ್ಕ ನೋಡಬೇಕಾದರೆ ಕುತ್ತಿಗೆಯು ತಿರುಗುತ್ತದೆ. ಆದರೆ ಈ ಚಲನೆಗಳನ್ನು ಮಾಡುವಾಗ ಕಣ್ಣುಗಳಷ್ಟೇ ಚಲಿಸಬೇಕು. ಕುತ್ತಿಗೆಯ ತಿರುಗುವಿಕೆಯನ್ನು ತಡೆಯಬೇಕು. ಇದಕ್ಕಾಗಿ ಎಡಹಸ್ತದಿಂದ ಗಂಟಲ ಭಾಗವನ್ನು ಮೃದುವಾಗಿ ಹಿಡಿಯಿರಿ. ಸ್ಪರ್ಶ ಸಂವೇದನಾ ಗ್ರಹಿಕೆಯಿಂದ ಕುತ್ತಿಗೆಯು ತಿರುಗದಂತೆ ಗಮನಿಸಿ.

. 3. ಉಸಿರನ್ನು ಬಿಡುತ್ತಾ ಬಲ ಹಸ್ತವನ್ನು (ಅದೇ ಎತ್ತರದಲ್ಲಿ) ನಿಧಾನವಾಗಿ ಬಲ ಪಾರ್ಶ್ವಕ್ಕೆ ಚಾಚಿ.

. 4. ಈ ಕ್ರಮವನ್ನು ಸುಮಾರು 10-15 ಬಾರಿ ಪುನರಾವರ್ತಿಸಿ.

. 5. ನಂತರ ಮತ್ತೊಂದು ಪಾರ್ಶ್ವದಲ್ಲೂ ಪುನರಾವರ್ತಿಸಿ

. 6. ಕಣ್ಣುಗಳನ್ನು ಮುಚ್ಚಿ, ಕೈಗಳನ್ನು ವಿರಮಿಸಿ.

. ಕ್ರಮ 3: ಕೆಳ-ಮೇಲು ಚಲನೆ

. 1. ಬಲಹಸ್ತವನ್ನು ಕೆಳಮುಖವಾಗಿ ಇರಿಸಿ ಬೆರಳುಗಳನ್ನು ಒಳಮುಖವಾಗಿ ಮಡಿಚಿ; ಬಲಹೆಬ್ಬೆಟ್ಟನ್ನು ಚಾಚಿ.

. 2. ಬಲಹೆಬ್ಬೆಟ್ಟನ್ನು ತದೇಕಚಿತ್ತದಿಂದ ರೆಪ್ಪೆಗಳನ್ನು ಅಲುಗಾಡಿಸದೇ ದೃಷ್ಟಿಸಿ.

. 3. ಎಡಹಸ್ತದಿಂದ ಗಂಟಲ ಭಾಗವನ್ನು ಮೃದುವಾಗಿ ಹಿಡಿಯಿರಿ. ಸ್ಪರ್ಶ ಸಂವೇದನಾ ಗ್ರಹಿಕೆಯಿಂದ ಕುತ್ತಿಗೆಯು ಚಲಿಸದಂತೆ ಗಮನಿಸಿ.

. 4. ಹೆಬ್ಬೆಟ್ಟಿನ ತುದಿ ಕಾಣುವವರೆಗೂ ಬಲಗೈಯನ್ನು ಮೇಲಕ್ಕೆ ಚಲಿಸಿ.

. 5. ಉಸಿರನ್ನು ಬಿಡುತ್ತಾ ಬಲಹಸ್ತವನ್ನು ನಿಧಾನವಾಗಿ ಕೆಳಕ್ಕೆ ಇಳಿಸಿ.

. 6. ಈ ಕ್ರಮವನ್ನು ಸುಮಾರು 10-15 ಬಾರಿ ಪುನರಾವರ್ತಿಸಿ.

. 7. ಕಣ್ಣುಗಳನ್ನು ಮುಚ್ಚಿ, ಕೈಗಳನ್ನು ವಿರಮಿಸಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಯನಗಳ ನಾಜೂಕು: ಕಣ್ಣುಗಳ ಆರೋಗ್ಯಕ್ಕೆ ಇಲ್ಲಿವೆ ಕ್ರಮಬದ್ಧ ವ್ಯಾಯಾಮಗಳು

Cartoon | ಚಿನಕುರುಳಿ: 25 ನವೆಂಬರ್ 2024

ಚುರುಮುರಿ: ಮತದಾರರ ಉದ್ಧಾರ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

ದಿನ ಭವಿಷ್ಯ: ಈ ರಾಶಿಯವರ ಜಮೀನಿನ ತಕರಾರು ವಿಷಯಗಳು ಇತ್ಯರ್ಥಗೊಳ್ಳುವುದು

IPL Auction 2025 Day 2 LIVE Updates: ₹ 2 ಕೋಟಿ ನೀಡಿ ದೇವದತ್ತ ಪಡಿಕ್ಕಲ್ ಖರೀದಿಸಿದ ಆರ್‌ಸಿಬಿ

ವಿಶ್ವ ಚೆಸ್ ಚಾಂಪಿಯನ್‌ಷಿಪ್ ಫೈನಲ್: ಗುಕೇಶ್‌ಗೆ ಕೈಕೊಟ್ಟ ಪ್ರಯೋಗ, ಲಿರೆನ್‌ಗೆ ಜಯ

IPL Auction: ₹ 1.10 ಕೋಟಿ ನೀಡಿ 13 ವರ್ಷದ ಆಟಗಾರನನ್ನು ಖರೀದಿಸಿದ ರಾಜಸ್ಥಾನ!

IPL Auction 2025: ಸ್ಫೋಟಕ ಬ್ಯಾಟರ್‌ಗಳಿಗೆ ಮಣೆ; ಹೀಗಿದೆ RCB ತಂಡ!

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

Cartoon | ಚಿನಕುರುಳಿ: 25 ನವೆಂಬರ್ 2024

ಚುರುಮುರಿ: ಮತದಾರರ ಉದ್ಧಾರ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

ದಿನ ಭವಿಷ್ಯ: ಈ ರಾಶಿಯವರ ಜಮೀನಿನ ತಕರಾರು ವಿಷಯಗಳು ಇತ್ಯರ್ಥಗೊಳ್ಳುವುದು