<p>‘ಈ ಇಂಜಿನಿಯರಿಂಗ್ ಕೋರ್ಸ್ಗೆ ಸೇರಿದ್ದು ಸರಿಯಾಯಿತೇ? ಅಥವಾ ಮೆಡಿಕಲ್ ಮಾಡಬೇಕಿತ್ತೇ?’, ‘ನನ್ನ ಫೇಸ್ಬುಕ್ ಪ್ರೊಫೈಲ್ ಪಿಕ್ಚರ್ ಯಾವುದು ಹಾಕಿದರೆ ಹೆಚ್ಚು ಲೈಕ್ಸ್ , ಕಮೆಂಟ್ಸ್ ಬರಬಹುದು?’ ‘ಮುಂದೆ ಜೀವನದಲ್ಲಿ ಸಾಕಷ್ಟು ದುಡ್ಡು ಮಾಡುವುದು ಹೇಗೆ?'’ ‘ಮದುವೆ ಈಗಲೇ ಅಥವಾ ಇನ್ನೂ ತಡವಾಗಿ ಆಗಲೇ?' – ಇಪ್ಪತ್ತರಿಂದ ಮೂವತ್ತರ ವಯಸ್ಸಿನಲ್ಲಿ ಮೂಡುವ ನೂರಾರು ಪ್ರಶ್ನೆಗಳಲ್ಲಿ ಇಂಥವು ಕೆಲವು ಉದಾಹರಣೆಗಳಷ್ಟೇ.</p>.<p>ಹದಿಹರೆಯವೇನೋ ಮುಗಿಯುವುದಕ್ಕೆ ಬಂದಿರುತ್ತದೆ. ಹಾಗೆಂದು ಜೀವನ ಪೂರ್ತಿ ‘ಸೆಟಲ್’ ಆಗಿರುವುದಿಲ್ಲ. ಎಲ್ಲರೂ ಹದಿಹರೆಯದ ಬಗ್ಗೆಯೇ ಯೋಚಿಸುತ್ತಾರೆ. ಹದಿಹರೆಯದ ಮಕ್ಕಳ ಭಾವನೆಗಳು, ಅವರ ಸಮಸ್ಯೆಗಳ ಬಗ್ಗೆ ಚರ್ಚಿಸುತ್ತಾರೆ. ಹಾಗೆಂದು ಹತ್ತೊಂಬತ್ತು ದಾಟಿ ಇಪ್ಪತ್ತಕ್ಕೆ ಕಾಲಿಟ್ಟ ತಕ್ಷಣ, ಜೀವನ-ಜಗತ್ತು ಸುಂದರವಾಗುತ್ತದೆಯೇ? ಸಮಸ್ಯೆಗಳಿಗೆಲ್ಲಾ ಪರಿಹಾರ ಸಿಗುತ್ತದೆಯೇ? ಖಂಡಿತ ಇಲ್ಲ. ಹೊಸ ಜಾಗ, ಹೊಸ ಚಾಲೆಂಜ್, ಹೊಸ ಕೋರ್ಸ್, ಹೊಸ ಉದ್ಯೋಗ, ಹೊಸ ಸಂಬಂಧ; ಎಷ್ಟೊಂದು ಬದಲಾವಣೆಗಳು!</p>.<p>ವಿಜ್ಞಾನ, ಕಾಮರ್ಸ್ ಅಥವಾ ಕಲೆ ಯಾವುದೇ ಕೋರ್ಸ್ನಲ್ಲಿ ಸೇರಿದ್ದರೂ, ಪದವಿ ಸಿಗುತ್ತಿದ್ದಂತೆ, ಮುಂದೇನು ಎಂಬ ಪ್ರಶ್ನೆ. ಸ್ನಾತಕೋತ್ತರ ಪದವಿ ಮಾಡುವುದು ಉತ್ತಮವೋ, ಅಥವಾ ಪೂರ್ತಿ ವಿಷಯವನ್ನೇ ಬದಲಾಯಿಸಬೇಕೋ ಎಂಬ ಗೊಂದಲ.</p>.<p>ಓದೇನೋ ಆಯಿತು. ಯಾವ ಕೆಲಸಕ್ಕೆ ಸೇರುವುದು? ನನ್ನ ಯೋಗ್ಯತೆಗೆ ಈ ಕೆಲಸ ಕಡಿಮೆಯೇನೋ! ಬೆಂಗಳೂರಿನಂಥ ದೊಡ್ಡ ಊರುಗಳಿಗೆ ಹೋಗಬೇಕೇ? ಉದ್ಯೋಗಕ್ಕೆ ಸಂಬಂಧಪಟ್ಟಂತೆ ಕಾಡುವ ಸಂದಿಗ್ಧತೆಗಳು.</p>.<p>ಹದಿವಯಸ್ಸಿನಲ್ಲಿ ಮನೆಯವರ ಹಿಡಿತ ಸ್ವಲ್ಪ ಕಡಿಮೆಯೇ ಎನ್ನಬಹುದು. ಫೇಸ್ಬುಕ್, ಇನ್ಸ್ಟಾಗ್ರಾಂ ನೋಡಲು ಯಾರ ತಕರಾರೂ ಇಲ್ಲ. ಓದಲು, ಕೆಲಸ ಮಾಡಲು ಹಾಸ್ಟೆಲ್ /ಪಿ.ಜಿ.ಗಳಲ್ಲಿರಬೇಕಾದರೆ ಬೆಳಿಗ್ಗೆಯಿಂದ ಸಂಜೆಯ ತನಕ ಬಿಜಿಯಾಗಿರುವುದು, ರೂಮ್ಗೆ ಬಂದಾಕ್ಷಣ ಈ ಸಾಮಾಜಿಕ ಜಾಲತಾಣಗಳೇ ಆಪ್ತ ಸ್ನೇಹಿತರಂತೆ. ಡಿಪಿ ಬದಲಿಸುವುದು, ಅದಕ್ಕೆ ಬರುವ ಲೈಕ್ಸ್ / ಕಮೆಂಟ್ಸ್ ನೋಡಿ ಆನಂದಿಸುವುದು, ವಾಟ್ಸ್ಆ್ಯಪ್ ಚಾಟ್ ಮಾಡುವುದು. ಇವೆಲ್ಲದರಲ್ಲಿ ಹೊತ್ತು ಹೋಗುವುದೇ ತಿಳಿಯದು.</p>.<p>ಹದಿಹರೆಯದಲ್ಲಿ ಪ್ರೀತಿಸಿದರೆ ಕೇವಲ ‘ಇನ್ಫ್ಯಾಚ್ಯುಯೇಷನ್’ ಎನ್ನುತ್ತಾರೆ. ಅದೇ ಇಪ್ಪತ್ತರ ದಶಕದಲ್ಲಿ ಪ್ರೀತಿಸಿದರೆ ನಿಜವಾದ ಪ್ರೀತಿಯೇ? ಗೊತ್ತಿಲ್ಲ. ಕೆಲವರು ತಮ್ಮ ಆತ್ಮದ ಗೆಳತಿ /ಗೆಳೆಯನ ಶೋಧ ನಡೆಸಬಹುದು. ಇನ್ನೊಬ್ಬರು, ಅಪ್ಪ-ಅಮ್ಮ ಹೇಳಿದವಳನ್ನೇ/ಹೇಳಿದವನನ್ನೇ ಮದುವೆ ಆಗುತ್ತೇನೆಂದು ಕಾಯುತ್ತಿರಬಹುದು. ಮತ್ತೊಬ್ಬರು ಇಷ್ಟು ಬೇಗ ಮದುವೆಯೇ ಬೇಡವೆಂದು ನಿರ್ಧರಿಸಿರಬಹುದು. ಮಗದೊಬ್ಬರಿಗೆ ಪ್ರೀತಿಸಿದ ಗೆಳತಿ/ಗೆಳೆಯ ಕೈಕೊಟ್ಟು, ಮದುವೆಯ ಸಹವಾಸವೇ ಬೇಡವೆನ್ನಿಸಬಹುದು.</p>.<p><strong>ದಾರಿದೀಪಗಳು</strong></p>.<p>ಇಪ್ಪತ್ತರ ಈ ಚಿಂತೆಗಳು, ಗೊಂದಲಗಳಿಗೆ ಪರಿಹಾರ ಉಂಟು. ಕೆಲವೊಂದು ಅನುಭವಗಳು, ಕೆಲವೊಂದು ವ್ಯಕ್ತಿಗಳು, ದಾರಿದೀಪಗಳಾಗಿ ಒದಗಬಹುದು.</p>.<p>l ನಿಮಗೆ ವಿಶ್ವಾಸ ಇರುವ ಒಂದು ವ್ಯಕ್ತಿಯೊಡನೆ ನಿಮ್ಮ ಈ ಎಲ್ಲಾ ಗೊಂದಲಗಳನ್ನೂ, ಅದರ ಹಿಂದಿರುವ ಮತ್ತು ಅದರಿಂದುಂಟಾಗುವ ಭಾವನೆಗಳನ್ನೂ ಹಂಚಿಕೊಳ್ಳಿ. ಆ ವ್ಯಕ್ತಿ ನಿಮಗಿಂತ ಹಿರಿಯರಾಗಿದ್ದಲ್ಲಿ, ಅವರ ಅನುಭವದ ಮಾತುಗಳು ನಿಮಗೆ ಸಾಂತ್ವನ ನೀಡಬಹುದು.</p>.<p>l ಓದು ಮತ್ತು ಅಧ್ಯಯನಕ್ಕೆ ಸಂಬಂಧಪಟ್ಟ ಸಮಸ್ಯೆಗಳನ್ನು, ಅದೇ ಕಾರ್ಯಕ್ಷೇತ್ರದಲ್ಲಿರುವವರೊಂದಿಗೆ ಮಾತನಾಡಿ. ನಿಮ್ಮ ಸಾಮರ್ಥ್ಯ-ಶ್ರಮಪಡುವ ಗುಣ ಮತ್ತು ಆದ್ಯತೆಗಳ ಮೇರೆಗೆ ಒಂದು ನಿರ್ಧಾರಕ್ಕೆ ಬನ್ನಿ.</p>.<p>l ಸಾಮಾಜಿಕ ಜಾಲತಾಣಗಳ ಬಗ್ಗೆ ಎಚ್ಚರ ಅತ್ಯಗತ್ಯ. ಬಳಕೆಯ ಸಮಯದ ಪರಿಮಿತಿಯನ್ನು ನಾವೇ ಹಾಕಿಕೊಳ್ಳಬೇಕು. ನೈಜ ಜೀವನದಲ್ಲಿ ಸಂಬಂಧಿಕರೊಂದಿಗೆ ಮಾತನಾಡುವುದಕ್ಕೆ, ಬೆರೆಯುವುದಕ್ಕೆ, ಕುಟುಂಬದ ಕಾರ್ಯಕ್ರಮಗಳಿಗೆ ಹೋಗುವುದಕ್ಕೆ ಈ ಸಾಮಾಜಿಕ ಜಾಲತಾಣಗಳು ಬದಲೀ ವ್ಯವಸ್ಥೆಗಳಲ್ಲ ಎಂಬುದನ್ನು ಮನಗಾಣಬೇಕು.</p>.<p>l ಗಂಡು ಮಕ್ಕಳಾಗಲೀ-ಹೆಣ್ಣು ಮಕ್ಕಳಾಗಲೀ ಓದಿ ಆರ್ಥಿಕವಾಗಿ ಸ್ವತಂತ್ರರಾಗದ ಹೊರತು, ಸಂಸಾರ ಸಾಗರದಲ್ಲಿ ಬಿದ್ದರೆ, ಸ್ವಲ್ಪ ಕಷ್ಟವೇ ಸರಿ. ಪ್ರೀತಿ-ಪ್ರೇಮದಲ್ಲಿ ಸಿಲುಕಿದ್ದರೂ, ದೈಹಿಕ ದೌರ್ಜನ್ಯ–ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗದ ಹಾಗೆ ನಮ್ಮನ್ನು ನಾವು ಕಾಪಾಡಿಕೊಳ್ಳುವುದು ಅತ್ಯಗತ್ಯ.</p>.<p>ಇಪ್ಪತ್ತರ ಸಮಸ್ಯೆಗಳನ್ನು ಎದುರಿಸುವ ವಿಧಾನಗಳನ್ನು ಕುರಿತಂತೆ ಪ್ರೇರಣೆ ನೀಡುವ ಹಲವಾರು ಪುಸ್ತಕಗಳಿವೆ. ಹೊಸ ಆಲೋಚನೆಗಳನ್ನು ಹುಟ್ಟು ಹಾಕುವಂತ ಟೆಡ್ಟಾಕ್ಗಳಿವೆ. ಒಳ್ಳೆಯ ವೆಬ್ಸೈಟ್ಗಳಿವೆ. ಇವೆಲ್ಲದರಿಂದ ಉಪಯೋಗ ಪಡೆದುಕೊಳ್ಳಿ.</p>.<p>ನಿರ್ಧಾರ ಮಾಡಲಾಗದೇ ತುಂಬಾ ಚಿಂತೆಯಾಗಿ, ಗೊಂದಲದಲ್ಲಿದ್ದಾಗ ಒಳ್ಳೆಯ ಹಾಡೊಂದನ್ನು ಕೇಳಿ. ಪ್ರಾಣಾಯಾಮ, ಧ್ಯಾನದಂತಹ ಕ್ರಿಯೆಗಳನ್ನು ಮಾಡಿ. ಮನಸ್ಸು ಸ್ವಲ್ಪ ಉಲ್ಲಸಿತವಾಗಬಹುದು.</p>.<p><strong>ಒಂದು ನೆನಪಿಡಿ:</strong> ಗೊಂದಲಗಳ ಗೂಡಾಗಿರುವ ಈ ನಿಮ್ಮ ಮನಸ್ಸಿನ ಸ್ಥಿತಿ ತಾತ್ಕಾಲಿಕವಷ್ಟೇ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಈ ಇಂಜಿನಿಯರಿಂಗ್ ಕೋರ್ಸ್ಗೆ ಸೇರಿದ್ದು ಸರಿಯಾಯಿತೇ? ಅಥವಾ ಮೆಡಿಕಲ್ ಮಾಡಬೇಕಿತ್ತೇ?’, ‘ನನ್ನ ಫೇಸ್ಬುಕ್ ಪ್ರೊಫೈಲ್ ಪಿಕ್ಚರ್ ಯಾವುದು ಹಾಕಿದರೆ ಹೆಚ್ಚು ಲೈಕ್ಸ್ , ಕಮೆಂಟ್ಸ್ ಬರಬಹುದು?’ ‘ಮುಂದೆ ಜೀವನದಲ್ಲಿ ಸಾಕಷ್ಟು ದುಡ್ಡು ಮಾಡುವುದು ಹೇಗೆ?'’ ‘ಮದುವೆ ಈಗಲೇ ಅಥವಾ ಇನ್ನೂ ತಡವಾಗಿ ಆಗಲೇ?' – ಇಪ್ಪತ್ತರಿಂದ ಮೂವತ್ತರ ವಯಸ್ಸಿನಲ್ಲಿ ಮೂಡುವ ನೂರಾರು ಪ್ರಶ್ನೆಗಳಲ್ಲಿ ಇಂಥವು ಕೆಲವು ಉದಾಹರಣೆಗಳಷ್ಟೇ.</p>.<p>ಹದಿಹರೆಯವೇನೋ ಮುಗಿಯುವುದಕ್ಕೆ ಬಂದಿರುತ್ತದೆ. ಹಾಗೆಂದು ಜೀವನ ಪೂರ್ತಿ ‘ಸೆಟಲ್’ ಆಗಿರುವುದಿಲ್ಲ. ಎಲ್ಲರೂ ಹದಿಹರೆಯದ ಬಗ್ಗೆಯೇ ಯೋಚಿಸುತ್ತಾರೆ. ಹದಿಹರೆಯದ ಮಕ್ಕಳ ಭಾವನೆಗಳು, ಅವರ ಸಮಸ್ಯೆಗಳ ಬಗ್ಗೆ ಚರ್ಚಿಸುತ್ತಾರೆ. ಹಾಗೆಂದು ಹತ್ತೊಂಬತ್ತು ದಾಟಿ ಇಪ್ಪತ್ತಕ್ಕೆ ಕಾಲಿಟ್ಟ ತಕ್ಷಣ, ಜೀವನ-ಜಗತ್ತು ಸುಂದರವಾಗುತ್ತದೆಯೇ? ಸಮಸ್ಯೆಗಳಿಗೆಲ್ಲಾ ಪರಿಹಾರ ಸಿಗುತ್ತದೆಯೇ? ಖಂಡಿತ ಇಲ್ಲ. ಹೊಸ ಜಾಗ, ಹೊಸ ಚಾಲೆಂಜ್, ಹೊಸ ಕೋರ್ಸ್, ಹೊಸ ಉದ್ಯೋಗ, ಹೊಸ ಸಂಬಂಧ; ಎಷ್ಟೊಂದು ಬದಲಾವಣೆಗಳು!</p>.<p>ವಿಜ್ಞಾನ, ಕಾಮರ್ಸ್ ಅಥವಾ ಕಲೆ ಯಾವುದೇ ಕೋರ್ಸ್ನಲ್ಲಿ ಸೇರಿದ್ದರೂ, ಪದವಿ ಸಿಗುತ್ತಿದ್ದಂತೆ, ಮುಂದೇನು ಎಂಬ ಪ್ರಶ್ನೆ. ಸ್ನಾತಕೋತ್ತರ ಪದವಿ ಮಾಡುವುದು ಉತ್ತಮವೋ, ಅಥವಾ ಪೂರ್ತಿ ವಿಷಯವನ್ನೇ ಬದಲಾಯಿಸಬೇಕೋ ಎಂಬ ಗೊಂದಲ.</p>.<p>ಓದೇನೋ ಆಯಿತು. ಯಾವ ಕೆಲಸಕ್ಕೆ ಸೇರುವುದು? ನನ್ನ ಯೋಗ್ಯತೆಗೆ ಈ ಕೆಲಸ ಕಡಿಮೆಯೇನೋ! ಬೆಂಗಳೂರಿನಂಥ ದೊಡ್ಡ ಊರುಗಳಿಗೆ ಹೋಗಬೇಕೇ? ಉದ್ಯೋಗಕ್ಕೆ ಸಂಬಂಧಪಟ್ಟಂತೆ ಕಾಡುವ ಸಂದಿಗ್ಧತೆಗಳು.</p>.<p>ಹದಿವಯಸ್ಸಿನಲ್ಲಿ ಮನೆಯವರ ಹಿಡಿತ ಸ್ವಲ್ಪ ಕಡಿಮೆಯೇ ಎನ್ನಬಹುದು. ಫೇಸ್ಬುಕ್, ಇನ್ಸ್ಟಾಗ್ರಾಂ ನೋಡಲು ಯಾರ ತಕರಾರೂ ಇಲ್ಲ. ಓದಲು, ಕೆಲಸ ಮಾಡಲು ಹಾಸ್ಟೆಲ್ /ಪಿ.ಜಿ.ಗಳಲ್ಲಿರಬೇಕಾದರೆ ಬೆಳಿಗ್ಗೆಯಿಂದ ಸಂಜೆಯ ತನಕ ಬಿಜಿಯಾಗಿರುವುದು, ರೂಮ್ಗೆ ಬಂದಾಕ್ಷಣ ಈ ಸಾಮಾಜಿಕ ಜಾಲತಾಣಗಳೇ ಆಪ್ತ ಸ್ನೇಹಿತರಂತೆ. ಡಿಪಿ ಬದಲಿಸುವುದು, ಅದಕ್ಕೆ ಬರುವ ಲೈಕ್ಸ್ / ಕಮೆಂಟ್ಸ್ ನೋಡಿ ಆನಂದಿಸುವುದು, ವಾಟ್ಸ್ಆ್ಯಪ್ ಚಾಟ್ ಮಾಡುವುದು. ಇವೆಲ್ಲದರಲ್ಲಿ ಹೊತ್ತು ಹೋಗುವುದೇ ತಿಳಿಯದು.</p>.<p>ಹದಿಹರೆಯದಲ್ಲಿ ಪ್ರೀತಿಸಿದರೆ ಕೇವಲ ‘ಇನ್ಫ್ಯಾಚ್ಯುಯೇಷನ್’ ಎನ್ನುತ್ತಾರೆ. ಅದೇ ಇಪ್ಪತ್ತರ ದಶಕದಲ್ಲಿ ಪ್ರೀತಿಸಿದರೆ ನಿಜವಾದ ಪ್ರೀತಿಯೇ? ಗೊತ್ತಿಲ್ಲ. ಕೆಲವರು ತಮ್ಮ ಆತ್ಮದ ಗೆಳತಿ /ಗೆಳೆಯನ ಶೋಧ ನಡೆಸಬಹುದು. ಇನ್ನೊಬ್ಬರು, ಅಪ್ಪ-ಅಮ್ಮ ಹೇಳಿದವಳನ್ನೇ/ಹೇಳಿದವನನ್ನೇ ಮದುವೆ ಆಗುತ್ತೇನೆಂದು ಕಾಯುತ್ತಿರಬಹುದು. ಮತ್ತೊಬ್ಬರು ಇಷ್ಟು ಬೇಗ ಮದುವೆಯೇ ಬೇಡವೆಂದು ನಿರ್ಧರಿಸಿರಬಹುದು. ಮಗದೊಬ್ಬರಿಗೆ ಪ್ರೀತಿಸಿದ ಗೆಳತಿ/ಗೆಳೆಯ ಕೈಕೊಟ್ಟು, ಮದುವೆಯ ಸಹವಾಸವೇ ಬೇಡವೆನ್ನಿಸಬಹುದು.</p>.<p><strong>ದಾರಿದೀಪಗಳು</strong></p>.<p>ಇಪ್ಪತ್ತರ ಈ ಚಿಂತೆಗಳು, ಗೊಂದಲಗಳಿಗೆ ಪರಿಹಾರ ಉಂಟು. ಕೆಲವೊಂದು ಅನುಭವಗಳು, ಕೆಲವೊಂದು ವ್ಯಕ್ತಿಗಳು, ದಾರಿದೀಪಗಳಾಗಿ ಒದಗಬಹುದು.</p>.<p>l ನಿಮಗೆ ವಿಶ್ವಾಸ ಇರುವ ಒಂದು ವ್ಯಕ್ತಿಯೊಡನೆ ನಿಮ್ಮ ಈ ಎಲ್ಲಾ ಗೊಂದಲಗಳನ್ನೂ, ಅದರ ಹಿಂದಿರುವ ಮತ್ತು ಅದರಿಂದುಂಟಾಗುವ ಭಾವನೆಗಳನ್ನೂ ಹಂಚಿಕೊಳ್ಳಿ. ಆ ವ್ಯಕ್ತಿ ನಿಮಗಿಂತ ಹಿರಿಯರಾಗಿದ್ದಲ್ಲಿ, ಅವರ ಅನುಭವದ ಮಾತುಗಳು ನಿಮಗೆ ಸಾಂತ್ವನ ನೀಡಬಹುದು.</p>.<p>l ಓದು ಮತ್ತು ಅಧ್ಯಯನಕ್ಕೆ ಸಂಬಂಧಪಟ್ಟ ಸಮಸ್ಯೆಗಳನ್ನು, ಅದೇ ಕಾರ್ಯಕ್ಷೇತ್ರದಲ್ಲಿರುವವರೊಂದಿಗೆ ಮಾತನಾಡಿ. ನಿಮ್ಮ ಸಾಮರ್ಥ್ಯ-ಶ್ರಮಪಡುವ ಗುಣ ಮತ್ತು ಆದ್ಯತೆಗಳ ಮೇರೆಗೆ ಒಂದು ನಿರ್ಧಾರಕ್ಕೆ ಬನ್ನಿ.</p>.<p>l ಸಾಮಾಜಿಕ ಜಾಲತಾಣಗಳ ಬಗ್ಗೆ ಎಚ್ಚರ ಅತ್ಯಗತ್ಯ. ಬಳಕೆಯ ಸಮಯದ ಪರಿಮಿತಿಯನ್ನು ನಾವೇ ಹಾಕಿಕೊಳ್ಳಬೇಕು. ನೈಜ ಜೀವನದಲ್ಲಿ ಸಂಬಂಧಿಕರೊಂದಿಗೆ ಮಾತನಾಡುವುದಕ್ಕೆ, ಬೆರೆಯುವುದಕ್ಕೆ, ಕುಟುಂಬದ ಕಾರ್ಯಕ್ರಮಗಳಿಗೆ ಹೋಗುವುದಕ್ಕೆ ಈ ಸಾಮಾಜಿಕ ಜಾಲತಾಣಗಳು ಬದಲೀ ವ್ಯವಸ್ಥೆಗಳಲ್ಲ ಎಂಬುದನ್ನು ಮನಗಾಣಬೇಕು.</p>.<p>l ಗಂಡು ಮಕ್ಕಳಾಗಲೀ-ಹೆಣ್ಣು ಮಕ್ಕಳಾಗಲೀ ಓದಿ ಆರ್ಥಿಕವಾಗಿ ಸ್ವತಂತ್ರರಾಗದ ಹೊರತು, ಸಂಸಾರ ಸಾಗರದಲ್ಲಿ ಬಿದ್ದರೆ, ಸ್ವಲ್ಪ ಕಷ್ಟವೇ ಸರಿ. ಪ್ರೀತಿ-ಪ್ರೇಮದಲ್ಲಿ ಸಿಲುಕಿದ್ದರೂ, ದೈಹಿಕ ದೌರ್ಜನ್ಯ–ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗದ ಹಾಗೆ ನಮ್ಮನ್ನು ನಾವು ಕಾಪಾಡಿಕೊಳ್ಳುವುದು ಅತ್ಯಗತ್ಯ.</p>.<p>ಇಪ್ಪತ್ತರ ಸಮಸ್ಯೆಗಳನ್ನು ಎದುರಿಸುವ ವಿಧಾನಗಳನ್ನು ಕುರಿತಂತೆ ಪ್ರೇರಣೆ ನೀಡುವ ಹಲವಾರು ಪುಸ್ತಕಗಳಿವೆ. ಹೊಸ ಆಲೋಚನೆಗಳನ್ನು ಹುಟ್ಟು ಹಾಕುವಂತ ಟೆಡ್ಟಾಕ್ಗಳಿವೆ. ಒಳ್ಳೆಯ ವೆಬ್ಸೈಟ್ಗಳಿವೆ. ಇವೆಲ್ಲದರಿಂದ ಉಪಯೋಗ ಪಡೆದುಕೊಳ್ಳಿ.</p>.<p>ನಿರ್ಧಾರ ಮಾಡಲಾಗದೇ ತುಂಬಾ ಚಿಂತೆಯಾಗಿ, ಗೊಂದಲದಲ್ಲಿದ್ದಾಗ ಒಳ್ಳೆಯ ಹಾಡೊಂದನ್ನು ಕೇಳಿ. ಪ್ರಾಣಾಯಾಮ, ಧ್ಯಾನದಂತಹ ಕ್ರಿಯೆಗಳನ್ನು ಮಾಡಿ. ಮನಸ್ಸು ಸ್ವಲ್ಪ ಉಲ್ಲಸಿತವಾಗಬಹುದು.</p>.<p><strong>ಒಂದು ನೆನಪಿಡಿ:</strong> ಗೊಂದಲಗಳ ಗೂಡಾಗಿರುವ ಈ ನಿಮ್ಮ ಮನಸ್ಸಿನ ಸ್ಥಿತಿ ತಾತ್ಕಾಲಿಕವಷ್ಟೇ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
