<p>ಸಮಕಾಲೀನ ಜಗತ್ತಿನಲ್ಲಿ ಪ್ರಮುಖ ಒಕ್ಕೂಟವಾದ ಬ್ರಿಕ್ಸ್ (BRICS) ತನ್ನ ಮೈತ್ರಿಕೂಟವನ್ನು ವಿಸ್ತರಿಸಿ ಕೆಲವು ದೇಶಗಳನ್ನು ಸೇರಿಸಿಕೊಳ್ಳುವ ನಿರ್ಧಾರವು ಜಾಗತಿಕ ಆರ್ಥಿಕ, ರಾಜಕೀಯ ಚಿತ್ರಣದಲ್ಲಿ ಗಮನಾರ್ಹ ಬದಲಾವಣೆಯನ್ನು ತರಬಹುದಾದ ಒಂದು ನಡೆಯಾಗಿತ್ತು. ಈ ಪ್ರಸ್ತಾವಿತ ಒಕ್ಕೂಟದಲ್ಲಿ ಅರ್ಜೆಂಟೀನಾ ದೇಶವು ಬ್ರಿಕ್ಸ್ (BRICS) ಕೂಟವನ್ನು ಸೇರದಿರುವ ನಿರ್ಧಾರ ಕೈಗೊಂಡಿದೆ.</p><p>‘ಬ್ರಿಕ್ಸ್’ (BRICS) ಎಂಬುದು ಬ್ರೆಜಿಲ್, ರಷ್ಯಾ, ಇಂಡಿಯಾ, ಚೀನಾ ಮತ್ತು ದಕ್ಷಿಣ ಆಫ್ರಿಕಾ ಎಂಬುದರ ಸಂಕ್ಷಿಪ್ತ ರೂಪವಾಗಿದ್ದು, ಜಾಗತಿಕವಾದ ಆರ್ಥಿಕ ಅಭಿವೃದ್ಧಿ ಮತ್ತು ಸಹಕಾರಗಳಿಗೆ ಸಂಬಂಧಿಸಿದಂತೆ ಬೆಳೆಯುತ್ತಿರುವ ಆರ್ಥಿಕ ಶಕ್ತಿಗಳ ನಡುವಿನ ಮೈತ್ರಿಕೂಟವನ್ನು ಇದು ಪ್ರತಿನಿಧಿಸುತ್ತದೆ.</p><p>* ಅರ್ಜೆಂಟೀನಾ, ಈಜಿಪ್ಟ್, ಇಥಿಯೋಪಿಯಾ, ಇರಾನ್, ಸೌದಿ ಅರೇಬಿಯಾ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ದೇಶಗಳನ್ನು ಸೇರಿಸಿಕೊಳ್ಳುವುದು ಈ ಮೊದಲಿನ ಯೋಜನೆಯಾಗಿತ್ತು.</p><p>* ಆದರೆ ಅರ್ಜೆಂಟೀನಾದ ಅಧ್ಯಕ್ಷ ಜೇವಿಯರ್ ಮಿಲೈ ವಿಸ್ತರಿತ "ಬ್ರಿಕ್ಸ್" ಕೂಟಕ್ಕೆ ಸೇರುವ ನಿರ್ಧಾರದಿಂದ ಹಿಂದೆ ಸರಿದಿದ್ದಾರೆ.</p><p>* ‘ಬ್ರಿಕ್ಸ್’ ಕೂಟದ ವಿಸ್ತರಣೆಯು ಅರಬ್ ಜಗತ್ತಿನ ಎರಡು ಅತಿ ದೊಡ್ಡ ಆರ್ಥಿಕತೆಗಳಾದ ಸೌದಿ ಅರೇಬಿಯಾ ಮತ್ತು ಯುಎಇಗೆ ಹೊಸ ಹೂಡಿಕೆ ಅವಕಾಶಗಳ ಬಾಗಿಲನ್ನು ತೆರೆಯಲಿದೆ.</p><p>* 2006ರಲ್ಲಿ ಸ್ಥಾಪನೆಯಾದ "ಬ್ರಿಕ್ಸ್" ದೇಶಗಳು ಸಾಮೂಹಿಕ ಬೆಳವಣಿಗೆ, ಸುಸ್ಥಿರ ಅಭಿವೃದ್ಧಿ ಮತ್ತು ಅಂತರರಾಷ್ಟ್ರೀಯ ಅಖಾಡದಲ್ಲಿ ಸಂಪನ್ಮೂಲಗಳ ಹೆಚ್ಚು ನ್ಯಾಯಸಮ್ಮತ ಹಂಚಿಕೆಯ ಸಮಾನ ಗುರಿಗಳನ್ನು ಹೊಂದಿವೆ.</p><p>* BRICS ಒಂದು ಔಪಚಾರಿಕ ಸಂಸ್ಥೆಯ ರೂಪದಲ್ಲಿ ಅಸ್ತಿತ್ವದಲ್ಲಿಲ್ಲವಾದರೂ, ಇದುವರೆಗೂ ಈ ಐದು ದೇಶಗಳ ನಡುವೆ ನಡೆಯುವ ವಾರ್ಷಿಕ ಶೃಂಗಸಭೆಯಾಗಿ ಕಾರ್ಯನಿರ್ವಹಿಸುತ್ತಿತ್ತು.</p><p>* ಇದರ ಅಧ್ಯಕ್ಷೀಯ ಸ್ಥಾನವನ್ನು BRICS ಇಂಗ್ಲಿಷ್ ಅಕ್ಷರಮಾಲೆಗೆ ಅನುಗುಣವಾಗಿ, ವಾರ್ಷಿಕವಾಗಿ ಸದಸ್ಯರ ನಡುವೆ ಆವರ್ತಕ ರೂಪದಲ್ಲಿ ನಿಗದಿ ಪಡಿಸಲಾಗುತ್ತಿತ್ತು.</p><p><strong>ಬ್ರಿಕ್ ಬ್ರಿಕ್ಸ್ ಆದದ್ದು ಹೇಗೆ ?</strong></p><p>* ಬ್ರಿಕ್ ಎಂಬ ಸಂಕ್ಷಿಪ್ತ ರೂಪವನ್ನು 2001 ರಲ್ಲಿ ಗೋಲ್ಡ್ಮನ್ ಸ್ಯಾಚ್ಸ್ನ ಅರ್ಥಶಾಸ್ತ್ರಜ್ಞ ಜಿಮ್ ಓ'ನೀಲ್ ನಿರೂಪಿಸಿದರು.</p><p>* ಮೊದಲ BRIC ಶೃಂಗಸಭೆಯು 2009 ರಲ್ಲಿ ರಷ್ಯಾದ ಒಕ್ಕೂಟದಲ್ಲಿ ನಡೆದಿದ್ದು, ‘ಜಾಗತಿಕ ಹಣಕಾಸು ರಚನಾವಿನ್ಯಾಸದಲ್ಲಿ ಸುಧಾರಣೆ’ಯ ವಿಷಯಗಳ ಮೇಲೆ ಕೇಂದ್ರೀಕರಿಸಿತ್ತು.</p><p>* 2010ರಲ್ಲಿ ದಕ್ಷಿಣ ಆಫ್ರಿಕಾವನ್ನು ಸೇರಲು ಆಹ್ವಾನಿಸಿದ್ದು ಬಳಿಕ ಈ ಗುಂಪು BRICS ಎಂಬ ಸಂಕ್ಷಿಪ್ತ ರೂಪವನ್ನು ಅಳವಡಿಸಿಕೊಂಡಿತು. 2011 ರಲ್ಲಿ ಚೀನಾದ ಸನ್ಯಾದಲ್ಲಿ ನಡೆದ ಮೂರನೇ ಬ್ರಿಕ್ಸ್ ಶೃಂಗಸಭೆಯಲ್ಲಿ ದಕ್ಷಿಣ ಆಫ್ರಿಕಾವು ಭಾಗವಹಿಸಿತು.</p><p><strong>ಉದ್ದೇಶಗಳು:</strong> ಪರಸ್ಪರ ಗುಂಪಿನೊಳಗೆ ಮತ್ತು ದೇಶಗಳ ನಡುವೆ ಸಹಕಾರವನ್ನು ವಿಸ್ತರಿಸಿ ಮತ್ತು ತೀವ್ರಗೊಳಿಸಿ, ಪರಸ್ಪರ ಅಭಿವೃದ್ಧಿಗೆ ಪೂರಕವಾದ ಸುಸ್ಥಿರವಾದ ಲಾಭದಾಯಕ ನಡೆಗಳನ್ನು ಮುಂದುವರೆಸಲು ಬ್ರಿಕ್ಸ್ ಬಲವಾಗಿ ಪ್ರಯತ್ನಿಸುತ್ತದೆ.</p><p>ಜಾಗತಿಕ ಹಣಕಾಸು ಸಂಸ್ಥೆಗಳನ್ನು ಸುಧಾರಿಸುವ ತನ್ನ ಮೂಲ ಉದ್ದೇಶವನ್ನು ಮೀರಿ, ಪ್ರಸಕ್ತ ವೈವಿಧ್ಯಮಯ ಉದ್ದೇಶಗಳೊಂದಿಗೆ ಬ್ರಿಕ್ಸ್ ಹೊಸ ಮತ್ತು ಭರವಸೆಯ ರಾಜಕೀಯ - ರಾಜತಾಂತ್ರಿಕ ಘಟಕವಾಗಿ ಹೊರಹೊಮ್ಮುತ್ತಿದೆ.</p><p><strong>ಸಾಧನೆಗಳು</strong></p><p>* 2010 ರಲ್ಲಿ ಅಂತರರಾಷ್ಟ್ರೀಯ ಹಣಕಾಸು ನಿಧಿಯಲ್ಲಿ ಕೋಟಾ ಸುಧಾರಣೆಗೆ ಕಾರಣವಾದ ಸಾಂಸ್ಥಿಕ ಸುಧಾರಣೆಗೆ ಬ್ರಿಕ್ಸ್ ಒತ್ತಾಯಿಸಿತು.</p><p><strong>ನ್ಯೂ ಡೆವೆಲಪ್ ಮೆಂಟ್ ಬ್ಯಾಂಕ್ : ( New Development Bank )</strong></p><p>* ಫೋರ್ಟಲೆಜಾದಲ್ಲಿ Fortaleza (2014) ನಲ್ಲಿ ನಡೆದ ಆರನೇ BRICS ಶೃಂಗಸಭೆಯ ಸಂದರ್ಭದಲ್ಲಿ, ನಾಯಕರು ನ್ಯೂ ಡೆವೆಲಪ್ ಮೆಂಟ್ ಬ್ಯಾಂಕ್ ಅನ್ನು ಸ್ಥಾಪಿಸುವ ಒಪ್ಪಂದಕ್ಕೆ ಸಹಿ ಹಾಕಿದರು.</p><p>* NDB ಯ ಪ್ರಮುಖ ಕಾರ್ಯಾಚರಣೆಯ ಕ್ಷೇತ್ರಗಳು - ಶುದ್ಧ ಶಕ್ತಿ, ಸಾರಿಗೆ ಮೂಲಸೌಕರ್ಯ, ನೀರಾವರಿ, ಸುಸ್ಥಿರ ನಗರಾಭಿವೃದ್ಧಿ ಮತ್ತು ಸದಸ್ಯ ರಾಷ್ಟ್ರಗಳ ನಡುವೆ ಆರ್ಥಿಕ ಸಹಕಾರ.</p><p>* ಆರನೇ ಬ್ರಿಕ್ಸ್ ಶೃಂಗಸಭೆಯಲ್ಲಿ ಫೋರ್ಟಲೆಜಾ ಘೋಷಣೆಯ ಭಾಗವಾಗಿ ಬ್ರಿಕ್ಸ್ ರಾಷ್ಟ್ರಗಳು 2014 ರಲ್ಲಿ ಬ್ರಿಕ್ಸ್ 'ತುರ್ತು ಮೀಸಲು ನಿಧಿ ವ್ಯವಸ್ಥೆ'ಗೆ (ಸಿಆರ್ಎ) ಸಹಿ ಹಾಕಿದವು.</p><p>* ಕರೆನ್ಸಿ ವಿನಿಮಯದ ಮೂಲಕ ಸದಸ್ಯರಿಗೆ ಅಲ್ಪಾವಧಿಯ ದ್ರವ್ಯತೆ ಬೆಂಬಲವನ್ನು ಒದಗಿಸುವ ಮತ್ತು ಆರ್ಥಿಕತೆಯನ್ನು ಮತ್ತಷ್ಟು ಬಲಪಡಿಸುವ ಗುರಿಯನ್ನು BRICS CRA ಹೊಂದಿದೆ.</p><p>* CRA ಯ ಆರಂಭಿಕ ಒಟ್ಟು ಬದ್ಧ ಸಂಪನ್ಮೂಲಗಳು 100 ಬಿಲಿಯನ್ ಡಾಲರ್ ಆಗಿರಬೇಕು ಎನ್ನುವ ಷರತ್ತಿನೊಂದಿಗೆ ಪ್ರಾರಂಭವಾಗಿದೆ.</p><p>* ಜೋಹಾನ್ಸ್ಬರ್ಗ್ನಲ್ಲಿ ನಡೆದ ಮೂರು ದಿನಗಳ ಬ್ರಿಕ್ಸ್ ಶೃಂಗಸಭೆಯ ಕೊನೆಯಲ್ಲಿ ದಕ್ಷಿಣ ಆಫ್ರಿಕಾದ ಅಧ್ಯಕ್ಷ ಸಿರಿಲ್ ರಾಮಫೋಸಾ ಅವರು ಬ್ರಿಕ್ಸ್ ಗುಂಪಿನ ವಿಸ್ತರಣೆಯ ಬಗ್ಗೆಗಿನ ಮಹತ್ವದ ನಿರ್ಧಾರವನ್ನು ಪ್ರಕಟಿಸಿದರು.</p><p>* ಜಗತ್ತಿನಾದ್ಯಂತ 20 ಕ್ಕೂ ಹೆಚ್ಚು ರಾಷ್ಟ್ರಗಳು ಬ್ರಿಕ್ಸ್ ನ ಸದಸ್ಯತ್ವವನ್ನು ಕೋರಿ ಅರ್ಜಿಗಳನ್ನು ಸಲ್ಲಿಸಿದ್ದರೆ, ಇತರ 15 ಕ್ಕೂ ಹೆಚ್ಚು ದೇಶಗಳು ಬ್ರಿಕ್ಸ್ ನ ಭಾಗವಾಗುವ ಆಸಕ್ತಿಯನ್ನು ವ್ಯಕ್ತಪಡಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಮಕಾಲೀನ ಜಗತ್ತಿನಲ್ಲಿ ಪ್ರಮುಖ ಒಕ್ಕೂಟವಾದ ಬ್ರಿಕ್ಸ್ (BRICS) ತನ್ನ ಮೈತ್ರಿಕೂಟವನ್ನು ವಿಸ್ತರಿಸಿ ಕೆಲವು ದೇಶಗಳನ್ನು ಸೇರಿಸಿಕೊಳ್ಳುವ ನಿರ್ಧಾರವು ಜಾಗತಿಕ ಆರ್ಥಿಕ, ರಾಜಕೀಯ ಚಿತ್ರಣದಲ್ಲಿ ಗಮನಾರ್ಹ ಬದಲಾವಣೆಯನ್ನು ತರಬಹುದಾದ ಒಂದು ನಡೆಯಾಗಿತ್ತು. ಈ ಪ್ರಸ್ತಾವಿತ ಒಕ್ಕೂಟದಲ್ಲಿ ಅರ್ಜೆಂಟೀನಾ ದೇಶವು ಬ್ರಿಕ್ಸ್ (BRICS) ಕೂಟವನ್ನು ಸೇರದಿರುವ ನಿರ್ಧಾರ ಕೈಗೊಂಡಿದೆ.</p><p>‘ಬ್ರಿಕ್ಸ್’ (BRICS) ಎಂಬುದು ಬ್ರೆಜಿಲ್, ರಷ್ಯಾ, ಇಂಡಿಯಾ, ಚೀನಾ ಮತ್ತು ದಕ್ಷಿಣ ಆಫ್ರಿಕಾ ಎಂಬುದರ ಸಂಕ್ಷಿಪ್ತ ರೂಪವಾಗಿದ್ದು, ಜಾಗತಿಕವಾದ ಆರ್ಥಿಕ ಅಭಿವೃದ್ಧಿ ಮತ್ತು ಸಹಕಾರಗಳಿಗೆ ಸಂಬಂಧಿಸಿದಂತೆ ಬೆಳೆಯುತ್ತಿರುವ ಆರ್ಥಿಕ ಶಕ್ತಿಗಳ ನಡುವಿನ ಮೈತ್ರಿಕೂಟವನ್ನು ಇದು ಪ್ರತಿನಿಧಿಸುತ್ತದೆ.</p><p>* ಅರ್ಜೆಂಟೀನಾ, ಈಜಿಪ್ಟ್, ಇಥಿಯೋಪಿಯಾ, ಇರಾನ್, ಸೌದಿ ಅರೇಬಿಯಾ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ದೇಶಗಳನ್ನು ಸೇರಿಸಿಕೊಳ್ಳುವುದು ಈ ಮೊದಲಿನ ಯೋಜನೆಯಾಗಿತ್ತು.</p><p>* ಆದರೆ ಅರ್ಜೆಂಟೀನಾದ ಅಧ್ಯಕ್ಷ ಜೇವಿಯರ್ ಮಿಲೈ ವಿಸ್ತರಿತ "ಬ್ರಿಕ್ಸ್" ಕೂಟಕ್ಕೆ ಸೇರುವ ನಿರ್ಧಾರದಿಂದ ಹಿಂದೆ ಸರಿದಿದ್ದಾರೆ.</p><p>* ‘ಬ್ರಿಕ್ಸ್’ ಕೂಟದ ವಿಸ್ತರಣೆಯು ಅರಬ್ ಜಗತ್ತಿನ ಎರಡು ಅತಿ ದೊಡ್ಡ ಆರ್ಥಿಕತೆಗಳಾದ ಸೌದಿ ಅರೇಬಿಯಾ ಮತ್ತು ಯುಎಇಗೆ ಹೊಸ ಹೂಡಿಕೆ ಅವಕಾಶಗಳ ಬಾಗಿಲನ್ನು ತೆರೆಯಲಿದೆ.</p><p>* 2006ರಲ್ಲಿ ಸ್ಥಾಪನೆಯಾದ "ಬ್ರಿಕ್ಸ್" ದೇಶಗಳು ಸಾಮೂಹಿಕ ಬೆಳವಣಿಗೆ, ಸುಸ್ಥಿರ ಅಭಿವೃದ್ಧಿ ಮತ್ತು ಅಂತರರಾಷ್ಟ್ರೀಯ ಅಖಾಡದಲ್ಲಿ ಸಂಪನ್ಮೂಲಗಳ ಹೆಚ್ಚು ನ್ಯಾಯಸಮ್ಮತ ಹಂಚಿಕೆಯ ಸಮಾನ ಗುರಿಗಳನ್ನು ಹೊಂದಿವೆ.</p><p>* BRICS ಒಂದು ಔಪಚಾರಿಕ ಸಂಸ್ಥೆಯ ರೂಪದಲ್ಲಿ ಅಸ್ತಿತ್ವದಲ್ಲಿಲ್ಲವಾದರೂ, ಇದುವರೆಗೂ ಈ ಐದು ದೇಶಗಳ ನಡುವೆ ನಡೆಯುವ ವಾರ್ಷಿಕ ಶೃಂಗಸಭೆಯಾಗಿ ಕಾರ್ಯನಿರ್ವಹಿಸುತ್ತಿತ್ತು.</p><p>* ಇದರ ಅಧ್ಯಕ್ಷೀಯ ಸ್ಥಾನವನ್ನು BRICS ಇಂಗ್ಲಿಷ್ ಅಕ್ಷರಮಾಲೆಗೆ ಅನುಗುಣವಾಗಿ, ವಾರ್ಷಿಕವಾಗಿ ಸದಸ್ಯರ ನಡುವೆ ಆವರ್ತಕ ರೂಪದಲ್ಲಿ ನಿಗದಿ ಪಡಿಸಲಾಗುತ್ತಿತ್ತು.</p><p><strong>ಬ್ರಿಕ್ ಬ್ರಿಕ್ಸ್ ಆದದ್ದು ಹೇಗೆ ?</strong></p><p>* ಬ್ರಿಕ್ ಎಂಬ ಸಂಕ್ಷಿಪ್ತ ರೂಪವನ್ನು 2001 ರಲ್ಲಿ ಗೋಲ್ಡ್ಮನ್ ಸ್ಯಾಚ್ಸ್ನ ಅರ್ಥಶಾಸ್ತ್ರಜ್ಞ ಜಿಮ್ ಓ'ನೀಲ್ ನಿರೂಪಿಸಿದರು.</p><p>* ಮೊದಲ BRIC ಶೃಂಗಸಭೆಯು 2009 ರಲ್ಲಿ ರಷ್ಯಾದ ಒಕ್ಕೂಟದಲ್ಲಿ ನಡೆದಿದ್ದು, ‘ಜಾಗತಿಕ ಹಣಕಾಸು ರಚನಾವಿನ್ಯಾಸದಲ್ಲಿ ಸುಧಾರಣೆ’ಯ ವಿಷಯಗಳ ಮೇಲೆ ಕೇಂದ್ರೀಕರಿಸಿತ್ತು.</p><p>* 2010ರಲ್ಲಿ ದಕ್ಷಿಣ ಆಫ್ರಿಕಾವನ್ನು ಸೇರಲು ಆಹ್ವಾನಿಸಿದ್ದು ಬಳಿಕ ಈ ಗುಂಪು BRICS ಎಂಬ ಸಂಕ್ಷಿಪ್ತ ರೂಪವನ್ನು ಅಳವಡಿಸಿಕೊಂಡಿತು. 2011 ರಲ್ಲಿ ಚೀನಾದ ಸನ್ಯಾದಲ್ಲಿ ನಡೆದ ಮೂರನೇ ಬ್ರಿಕ್ಸ್ ಶೃಂಗಸಭೆಯಲ್ಲಿ ದಕ್ಷಿಣ ಆಫ್ರಿಕಾವು ಭಾಗವಹಿಸಿತು.</p><p><strong>ಉದ್ದೇಶಗಳು:</strong> ಪರಸ್ಪರ ಗುಂಪಿನೊಳಗೆ ಮತ್ತು ದೇಶಗಳ ನಡುವೆ ಸಹಕಾರವನ್ನು ವಿಸ್ತರಿಸಿ ಮತ್ತು ತೀವ್ರಗೊಳಿಸಿ, ಪರಸ್ಪರ ಅಭಿವೃದ್ಧಿಗೆ ಪೂರಕವಾದ ಸುಸ್ಥಿರವಾದ ಲಾಭದಾಯಕ ನಡೆಗಳನ್ನು ಮುಂದುವರೆಸಲು ಬ್ರಿಕ್ಸ್ ಬಲವಾಗಿ ಪ್ರಯತ್ನಿಸುತ್ತದೆ.</p><p>ಜಾಗತಿಕ ಹಣಕಾಸು ಸಂಸ್ಥೆಗಳನ್ನು ಸುಧಾರಿಸುವ ತನ್ನ ಮೂಲ ಉದ್ದೇಶವನ್ನು ಮೀರಿ, ಪ್ರಸಕ್ತ ವೈವಿಧ್ಯಮಯ ಉದ್ದೇಶಗಳೊಂದಿಗೆ ಬ್ರಿಕ್ಸ್ ಹೊಸ ಮತ್ತು ಭರವಸೆಯ ರಾಜಕೀಯ - ರಾಜತಾಂತ್ರಿಕ ಘಟಕವಾಗಿ ಹೊರಹೊಮ್ಮುತ್ತಿದೆ.</p><p><strong>ಸಾಧನೆಗಳು</strong></p><p>* 2010 ರಲ್ಲಿ ಅಂತರರಾಷ್ಟ್ರೀಯ ಹಣಕಾಸು ನಿಧಿಯಲ್ಲಿ ಕೋಟಾ ಸುಧಾರಣೆಗೆ ಕಾರಣವಾದ ಸಾಂಸ್ಥಿಕ ಸುಧಾರಣೆಗೆ ಬ್ರಿಕ್ಸ್ ಒತ್ತಾಯಿಸಿತು.</p><p><strong>ನ್ಯೂ ಡೆವೆಲಪ್ ಮೆಂಟ್ ಬ್ಯಾಂಕ್ : ( New Development Bank )</strong></p><p>* ಫೋರ್ಟಲೆಜಾದಲ್ಲಿ Fortaleza (2014) ನಲ್ಲಿ ನಡೆದ ಆರನೇ BRICS ಶೃಂಗಸಭೆಯ ಸಂದರ್ಭದಲ್ಲಿ, ನಾಯಕರು ನ್ಯೂ ಡೆವೆಲಪ್ ಮೆಂಟ್ ಬ್ಯಾಂಕ್ ಅನ್ನು ಸ್ಥಾಪಿಸುವ ಒಪ್ಪಂದಕ್ಕೆ ಸಹಿ ಹಾಕಿದರು.</p><p>* NDB ಯ ಪ್ರಮುಖ ಕಾರ್ಯಾಚರಣೆಯ ಕ್ಷೇತ್ರಗಳು - ಶುದ್ಧ ಶಕ್ತಿ, ಸಾರಿಗೆ ಮೂಲಸೌಕರ್ಯ, ನೀರಾವರಿ, ಸುಸ್ಥಿರ ನಗರಾಭಿವೃದ್ಧಿ ಮತ್ತು ಸದಸ್ಯ ರಾಷ್ಟ್ರಗಳ ನಡುವೆ ಆರ್ಥಿಕ ಸಹಕಾರ.</p><p>* ಆರನೇ ಬ್ರಿಕ್ಸ್ ಶೃಂಗಸಭೆಯಲ್ಲಿ ಫೋರ್ಟಲೆಜಾ ಘೋಷಣೆಯ ಭಾಗವಾಗಿ ಬ್ರಿಕ್ಸ್ ರಾಷ್ಟ್ರಗಳು 2014 ರಲ್ಲಿ ಬ್ರಿಕ್ಸ್ 'ತುರ್ತು ಮೀಸಲು ನಿಧಿ ವ್ಯವಸ್ಥೆ'ಗೆ (ಸಿಆರ್ಎ) ಸಹಿ ಹಾಕಿದವು.</p><p>* ಕರೆನ್ಸಿ ವಿನಿಮಯದ ಮೂಲಕ ಸದಸ್ಯರಿಗೆ ಅಲ್ಪಾವಧಿಯ ದ್ರವ್ಯತೆ ಬೆಂಬಲವನ್ನು ಒದಗಿಸುವ ಮತ್ತು ಆರ್ಥಿಕತೆಯನ್ನು ಮತ್ತಷ್ಟು ಬಲಪಡಿಸುವ ಗುರಿಯನ್ನು BRICS CRA ಹೊಂದಿದೆ.</p><p>* CRA ಯ ಆರಂಭಿಕ ಒಟ್ಟು ಬದ್ಧ ಸಂಪನ್ಮೂಲಗಳು 100 ಬಿಲಿಯನ್ ಡಾಲರ್ ಆಗಿರಬೇಕು ಎನ್ನುವ ಷರತ್ತಿನೊಂದಿಗೆ ಪ್ರಾರಂಭವಾಗಿದೆ.</p><p>* ಜೋಹಾನ್ಸ್ಬರ್ಗ್ನಲ್ಲಿ ನಡೆದ ಮೂರು ದಿನಗಳ ಬ್ರಿಕ್ಸ್ ಶೃಂಗಸಭೆಯ ಕೊನೆಯಲ್ಲಿ ದಕ್ಷಿಣ ಆಫ್ರಿಕಾದ ಅಧ್ಯಕ್ಷ ಸಿರಿಲ್ ರಾಮಫೋಸಾ ಅವರು ಬ್ರಿಕ್ಸ್ ಗುಂಪಿನ ವಿಸ್ತರಣೆಯ ಬಗ್ಗೆಗಿನ ಮಹತ್ವದ ನಿರ್ಧಾರವನ್ನು ಪ್ರಕಟಿಸಿದರು.</p><p>* ಜಗತ್ತಿನಾದ್ಯಂತ 20 ಕ್ಕೂ ಹೆಚ್ಚು ರಾಷ್ಟ್ರಗಳು ಬ್ರಿಕ್ಸ್ ನ ಸದಸ್ಯತ್ವವನ್ನು ಕೋರಿ ಅರ್ಜಿಗಳನ್ನು ಸಲ್ಲಿಸಿದ್ದರೆ, ಇತರ 15 ಕ್ಕೂ ಹೆಚ್ಚು ದೇಶಗಳು ಬ್ರಿಕ್ಸ್ ನ ಭಾಗವಾಗುವ ಆಸಕ್ತಿಯನ್ನು ವ್ಯಕ್ತಪಡಿಸಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
