<p><strong>ವಾಷಿಂಗ್ಟನ್</strong>: ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೊನಾಲ್ಡ್ ಟ್ರಂಪ್ ಗೆಲುವು ಸಾಧಿಸಿದ ಬೆನ್ನಲ್ಲೇ ಖ್ಯಾತ ಟಿವಿ ನಿರೂಪಕಿ ಎಲೆನ್ ಡಿಜನರ್ಸ್ ಅಮೆರಿಕ ತೊರೆದು ಇಂಗ್ಲೆಂಡ್ನಲ್ಲಿ ನೆಲೆಸಿದ್ದಾರೆ ಎಂದು ವರದಿಯಾಗಿದೆ.</p><p>ತಮ್ಮ ಚುಟುಕು ಹಾಸ್ಯದಿಂದಲೇ ಅಮೆರಿಕದಲ್ಲಿ ಮನೆ ಮಾತಾಗಿರುವ ಎಲೆನ್, ನಟನೆ, ಬರವಣಿಗೆ ಮತ್ತು ನಿರ್ಮಾಪಕಿಯಾಗಿಯೂ ಸೈ ಎನಿಸಿಕೊಂಡಿದ್ದರು. ‘ದಿ ಎಲೆನ್ ಶೋ’ ಅವರಿಗೆ ಅತ್ಯಂತ ಹೆಚ್ಚು ಜನಪ್ರಿಯತೆ ತಂದುಕೊಟ್ಟ ಕಾರ್ಯಕ್ರಮವಾಗಿದೆ. ಹಾಲಿವುಡ್ನ ಪ್ರಮುಖ ಕಲಾವಿದರು, ಪಾಪ್ ತಾರೆಯರು, ಖ್ಯಾತ ಉದ್ಯಮಿಗಳು ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದಾರೆ.</p><p>86ನೇ ಆಸ್ಕರ್ ಪ್ರಶಸ್ತಿ ಉದ್ಘಾಟನಾ ಕಾರ್ಯಕ್ರಮದ ನಿರೂಪಣೆಯನ್ನೂ ಎಲೆನ್ ನಿರ್ವಹಿಸಿದ್ದರು.</p><p>ನವೆಂಬರ್ 5ರಂದು ಅಮೆರಿಕದಲ್ಲಿ ಚುನಾವಣೆ ನಡೆದಿದ್ದು, ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಅವರಿಗೆ ಎಲೆನ್ ಬಹಿರಂಗವಾಗಿ ಬೆಂಬಲ ಸೂಚಿಸಿದ್ದರು. ‘ಕಮಲಾ ಹ್ಯಾರಿಸ್ ಅವರೇ ನಮ್ಮ ಮುಂದಿನ ಅಧ್ಯಕ್ಷರು’ ಎಂದೂ ಘೋಷಿಸಿದ್ದರು. ಆದರೆ, ಫಲಿತಾಂಶ ಬೇರೆಯದೇ ಆಗಿತ್ತು.</p><p>ಚುನಾವಣಾ ಫಲಿತಾಂಶದ ಬೆನ್ನಲ್ಲೇ ಮಾಂಟೆಸಿಟೋದಲ್ಲಿರುವ ತಮ್ಮ ಮನೆಯನ್ನು ಮಾರಾಟಕ್ಕೆ ಇಟ್ಟಿದ್ದು, ತಮ್ಮ ಸಂಗಾತಿ ಪೋರ್ಟಿಯಾ ಡಿ ರೊಸ್ಸಿ ಅವರೊಂದಿಗೆ ಇಂಗ್ಲೆಂಡ್ಗೆ ತೆರಳಿದ್ದಾರೆ ಎಂದು ಟಿಎಂಡಬ್ಲ್ಯೂ ಡಾಟ್ ಕಾಮ್ ವರದಿ ಮಾಡಿದೆ.</p><p>ಟ್ರಂಪ್ ನೀತಿಗಳು ದೇಶದ ಭವಿಷ್ಯಕ್ಕೆ ಮಾರಕವಾಗಿದೆ ಎಂಬ ಕಾರಣ ನೀಡಿ ಎಲೆನ್ ಮಾತ್ರವಲ್ಲದೇ ಹಲವಾರು ಹಾಲಿವುಡ್ ತಾರೆಯರು ಅಮೆರಿಕ ತೊರೆದಿದ್ದಾರೆ ಎಂದೂ ವರದಿ ಮಾಡಿದೆ. </p><p>ಜನಪ್ರಿಯ ತಾರೆಯರಾದ ಇವಾ ಲಾಂಗೋರಿಯಾ, ಗಿಲ್ಲೆರ್ಮೊ ರೊಡ್ರಿಗಸ್, ಶರೋನ್ ಸ್ಟೋನ್, ಬಾರ್ಬ್ರಾ ಸ್ಟ್ರೈಸೆಂಡ್, ಲಾವೆರ್ನೆ ಕಾಕ್ಸ್, ಮಿನ್ನೀ ಡ್ರೈವರ್ ಮತ್ತು ರಾವೆನ್-ಸೈಮೋನ್ ಅಮೆರಿಕ ತೊರೆಯುವ ನಿರ್ಧಾರ ಮಾಡಿದ್ದಾರೆ ಎಂದು ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್</strong>: ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೊನಾಲ್ಡ್ ಟ್ರಂಪ್ ಗೆಲುವು ಸಾಧಿಸಿದ ಬೆನ್ನಲ್ಲೇ ಖ್ಯಾತ ಟಿವಿ ನಿರೂಪಕಿ ಎಲೆನ್ ಡಿಜನರ್ಸ್ ಅಮೆರಿಕ ತೊರೆದು ಇಂಗ್ಲೆಂಡ್ನಲ್ಲಿ ನೆಲೆಸಿದ್ದಾರೆ ಎಂದು ವರದಿಯಾಗಿದೆ.</p><p>ತಮ್ಮ ಚುಟುಕು ಹಾಸ್ಯದಿಂದಲೇ ಅಮೆರಿಕದಲ್ಲಿ ಮನೆ ಮಾತಾಗಿರುವ ಎಲೆನ್, ನಟನೆ, ಬರವಣಿಗೆ ಮತ್ತು ನಿರ್ಮಾಪಕಿಯಾಗಿಯೂ ಸೈ ಎನಿಸಿಕೊಂಡಿದ್ದರು. ‘ದಿ ಎಲೆನ್ ಶೋ’ ಅವರಿಗೆ ಅತ್ಯಂತ ಹೆಚ್ಚು ಜನಪ್ರಿಯತೆ ತಂದುಕೊಟ್ಟ ಕಾರ್ಯಕ್ರಮವಾಗಿದೆ. ಹಾಲಿವುಡ್ನ ಪ್ರಮುಖ ಕಲಾವಿದರು, ಪಾಪ್ ತಾರೆಯರು, ಖ್ಯಾತ ಉದ್ಯಮಿಗಳು ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿದ್ದಾರೆ.</p><p>86ನೇ ಆಸ್ಕರ್ ಪ್ರಶಸ್ತಿ ಉದ್ಘಾಟನಾ ಕಾರ್ಯಕ್ರಮದ ನಿರೂಪಣೆಯನ್ನೂ ಎಲೆನ್ ನಿರ್ವಹಿಸಿದ್ದರು.</p><p>ನವೆಂಬರ್ 5ರಂದು ಅಮೆರಿಕದಲ್ಲಿ ಚುನಾವಣೆ ನಡೆದಿದ್ದು, ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಅವರಿಗೆ ಎಲೆನ್ ಬಹಿರಂಗವಾಗಿ ಬೆಂಬಲ ಸೂಚಿಸಿದ್ದರು. ‘ಕಮಲಾ ಹ್ಯಾರಿಸ್ ಅವರೇ ನಮ್ಮ ಮುಂದಿನ ಅಧ್ಯಕ್ಷರು’ ಎಂದೂ ಘೋಷಿಸಿದ್ದರು. ಆದರೆ, ಫಲಿತಾಂಶ ಬೇರೆಯದೇ ಆಗಿತ್ತು.</p><p>ಚುನಾವಣಾ ಫಲಿತಾಂಶದ ಬೆನ್ನಲ್ಲೇ ಮಾಂಟೆಸಿಟೋದಲ್ಲಿರುವ ತಮ್ಮ ಮನೆಯನ್ನು ಮಾರಾಟಕ್ಕೆ ಇಟ್ಟಿದ್ದು, ತಮ್ಮ ಸಂಗಾತಿ ಪೋರ್ಟಿಯಾ ಡಿ ರೊಸ್ಸಿ ಅವರೊಂದಿಗೆ ಇಂಗ್ಲೆಂಡ್ಗೆ ತೆರಳಿದ್ದಾರೆ ಎಂದು ಟಿಎಂಡಬ್ಲ್ಯೂ ಡಾಟ್ ಕಾಮ್ ವರದಿ ಮಾಡಿದೆ.</p><p>ಟ್ರಂಪ್ ನೀತಿಗಳು ದೇಶದ ಭವಿಷ್ಯಕ್ಕೆ ಮಾರಕವಾಗಿದೆ ಎಂಬ ಕಾರಣ ನೀಡಿ ಎಲೆನ್ ಮಾತ್ರವಲ್ಲದೇ ಹಲವಾರು ಹಾಲಿವುಡ್ ತಾರೆಯರು ಅಮೆರಿಕ ತೊರೆದಿದ್ದಾರೆ ಎಂದೂ ವರದಿ ಮಾಡಿದೆ. </p><p>ಜನಪ್ರಿಯ ತಾರೆಯರಾದ ಇವಾ ಲಾಂಗೋರಿಯಾ, ಗಿಲ್ಲೆರ್ಮೊ ರೊಡ್ರಿಗಸ್, ಶರೋನ್ ಸ್ಟೋನ್, ಬಾರ್ಬ್ರಾ ಸ್ಟ್ರೈಸೆಂಡ್, ಲಾವೆರ್ನೆ ಕಾಕ್ಸ್, ಮಿನ್ನೀ ಡ್ರೈವರ್ ಮತ್ತು ರಾವೆನ್-ಸೈಮೋನ್ ಅಮೆರಿಕ ತೊರೆಯುವ ನಿರ್ಧಾರ ಮಾಡಿದ್ದಾರೆ ಎಂದು ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
