<p><strong>ವಾಷಿಂಗ್ಟನ್:</strong> ಹಮಾಸ್ ಬಂಡುಕೊರರಿಂದ ದಾಳಿಗೆ ತುತ್ತಾಗಿರುವ ಇಸ್ರೇಲ್ಗೆ ಅಮೆರಿಕ ಭಾರಿ ಸೇನಾ ನೆರವು ಘೋಷಿಸಿದೆ. ಅತ್ಯಾಧುನಿಕ ವಿಮಾನವಾಹಕ ನೌಕೆ ‘ಫೋರ್ಡ್’ ಸೇರಿ ನೌಕೆಗಳು ಹಾಗೂ ವಿಮಾನಗಳನ್ನು ಕಳುಹಿಸಿಕೊಡುವುದಾಗಿ ಹೇಳಿದೆ.</p><p>ಪೋರ್ಡ್ ಅನ್ನು ಪೂರ್ವ ಮೆಡಿಟರೇನಿಯನ್ಗೆ ಕಳುಹಿಸಿ ಇಸ್ರೇಲ್ಗೆ ಬೆಂಬಲ ನೀಡುವುದಾಗಿ ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಅಸ್ಟಿನ್ ಭಾನುವಾರ ತಿಳಿಸಿದ್ದಾರೆ.</p><p>ಯುಎಸ್ಎಸ್ ಗೆರಾಲ್ಡ್ ಆರ್. ಫೋರ್ಡ್, ನೌಕಾಪಡೆಯ ನೂತನ ಮತ್ತು ಅತ್ಯಾಧುನಿಕ ವಿಮಾನವಾಹಕ ನೌಕೆಯಾಗಿದ್ದು, ಸರಿಸುಮಾರು 5,000 ನಾವಿಕರನ್ನು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ. ಯುದ್ಧವಿಮಾನಗಳ ಡೆಕ್ ಕ್ರೂಸರ್ಗಳು ಮತ್ತು ಶಸ್ತ್ರಾಸ್ತ್ರಗಳು ಇದರಲ್ಲಿ ಇರಲಿದೆ. ಎಂಥಹದೇ ದಾಳಿಗೆ ಪ್ರತ್ಯುತ್ತರ ನೀಡಲು ಈ ನೌಕೆ ಸಜ್ಜಾಗಿರಲಿದೆ. ಹೆಚ್ಚುವರಿ ಶಸ್ತ್ರಾಸ್ತ್ರಗಳನ್ನು ಹಮಾಸ್ ತಲುಪದಂತೆ ತಡೆಯುವುದರ ಜತೆಗೆ ಕಣ್ಗಾವಲನ್ನೂ ಈ ನೌಕೆ ನಡೆಸಲಿದೆ.</p><p>ಫೋರ್ಡ್ ನೌಕೆ ಜತೆಗೆ ಯುಎಸ್ಎಸ್ ನೋರ್ಮಾಂಡಿ ನೌಕೆ ಹಾಗೂ ವಿಧ್ವಂಸಕ ನೌಕೆಗಳಾದ ಥೋಮಸ್ ಹಡ್ನರ್, ಯುಎಸ್ಎಸ್ ರಾಮೇಜ್, ಯುಎಸ್ಎಸ್ ಕಾರ್ನಿ ಹಾಗೂ ಯುಎಸ್ಎಸ್ ರೂಸ್ವೆಲ್ಟ್ಗಳನ್ನು ಕೂಡ ಅಮೆರಿಕ ಕಳುಹಿಸಿಕೊಡಲಿದೆ. ವಾಯುಸೇನೆಯ F-35, F-15, F-16 ಹಾಗೂ A-10 ಯುದ್ಧವಿಮಾನಗಳು ಕೂಡ ಕಳುಹಿಸಿಕೊಡುವುದಾಗಿ ಅಮೆರಿಕ ಹೇಳಿದೆ.</p><p>ಇವೆಲ್ಲವುಗಳ ಜತೆಗೆ ಇಸ್ರೇಲ್ ರಕ್ಷಣಾ ಪಡೆಗೆ ಬೇಕಾದ ಯುದ್ಧ ಸಾಮಾಗ್ರಿ ಸೇರಿದಂತೆ ಹೆಚ್ಚುವರಿ ಉಪಕರಣಗಳು ಮತ್ತು ಸಂಪನ್ಮೂಲಗಳು ತ್ವರಿತವಾಗಿ ನೀಡಲಿದ್ದೇವೆ ಎಂದು ಅಸ್ಟಿನ್ ಪ್ರಕಟಿಸಿದ್ದಾರೆ.</p><p>ಪ್ರಾಥಮಿಕ ಮಾಹಿತಿಯ ಪ್ರಕಾರ, ಅಮೆರಿಕದ ನಾಲ್ವರು ನಾಗರಿಕರು ಸಂಘರ್ಷದಲ್ಲಿ ಮೃತಪಟ್ಟಿದ್ದು, 7 ಮಂದಿ ಕಾಣೆಯಾಗಿದ್ದಾರೆ. ಘಟನೆ ಸಂಬಂಧ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಅವರು ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೇತನ್ಯಾಹು ಜತೆ ದೂರವಾಣಿ ಮೂಲಕ ಭಾನುವಾರ ಮಾತನಾಡಿದ್ದಾರೆ. ಹಮಾಸ್ ಬಂಡುಕೋರರು ಒತ್ತೆಯಾಳಾಗಿರಿಸಿಕೊಂಡಿರುವವರ ಬಿಡುಗಡೆ ಬಗ್ಗೆ ಚರ್ಚೆ ನಡೆಸಿದ್ದಾರೆ ಎಂದು ಶ್ವೇತಭವನದ ಪ್ರಕಟಣೆ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ಹಮಾಸ್ ಬಂಡುಕೊರರಿಂದ ದಾಳಿಗೆ ತುತ್ತಾಗಿರುವ ಇಸ್ರೇಲ್ಗೆ ಅಮೆರಿಕ ಭಾರಿ ಸೇನಾ ನೆರವು ಘೋಷಿಸಿದೆ. ಅತ್ಯಾಧುನಿಕ ವಿಮಾನವಾಹಕ ನೌಕೆ ‘ಫೋರ್ಡ್’ ಸೇರಿ ನೌಕೆಗಳು ಹಾಗೂ ವಿಮಾನಗಳನ್ನು ಕಳುಹಿಸಿಕೊಡುವುದಾಗಿ ಹೇಳಿದೆ.</p><p>ಪೋರ್ಡ್ ಅನ್ನು ಪೂರ್ವ ಮೆಡಿಟರೇನಿಯನ್ಗೆ ಕಳುಹಿಸಿ ಇಸ್ರೇಲ್ಗೆ ಬೆಂಬಲ ನೀಡುವುದಾಗಿ ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಅಸ್ಟಿನ್ ಭಾನುವಾರ ತಿಳಿಸಿದ್ದಾರೆ.</p><p>ಯುಎಸ್ಎಸ್ ಗೆರಾಲ್ಡ್ ಆರ್. ಫೋರ್ಡ್, ನೌಕಾಪಡೆಯ ನೂತನ ಮತ್ತು ಅತ್ಯಾಧುನಿಕ ವಿಮಾನವಾಹಕ ನೌಕೆಯಾಗಿದ್ದು, ಸರಿಸುಮಾರು 5,000 ನಾವಿಕರನ್ನು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ. ಯುದ್ಧವಿಮಾನಗಳ ಡೆಕ್ ಕ್ರೂಸರ್ಗಳು ಮತ್ತು ಶಸ್ತ್ರಾಸ್ತ್ರಗಳು ಇದರಲ್ಲಿ ಇರಲಿದೆ. ಎಂಥಹದೇ ದಾಳಿಗೆ ಪ್ರತ್ಯುತ್ತರ ನೀಡಲು ಈ ನೌಕೆ ಸಜ್ಜಾಗಿರಲಿದೆ. ಹೆಚ್ಚುವರಿ ಶಸ್ತ್ರಾಸ್ತ್ರಗಳನ್ನು ಹಮಾಸ್ ತಲುಪದಂತೆ ತಡೆಯುವುದರ ಜತೆಗೆ ಕಣ್ಗಾವಲನ್ನೂ ಈ ನೌಕೆ ನಡೆಸಲಿದೆ.</p><p>ಫೋರ್ಡ್ ನೌಕೆ ಜತೆಗೆ ಯುಎಸ್ಎಸ್ ನೋರ್ಮಾಂಡಿ ನೌಕೆ ಹಾಗೂ ವಿಧ್ವಂಸಕ ನೌಕೆಗಳಾದ ಥೋಮಸ್ ಹಡ್ನರ್, ಯುಎಸ್ಎಸ್ ರಾಮೇಜ್, ಯುಎಸ್ಎಸ್ ಕಾರ್ನಿ ಹಾಗೂ ಯುಎಸ್ಎಸ್ ರೂಸ್ವೆಲ್ಟ್ಗಳನ್ನು ಕೂಡ ಅಮೆರಿಕ ಕಳುಹಿಸಿಕೊಡಲಿದೆ. ವಾಯುಸೇನೆಯ F-35, F-15, F-16 ಹಾಗೂ A-10 ಯುದ್ಧವಿಮಾನಗಳು ಕೂಡ ಕಳುಹಿಸಿಕೊಡುವುದಾಗಿ ಅಮೆರಿಕ ಹೇಳಿದೆ.</p><p>ಇವೆಲ್ಲವುಗಳ ಜತೆಗೆ ಇಸ್ರೇಲ್ ರಕ್ಷಣಾ ಪಡೆಗೆ ಬೇಕಾದ ಯುದ್ಧ ಸಾಮಾಗ್ರಿ ಸೇರಿದಂತೆ ಹೆಚ್ಚುವರಿ ಉಪಕರಣಗಳು ಮತ್ತು ಸಂಪನ್ಮೂಲಗಳು ತ್ವರಿತವಾಗಿ ನೀಡಲಿದ್ದೇವೆ ಎಂದು ಅಸ್ಟಿನ್ ಪ್ರಕಟಿಸಿದ್ದಾರೆ.</p><p>ಪ್ರಾಥಮಿಕ ಮಾಹಿತಿಯ ಪ್ರಕಾರ, ಅಮೆರಿಕದ ನಾಲ್ವರು ನಾಗರಿಕರು ಸಂಘರ್ಷದಲ್ಲಿ ಮೃತಪಟ್ಟಿದ್ದು, 7 ಮಂದಿ ಕಾಣೆಯಾಗಿದ್ದಾರೆ. ಘಟನೆ ಸಂಬಂಧ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಅವರು ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೇತನ್ಯಾಹು ಜತೆ ದೂರವಾಣಿ ಮೂಲಕ ಭಾನುವಾರ ಮಾತನಾಡಿದ್ದಾರೆ. ಹಮಾಸ್ ಬಂಡುಕೋರರು ಒತ್ತೆಯಾಳಾಗಿರಿಸಿಕೊಂಡಿರುವವರ ಬಿಡುಗಡೆ ಬಗ್ಗೆ ಚರ್ಚೆ ನಡೆಸಿದ್ದಾರೆ ಎಂದು ಶ್ವೇತಭವನದ ಪ್ರಕಟಣೆ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
