<p><strong>ನವದೆಹಲಿ</strong>: ಜನರಿಗೆ ಸಾಲದ ಆಮಿಷವೊಡ್ಡಿ ಹಣ ಕದಿಯುವ 17 ಮೊಬೈಲ್ ಅಪ್ಲಿಕೇಷನ್ಗಳನ್ನು ಗೂಗಲ್ ಪ್ಲೇ ಸ್ಟೋರ್ನಿಂದ ತೆಗೆದುಹಾಕಲಾಗಿದೆ.</p><p>ಕಡಿಮೆ ದಾಖಲೆಗಳನ್ನು ಒದಗಿಸಿ ತ್ವರಿತವಾಗಿ ಸಾಲ ಪಡೆಯಿರಿ ಎನ್ನುವ ಆಮಿಷವೊಡ್ಡಿ ಆ್ಯಪ್ಗಳನ್ನು ಡೌನ್ಲೋಡ್ ಮಾಡಿಕೊಳ್ಳುವಂತೆ ಸೂಚಿಸುತ್ತಾರೆ. ಜನರು ಆ್ಯಪ್ ಡೌನ್ಲೋಡ್ ಮಾಡುತ್ತಿದ್ದಂತೆಯೇ ಅವರಿಗೇ ಅರಿವಿಲ್ಲದಂತೆ ನೀಡಿದ ಒಪ್ಪಿಗೆಗಳಿಂದಾಗಿ ಫೋನ್ನಲ್ಲಿನ ಸಂಪರ್ಕಗಳು, ಫೋಟೊ, ಆಲ್ಬಮ್ಗಳು ಮತ್ತು ಇತರ ಸೂಕ್ಷ್ಮ ಡೇಟಾವನ್ನು ಕದಿಯಲಾಗುತ್ತದೆ.</p><p>ಸಾಲವನ್ನು ನೀಡುವಾಗ ನಮೂದಿಸಲಾದ ನಿಯಮಗಳು ಮತ್ತು ಷರತ್ತುಗಳಿಗೆ ವಿರುದ್ಧವಾಗಿ, ಯಾವುದೇ ಸೂಚನೆಯಿಲ್ಲದೆಯೇ ಆ್ಯಪ್ಗಳು ಬಡ್ಡಿದರಗಳನ್ನು ಹೆಚ್ಚಿಸುತ್ತವೆ. ಅಲ್ಲದೆ 90 ದಿನಗಳ ಬದಲಿಗೆ ಒಂದು ವಾರದೊಳಗೆ ಸಾಲದ ಮೊತ್ತವನ್ನು ಪಾವತಿಸುವಂತೆ ಒತ್ತಾಯಿಸುತ್ತವೆ.</p><p>ಒಂದು ವೇಳೆ ವ್ಯಕ್ತಿಯು ಕಂತುಗಳಲ್ಲಿ ಡೀಫಾಲ್ಟ್ ಮಾಡಿದಾಗ, ಲೋನ್ ಅಪ್ಲಿಕೇಶನ್ ಡೆವಲಪರ್ ಕಾನೂನುಬಾಹಿರವಾಗಿ ಫೋಟೊ ಮತ್ತು ವೀಡಿಯೊಗಳಂತಹ ವೈಯಕ್ತಿಕ ವಿವರಗಳನ್ನು ಕದ್ದು ಅವುಗಳನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡು ಬೆದರಿಕೆ ಹಾಕುತ್ತಾರೆ. ಇದರಿಂದ ಅನೇಕ ಆತ್ಮಹತ್ಯೆ ಪ್ರಕರಣಗಳೂ ವರದಿಯಾಗಿವೆ. </p><p>ಹೀಗಾಗಿ ಗೂಗಲ್ನ ಡಿಫೆನ್ಸ್ ಅಲಯನ್ಸ್ನ ಭಾಗವಾಗಿರುವ ESET, ಭಾರತ, ಮೆಕ್ಸಿಕೋ, ಇಂಡೋನೇಷ್ಯಾ, ಥೈಲ್ಯಾಂಡ್, ವಿಯೆಟ್ನಾಂ, ಪಾಕಿಸ್ತಾನ, ಕೊಲಂಬಿಯಾ, ಪೆರು, ಫಿಲಿಪಿನ್ಸ್, ಈಜಿಪ್ಟ್, ಕೀನ್ಯಾ, ನೈಜೀರಿಯಾ ಮತ್ತು ಸಿಂಗಾಪುರದಲ್ಲಿ ಕಾರ್ಯನಿರ್ವಹಿಸುತ್ತಿರುವ 17 ಬೇಹುಗಾರಿಕೆ ಅಪ್ಲಿಕೇಶನ್ಗಳನ್ನು ಗುರುತಿಸಿದೆ. ಅವುಗಳಲ್ಲಿ</p><p>ಎಎ ಕ್ರೆಡಿಟ್ (AA Kredit), ಅಮೊರ್ ಕ್ಯಾಶ್ (Amor Cash), ಈಸಿ ಕ್ರೆಡಿಟ್ (EasyCredit), ಕ್ಯಾಶ್ ವಾವ್ (Cashwow), ಕ್ರೆಡಿ ಬಸ್(CrediBus), ಟ್ರ್ಯೂ ನೈರಾ (TrueNaira), 4ಎಸ್ ಕ್ಯಾಶ್(4S Cash) ಅಪ್ಲಿಕೇಷನ್ಗಳು ಸೇರಿದಂತೆ 17 ಆ್ಯಪ್ಗಳಿವೆ.</p><p>ಅಚ್ಚರಿಯೆಂದರೆ 1.2 ಕೋಟಿಗೂ ಅಧಿಕ ಜನರು ಈ ಅಪ್ಲಿಕೇಶನ್ಗಳನ್ನು ಡೌನ್ಲೋಡ್ ಮಾಡಿಕೊಡಿದ್ದು, ಕಿರುಕುಳ ಅನುಭವಿಸಿದ್ದಾರೆ ಎಂದು ವರದಿಯಾಗಿದೆ.</p><p><strong>ಸಾಲ ನೀಡುವ ನಕಲಿ ಆ್ಯಪ್ಗಳಿಂದ ಬಚಾವಾಗುವುದು ಹೇಗೆ?</strong> </p><p>-ಪರಿಚಯವಿಲ್ಲದ ಕಂಪನಿಗಳು ಅಭಿವೃದ್ಧಿಪಡಿಸಿದ ಈ ವಂಚನೆ ಸಾಲದ ಅಪ್ಲಿಕೇಶನ್ಗಳನ್ನು ಎಸ್ಎಂಎಸ್ ಮೂಲಕ ಜನರನ್ನು ತಲುಪುತ್ತವೆ. ಕಡಿಮೆ ಬಡ್ಡಿದರದ ಸಾಲ, ಆಕರ್ಷಕ ಕೊಡುಗೆಗಳ ಬಗ್ಗೆ ಎಸ್ಎಂಎಸ್ ನೀಡಲಾಗುತ್ತದೆ. ಗೂಗಲ್ ಪ್ಲೇ ಸ್ಟೋರ್ನಿಂದ ಅಂತಹ ಅಪ್ಲಿಕೇಶನ್ಗಳನ್ನು ಎಂದಿಗೂ ಡೌನ್ಲೋಡ್ ಮಾಡಬೇಡಿ</p><p>-ಆ್ಯಪ್ಗಳನ್ನು ಇನ್ಸ್ಟಾಲ್ ಮಾಡುವಾಗ ಫೋಟೊ ಗ್ಯಾಲರಿ, ಇ–ಮೇಲ್, ಸಂಪರ್ಕ ಸಂಖ್ಯೆಗಳಿಗೆ ಮತ್ತು ಎಸ್ಎಂಎಸ್ಗಳಿಗೆ ಅನುಮತಿ ನೀಡಬೇಡಿ</p><p>-ಬ್ಯಾಂಕ್ಗಳ ಆ್ಯಪ್ ಮತ್ತು ಡಿಜಿಟಲ್ ವಾಲೆಟ್ ಅಥವಾ ಭಾರತದಲ್ಲಿ ನಂಬಿಕೆಗೆ ಅರ್ಹವಾದ ಕಂಪನಿಗಳಿಂದ ಅಭಿವೃದ್ಧಿಯಾದ ಅಪ್ಲಿಕೇಷನ್ಗಳನ್ನು ಮಾತ್ರ ಡೌನ್ಲೋಡ್ ಮಾಡಿಕೊಳ್ಳಿ.</p><p>-ಆ್ಯಂಟಿ ವೈರಸ್ ಆ್ಯಪ್ಗಳನ್ನು ಇನ್ಸ್ಟಾಲ್ ಮಾಡಿಕೊಳ್ಳಿ. ಇದರಿಂದ ಬೇರೆ ಯಾವುದೇ ಅಪ್ಲಿಕೇಷನ್ಗಳಿಂದ ಮೊಬೈಲ್ಗೆ ಉಂಟಾಗುವ ಹಾನಿಯನ್ನು ತಪ್ಪಿಸಬಹುದು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಜನರಿಗೆ ಸಾಲದ ಆಮಿಷವೊಡ್ಡಿ ಹಣ ಕದಿಯುವ 17 ಮೊಬೈಲ್ ಅಪ್ಲಿಕೇಷನ್ಗಳನ್ನು ಗೂಗಲ್ ಪ್ಲೇ ಸ್ಟೋರ್ನಿಂದ ತೆಗೆದುಹಾಕಲಾಗಿದೆ.</p><p>ಕಡಿಮೆ ದಾಖಲೆಗಳನ್ನು ಒದಗಿಸಿ ತ್ವರಿತವಾಗಿ ಸಾಲ ಪಡೆಯಿರಿ ಎನ್ನುವ ಆಮಿಷವೊಡ್ಡಿ ಆ್ಯಪ್ಗಳನ್ನು ಡೌನ್ಲೋಡ್ ಮಾಡಿಕೊಳ್ಳುವಂತೆ ಸೂಚಿಸುತ್ತಾರೆ. ಜನರು ಆ್ಯಪ್ ಡೌನ್ಲೋಡ್ ಮಾಡುತ್ತಿದ್ದಂತೆಯೇ ಅವರಿಗೇ ಅರಿವಿಲ್ಲದಂತೆ ನೀಡಿದ ಒಪ್ಪಿಗೆಗಳಿಂದಾಗಿ ಫೋನ್ನಲ್ಲಿನ ಸಂಪರ್ಕಗಳು, ಫೋಟೊ, ಆಲ್ಬಮ್ಗಳು ಮತ್ತು ಇತರ ಸೂಕ್ಷ್ಮ ಡೇಟಾವನ್ನು ಕದಿಯಲಾಗುತ್ತದೆ.</p><p>ಸಾಲವನ್ನು ನೀಡುವಾಗ ನಮೂದಿಸಲಾದ ನಿಯಮಗಳು ಮತ್ತು ಷರತ್ತುಗಳಿಗೆ ವಿರುದ್ಧವಾಗಿ, ಯಾವುದೇ ಸೂಚನೆಯಿಲ್ಲದೆಯೇ ಆ್ಯಪ್ಗಳು ಬಡ್ಡಿದರಗಳನ್ನು ಹೆಚ್ಚಿಸುತ್ತವೆ. ಅಲ್ಲದೆ 90 ದಿನಗಳ ಬದಲಿಗೆ ಒಂದು ವಾರದೊಳಗೆ ಸಾಲದ ಮೊತ್ತವನ್ನು ಪಾವತಿಸುವಂತೆ ಒತ್ತಾಯಿಸುತ್ತವೆ.</p><p>ಒಂದು ವೇಳೆ ವ್ಯಕ್ತಿಯು ಕಂತುಗಳಲ್ಲಿ ಡೀಫಾಲ್ಟ್ ಮಾಡಿದಾಗ, ಲೋನ್ ಅಪ್ಲಿಕೇಶನ್ ಡೆವಲಪರ್ ಕಾನೂನುಬಾಹಿರವಾಗಿ ಫೋಟೊ ಮತ್ತು ವೀಡಿಯೊಗಳಂತಹ ವೈಯಕ್ತಿಕ ವಿವರಗಳನ್ನು ಕದ್ದು ಅವುಗಳನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡು ಬೆದರಿಕೆ ಹಾಕುತ್ತಾರೆ. ಇದರಿಂದ ಅನೇಕ ಆತ್ಮಹತ್ಯೆ ಪ್ರಕರಣಗಳೂ ವರದಿಯಾಗಿವೆ. </p><p>ಹೀಗಾಗಿ ಗೂಗಲ್ನ ಡಿಫೆನ್ಸ್ ಅಲಯನ್ಸ್ನ ಭಾಗವಾಗಿರುವ ESET, ಭಾರತ, ಮೆಕ್ಸಿಕೋ, ಇಂಡೋನೇಷ್ಯಾ, ಥೈಲ್ಯಾಂಡ್, ವಿಯೆಟ್ನಾಂ, ಪಾಕಿಸ್ತಾನ, ಕೊಲಂಬಿಯಾ, ಪೆರು, ಫಿಲಿಪಿನ್ಸ್, ಈಜಿಪ್ಟ್, ಕೀನ್ಯಾ, ನೈಜೀರಿಯಾ ಮತ್ತು ಸಿಂಗಾಪುರದಲ್ಲಿ ಕಾರ್ಯನಿರ್ವಹಿಸುತ್ತಿರುವ 17 ಬೇಹುಗಾರಿಕೆ ಅಪ್ಲಿಕೇಶನ್ಗಳನ್ನು ಗುರುತಿಸಿದೆ. ಅವುಗಳಲ್ಲಿ</p><p>ಎಎ ಕ್ರೆಡಿಟ್ (AA Kredit), ಅಮೊರ್ ಕ್ಯಾಶ್ (Amor Cash), ಈಸಿ ಕ್ರೆಡಿಟ್ (EasyCredit), ಕ್ಯಾಶ್ ವಾವ್ (Cashwow), ಕ್ರೆಡಿ ಬಸ್(CrediBus), ಟ್ರ್ಯೂ ನೈರಾ (TrueNaira), 4ಎಸ್ ಕ್ಯಾಶ್(4S Cash) ಅಪ್ಲಿಕೇಷನ್ಗಳು ಸೇರಿದಂತೆ 17 ಆ್ಯಪ್ಗಳಿವೆ.</p><p>ಅಚ್ಚರಿಯೆಂದರೆ 1.2 ಕೋಟಿಗೂ ಅಧಿಕ ಜನರು ಈ ಅಪ್ಲಿಕೇಶನ್ಗಳನ್ನು ಡೌನ್ಲೋಡ್ ಮಾಡಿಕೊಡಿದ್ದು, ಕಿರುಕುಳ ಅನುಭವಿಸಿದ್ದಾರೆ ಎಂದು ವರದಿಯಾಗಿದೆ.</p><p><strong>ಸಾಲ ನೀಡುವ ನಕಲಿ ಆ್ಯಪ್ಗಳಿಂದ ಬಚಾವಾಗುವುದು ಹೇಗೆ?</strong> </p><p>-ಪರಿಚಯವಿಲ್ಲದ ಕಂಪನಿಗಳು ಅಭಿವೃದ್ಧಿಪಡಿಸಿದ ಈ ವಂಚನೆ ಸಾಲದ ಅಪ್ಲಿಕೇಶನ್ಗಳನ್ನು ಎಸ್ಎಂಎಸ್ ಮೂಲಕ ಜನರನ್ನು ತಲುಪುತ್ತವೆ. ಕಡಿಮೆ ಬಡ್ಡಿದರದ ಸಾಲ, ಆಕರ್ಷಕ ಕೊಡುಗೆಗಳ ಬಗ್ಗೆ ಎಸ್ಎಂಎಸ್ ನೀಡಲಾಗುತ್ತದೆ. ಗೂಗಲ್ ಪ್ಲೇ ಸ್ಟೋರ್ನಿಂದ ಅಂತಹ ಅಪ್ಲಿಕೇಶನ್ಗಳನ್ನು ಎಂದಿಗೂ ಡೌನ್ಲೋಡ್ ಮಾಡಬೇಡಿ</p><p>-ಆ್ಯಪ್ಗಳನ್ನು ಇನ್ಸ್ಟಾಲ್ ಮಾಡುವಾಗ ಫೋಟೊ ಗ್ಯಾಲರಿ, ಇ–ಮೇಲ್, ಸಂಪರ್ಕ ಸಂಖ್ಯೆಗಳಿಗೆ ಮತ್ತು ಎಸ್ಎಂಎಸ್ಗಳಿಗೆ ಅನುಮತಿ ನೀಡಬೇಡಿ</p><p>-ಬ್ಯಾಂಕ್ಗಳ ಆ್ಯಪ್ ಮತ್ತು ಡಿಜಿಟಲ್ ವಾಲೆಟ್ ಅಥವಾ ಭಾರತದಲ್ಲಿ ನಂಬಿಕೆಗೆ ಅರ್ಹವಾದ ಕಂಪನಿಗಳಿಂದ ಅಭಿವೃದ್ಧಿಯಾದ ಅಪ್ಲಿಕೇಷನ್ಗಳನ್ನು ಮಾತ್ರ ಡೌನ್ಲೋಡ್ ಮಾಡಿಕೊಳ್ಳಿ.</p><p>-ಆ್ಯಂಟಿ ವೈರಸ್ ಆ್ಯಪ್ಗಳನ್ನು ಇನ್ಸ್ಟಾಲ್ ಮಾಡಿಕೊಳ್ಳಿ. ಇದರಿಂದ ಬೇರೆ ಯಾವುದೇ ಅಪ್ಲಿಕೇಷನ್ಗಳಿಂದ ಮೊಬೈಲ್ಗೆ ಉಂಟಾಗುವ ಹಾನಿಯನ್ನು ತಪ್ಪಿಸಬಹುದು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
