<p><strong>ನವದೆಹಲಿ</strong>: ಪ್ರಧಾನಿ ನರೇಂದ್ರ ಮೋದಿ ಅವರ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ದೆಹಲಿಯ ರೆಸ್ಟೋರೆಂಟ್ವೊಂದರಲ್ಲಿ 10 ದಿನಗಳ ಕಾಲ 56 ಇಂಚಿನ ಥಾಲಿ ವ್ಯವಸ್ಥೆ ಮಾಡಲು ನಿರ್ಧರಿಸಲಾಗಿದೆ.</p>.<p>ಕನಾಟ್ ಪ್ರದೇಶದಲ್ಲಿರುವ ಆರ್ಡರ್ 2.1 ರೆಸ್ಟೊರೆಂಟ್ ಈ ಯೋಜನೆ ಆರಂಭಿಸಲು ಮುಂದಾಗಿದ್ದು, ಈ ಅವಧಿಯಲ್ಲಿ ರೆಸ್ಟೊರೆಂಟ್ಗೆ ಭೇಟಿ ನೀಡುವ ಜನರಲ್ಲಿ ಇಬ್ಬರು ಅದೃಷ್ಟಶಾಲಿಗಳಿಗೆ ಕೇದರಾನಾಥಕ್ಕೆ ಉಚಿತ ಪ್ರವಾಸದ ಅವಕಾಶ ಸಿಗಲಿದೆ ಎಂದು ಮಾಲೀಕ ಸುವೀತ್ ಕಾಲ್ರಾ ಹೇಳಿದ್ದಾರೆ.</p>.<p>‘ನಾವು ಪ್ರಧಾನಿ ನರೇಂದ್ರ ಮೋದಿಯವರ ಬಹು ದೊಡ್ಡ ಅಭಿಮಾನಿಗಳು. ನಮ್ಮ ರೆಸ್ಟೋರೆಂಟ್ ವಿಶಿಷ್ಟ ಥಾಲಿಗಳಿಗೆ ಹೆಸರುವಾಸಿಯಾಗಿದೆ. 56 ಇಂಚಿನ ಥಾಲಿಯು 56 ಭಕ್ಷ್ಯಗಳ ಸಂಯೋಜನೆಯಾಗಿದೆ. ಮೋದಿಯವರ ಜನ್ಮದಿನದ ಪ್ರಯುಕ್ತ ಅವರನ್ನು ಗೌರವಿಸಲು ಈ ಭೋಜನದ ಯೋಜನೆ ಮಾಡಲಾಗಿದೆ’ಎಂದು ಕಲ್ರಾ ಪಿಟಿಐಗೆ ತಿಳಿಸಿದರು.<br /><br />‘ಸೆಪ್ಟೆಂಬರ್ 17 ರಿಂದ ಸೆಪ್ಟೆಂಬರ್ 26ರ ನಡುವೆ ರೆಸ್ಟೊರೆಂಟ್ಗೆ ಭೇಟಿ ನೀಡಿ, ಈ ಭೋಜನ ಸವಿಯುವ ಗ್ರಾಹಕರ ಪೈಕಿ ಇಬ್ಬರು ವಿಜೇತರನ್ನು ಆಯ್ಕೆ ಮಾಡಲಾಗುತ್ತದೆ ಮತ್ತು ಅವರು ಮೋದಿಯವರ ನೆಚ್ಚಿನ ಸ್ಥಳಗಳಲ್ಲಿ ಒಂದಾದ ಕೇದಾರನಾಥಕ್ಕೆ ಉಚಿತ ಪ್ರವಾಸಕ್ಕೆ ಹೋಗುವ ಅವಕಾಶವನ್ನು ಪಡೆಯುತ್ತಾರೆ’ಎಂದು ಕಾಲ್ರಾ ಹೇಳಿದರು.</p>.<p>‘ಈ ಯೋಜನೆ ಮೂಲಕ ಕೆಲ ಗ್ರಾಹಕರಿಗೆ ಕೇದಾರನಾಥ ದೇಗುಲಕ್ಕೆ ಭೇಟಿ ನೀಡುವ ಅವಕಾಶ ಸಿಗುತ್ತದೆ. ಇದು ವೈಯಕ್ತಿಕವಾಗಿ ಮೋದಿಜಿಯವರನ್ನು ಸಂತೋಷಪಡಿಸುತ್ತದೆ ಎಂದು ನಾನು ಭಾವಿಸುತ್ತೇನೆ’ಎಂದು ಅವರು ಹೇಳಿದರು.</p>.<p>ಭೋಜನದಲ್ಲಿ ಒಟ್ಟು 20 ವಿಧದ ಪಲ್ಯ, ವಿವಿಧ ರೀತಿಯ ಬ್ರೆಡ್ಗಳು, ದಾಲ್ ಮತ್ತು ಗುಲಾಬ್ ಜಾಮೂನ್ ಇರುತ್ತವೆ. ಜೊತೆಗೆ, ಕುಲ್ಫಿಯ ಆಯ್ಕೆಯೂ ಇರುತ್ತದೆ.</p>.<p>‘ಈ ಭೋಜನವು ಉತ್ತರ ಭಾರತದ 56 ಖಾದ್ಯಗಳನ್ನು ಹೊಂದಿದೆ. ಒಂದು ಸಸ್ಯಾಹಾರಿ ಭೋಜನದ ಬೆಲೆ ₹ 2,600 ಮತ್ತು ಮಾಂಸಾಹಾರಿ ಭೋಜನವು ₹2,900 ಹಾಗೂ ತೆರಿಗೆ ಇರುತ್ತದೆ. ರಾತ್ರಿ ಊಟಕ್ಕೆ ₹ 300 ಹೆಚ್ಚಿರಲಿದೆ’ಎಂದು ಅವರು ಹೇಳಿದರು.</p>.<p>40 ನಿಮಿಷಗಳಲ್ಲಿ ಈ ಊಟ ಮಾಡಿ ಮುಗಿಸುವ ಇಬ್ಬರು ಗ್ರಾಹಕರಿಗೆ ತಲಾ ₹8.5 ಲಕ್ಷ ಬಹುಮಾನ ನೀಡಲಾಗುವುದು ಎಂದು ಕಾಲ್ರಾ ತಿಳಿಸಿದ್ದಾರೆ.</p>.<p>ಈ ರೆಸ್ಟೋರೆಂಟ್ನಲ್ಲಿ ‘ಪುಷ್ಪ ಥಾಲಿ’ ಮತ್ತು ‘ಬಾಹುಬಲಿ ಥಾಲಿ’ಸಹ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಪ್ರಧಾನಿ ನರೇಂದ್ರ ಮೋದಿ ಅವರ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ದೆಹಲಿಯ ರೆಸ್ಟೋರೆಂಟ್ವೊಂದರಲ್ಲಿ 10 ದಿನಗಳ ಕಾಲ 56 ಇಂಚಿನ ಥಾಲಿ ವ್ಯವಸ್ಥೆ ಮಾಡಲು ನಿರ್ಧರಿಸಲಾಗಿದೆ.</p>.<p>ಕನಾಟ್ ಪ್ರದೇಶದಲ್ಲಿರುವ ಆರ್ಡರ್ 2.1 ರೆಸ್ಟೊರೆಂಟ್ ಈ ಯೋಜನೆ ಆರಂಭಿಸಲು ಮುಂದಾಗಿದ್ದು, ಈ ಅವಧಿಯಲ್ಲಿ ರೆಸ್ಟೊರೆಂಟ್ಗೆ ಭೇಟಿ ನೀಡುವ ಜನರಲ್ಲಿ ಇಬ್ಬರು ಅದೃಷ್ಟಶಾಲಿಗಳಿಗೆ ಕೇದರಾನಾಥಕ್ಕೆ ಉಚಿತ ಪ್ರವಾಸದ ಅವಕಾಶ ಸಿಗಲಿದೆ ಎಂದು ಮಾಲೀಕ ಸುವೀತ್ ಕಾಲ್ರಾ ಹೇಳಿದ್ದಾರೆ.</p>.<p>‘ನಾವು ಪ್ರಧಾನಿ ನರೇಂದ್ರ ಮೋದಿಯವರ ಬಹು ದೊಡ್ಡ ಅಭಿಮಾನಿಗಳು. ನಮ್ಮ ರೆಸ್ಟೋರೆಂಟ್ ವಿಶಿಷ್ಟ ಥಾಲಿಗಳಿಗೆ ಹೆಸರುವಾಸಿಯಾಗಿದೆ. 56 ಇಂಚಿನ ಥಾಲಿಯು 56 ಭಕ್ಷ್ಯಗಳ ಸಂಯೋಜನೆಯಾಗಿದೆ. ಮೋದಿಯವರ ಜನ್ಮದಿನದ ಪ್ರಯುಕ್ತ ಅವರನ್ನು ಗೌರವಿಸಲು ಈ ಭೋಜನದ ಯೋಜನೆ ಮಾಡಲಾಗಿದೆ’ಎಂದು ಕಲ್ರಾ ಪಿಟಿಐಗೆ ತಿಳಿಸಿದರು.<br /><br />‘ಸೆಪ್ಟೆಂಬರ್ 17 ರಿಂದ ಸೆಪ್ಟೆಂಬರ್ 26ರ ನಡುವೆ ರೆಸ್ಟೊರೆಂಟ್ಗೆ ಭೇಟಿ ನೀಡಿ, ಈ ಭೋಜನ ಸವಿಯುವ ಗ್ರಾಹಕರ ಪೈಕಿ ಇಬ್ಬರು ವಿಜೇತರನ್ನು ಆಯ್ಕೆ ಮಾಡಲಾಗುತ್ತದೆ ಮತ್ತು ಅವರು ಮೋದಿಯವರ ನೆಚ್ಚಿನ ಸ್ಥಳಗಳಲ್ಲಿ ಒಂದಾದ ಕೇದಾರನಾಥಕ್ಕೆ ಉಚಿತ ಪ್ರವಾಸಕ್ಕೆ ಹೋಗುವ ಅವಕಾಶವನ್ನು ಪಡೆಯುತ್ತಾರೆ’ಎಂದು ಕಾಲ್ರಾ ಹೇಳಿದರು.</p>.<p>‘ಈ ಯೋಜನೆ ಮೂಲಕ ಕೆಲ ಗ್ರಾಹಕರಿಗೆ ಕೇದಾರನಾಥ ದೇಗುಲಕ್ಕೆ ಭೇಟಿ ನೀಡುವ ಅವಕಾಶ ಸಿಗುತ್ತದೆ. ಇದು ವೈಯಕ್ತಿಕವಾಗಿ ಮೋದಿಜಿಯವರನ್ನು ಸಂತೋಷಪಡಿಸುತ್ತದೆ ಎಂದು ನಾನು ಭಾವಿಸುತ್ತೇನೆ’ಎಂದು ಅವರು ಹೇಳಿದರು.</p>.<p>ಭೋಜನದಲ್ಲಿ ಒಟ್ಟು 20 ವಿಧದ ಪಲ್ಯ, ವಿವಿಧ ರೀತಿಯ ಬ್ರೆಡ್ಗಳು, ದಾಲ್ ಮತ್ತು ಗುಲಾಬ್ ಜಾಮೂನ್ ಇರುತ್ತವೆ. ಜೊತೆಗೆ, ಕುಲ್ಫಿಯ ಆಯ್ಕೆಯೂ ಇರುತ್ತದೆ.</p>.<p>‘ಈ ಭೋಜನವು ಉತ್ತರ ಭಾರತದ 56 ಖಾದ್ಯಗಳನ್ನು ಹೊಂದಿದೆ. ಒಂದು ಸಸ್ಯಾಹಾರಿ ಭೋಜನದ ಬೆಲೆ ₹ 2,600 ಮತ್ತು ಮಾಂಸಾಹಾರಿ ಭೋಜನವು ₹2,900 ಹಾಗೂ ತೆರಿಗೆ ಇರುತ್ತದೆ. ರಾತ್ರಿ ಊಟಕ್ಕೆ ₹ 300 ಹೆಚ್ಚಿರಲಿದೆ’ಎಂದು ಅವರು ಹೇಳಿದರು.</p>.<p>40 ನಿಮಿಷಗಳಲ್ಲಿ ಈ ಊಟ ಮಾಡಿ ಮುಗಿಸುವ ಇಬ್ಬರು ಗ್ರಾಹಕರಿಗೆ ತಲಾ ₹8.5 ಲಕ್ಷ ಬಹುಮಾನ ನೀಡಲಾಗುವುದು ಎಂದು ಕಾಲ್ರಾ ತಿಳಿಸಿದ್ದಾರೆ.</p>.<p>ಈ ರೆಸ್ಟೋರೆಂಟ್ನಲ್ಲಿ ‘ಪುಷ್ಪ ಥಾಲಿ’ ಮತ್ತು ‘ಬಾಹುಬಲಿ ಥಾಲಿ’ಸಹ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
