ಧರೆಗಿಳಿದ ಹನುಮ

ಫಾಲೋ ಮಾಡಿ

ಶೀತಗಾಳಿಗೆ ನಡುಗುತ್ತಿರುವ ನಗರವಾಸಿಗಳಿಗೆ ಅಭಯ ನೀಡಲೆಂದು ವಾನರ ಸೇನೆಯೇ ಶುಕ್ರವಾರ ಬೆಂಗಳೂರಿಗೆ ಇಳಿದಿತ್ತು. ನಗರಕ್ಕೆ ಬರುವ ಅವರ ಆಸೆಗೆ ಹನುಮ ಜಯಂತಿ ಒಂದು ನೆಪ.

ಜಿಟಿಜಿಟಿ ಮಳೆಗೆ ಕೊಡೆ ಹಿಡಿದು ನಡೆದ ಹನುಮ ವೇಷಧಾರಿಗಳು ಹಾಡಿ–ಕುಣಿದು–ನೆಗೆದು ಮಕ್ಕಳನ್ನು ರಂಜಿಸಿದರು. ಕಪಿಸೇನೆ ಬಂದ ಮೇಲೆ ರಾಮದೇವರು ಬಾರದಿರಲು ಸಾಧ್ಯವೇ? ಆದರೆ ಮೈಗೆ ನೀಲಿಬಣ್ಣ ಪೂಸಿಕೊಂಡಿದ್ದ ಈ ರಾಮ ರಾಜನಂತಿರಲಿಲ್ಲ. ವನವಾಸದ ನೆನಪಿನಲ್ಲಿ ಬಸವಳಿದಂತೆ ಕಾಣುತ್ತಿದ್ದ ಜಟಾಧಾರಿಯಾಗಿದ್ದ. ಆನಂದರಾವ್‌ ವೃತ್ತದ ಸಮೀಪ ಕಂಡುಬಂದ ವಾನರಸೇನೆಯ ಹುಡುಗಾಟಗಳನ್ನು ಕ್ಯಾಮೆರಾ ಕಣ್ಣಿನಲ್ಲಿ ಸೆರೆಹಿಡಿದವರು ಎಂ.ಎಸ್. ಮಂಜುನಾಥ್