ಮುಂಬೈ: ಪ್ರಯಾಣಿಕರೊಬ್ಬರಿಗೆ ನೀಡಿದ ಆಹಾರದಲ್ಲಿ ಬ್ಲೇಡ್‌ ರೀತಿಯ ಲೋಹದ ತುಂಡು ಪತ್ತೆ ಆಗಿರುವುದಾಗಿ ವಿಮಾನಯಾನ ಸಂಸ್ಥೆ ಏರ್ ಇಂಡಿಯಾ ಸೋಮವಾರ ತಿಳಿಸಿದೆ.
ಕಳೆದ ವಾರ ಬೆಂಗಳೂರು– ಸ್ಯಾನ್‌ ಫ್ರಾನ್ಸಿಸ್ಕೋ ವಿಮಾನದಲ್ಲಿ ಪ್ರಯಾಣಿಕರೊಬ್ಬರ ಆಹಾರದಲ್ಲಿ ಲೋಹದ ತುಂಡು ಪತ್ತೆಯಾಗಿತ್ತು. ಈ ಕುರಿತು ಪ್ರಯಾಣಿಕ, ಸಾಮಾಜಿಕ ಜಾಲತಾಣ ‘ಎಕ್ಸ್’ ನಲ್ಲಿ ತಮಗಾದ ಅನುಭವವನ್ನು ಹಂಚಿಕೊಂಡಿದ್ದರು.
ಈ ಕುರಿತು ತನಿಖೆ ನಡೆಸಿದ್ದ ವಿಮಾನಯಾನ ಸಂಸ್ಥೆಯು, ತರಕಾರಿ ಸಂಸ್ಕರಿಸುವ ಯಂತ್ರದಿಂದ ಈ ತುಂಡು ಬಂದಿದೆ. ಏರ್ ಇಂಡಿಯಾವು ಬಾಧಿತ ಗ್ರಾಹಕರಿಗೆ ಆದ ತೊಂದರೆಗೆ ಕ್ಷಮೆಯಾಚಿಸುತ್ತದೆ ಎಂದು ಏರ್ ಇಂಡಿಯಾದ ಅಧಿಕಾರಿ ರಾಜೇಶ್ ಡೋಗ್ರಾ ತಿಳಿಸಿದ್ದಾರೆ.
ಕಳೆದ ಶನಿವಾರ, ನವದೆಹಲಿ-ನೆವಾರ್ಕ್ ವಿಮಾನದ ಬ್ಯುಸಿನೆಸ್‌ ಕ್ಲಾಸ್‌ ಪ್ರಯಾಣಿಕರೊಬ್ಬರು ವಿಮಾನದಲ್ಲಿ ಬೇಯಿಸದ ಆಹಾರವನ್ನು ನೀಡಿದ್ದು, ಆಸನಗಳು ಕೊಳಕಾಗಿದ್ದವು ಎಂದು ಆರೋಪಿಸಿದ್ದರು.
