<p><strong>ಛತ್ರಪತಿ ಸಂಭಾಜಿನಗರ, ಮಹಾರಾಷ್ಟ್ರ:</strong> ‘ಅಮೋಲ್ ಶಿಂದೆ ಸೇನೆ ಸೇರಲು ಇಚ್ಛಿಸಿದ್ದ. ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ತಿಂಗಳಿಗೆ ₹ 4,000 ಕೊಡುವಂತೆ ಕೇಳಿದ್ದ ಆದರೆ ನಮಗೆ ಕೊಡಲು ಆಗಿರಲಿಲ್ಲ’ ಎಂದು ಪೋಷಕರು ಹೇಳಿದ್ದಾರೆ.</p>.<p>ಲೋಕಸಭೆಯಲ್ಲಿ ಬುಧವಾರ ಭದ್ರತಾ ಲೋಪದ ವೇಳೆಯೇ ಸಂಸತ್ತಿನ ಹೊರಗೆ ಪ್ರತಿಭಟನೆ ನಡೆಸಿ ಅಮೋಲ್ ಶಿಂದೆ ಬಂಧನಕ್ಕೆ ಒಳಗಾಗಿದ್ದ. ನಿರುದ್ಯೋಗಿಯಾಗಿದ್ದ ಈತ ವಿವಿಧೆಡೆ ಸೇನಾ ನೇಮಕಾತಿ ಅಭಿಯಾನಗಳಲ್ಲಿ ಭಾಗವಹಿಸಿದ್ದ.</p>.<p>ದೆಹಲಿ ಘಟನೆ ಬಳಿಕ ಲಾತೂರು ಪೊಲೀಸರ ತಂಡವು ಝರಿ ಗ್ರಾಮಕ್ಕೆ ತೆರಳಿ ಶಿಂದೆ ಮನೆಯಲ್ಲಿ ಶೋಧ ನಡೆಸಿದೆ. ಬುಧವಾರ ರಾತ್ರಿ ಸುದ್ದಿಗಾರರ ಜತೆ ಮಾತನಾಡಿದ ಈತನ ತಾಯಿ ಕೇಸರ್ಬಾಯಿ, ‘ ಸೇನಾ ನೇಮಕಾತಿಯ ವಯೋಮಿತಿ ಮೀರಿದ್ದರಿಂದ ಯಾವುದಾದರೂ ಕಂಪನಿ ಸೇರಿಕೊಳ್ಳಲು ನಾನು ಹೇಳುತ್ತಿದ್ದೆ. ಪೊಲೀಸರು ನಮ್ಮ ಮನೆಗೆ ಬಂದಾಗಲೇ ನಮಗೆ ಸಂಸತ್ತಿನಲ್ಲಿ ನಡೆದ ಘಟನೆ ಬಗ್ಗೆ ಗೊತ್ತಾಗಿದ್ದು. ಕ್ರೀಡೆಗೆ ಸಂಬಂಧಿಸಿದ ಆತನ ಕೆಲವು ದಾಖಲೆಗಳನ್ನು ಪೊಲೀಸರು ತಮ್ಮ ವಶಕ್ಕೆ ಪಡೆದುಕೊಂಡಿದ್ದಾರೆ’ ಎಂದು ಹೇಳಿದರು.</p>.<p>‘ಲಾತೂರಿನಲ್ಲಿ ವಿದ್ಯಾಭ್ಯಾಸ ಮಾಡಲು ಬಯಸಿದ್ದ. ಅದಕ್ಕಾಗಿ ₹ 4000 ತಿಂಗಳಿಗೆ ಬೇಕು ಎಂದು ಕೇಳಿದ್ದ. ನಮಗೆ ಕೊಡಲಾಗಲಿಲ್ಲ’ ಎಂದರು.</p>.<p>‘ಅಮೋಲ್ ದಿನಗೂಲಿ ಕಾರ್ಮಿಕನಾಗಿಯೂ ಕೆಲಸ ಮಾಡಿದ್ದ. ಇತರರು ನೇಮಕಾತಿ ಮೂಲಕ ಸೇನೆ ಸೇರಿದ್ದರು. ಅವನಿಗೆ ಸಾಧ್ಯವಾಗಿರಲಿಲ್ಲ. ದಿನಗೂಲಿ ಕಾರ್ಮಿಕನಾಗಿ ಇನ್ನೆಷ್ಟು ದಿನಗಳು ದುಡಿಯಬೇಕು ಎಂದು ಆತ ಆಲೋಚಿಸಿರಬೇಕು. ಅದಕ್ಕಾಗೇ ಈ ಕೃತ್ಯ ಎಸಗಿರಬೇಕು’ ಎಂದು ಆತನ ತಂದೆ ಧನ್ರಾಜ್ ಶಿಂಧೆ ಅಭಿಪ್ರಾಯ ಪಟ್ಟರು.</p>.<p>‘ಆತ ಈ ಪ್ರಕರಣದಲ್ಲಿ ಸುರಕ್ಷಿತವಾಗಿ ಹೊರಬಂದರೆ ಗ್ರಾಮಕ್ಕೆ ಮರಳಿ ಬರುತ್ತಾನೆ. ಬರದಿದ್ದರೆ, ನಮಗೆ ಮಗನೇ ಇರಲಿಲ್ಲ ಎಂದು ಅಂದುಕೊಳ್ಳುತ್ತೇವೆ’ ಎಂದೂ ಅವರು ಹೇಳಿದರು.</p>.<p>ರೈತರ ಪ್ರತಿಭಟನೆ, ಮಣಿಪುರ ಬಿಕ್ಕಟ್ಟು ಮತ್ತು ನಿರುದ್ಯೋಗದಿಂದ ಬೇಸರಗೊಂಡು ಈ ಕೃತ್ಯ ಎಸಗಿದ್ದಾಗಿ, ಬಣ್ಣದ ಹೊಗೆಯ ಉಗುಳುವ ಐದು ಕ್ಯಾನ್ಗಳನ್ನು ತಾನು ₹1,200ಕ್ಕೆ ಕೊಂಡು ತಂದಿದ್ದಾಗಿ ವಿಚಾರಣೆ ವೇಳೆ ಅಮೋಲ್ ಹೇಳಿರುವುದಾಗಿ ಅಧಿಕಾರಿಯೊಬ್ಬರು ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಛತ್ರಪತಿ ಸಂಭಾಜಿನಗರ, ಮಹಾರಾಷ್ಟ್ರ:</strong> ‘ಅಮೋಲ್ ಶಿಂದೆ ಸೇನೆ ಸೇರಲು ಇಚ್ಛಿಸಿದ್ದ. ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ತಿಂಗಳಿಗೆ ₹ 4,000 ಕೊಡುವಂತೆ ಕೇಳಿದ್ದ ಆದರೆ ನಮಗೆ ಕೊಡಲು ಆಗಿರಲಿಲ್ಲ’ ಎಂದು ಪೋಷಕರು ಹೇಳಿದ್ದಾರೆ.</p>.<p>ಲೋಕಸಭೆಯಲ್ಲಿ ಬುಧವಾರ ಭದ್ರತಾ ಲೋಪದ ವೇಳೆಯೇ ಸಂಸತ್ತಿನ ಹೊರಗೆ ಪ್ರತಿಭಟನೆ ನಡೆಸಿ ಅಮೋಲ್ ಶಿಂದೆ ಬಂಧನಕ್ಕೆ ಒಳಗಾಗಿದ್ದ. ನಿರುದ್ಯೋಗಿಯಾಗಿದ್ದ ಈತ ವಿವಿಧೆಡೆ ಸೇನಾ ನೇಮಕಾತಿ ಅಭಿಯಾನಗಳಲ್ಲಿ ಭಾಗವಹಿಸಿದ್ದ.</p>.<p>ದೆಹಲಿ ಘಟನೆ ಬಳಿಕ ಲಾತೂರು ಪೊಲೀಸರ ತಂಡವು ಝರಿ ಗ್ರಾಮಕ್ಕೆ ತೆರಳಿ ಶಿಂದೆ ಮನೆಯಲ್ಲಿ ಶೋಧ ನಡೆಸಿದೆ. ಬುಧವಾರ ರಾತ್ರಿ ಸುದ್ದಿಗಾರರ ಜತೆ ಮಾತನಾಡಿದ ಈತನ ತಾಯಿ ಕೇಸರ್ಬಾಯಿ, ‘ ಸೇನಾ ನೇಮಕಾತಿಯ ವಯೋಮಿತಿ ಮೀರಿದ್ದರಿಂದ ಯಾವುದಾದರೂ ಕಂಪನಿ ಸೇರಿಕೊಳ್ಳಲು ನಾನು ಹೇಳುತ್ತಿದ್ದೆ. ಪೊಲೀಸರು ನಮ್ಮ ಮನೆಗೆ ಬಂದಾಗಲೇ ನಮಗೆ ಸಂಸತ್ತಿನಲ್ಲಿ ನಡೆದ ಘಟನೆ ಬಗ್ಗೆ ಗೊತ್ತಾಗಿದ್ದು. ಕ್ರೀಡೆಗೆ ಸಂಬಂಧಿಸಿದ ಆತನ ಕೆಲವು ದಾಖಲೆಗಳನ್ನು ಪೊಲೀಸರು ತಮ್ಮ ವಶಕ್ಕೆ ಪಡೆದುಕೊಂಡಿದ್ದಾರೆ’ ಎಂದು ಹೇಳಿದರು.</p>.<p>‘ಲಾತೂರಿನಲ್ಲಿ ವಿದ್ಯಾಭ್ಯಾಸ ಮಾಡಲು ಬಯಸಿದ್ದ. ಅದಕ್ಕಾಗಿ ₹ 4000 ತಿಂಗಳಿಗೆ ಬೇಕು ಎಂದು ಕೇಳಿದ್ದ. ನಮಗೆ ಕೊಡಲಾಗಲಿಲ್ಲ’ ಎಂದರು.</p>.<p>‘ಅಮೋಲ್ ದಿನಗೂಲಿ ಕಾರ್ಮಿಕನಾಗಿಯೂ ಕೆಲಸ ಮಾಡಿದ್ದ. ಇತರರು ನೇಮಕಾತಿ ಮೂಲಕ ಸೇನೆ ಸೇರಿದ್ದರು. ಅವನಿಗೆ ಸಾಧ್ಯವಾಗಿರಲಿಲ್ಲ. ದಿನಗೂಲಿ ಕಾರ್ಮಿಕನಾಗಿ ಇನ್ನೆಷ್ಟು ದಿನಗಳು ದುಡಿಯಬೇಕು ಎಂದು ಆತ ಆಲೋಚಿಸಿರಬೇಕು. ಅದಕ್ಕಾಗೇ ಈ ಕೃತ್ಯ ಎಸಗಿರಬೇಕು’ ಎಂದು ಆತನ ತಂದೆ ಧನ್ರಾಜ್ ಶಿಂಧೆ ಅಭಿಪ್ರಾಯ ಪಟ್ಟರು.</p>.<p>‘ಆತ ಈ ಪ್ರಕರಣದಲ್ಲಿ ಸುರಕ್ಷಿತವಾಗಿ ಹೊರಬಂದರೆ ಗ್ರಾಮಕ್ಕೆ ಮರಳಿ ಬರುತ್ತಾನೆ. ಬರದಿದ್ದರೆ, ನಮಗೆ ಮಗನೇ ಇರಲಿಲ್ಲ ಎಂದು ಅಂದುಕೊಳ್ಳುತ್ತೇವೆ’ ಎಂದೂ ಅವರು ಹೇಳಿದರು.</p>.<p>ರೈತರ ಪ್ರತಿಭಟನೆ, ಮಣಿಪುರ ಬಿಕ್ಕಟ್ಟು ಮತ್ತು ನಿರುದ್ಯೋಗದಿಂದ ಬೇಸರಗೊಂಡು ಈ ಕೃತ್ಯ ಎಸಗಿದ್ದಾಗಿ, ಬಣ್ಣದ ಹೊಗೆಯ ಉಗುಳುವ ಐದು ಕ್ಯಾನ್ಗಳನ್ನು ತಾನು ₹1,200ಕ್ಕೆ ಕೊಂಡು ತಂದಿದ್ದಾಗಿ ವಿಚಾರಣೆ ವೇಳೆ ಅಮೋಲ್ ಹೇಳಿರುವುದಾಗಿ ಅಧಿಕಾರಿಯೊಬ್ಬರು ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
