ಸ್ನೇಹಿತನಿಂದಲೇ ಬಾಂಗ್ಲಾದೇಶದ ಅವಾಮಿ ಲೀಗ್ ಪಕ್ಷದ ಸಂಸದ ಅನಾರ್ ಹತ್ಯೆ: ಸಿಐಡಿ

ಪರಿಚಯಸ್ಥ ದೂರು ನೀಡಿದ ಮೇಲೆ ಶೋಧ ವೈದ್ಯಕೀಯ ಚಿಕಿತ್ಸೆಗಾಗಿ ಮೇ 12ರಂದು ಕೋಲ್ಕತ್ತಗೆ ಬಂದಿದ್ದ ಬಾಂಗ್ಲಾದೇಶದ ಸಂಸದ ಅನಾರ್‌ ಅವರು ನಾಪತ್ತೆಯಾಗಿದ್ದಾರೆ ಎಂದು ಉತ್ತರ ಕೋಲ್ಕತ್ತದ ಬಾರಾನಗರ ನಿವಾಸಿ ಮತ್ತು ಅನಾರ್‌ ಅವರ ಪರಿಚಯಸ್ಥ ಗೋಪಾಲ್ ಬಿಸ್ವಾಸ್ ಅವರು ಸ್ಥಳೀಯ ಪೊಲೀಸರಿಗೆ ಮೇ 18 ರಂದು ದೂರು ನೀಡಿದ ನಂತರ ಅವರಿಗಾಗಿ ಹುಡುಕಾಟ ಶುರುವಾಯಿತು. ಕೋಲ್ಕತ್ತಕ್ಕೆ ಬಂದ ದಿನ ಅನಾರ್ ಅವರು ಬಿಸ್ವಾಸ್ ಅವರ ಮನೆಯಲ್ಲಿ ತಂಗಿದ್ದರು. ಮೇ 13ರಂದು ಮಧ್ಯಾಹ್ನ ವೈದ್ಯರನ್ನು ಕಾಣಲು ಅನಾರ್ ಅವರು ತಮ್ಮ ಬಾರಾನಗರ ನಿವಾಸದಿಂದ ನಿರ್ಗಮಿಸಿದರು. ರಾತ್ರಿ ಊಟಕ್ಕೆ ಮನೆಗೆ ಬರುವುದಾಗಿ ತಿಳಿಸಿದ್ದರು. ಮೇ 17ರವರೆಗೂ ಅವರು ಸಂಪರ್ಕಕ್ಕೆ ಸಿಗದಿದ್ದಾಗ 18ರಂದು ಠಾಣೆಗೆ ಬಂದು ದೂರು ನೀಡಬೇಕಾಯಿತು ಎಂದು ಬಿಸ್ವಾಸ್ ಅವರು ದೂರಿನಲ್ಲಿ ತಿಳಿಸಿದ್ದಾರೆ.