ಪ್ರಾ.ಶಾಲಾ ಶಿಕ್ಷಕರ ನೇಮಕಕ್ಕೆ ನಿಯೋಸ್‌ನ ಡಿಪ್ಲೊಮಾ ಅರ್ಹತೆ ಅಲ್ಲ: ಎನ್‌ಸಿಟಿಇ

ನವದೆಹಲಿ: ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಓಪನ್ ಸ್ಕೂಲಿಂಗ್ (ನಿಯೋಸ್) ಮೂಲಕಶಿಕ್ಷಕರು ಇತ್ತೀಚೆಗೆ ಪಡೆದುಕೊಂಡ 18 ತಿಂಗಳ ಡಿಪ್ಲೊಮಾಕ್ಕೆ ಮಾನ್ಯತೆ ನೀಡಲು ರಾಷ್ಟ್ರೀಯ ಶಿಕ್ಷಕ ಶಿಕ್ಷಣ ಪರಿಷತ್ತು (ಎನ್ಸಿಟಿಇ) ನಿರಾಕರಿಸಿದೆ. ಇದರಿಂದಾಗಿ ಸುಮಾರು 12 ಲಕ್ಷ ಶಿಕ್ಷಕರ ಭವಿಷ್ಯ ಅತಂತ್ರವಾಗಿದೆ.

. ಪ್ರಾಥಮಿಕ ಶಾಲೆಯ ಶಿಕ್ಷಕರಾಗಲು ಡಿಪ್ಲೊಮಾ ಕನಿಷ್ಠ ವಿದ್ಯಾರ್ಹತೆ ಎಂದು ನಿಗದಿ ಮಾಡಲಾಗಿತ್ತು. ಡಿಪ್ಲೊಮಾ ಇಲ್ಲದ ಶಿಕ್ಷಕರಿಗೆ ನೆರವು ನೀಡುವುದಕ್ಕಾಗಿ 2017ರಲ್ಲಿ ನಿಯೋಸ್ ಮೂಲಕ ಈ ಡಿಪ್ಲೊಮಾ ಕೋರ್ಸ್ ರೂಪಿಸಲಾಗಿತ್ತು. ಡಿಎಲ್ಎಡ್ (ಡಿಪ್ಲೊಮಾ ಇನ್ ಎಲಿಮೆಂಟರಿ ಎಜುಕೇಷನ್) ಎಂಬ 18 ತಿಂಗಳ ಕೋರ್ಸ್ ಮಾಡಿದವರಿಗೆ ಡಿಪ್ಲೊಮಾ ನೀಡಲಾಗುವುದು ಎಂದು ಆಗಿನ ಮಾನವ ಸಂಪನ್ಮೂಲ ಸಚಿವ ಪ್ರಕಾಶ್ ಜಾವಡೇಕರ್ ಭರವಸೆ ನೀಡಿದ್ದರು.

. ಮಾನವ ಸಂಪನ್ಮೂಲ ಸಚಿವಾಲಯದ ಸೂಚನೆಯಂತೆ, ನಿಯೋಸ್ನ ಈ ಕೋರ್ಸ್ಗೆ ಎನ್ಸಿಟಿಇ ಕೂಡ ಅನುಮೋದನೆ ನೀಡಿತ್ತು. 2017ರ ಸೆ. 22ರಂದು ಈ ಬಗ್ಗೆ ಅಧಿಸೂಚನೆಯನ್ನೂ ಹೊರಡಿಸಲಾಗಿತ್ತು.

. ಈ ಡಿಪ್ಲೊಮಾದ ಮೊದಲ ತಂಡದ ಅಭ್ಯರ್ಥಿಗಳು ಕೋರ್ಸ್ ಪೂರ್ಣಗೊಳಿಸಿ ಐದು ತಿಂಗಳ ಬಳಿಕ ಎನ್ಸಿಟಿಇ ಸ್ಪಷ್ಟೀಕರಣ ನೀಡಿದೆ. ಪ್ರಾಥಮಿಕ ಶಾಲೆಯಲ್ಲಿ ಹೊಸ ಶಿಕ್ಷಕರ ನೇಮಕಾತಿಗೆ ನಿಯೋಸ್ನ ಡಿಪ್ಲೊಮಾ ಮೌಲಿಕ ಅಲ್ಲ ಎಂದು ಹೇಳಿದೆ.

. ಬಿಹಾರ ಸರ್ಕಾರವು ಪ್ರಾಥಮಿಕ ಶಾಲೆಯ ಶಿಕ್ಷಕ ನೇಮಕಾತಿ ಪ್ರಕ್ರಿಯೆ ಆರಂಭಿಸಿತ್ತು. ಈ ಹುದ್ದೆಗೆ ನಿಯೋಸ್ನ ಡಿಎಲ್ಎಡ್ ಪೂರ್ಣಗೊಳಿಸಿದ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಿದ್ದರು. ಈ ಡಿಪ್ಲೊಮಾವನ್ನು ಅರ್ಹತೆಯಾಗಿ ಪರಿಗಣಿಸಬಹುದೇ ಎಂದು ಬಿಹಾರ ಸರ್ಕಾರವು ಎನ್ಸಿಟಿಇಯ ಸಲಹೆ ಕೇಳಿತ್ತು. ಈ ಡಿಪ್ಲೊಮಾ ಮಾಡಿದವರನ್ನು ಶಿಕ್ಷಕರಾಗಿ ನೇಮಿಸಲು ಸಾಧ್ಯವಿಲ್ಲ ಎಂದು ಎನ್ಸಿಟಿಇ ಹೇಳಿದೆ.

. ಶಿಕ್ಷಕರಾಗುವ ಆಸೆಯಿಂದ ಈ ಕೋರ್ಸ್ ಪೂರ್ಣಗೊಳಿಸಿದ ಲಕ್ಷಾಂತರ ಜನರ ಭವಿಷ್ಯದ ಬಗ್ಗೆ ಎನ್ಸಿಟಿಇ ಏನನ್ನೂ ಹೇಳಿಲ್ಲ. ಮಾನವ ಸಂಪನ್ಮೂಲ ಸಚಿವ ರಮೇಶ್ ಪೋಖ್ರಿಯಾಲ್ ನಿಶಾಂಕ್ ಅವರಿಗೆ ಅಧಿಕಾರಿಗಳು ಈ ವಿಚಾರವನ್ನು ಕಳೆದ ತಿಂಗಳು ತಿಳಿಸಿದ್ದಾರೆ. ಹಾಗಿದ್ದರೂ ಸಚಿವಾಲಯವು ಈ ಬಗ್ಗೆ ಸ್ಪಷ್ಟವಾದ ನಿಲುವು ತಳೆದಿಲ್ಲ.

. ಬದಲಾದ ನಿಲುವು 2017ರ ಆಗಸ್ಟ್ 10ರ ಮೊದಲು ಸರ್ಕಾರಿ, ಅನುದಾನಿತ ಮತ್ತು ಖಾಸಗಿ ಶಾಲೆಗಳಲ್ಲಿ ನೇಮಕವಾಗಿದ್ದ ತರಬೇತಿರಹಿತ ಶಿಕ್ಷಕರಿಗೆ ಮಾತ್ರ ನಿಯೋಸ್ನ ಡಿಎಲ್ಎಡ್ ಕೋರ್ಸ್ ಅನ್ವಯವಾಗುತ್ತದೆ. ಈ ಕೋರ್ಸ್ನ ಅವಧಿ 18 ತಿಂಗಳು ಮಾತ್ರ. ಎರಡು ವರ್ಷದ ಡಿಎಲ್ಎಡ್ ಕೋರ್ಸ್ ಮಾಡಿದವರನ್ನು ಮಾತ್ರ ಹೊಸ ನೇಮಕಾತಿಯಲ್ಲಿ ಪರಿಗಣಿಸಬೇಕು ಎಂದು ಎನ್ಸಿಟಿಇ ಹೇಳಿದೆ.

. 2017ರಲ್ಲಿ ನಿಯೋಸ್ನ ಡಿಪ್ಲೊಮಾಕ್ಕೆ ಮಾನ್ಯತೆ ನೀಡುವಾಗ ಎನ್ಸಿಟಿಇ ಹೇಳಿದ್ದೇ ಬೇರೆ. ಡಿಪ್ಲೊಮಾ ನಿಯಮವನ್ನು ಬದಲಾಯಿಸಲಾಗಿದೆ. ಆರು ತಿಂಗಳ ಇಂಟರ್ನ್ಶಿಪ್ ಜತೆಗಿನ ಎರಡು ವರ್ಷದ ಕೋರ್ಸ್ನ ಅವಧಿಯನ್ನು 18 ತಿಂಗಳಿಗೆ ಇಳಿಸಲಾಗಿದೆ ಎಂದು ಅಧಿಸೂಚನೆಯಲ್ಲಿ ಹೇಳಲಾಗಿತ್ತು.

. ಬಿಹಾರ: 2.5 ಲಕ್ಷ ಮಂದಿಗೆ ನಷ್ಟ? ಬಿಹಾರದ ಪ್ರಾಥಮಿಕ ಶಾಲಾ ಶಿಕ್ಷಕರ ನೇಮಕಾತಿ ಪ್ರಕ್ರಿಯೆಯಿಂದ 2.5 ಲಕ್ಷ ಅಭ್ಯರ್ಥಿಗಳನ್ನು ಹೊರಗಿರಿಸಲಾಗಿದೆ. ಎನ್ಸಿಟಿಇ ಸ್ಪಷ್ಟನೆಯೇ ಇದಕ್ಕೆ ಕಾರಣ. ಡಿಪ್ಲೊಮಾ ಮಾಡಿರುವ ಹಲವರು ಈಗ, ಎನ್ಸಿಟಿಇ ನೀತಿಯ ವಿರುದ್ಧ ನ್ಯಾಯಾಲಯಕ್ಕೆ ಅರ್ಜಿ ಹಾಕಿದ್ದಾರೆ.

. ‘ಕೇಂದ್ರ ಸರ್ಕಾರವು ನಮಗೆ ಮೋಸ ಮಾಡಿದೆ. ಈ ಡಿಪ್ಲೊಮಾ ಮೌಲಿಕ ಅಲ್ಲ ಎಂಬುದನ್ನು ನಮಗೆ ಮೊದಲೇ ಹೇಳಬೇಕಿತ್ತು. ಖಾಸಗಿ ಸಂಸ್ಥೆಗಳ ಒತ್ತಡದಿಂದಾಗಿ ಎನ್ಸಿಟಿಇ ಈ ನಿರ್ಧಾರ ಕೈಗೊಂಡಿದೆ’ ಎಂದು ಶಿಕ್ಷಕರೊಬ್ಬರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

. **

. ಈ ವಿಚಾರದಲ್ಲಿ ನಮ್ಮನ್ನು ಎನ್ಸಿಟಿಇ ಸಂಪರ್ಕಿಸಿಲ್ಲ. 2017ರಲ್ಲಿ ನಾವು ಈ ಕೋರ್ಸ್ ಆರಂಭಿಸಿದಾಗ ಇತರ ಡಿಪ್ಲೊಮಾ (ಡಿಎಲ್ಎಡ್) ಕೋರ್ಸ್ಗಳಿಗೆ ಇದು ಸಮಾನ ಅಲ್ಲ ಎಂದೂ ಹೇಳಿರಲಿಲ್ಲ –ಸಿ.ಬಿ. ಶರ್ಮಾ, ನಿಯೋಸ್ ಅಧ್ಯಕ್ಷ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ರಾ.ಶಾಲಾ ಶಿಕ್ಷಕರ ನೇಮಕಕ್ಕೆ ನಿಯೋಸ್‌ನ ಡಿಪ್ಲೊಮಾ ಅರ್ಹತೆ ಅಲ್ಲ: ಎನ್‌ಸಿಟಿಇ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಣಜಿ ಟ್ರೋಫಿ | ಅಭಿನವ್, ಮನೀಷ್ ಉತ್ತಮ ಬ್ಯಾಟಿಂಗ್; ಮಯಂಕ್ ಬಳಗಕ್ಕೆ ಮೂರು ಅಂಕ

ಬೆಂಗಳೂರು ಕೃಷಿ ಮೇಳ‌ | ಐವತ್ತು ರೂಪಾಯಿಗೆ 'ಫ್ರೂಟ್‌ ಫ್ಲೈ ಕ್ಯಾಚರ್‌’

IND vs AUS | ಆಸ್ಟ್ರೇಲಿಯಾಕ್ಕೆ ರೋಹಿತ್ ಜತೆ ಶಮಿ ಪ್ರಯಾಣ: ವರದಿ

‘ತೊಗರಿ ಕಣಜ’ದಲ್ಲಿ ಟೆನಿಸ್‌ ಹಬ್ಬ ಇಂದಿನಿಂದ

ರಾಜ್ಯಮಟ್ಟದ ಅಥ್ಲೆಟಿಕ್ಸ್‌: ದಕ್ಷಿಣ ಕನ್ನಡ ಜಿಲ್ಲೆಗೆ ಸಮಗ್ರ ಪ್ರಶಸ್ತಿ

ಪುರುಷರ ರಾಷ್ಟ್ರೀಯ ಹಾಕಿ ಟೂರ್ನಿ: ಒಡಿಶಾ ತಂಡಕ್ಕೆ ಕಿರೀಟ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

ರಣಜಿ ಟ್ರೋಫಿ | ಅಭಿನವ್, ಮನೀಷ್ ಉತ್ತಮ ಬ್ಯಾಟಿಂಗ್; ಮಯಂಕ್ ಬಳಗಕ್ಕೆ ಮೂರು ಅಂಕ

ಬೆಂಗಳೂರು ಕೃಷಿ ಮೇಳ‌ | ಐವತ್ತು ರೂಪಾಯಿಗೆ 'ಫ್ರೂಟ್‌ ಫ್ಲೈ ಕ್ಯಾಚರ್‌’