<p><strong>ಚೆನ್ನೈ</strong>: ಡಿಎಂಕೆ ನಾಯಕ ಉದಯನಿಧಿ ಸ್ಟಾಲಿನ್ ಅವರ ತಲೆ ಕಡಿದು ತಂದವರಿಗೆ ₹10 ಕೋಟಿ ಬಹುಮಾನ ನೀಡುವುದಾಗಿ ಬೆದರಿಕೆವೊಡ್ಡಿದ್ದ ಅಯೋಧ್ಯೆಯ ತಪಸ್ವಿ ಛವನಿ ದೇವಸ್ಥಾನದ ಮುಖ್ಯ ಅರ್ಚಕ ಪರಮಹಂಸ ಆಚಾರ್ಯ ಸ್ವಾಮೀಜಿ ಪ್ರತಿಕೃತಿಯನ್ನು ಡಿಎಂಕೆ ಕಾರ್ಯಕರ್ತರು ದಹಿಸಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</p><p>‘ಸನಾತನ ಧರ್ಮ ಕೊರೊನಾ, ಡೆಂಗಿ ಇದ್ದಂತೆ ಅದನ್ನು ನಿರ್ಮೂಲನೆ ಮಾಡಬೇಕು’ ಎಂಬ ಉದಯನಿಧಿ ಸ್ಟಾಲಿನ್ ಅವರ ಹೇಳಿಕೆ ದೇಶದಾದ್ಯಂತ ವಿವಾದ ಹುಟ್ಟುಹಾಕಿದ್ದು, ಹಿಂದೂತ್ವ ಸಂಘಟನೆಗಳು, ಬಿಜೆಪಿ ಸೇರಿದಂತೆ ಹಲವರು ವಿರೋಧ ವ್ಯಕ್ತಪಡಿಸಿದ್ದರು. ಸ್ಟಾಲಿನ್ ಅವರು ತಮ್ಮ ಹೇಳಿಕೆಗೆ ಕ್ಷಮೆಯಾಚಿಸಬೇಕು ಎಂದು ಪಟ್ಟುಹಿಡಿದಿದ್ದರು.</p><p>ವೆಲ್ಲೂರಿನಲ್ಲಿ ಜಮಾಯಿಸಿದ ಡಿಎಂಕೆ ಪಕ್ಷದ 100ಕ್ಕೂ ಹೆಚ್ಚು ಕಾರ್ಯಕರ್ತರು, ಸ್ವಾಮೀಜಿಯ ಪ್ರತಿಕೃತಿಯನ್ನು ದಹಿಸಿ, ಸ್ವಾಮೀಜಿ ಮತ್ತು ಬಿಜೆಪಿ ವಿರುದ್ಧ ಘೋಷಣೆ ಕೂಗಿದ್ದಾರೆ. ಸ್ಥಳಕ್ಕಾಗಮಿಸಿದ ಪೊಲೀಸರು ಕಾರ್ಯಕರ್ತರನ್ನು ತಡೆದು ನಿಲ್ಲಿಸಿ, ಪ್ರತಿಕೃತಿಗೆ ನೀರು ಸುರಿದಿದ್ದಾರೆ.</p><p><strong>ಹತ್ತು ಕೋಟಿ ಅಲ್ಲ ನೂರು ಕೋಟಿ ಕೊಡುತ್ತೇನೆಂದ ಸ್ವಾಮೀಜಿ</strong></p><p>ಬೆದರಿಕೆ ಹೇಳಿಕೆಗೆ ವಿರೋಧ ವ್ಯಕ್ತವಾದ ಮೇಲೂ ಸ್ವಾಮೀಜಿ ತಮ್ಮ ಹೇಳಿಕೆಯನ್ನು ಪುನರುಚ್ಛರಿಸಿದ್ದಾರೆ. ‘ಸ್ಟಾಲಿನ್ ಹೇಳಿಕೆ ಕೋಟ್ಯಂತರ ಜನರಿಗೆ ನೋವುಂಟು ಮಾಡಿರುವುದರಿಂದ ಬಹುಮಾನ ಮೊತ್ತವನ್ನು ₹10 ಕೋಟಿಯಿಂದ100 ಕೋಟಿಗೆ ಹೆಚ್ಚಿಸಲು ಸಿದ್ಧ’ ಎಂದು ಸ್ವಾಮೀಜಿ ಹೇಳಿದ್ದಾರೆ.</p><p><strong>ಓದಿ</strong>:<a href="https://www.prajavani.net/news/india-news/up-ayodhya-seer-paramhans-acharya-issues-death-threat-to-udhayanidhi-stalin-over-sanatan-dharma-remarks-2467808"> ಉದಯನಿಧಿ ಸ್ಟಾಲಿನ್ ತಲೆ ಕಡಿದು ತಂದವರಿಗೆ ₹10 ಕೋಟಿ ಎಂದ ಅಯೋಧ್ಯೆ ಸ್ವಾಮೀಜಿ!</a></p><p>ಸ್ಟಾಲಿನ್ ಫೋಟೋಗೆ ಕತ್ತಿಯಿಂದ ಇರಿಯುವುದರ ಮೂಲಕ ಸಾಂಕೇತಿಕವಾಗಿ ತಲೆದಂಡ ಮಾಡಿದ ಸ್ವಾಮೀಜಿ, ಫೋಟೊವನ್ನು ಸುಟ್ಟು ಹಾಕಿದ್ದಾರೆ.</p><p><strong>ಸ್ವಾಮೀಜಿ ಬಳಿ ₹10 ಕೋಟಿ ಹೇಗೆ ಬಂತು?</strong></p><p>ಒಬ್ಬ ಸಾಮಾನ್ಯ ದಾರ್ಶನಿಕನ ಬಳಿ ₹10 ಕೋಟಿ ರೂಪಾಯಿ ನಗದು ಹೇಗೆ ಬಂತು? ಆತ ನಿಜವಾದ ದಾರ್ಶನಿಕನೇ ಅಥವಾ ನಕಲಿಯೇ? ಎಂದು ಸ್ವಾಲಿನ್ ಪ್ರಶ್ನಿಸಿದ್ದಾರೆ.</p><p><strong>ಸ್ಟಾಲಿನ್ ನಿವಾಸಕ್ಕೆ ಭದ್ರತೆ</strong></p><p>ಜೀವ ಬೆದರಿಕೆ ಬಂದ ಹಿನ್ನೆಲೆ ಉದಯನಿಧಿ ಸ್ಟಾಲಿನ್ ನಿವಾಸದ ಹೊರಗೆ ಭದ್ರತೆಯನ್ನು ಮತ್ತಷ್ಟು ಬಿಗಿಗೊಳಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ</strong>: ಡಿಎಂಕೆ ನಾಯಕ ಉದಯನಿಧಿ ಸ್ಟಾಲಿನ್ ಅವರ ತಲೆ ಕಡಿದು ತಂದವರಿಗೆ ₹10 ಕೋಟಿ ಬಹುಮಾನ ನೀಡುವುದಾಗಿ ಬೆದರಿಕೆವೊಡ್ಡಿದ್ದ ಅಯೋಧ್ಯೆಯ ತಪಸ್ವಿ ಛವನಿ ದೇವಸ್ಥಾನದ ಮುಖ್ಯ ಅರ್ಚಕ ಪರಮಹಂಸ ಆಚಾರ್ಯ ಸ್ವಾಮೀಜಿ ಪ್ರತಿಕೃತಿಯನ್ನು ಡಿಎಂಕೆ ಕಾರ್ಯಕರ್ತರು ದಹಿಸಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</p><p>‘ಸನಾತನ ಧರ್ಮ ಕೊರೊನಾ, ಡೆಂಗಿ ಇದ್ದಂತೆ ಅದನ್ನು ನಿರ್ಮೂಲನೆ ಮಾಡಬೇಕು’ ಎಂಬ ಉದಯನಿಧಿ ಸ್ಟಾಲಿನ್ ಅವರ ಹೇಳಿಕೆ ದೇಶದಾದ್ಯಂತ ವಿವಾದ ಹುಟ್ಟುಹಾಕಿದ್ದು, ಹಿಂದೂತ್ವ ಸಂಘಟನೆಗಳು, ಬಿಜೆಪಿ ಸೇರಿದಂತೆ ಹಲವರು ವಿರೋಧ ವ್ಯಕ್ತಪಡಿಸಿದ್ದರು. ಸ್ಟಾಲಿನ್ ಅವರು ತಮ್ಮ ಹೇಳಿಕೆಗೆ ಕ್ಷಮೆಯಾಚಿಸಬೇಕು ಎಂದು ಪಟ್ಟುಹಿಡಿದಿದ್ದರು.</p><p>ವೆಲ್ಲೂರಿನಲ್ಲಿ ಜಮಾಯಿಸಿದ ಡಿಎಂಕೆ ಪಕ್ಷದ 100ಕ್ಕೂ ಹೆಚ್ಚು ಕಾರ್ಯಕರ್ತರು, ಸ್ವಾಮೀಜಿಯ ಪ್ರತಿಕೃತಿಯನ್ನು ದಹಿಸಿ, ಸ್ವಾಮೀಜಿ ಮತ್ತು ಬಿಜೆಪಿ ವಿರುದ್ಧ ಘೋಷಣೆ ಕೂಗಿದ್ದಾರೆ. ಸ್ಥಳಕ್ಕಾಗಮಿಸಿದ ಪೊಲೀಸರು ಕಾರ್ಯಕರ್ತರನ್ನು ತಡೆದು ನಿಲ್ಲಿಸಿ, ಪ್ರತಿಕೃತಿಗೆ ನೀರು ಸುರಿದಿದ್ದಾರೆ.</p><p><strong>ಹತ್ತು ಕೋಟಿ ಅಲ್ಲ ನೂರು ಕೋಟಿ ಕೊಡುತ್ತೇನೆಂದ ಸ್ವಾಮೀಜಿ</strong></p><p>ಬೆದರಿಕೆ ಹೇಳಿಕೆಗೆ ವಿರೋಧ ವ್ಯಕ್ತವಾದ ಮೇಲೂ ಸ್ವಾಮೀಜಿ ತಮ್ಮ ಹೇಳಿಕೆಯನ್ನು ಪುನರುಚ್ಛರಿಸಿದ್ದಾರೆ. ‘ಸ್ಟಾಲಿನ್ ಹೇಳಿಕೆ ಕೋಟ್ಯಂತರ ಜನರಿಗೆ ನೋವುಂಟು ಮಾಡಿರುವುದರಿಂದ ಬಹುಮಾನ ಮೊತ್ತವನ್ನು ₹10 ಕೋಟಿಯಿಂದ100 ಕೋಟಿಗೆ ಹೆಚ್ಚಿಸಲು ಸಿದ್ಧ’ ಎಂದು ಸ್ವಾಮೀಜಿ ಹೇಳಿದ್ದಾರೆ.</p><p><strong>ಓದಿ</strong>:<a href="https://www.prajavani.net/news/india-news/up-ayodhya-seer-paramhans-acharya-issues-death-threat-to-udhayanidhi-stalin-over-sanatan-dharma-remarks-2467808"> ಉದಯನಿಧಿ ಸ್ಟಾಲಿನ್ ತಲೆ ಕಡಿದು ತಂದವರಿಗೆ ₹10 ಕೋಟಿ ಎಂದ ಅಯೋಧ್ಯೆ ಸ್ವಾಮೀಜಿ!</a></p><p>ಸ್ಟಾಲಿನ್ ಫೋಟೋಗೆ ಕತ್ತಿಯಿಂದ ಇರಿಯುವುದರ ಮೂಲಕ ಸಾಂಕೇತಿಕವಾಗಿ ತಲೆದಂಡ ಮಾಡಿದ ಸ್ವಾಮೀಜಿ, ಫೋಟೊವನ್ನು ಸುಟ್ಟು ಹಾಕಿದ್ದಾರೆ.</p><p><strong>ಸ್ವಾಮೀಜಿ ಬಳಿ ₹10 ಕೋಟಿ ಹೇಗೆ ಬಂತು?</strong></p><p>ಒಬ್ಬ ಸಾಮಾನ್ಯ ದಾರ್ಶನಿಕನ ಬಳಿ ₹10 ಕೋಟಿ ರೂಪಾಯಿ ನಗದು ಹೇಗೆ ಬಂತು? ಆತ ನಿಜವಾದ ದಾರ್ಶನಿಕನೇ ಅಥವಾ ನಕಲಿಯೇ? ಎಂದು ಸ್ವಾಲಿನ್ ಪ್ರಶ್ನಿಸಿದ್ದಾರೆ.</p><p><strong>ಸ್ಟಾಲಿನ್ ನಿವಾಸಕ್ಕೆ ಭದ್ರತೆ</strong></p><p>ಜೀವ ಬೆದರಿಕೆ ಬಂದ ಹಿನ್ನೆಲೆ ಉದಯನಿಧಿ ಸ್ಟಾಲಿನ್ ನಿವಾಸದ ಹೊರಗೆ ಭದ್ರತೆಯನ್ನು ಮತ್ತಷ್ಟು ಬಿಗಿಗೊಳಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
