ಕೆಸಿಆರ್ ಹ್ಯಾಟ್ರಿಕ್‌ ಕನಸು ಭಗ್ನ
ಭಾರತ ರಾಷ್ಟ್ರ ಸಮಿತಿಯ ಕೆ.ಚಂದ್ರಶೇಖರ ರಾವ್ ಅವರು ಸತತ ಮೂರನೇ ಅವಧಿಗೆ ಮುಖ್ಯಮಂತ್ರಿ ಯಾಗುವ ಕನಸು ಕಂಡಿದ್ದರು. ಜೊತೆಗೆ, ಮುಂದಿನ ಲೋಕಸಭೆ ಚುನಾವಣೆ ಹೊತ್ತಿಗೆ ರಾಷ್ಟ್ರ ರಾಜಕಾರಣ ದಲ್ಲಿ ಮಹತ್ವದ ಪಾತ್ರ ವಹಿಸಬೇಕು, ಕಾಂಗ್ರೆಸ್‌ ಇಲ್ಲದ ಪರ್ಯಾಯ ರಂಗವೊಂದನ್ನು ಕಟ್ಟಬೇಕು ಎಂಬ ಉಮೇದಿನಲ್ಲಿದ್ದರು. ಆದರೆ, ವ್ಯಾಪಕವಾಗಿದ್ದ ಆಡಳಿತವಿರೋಧಿ ಅಲೆಯಿಂದಾಗಿ ಹ್ಯಾಟ್ರಿಕ್‌ ಗೆಲುವು ಸಾಧ್ಯವಾಗಿಲ್ಲ. ಅಷ್ಟೇ ಅಲ್ಲ, ಅವರ ರಾಷ್ಟ್ರ ರಾಜಕಾರಣದ ಕನಸು ಸದ್ಯದ ಮಟ್ಟಿಗೆ ಭಗ್ನಗೊಂಡಂತಾಗಿದೆ.
