<p><strong>ನವದೆಹಲಿ</strong>: ಈ ವರ್ಷದ ಮೊದಲ ಒಂಭತ್ತು ತಿಂಗಳಲ್ಲಿ ದೇಶದಲ್ಲಿ ನಡೆದ ಪ್ರತಿಕೂಲ ಹವಾಮಾನ ಸಂಬಂಧಿತ ಅವಘಡಗಳಲ್ಲಿ ಒಟ್ಟು 3,238 ಜನರು ಮೃತಪಟ್ಟಿದ್ದಾರೆ.</p>.<p>ದೆಹಲಿಯ ವಿಜ್ಞಾನ ಮತ್ತು ಪರಿಸರ ಚಿಂತಕರ ಕೇಂದ್ರ (ಸಿಎಸ್ಇ) ಈ ಬಗ್ಗೆ ವರದಿ ಬಿಡುಗಡೆ ಮಾಡಿದೆ. ಈ ಒಂಭತ್ತು ತಿಂಗಳ 274 ದಿನಗಳ ಪೈಕಿ 255 ದಿನಗಳು ಭಾರತವು ಪ್ರತಿಕೂಲ ಹವಾಮಾನದ ಪರಿಣಾಮಗಳನ್ನು ಎದುರಿಸಿದೆ ಎಂದು ಉಲ್ಲೇಖಿಸಿದೆ.</p>.<p>ಮೊದಲ ಒಂಭತ್ತು ತಿಂಗಳಲ್ಲಿ 3,238 ಜನರು ಸತ್ತಿದ್ದಾರೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 235 ದಿನ ಪ್ರತಿಕೂಲ ಹವಾಮಾನ ಬಾಧಿಸಿತ್ತು. 2,923 ಜನರು ಮೃತಪಟ್ಟಿದ್ದರು. </p>.<p>ಅಪೂರ್ಣ ಅಂಕಿ ಅಂಶಗಳ ಪರಿಣಾಮ ಸಾರ್ವಜನಿಕ ಆಸ್ತಿ ಹಾನಿ, ಬೆಳೆ ಹಾನಿ ಕುರಿತಂತೆ ಈಗಿನ ನಷ್ಟದ ಅಂದಾಜು ಕೂಡಾ ಕಡಿಮೆ ಇದೆ ಎಂದೂ ವರದಿ ಉಲ್ಲೇಖಿಸಿದೆ. </p>.<p>ಮಧ್ಯಪ್ರದೇಶ ರಾಜ್ಯವು ಈ ವರ್ಷದ ಒಂಭತ್ತು ತಿಂಗಳಲ್ಲಿ ಗರಿಷ್ಠ ಅಂದರೆ 176 ದಿನ ಪ್ರತಿಕೂಲ ಹವಾಮಾನದ ಪರಿಣಾಮಗಳನ್ನು ಎದುರಿಸಿದೆ. ಕೇರಳದಲ್ಲಿ ಅತ್ಯಧಿಕ ಸಂಖ್ಯೆಯಲ್ಲಿ ಅಂದರೆ 550 ಮಂದಿ ಮೃತಪಟ್ಟಿದ್ದಾರೆ.</p>.<p>ಮಧ್ಯಪ್ರದೇಶದಲ್ಲಿ 353, ಅಸ್ಸಾಂನಲ್ಲಿ 256 ಮಂದಿ ಸತ್ತಿದ್ದಾರೆ. ಆಂಧ್ರಪ್ರದೇಶದಲ್ಲಿ ಗರಿಷ್ಠ ಸಂಖ್ಯೆಯಲ್ಲಿ ಮನೆಗಳು (85,806) ಹಾನಿಗೊಂಡಿವೆ. ಬೆಳೆಹಾನಿಯನ್ನು ಗಮನಿಸುವುದಾದರೆ ಮಹಾರಾಷ್ಟ್ರದಲ್ಲಿ ಗರಿಷ್ಠ ಅಂದರೆ ಶೇ 60ರಷ್ಟು ಬೆಳೆಹಾನಿಯಾಗಿದೆ.</p>.<p>ಈ ಅವಧಿಯಲ್ಲಿ ಒಟ್ಟು 27 ರಾಜ್ಯಗಳು, ಕೇಂದ್ರಾಡಳಿತ ಪ್ರದೇಶಗಳು ಪ್ರತಿಕೂಲ ಹವಾಮಾನದ ಪರಿಣಾಮ ಎದುರಿಸಿವೆ. ಪ್ರಮುಖವಾಗಿ ಕರ್ನಾಟಕ, ಕೇರಳ, ಉತ್ತರ ಪ್ರದೇಶ ರಾಜ್ಯಗಳು ಶೇ 40ಕ್ಕೂ ಹೆಚ್ಚು ಪರಿಣಾಮವನ್ನು ಎದುರಿಸಿವೆ.</p>.<p>2024ರಲ್ಲಿ ಈವರೆಗೆ ತಾಪಮಾನಕ್ಕೆ ಸಂಬಂಧಿಸಿ ಹಲವು ದಾಖಲೆಗಳು ನಿರ್ಮಾಣವಾಗಿವೆ. ಈ ವರ್ಷದ ಜನವರಿ, 1901ರ ನಂತರ ಒಣ ತಿಂಗಳು ಎಂದು ದಾಖಲಾಗಿದೆ. ಫೆಬ್ರುವರಿ ತಿಂಗಳಲ್ಲಿ, 123 ವರ್ಷದ ತರುವಾಯ 2ನೇ ಅತ್ಯಧಿಕ ಕನಿಷ್ಠ ತಾಪಮಾನ ದಾಖಲಾಗಿದೆ. ಜುಲೈ, ಆಗಸ್ಟ್, ಸೆಪ್ಟೆಂಬರ್ನಲ್ಲೂ 1901ರ ಬಳಿಕ ಅತ್ಯಧಿಕ ಕನಿಷ್ಠ ತಾಪಮಾನ ದಾಖಲಾಗಿದೆ.</p>.<p>ಈ ಅಂಕಿ– ಅಂಶಗಳು ತಾಪಮಾನ ಬದಲಾವಣೆಯ ಪ್ರತಿಕೂಲ ಪರಿಣಾಮಗಳನ್ನು ಬಿಂಬಿಸಲಿವೆ ಎನ್ನುತ್ತಾರೆ ಸಿಎಸ್ಇ ಪ್ರಧಾನ ನಿರ್ದೇಶಕ ಸುನೀತಾ ನಾರಾಯಣ್. ‘ಈ ಹಿಂದೆ ಶತಮಾನಕ್ಕೆ ಒಮ್ಮೆ ಸಂಭವಿಸುತ್ತಿದ್ದ ಸಂಗತಿಗಳು ಈಗ ಐದು ವರ್ಷ, ಅದಕ್ಕೂ ಕಡಿಮೆ ಅವಧಿಯಲ್ಲಿಯೇ ಸಂಭವಿಸುತ್ತಿವೆ’ ಎಂದು ಹೇಳುತ್ತಾರೆ. </p>.<p>ವರದಿಯ ಪ್ರಕಾರ, ಪ್ರವಾಹದಿಂದಾಗಿಯೇ 1,376 ಜನರು ಸತ್ತಿದ್ದಾರೆ. ಸಿಡಿಲು ಮತ್ತು ಚಂಡಮಾರುತದ ಪರಿಣಾಮಗಳಿಗೆ ಬಲಿಯಾದವರ ಸಂಖ್ಯೆ 1,021.</p>.<p>ವರದಿಯ ಲೇಖಕರಲ್ಲಿ ಒಬ್ಬರಾದ ರಜಿತ್ ಸೆನ್ಗುಪ್ತಾ, ‘ಬಿಸಿಗಾಳಿಗೆ ಈ ಅವಧಿಯಲ್ಲಿ 210 ಜನರು ಸತ್ತಿದ್ದಾರೆ. ಅಧಿಕ ಉಷ್ಣಾಂಶದ ಪರಿಣಾಮ ಆರೋಗ್ಯ ಸ್ಥಿತಿಯ ಮೇಲೂ ಪ್ರತಿಕೂಲ ಪರಿಣಾಮವಾಗಿದೆ. ಉತ್ತರ ಭಾರತದಲ್ಲಿ ಇದರ ಪರಿಣಾಮ ಹೆಚ್ಚಿತ್ತು’ ಎನ್ನುತ್ತಾರೆ.</p>.<p>Cut-off box - ಹಾನಿ: ಯಾವುದು ಎಷ್ಟು? ವಿವರ;2024;2023 ಜೀವ ಹಾನಿ;3238;2923 ಬೆಳೆ ಹಾನಿ; 32 ಲಕ್ಷ ಹೆಕ್ಟೇರ್;18.4 ಲಕ್ಷ ಹೆಕ್ಟೇರ್ ಮನೆ ಕಟ್ಟಡ ಜಖಂ;235862;80293 ಮನುಷ್ಯಯೇತರ ಸಾವು; 9457 ಜಾನುವಾರು;92519 ಪ್ರಾಣಿಗಳು ಸಾವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಈ ವರ್ಷದ ಮೊದಲ ಒಂಭತ್ತು ತಿಂಗಳಲ್ಲಿ ದೇಶದಲ್ಲಿ ನಡೆದ ಪ್ರತಿಕೂಲ ಹವಾಮಾನ ಸಂಬಂಧಿತ ಅವಘಡಗಳಲ್ಲಿ ಒಟ್ಟು 3,238 ಜನರು ಮೃತಪಟ್ಟಿದ್ದಾರೆ.</p>.<p>ದೆಹಲಿಯ ವಿಜ್ಞಾನ ಮತ್ತು ಪರಿಸರ ಚಿಂತಕರ ಕೇಂದ್ರ (ಸಿಎಸ್ಇ) ಈ ಬಗ್ಗೆ ವರದಿ ಬಿಡುಗಡೆ ಮಾಡಿದೆ. ಈ ಒಂಭತ್ತು ತಿಂಗಳ 274 ದಿನಗಳ ಪೈಕಿ 255 ದಿನಗಳು ಭಾರತವು ಪ್ರತಿಕೂಲ ಹವಾಮಾನದ ಪರಿಣಾಮಗಳನ್ನು ಎದುರಿಸಿದೆ ಎಂದು ಉಲ್ಲೇಖಿಸಿದೆ.</p>.<p>ಮೊದಲ ಒಂಭತ್ತು ತಿಂಗಳಲ್ಲಿ 3,238 ಜನರು ಸತ್ತಿದ್ದಾರೆ. ಕಳೆದ ವರ್ಷ ಇದೇ ಅವಧಿಯಲ್ಲಿ 235 ದಿನ ಪ್ರತಿಕೂಲ ಹವಾಮಾನ ಬಾಧಿಸಿತ್ತು. 2,923 ಜನರು ಮೃತಪಟ್ಟಿದ್ದರು. </p>.<p>ಅಪೂರ್ಣ ಅಂಕಿ ಅಂಶಗಳ ಪರಿಣಾಮ ಸಾರ್ವಜನಿಕ ಆಸ್ತಿ ಹಾನಿ, ಬೆಳೆ ಹಾನಿ ಕುರಿತಂತೆ ಈಗಿನ ನಷ್ಟದ ಅಂದಾಜು ಕೂಡಾ ಕಡಿಮೆ ಇದೆ ಎಂದೂ ವರದಿ ಉಲ್ಲೇಖಿಸಿದೆ. </p>.<p>ಮಧ್ಯಪ್ರದೇಶ ರಾಜ್ಯವು ಈ ವರ್ಷದ ಒಂಭತ್ತು ತಿಂಗಳಲ್ಲಿ ಗರಿಷ್ಠ ಅಂದರೆ 176 ದಿನ ಪ್ರತಿಕೂಲ ಹವಾಮಾನದ ಪರಿಣಾಮಗಳನ್ನು ಎದುರಿಸಿದೆ. ಕೇರಳದಲ್ಲಿ ಅತ್ಯಧಿಕ ಸಂಖ್ಯೆಯಲ್ಲಿ ಅಂದರೆ 550 ಮಂದಿ ಮೃತಪಟ್ಟಿದ್ದಾರೆ.</p>.<p>ಮಧ್ಯಪ್ರದೇಶದಲ್ಲಿ 353, ಅಸ್ಸಾಂನಲ್ಲಿ 256 ಮಂದಿ ಸತ್ತಿದ್ದಾರೆ. ಆಂಧ್ರಪ್ರದೇಶದಲ್ಲಿ ಗರಿಷ್ಠ ಸಂಖ್ಯೆಯಲ್ಲಿ ಮನೆಗಳು (85,806) ಹಾನಿಗೊಂಡಿವೆ. ಬೆಳೆಹಾನಿಯನ್ನು ಗಮನಿಸುವುದಾದರೆ ಮಹಾರಾಷ್ಟ್ರದಲ್ಲಿ ಗರಿಷ್ಠ ಅಂದರೆ ಶೇ 60ರಷ್ಟು ಬೆಳೆಹಾನಿಯಾಗಿದೆ.</p>.<p>ಈ ಅವಧಿಯಲ್ಲಿ ಒಟ್ಟು 27 ರಾಜ್ಯಗಳು, ಕೇಂದ್ರಾಡಳಿತ ಪ್ರದೇಶಗಳು ಪ್ರತಿಕೂಲ ಹವಾಮಾನದ ಪರಿಣಾಮ ಎದುರಿಸಿವೆ. ಪ್ರಮುಖವಾಗಿ ಕರ್ನಾಟಕ, ಕೇರಳ, ಉತ್ತರ ಪ್ರದೇಶ ರಾಜ್ಯಗಳು ಶೇ 40ಕ್ಕೂ ಹೆಚ್ಚು ಪರಿಣಾಮವನ್ನು ಎದುರಿಸಿವೆ.</p>.<p>2024ರಲ್ಲಿ ಈವರೆಗೆ ತಾಪಮಾನಕ್ಕೆ ಸಂಬಂಧಿಸಿ ಹಲವು ದಾಖಲೆಗಳು ನಿರ್ಮಾಣವಾಗಿವೆ. ಈ ವರ್ಷದ ಜನವರಿ, 1901ರ ನಂತರ ಒಣ ತಿಂಗಳು ಎಂದು ದಾಖಲಾಗಿದೆ. ಫೆಬ್ರುವರಿ ತಿಂಗಳಲ್ಲಿ, 123 ವರ್ಷದ ತರುವಾಯ 2ನೇ ಅತ್ಯಧಿಕ ಕನಿಷ್ಠ ತಾಪಮಾನ ದಾಖಲಾಗಿದೆ. ಜುಲೈ, ಆಗಸ್ಟ್, ಸೆಪ್ಟೆಂಬರ್ನಲ್ಲೂ 1901ರ ಬಳಿಕ ಅತ್ಯಧಿಕ ಕನಿಷ್ಠ ತಾಪಮಾನ ದಾಖಲಾಗಿದೆ.</p>.<p>ಈ ಅಂಕಿ– ಅಂಶಗಳು ತಾಪಮಾನ ಬದಲಾವಣೆಯ ಪ್ರತಿಕೂಲ ಪರಿಣಾಮಗಳನ್ನು ಬಿಂಬಿಸಲಿವೆ ಎನ್ನುತ್ತಾರೆ ಸಿಎಸ್ಇ ಪ್ರಧಾನ ನಿರ್ದೇಶಕ ಸುನೀತಾ ನಾರಾಯಣ್. ‘ಈ ಹಿಂದೆ ಶತಮಾನಕ್ಕೆ ಒಮ್ಮೆ ಸಂಭವಿಸುತ್ತಿದ್ದ ಸಂಗತಿಗಳು ಈಗ ಐದು ವರ್ಷ, ಅದಕ್ಕೂ ಕಡಿಮೆ ಅವಧಿಯಲ್ಲಿಯೇ ಸಂಭವಿಸುತ್ತಿವೆ’ ಎಂದು ಹೇಳುತ್ತಾರೆ. </p>.<p>ವರದಿಯ ಪ್ರಕಾರ, ಪ್ರವಾಹದಿಂದಾಗಿಯೇ 1,376 ಜನರು ಸತ್ತಿದ್ದಾರೆ. ಸಿಡಿಲು ಮತ್ತು ಚಂಡಮಾರುತದ ಪರಿಣಾಮಗಳಿಗೆ ಬಲಿಯಾದವರ ಸಂಖ್ಯೆ 1,021.</p>.<p>ವರದಿಯ ಲೇಖಕರಲ್ಲಿ ಒಬ್ಬರಾದ ರಜಿತ್ ಸೆನ್ಗುಪ್ತಾ, ‘ಬಿಸಿಗಾಳಿಗೆ ಈ ಅವಧಿಯಲ್ಲಿ 210 ಜನರು ಸತ್ತಿದ್ದಾರೆ. ಅಧಿಕ ಉಷ್ಣಾಂಶದ ಪರಿಣಾಮ ಆರೋಗ್ಯ ಸ್ಥಿತಿಯ ಮೇಲೂ ಪ್ರತಿಕೂಲ ಪರಿಣಾಮವಾಗಿದೆ. ಉತ್ತರ ಭಾರತದಲ್ಲಿ ಇದರ ಪರಿಣಾಮ ಹೆಚ್ಚಿತ್ತು’ ಎನ್ನುತ್ತಾರೆ.</p>.<p>Cut-off box - ಹಾನಿ: ಯಾವುದು ಎಷ್ಟು? ವಿವರ;2024;2023 ಜೀವ ಹಾನಿ;3238;2923 ಬೆಳೆ ಹಾನಿ; 32 ಲಕ್ಷ ಹೆಕ್ಟೇರ್;18.4 ಲಕ್ಷ ಹೆಕ್ಟೇರ್ ಮನೆ ಕಟ್ಟಡ ಜಖಂ;235862;80293 ಮನುಷ್ಯಯೇತರ ಸಾವು; 9457 ಜಾನುವಾರು;92519 ಪ್ರಾಣಿಗಳು ಸಾವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
