<p><strong>ಅಹಮದಾಬಾದ್</strong>: ‘ನೀಟ್–ಯುಜಿ’ ಅಕ್ರಮ ಪ್ರಕರಣದ ಆರೋಪಿಗಳು, ಗೋಧ್ರಾದ ಎರಡು ಪರೀಕ್ಷಾ ಕೇಂದ್ರಗಳನ್ನು ಸಂಪೂರ್ಣವಾಗಿ ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದರು ಎಂದು ಸಿಬಿಐ ಹೇಳಿದೆ.</p>.<p>‘ಪರೀಕ್ಷಾ ಕೇಂದ್ರದ ಮೇಲ್ವಿಚಾರಣೆ ಉಸ್ತುವಾರಿ ಸಿಬ್ಬಂದಿ, ಪರೀಕ್ಷಾ ಮೇಲ್ವಿಚಾರಕರು ಹಾಗೂ ಇತರ ಸಿಬ್ಬಂದಿಯನ್ನೂ ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದ ಆರೋಪಿಗಳು, ಭಾರಿ ಮೊತ್ತದ ಹಣ ಪಡೆದು ಅಭ್ಯರ್ಥಿಗಳ ಒಎಂಆರ್ ಉತ್ತರಪತ್ರಿಕೆಗಳನ್ನು ತಿರುಚಿದ್ದರು ಎಂಬುದು ಕೂಡ ತನಿಖೆಯಿಂದ ಗೊತ್ತಾಗಿದೆ’ ಎಂದು ಸಿಬಿಐ ದೋಷಾರೋಪ ಪಟ್ಟಿಯಲ್ಲಿ ಹೇಳಿದೆ.</p>.<p>‘ಗೋಧ್ರಾದ ಈ ಶಾಲೆಗಳು ಆರೋಪಿಗಳ ಸಂಪೂರ್ಣ ನಿಯಂತ್ರಣದಲ್ಲಿ ಇದ್ದಿದ್ದು, ಅಭ್ಯರ್ಥಿಗಳು ಇಲ್ಲಿನ ಪರೀಕ್ಷಾ ಕೇಂದ್ರಗಳನ್ನು ಆಯ್ಕೆ ಮಾಡಿಕೊಳ್ಳಲು ಮುಖ್ಯ ಕಾರಣ’ ಎಂದೂ ಹೇಳಿದೆ.</p>.<p>‘ಗೋಧ್ರಾದ ಎರಡು ಶಾಲೆಗಳಲ್ಲಿ ಸ್ಥಾಪಿಸಲಾಗಿದ್ದ ಪರೀಕ್ಷಾ ಕೇಂದ್ರದ ಕನಿಷ್ಠ 30 ಅಭ್ಯರ್ಥಿಗಳು ಈ ಕ್ರಿಮಿನಲ್ ಪಿತೂರಿಯಲ್ಲಿ ಶಾಮೀಲಾಗಿದ್ದರು. ಬಿಹಾರದ ಮೂವರು, ಗೋಧ್ರಾದ 6, ಗುಜರಾತ್ನ ವಿವಿಧ ಜಿಲ್ಲೆಗಳ 8, ಮಹಾರಾಷ್ಟ್ರದ 4, ಒಡಿಶಾ–5, ರಾಜಸ್ಥಾನ–3 ಹಾಗೂ ಉತ್ತರ ಪ್ರದೇಶ ಒಬ್ಬ ಅಭ್ಯರ್ಥಿ ಈ ಪಿತೂರಿಯ ಭಾಗವಾಗಿದ್ದುದು ಕಂಡುಬಂದಿದೆ’ ಎಂದು ಸಿಬಿಐ ಹೇಳಿದೆ.</p>.<p>ಹಲವರ ವಿರುದ್ಧ ದೋಷಾರೋಪ ಪಟ್ಟಿ ಸಲ್ಲಿಸಿರುವ ಸಿಬಿಐ, ಈ ಎರಡು ಶಾಲೆಗಳನ್ನು ನಡೆಸುತ್ತಿರುವ ಜೈ ಜಲರಾಮ್ ಟ್ರಸ್ಟ್ ಮುಖ್ಯಸ್ಥ ದೀಕ್ಷಿತ್ ಪಟೇಲ್ ವಿರುದ್ಧ ಪೂರಕ ದೋಷಾರೋಪ ಪಟ್ಟಿ ಸಲ್ಲಿಸುವ ಸಾಧ್ಯತೆ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಹಮದಾಬಾದ್</strong>: ‘ನೀಟ್–ಯುಜಿ’ ಅಕ್ರಮ ಪ್ರಕರಣದ ಆರೋಪಿಗಳು, ಗೋಧ್ರಾದ ಎರಡು ಪರೀಕ್ಷಾ ಕೇಂದ್ರಗಳನ್ನು ಸಂಪೂರ್ಣವಾಗಿ ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದರು ಎಂದು ಸಿಬಿಐ ಹೇಳಿದೆ.</p>.<p>‘ಪರೀಕ್ಷಾ ಕೇಂದ್ರದ ಮೇಲ್ವಿಚಾರಣೆ ಉಸ್ತುವಾರಿ ಸಿಬ್ಬಂದಿ, ಪರೀಕ್ಷಾ ಮೇಲ್ವಿಚಾರಕರು ಹಾಗೂ ಇತರ ಸಿಬ್ಬಂದಿಯನ್ನೂ ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದ ಆರೋಪಿಗಳು, ಭಾರಿ ಮೊತ್ತದ ಹಣ ಪಡೆದು ಅಭ್ಯರ್ಥಿಗಳ ಒಎಂಆರ್ ಉತ್ತರಪತ್ರಿಕೆಗಳನ್ನು ತಿರುಚಿದ್ದರು ಎಂಬುದು ಕೂಡ ತನಿಖೆಯಿಂದ ಗೊತ್ತಾಗಿದೆ’ ಎಂದು ಸಿಬಿಐ ದೋಷಾರೋಪ ಪಟ್ಟಿಯಲ್ಲಿ ಹೇಳಿದೆ.</p>.<p>‘ಗೋಧ್ರಾದ ಈ ಶಾಲೆಗಳು ಆರೋಪಿಗಳ ಸಂಪೂರ್ಣ ನಿಯಂತ್ರಣದಲ್ಲಿ ಇದ್ದಿದ್ದು, ಅಭ್ಯರ್ಥಿಗಳು ಇಲ್ಲಿನ ಪರೀಕ್ಷಾ ಕೇಂದ್ರಗಳನ್ನು ಆಯ್ಕೆ ಮಾಡಿಕೊಳ್ಳಲು ಮುಖ್ಯ ಕಾರಣ’ ಎಂದೂ ಹೇಳಿದೆ.</p>.<p>‘ಗೋಧ್ರಾದ ಎರಡು ಶಾಲೆಗಳಲ್ಲಿ ಸ್ಥಾಪಿಸಲಾಗಿದ್ದ ಪರೀಕ್ಷಾ ಕೇಂದ್ರದ ಕನಿಷ್ಠ 30 ಅಭ್ಯರ್ಥಿಗಳು ಈ ಕ್ರಿಮಿನಲ್ ಪಿತೂರಿಯಲ್ಲಿ ಶಾಮೀಲಾಗಿದ್ದರು. ಬಿಹಾರದ ಮೂವರು, ಗೋಧ್ರಾದ 6, ಗುಜರಾತ್ನ ವಿವಿಧ ಜಿಲ್ಲೆಗಳ 8, ಮಹಾರಾಷ್ಟ್ರದ 4, ಒಡಿಶಾ–5, ರಾಜಸ್ಥಾನ–3 ಹಾಗೂ ಉತ್ತರ ಪ್ರದೇಶ ಒಬ್ಬ ಅಭ್ಯರ್ಥಿ ಈ ಪಿತೂರಿಯ ಭಾಗವಾಗಿದ್ದುದು ಕಂಡುಬಂದಿದೆ’ ಎಂದು ಸಿಬಿಐ ಹೇಳಿದೆ.</p>.<p>ಹಲವರ ವಿರುದ್ಧ ದೋಷಾರೋಪ ಪಟ್ಟಿ ಸಲ್ಲಿಸಿರುವ ಸಿಬಿಐ, ಈ ಎರಡು ಶಾಲೆಗಳನ್ನು ನಡೆಸುತ್ತಿರುವ ಜೈ ಜಲರಾಮ್ ಟ್ರಸ್ಟ್ ಮುಖ್ಯಸ್ಥ ದೀಕ್ಷಿತ್ ಪಟೇಲ್ ವಿರುದ್ಧ ಪೂರಕ ದೋಷಾರೋಪ ಪಟ್ಟಿ ಸಲ್ಲಿಸುವ ಸಾಧ್ಯತೆ ಇದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
