<p><strong>ನವದೆಹಲಿ</strong>: ಸಶಸ್ತ್ರ ಪಡೆಗಳ ಸಾಮರ್ಥ್ಯ ಹೆಚ್ಚಿಸುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆ ಇಟ್ಟಿರುವ ರಕ್ಷಣಾ ಖರೀದಿ ಪರಿಷತ್ತು (ಡಿಎಸಿ), ₹2.23 ಲಕ್ಷ ಕೋಟಿ ವೆಚ್ಚದಲ್ಲಿ ವಿವಿಧ ರಕ್ಷಣಾ ಪರಿಕರಗಳ ಖರೀದಿಗೆ ಗುರುವಾರ ಅನುಮೋದನೆ ನೀಡಿದೆ.</p><p>ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ನೇತೃತ್ವದಲ್ಲಿ ನಡೆದ ಡಿಎಸಿ ಸಭೆಯು, 97 ‘ತೇಜಸ್’ ಲಘು ಯುದ್ಧ ವಿಮಾನಗಳು ಹಾಗೂ 156 ‘ಪ್ರಚಂಡ’ ಯುದ್ಧಹೆಲಿಕಾಪ್ಟರ್ಗಳನ್ನು ಖರೀದಿಸಲು ಒಪ್ಪಿಗೆ ನೀಡಿದೆ.</p><p>ಒಟ್ಟು ವೆಚ್ಚ ₹ 2.23 ಲಕ್ಷ ಕೋಟಿ ಪೈಕಿ ಶೇ 98ರಷ್ಟು ಮೊತ್ತದಷ್ಟು ರಕ್ಷಣಾ ಸಾಮಗ್ರಿಗಳನ್ನು ದೇಶೀಯ ಉದ್ದಿಮೆಗಳಿಂದ ಖರೀದಿ ಮಾಡಲಾಗುತ್ತದೆ. ಈ ಕ್ರಮವು, ದೇಶೀಯ ಉದ್ದಿಮೆಗಳಿಗೆ ಪ್ರೋತ್ಸಾಹ ನೀಡುವ ಮೂಲಕ ರಕ್ಷಣಾ ಕ್ಷೇತ್ರದಲ್ಲಿ ಸ್ವಾವಲಂಬಿ (ಆತ್ಮನಿರ್ಭರತೆ) ಆಗುವ ಗುರಿ ಸಾಧನೆಗೆ ಉತ್ತೇಜನ ನೀಡಲಿದೆ ಎಂದು ರಕ್ಷಣಾ ಸಚಿವಾಲಯ ಹೇಳಿದೆ.</p><p>ಸುಖೋಯ್–30 ಯುದ್ಧ ವಿಮಾನಗಳನ್ನು ಮೇಲ್ದರ್ಜಗೇರಿಸುವ ವಾಯುಪಡೆಯ ಪ್ರಸ್ತಾವನೆಗೂ ಡಿಎಸಿ ಅನುಮೋದನೆ ನೀಡಿದೆ. ಈ ಯುದ್ಧವಿಮಾನಗಳನ್ನು ಮೇಲ್ದರ್ಜೆಗೇರಿಸುವ ಕಾರ್ಯವನ್ನು ಎಚ್ಎಎಲ್ ಮಾಡಲಿದೆ.</p><p>ಎರಡು ಬಗೆಯ ಟ್ಯಾಂಕ್ ಪ್ರತಿಬಂಧಕ ವ್ಯವಸ್ಥೆಗಳ (ಎಡಿಎಂ ಟೈಪ್ 2 ಹಾಗೂ 3) ಖರೀದಿ, ಆಟೊಮ್ಯಾಟಿಕ್ ಟಾರ್ಗೆಟ್ ಟ್ರ್ಯಾಕರ್ (ಎಟಿಟಿ), ಟಿ–90 ಟ್ಯಾಂಕ್ಗಳಿಗೆ ಡಿಜಿಟಲ್ ಬಸಾಲ್ಟಿಕ್ ಕಂಪ್ಯೂಟರ್ (ಡಿಬಿಸಿ) ಹಾಗೂ ನೌಕಾಪಡೆಗಾಗಿ ಮಧ್ಯಮ ವ್ಯಾಪ್ತಿಯ ಯುದ್ಧನೌಕೆ ಪ್ರತಿಬಂಧಕ ಕ್ಷಿಪಣಿಗಳ (ಎಂಆರ್ಎಎಸ್ಎಚ್ಎಂ) ಖರೀದಿಗೂ ಡಿಎಸಿ ಅನುಮೋದನೆ ನೀಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಸಶಸ್ತ್ರ ಪಡೆಗಳ ಸಾಮರ್ಥ್ಯ ಹೆಚ್ಚಿಸುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆ ಇಟ್ಟಿರುವ ರಕ್ಷಣಾ ಖರೀದಿ ಪರಿಷತ್ತು (ಡಿಎಸಿ), ₹2.23 ಲಕ್ಷ ಕೋಟಿ ವೆಚ್ಚದಲ್ಲಿ ವಿವಿಧ ರಕ್ಷಣಾ ಪರಿಕರಗಳ ಖರೀದಿಗೆ ಗುರುವಾರ ಅನುಮೋದನೆ ನೀಡಿದೆ.</p><p>ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ನೇತೃತ್ವದಲ್ಲಿ ನಡೆದ ಡಿಎಸಿ ಸಭೆಯು, 97 ‘ತೇಜಸ್’ ಲಘು ಯುದ್ಧ ವಿಮಾನಗಳು ಹಾಗೂ 156 ‘ಪ್ರಚಂಡ’ ಯುದ್ಧಹೆಲಿಕಾಪ್ಟರ್ಗಳನ್ನು ಖರೀದಿಸಲು ಒಪ್ಪಿಗೆ ನೀಡಿದೆ.</p><p>ಒಟ್ಟು ವೆಚ್ಚ ₹ 2.23 ಲಕ್ಷ ಕೋಟಿ ಪೈಕಿ ಶೇ 98ರಷ್ಟು ಮೊತ್ತದಷ್ಟು ರಕ್ಷಣಾ ಸಾಮಗ್ರಿಗಳನ್ನು ದೇಶೀಯ ಉದ್ದಿಮೆಗಳಿಂದ ಖರೀದಿ ಮಾಡಲಾಗುತ್ತದೆ. ಈ ಕ್ರಮವು, ದೇಶೀಯ ಉದ್ದಿಮೆಗಳಿಗೆ ಪ್ರೋತ್ಸಾಹ ನೀಡುವ ಮೂಲಕ ರಕ್ಷಣಾ ಕ್ಷೇತ್ರದಲ್ಲಿ ಸ್ವಾವಲಂಬಿ (ಆತ್ಮನಿರ್ಭರತೆ) ಆಗುವ ಗುರಿ ಸಾಧನೆಗೆ ಉತ್ತೇಜನ ನೀಡಲಿದೆ ಎಂದು ರಕ್ಷಣಾ ಸಚಿವಾಲಯ ಹೇಳಿದೆ.</p><p>ಸುಖೋಯ್–30 ಯುದ್ಧ ವಿಮಾನಗಳನ್ನು ಮೇಲ್ದರ್ಜಗೇರಿಸುವ ವಾಯುಪಡೆಯ ಪ್ರಸ್ತಾವನೆಗೂ ಡಿಎಸಿ ಅನುಮೋದನೆ ನೀಡಿದೆ. ಈ ಯುದ್ಧವಿಮಾನಗಳನ್ನು ಮೇಲ್ದರ್ಜೆಗೇರಿಸುವ ಕಾರ್ಯವನ್ನು ಎಚ್ಎಎಲ್ ಮಾಡಲಿದೆ.</p><p>ಎರಡು ಬಗೆಯ ಟ್ಯಾಂಕ್ ಪ್ರತಿಬಂಧಕ ವ್ಯವಸ್ಥೆಗಳ (ಎಡಿಎಂ ಟೈಪ್ 2 ಹಾಗೂ 3) ಖರೀದಿ, ಆಟೊಮ್ಯಾಟಿಕ್ ಟಾರ್ಗೆಟ್ ಟ್ರ್ಯಾಕರ್ (ಎಟಿಟಿ), ಟಿ–90 ಟ್ಯಾಂಕ್ಗಳಿಗೆ ಡಿಜಿಟಲ್ ಬಸಾಲ್ಟಿಕ್ ಕಂಪ್ಯೂಟರ್ (ಡಿಬಿಸಿ) ಹಾಗೂ ನೌಕಾಪಡೆಗಾಗಿ ಮಧ್ಯಮ ವ್ಯಾಪ್ತಿಯ ಯುದ್ಧನೌಕೆ ಪ್ರತಿಬಂಧಕ ಕ್ಷಿಪಣಿಗಳ (ಎಂಆರ್ಎಎಸ್ಎಚ್ಎಂ) ಖರೀದಿಗೂ ಡಿಎಸಿ ಅನುಮೋದನೆ ನೀಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
