<p><strong>ನವದೆಹಲಿ</strong>: ಸ್ವಯಂಚಾಲಿತ ಸಿಗ್ನಲ್ ವಲಯಗಳಲ್ಲಿ ರೈಲು ಕಾರ್ಯಾಚರಣೆ ನಿರ್ವಹಣೆಯಲ್ಲಿನ ಹಲವು ಹಂತಗಳಲ್ಲಿ ಇರುವ ಲೋಪಗಳು, ರೈಲು ಚಾಲಕರು ಹಾಗೂ ಸ್ಟೇಷನ್ ಮಾಸ್ಟರ್ಗಳಿಗೆ ಸೂಕ್ತ ಸಮಾಲೋಚನೆ ಸಿಗದೆ ಇರುವುದು ಕಾಂಚನ್ಜುಂಗಾ ಎಕ್ಸ್ಪ್ರೆಸ್ ಅಪಘಾತಕ್ಕೆ ಕಾರಣ ಎಂದು ರೈಲ್ವೆ ಸುರಕ್ಷತಾ ಆಯುಕ್ತರ ವರದಿಯು ಹೇಳಿದೆ.</p>.<p>ಜೂನ್ 17ರಂದು ನಡೆದ ಅಪಘಾತದ ಬಗ್ಗೆ ಸಿದ್ಧಪಡಿಸಿರುವ ವರದಿಯಲ್ಲಿ ಆಯುಕ್ತರು, ರೈಲುಗಳು ಡಿಕ್ಕಿಯಾಗುವುದನ್ನು ತಪ್ಪಿಸುವ ‘ಕವಚ್’ ವ್ಯವಸ್ಥೆಯನ್ನು ಆದ್ಯತೆಯ ಮೇಲೆ ಅಳವಡಿಸುವ ಕೆಲಸ ಆಗಬೇಕು ಎಂದು ಶಿಫಾರಸು ಮಾಡಿದ್ದಾರೆ. ಈ ಅಪಘಾತದಲ್ಲಿ ಹತ್ತು ಮಂದಿ ಪ್ರಾಣ ಕಳೆದುಕೊಂಡಿದ್ದರು.</p>.<p><strong>ಅಪಘಾತಕ್ಕೆ ಕಾರಣಗಳು</strong></p>.<ul><li><p>ಲೋಪ ಇದ್ದ ಸಿಗ್ನಲ್ಗಳನ್ನು ದಾಟಲು ಸರಕು ಸಾಗಣೆ ರೈಲಿನ ಚಾಲಕನಿಗೆ ಸಂಬಂಧಪಟ್ಟ ಅಧಿಕಾರಿಗಳು ತಪ್ಪಾಗಿ ಅನುಮತಿ ನೀಡಿದ್ದರು. ಈ ಸಿಗ್ನಲ್ಗಳನ್ನು ದಾಟುವಾಗ ವೇಗದ ಮಿತಿ ಎಷ್ಟಿರಬೇಕು ಎಂಬುದನ್ನು ಆ ಚಾಲಕನಿಗೆ ತಿಳಿಸಿರಲಿಲ್ಲ.</p></li><li><p>ಸಿಗ್ನಲ್ ವ್ಯವಸ್ಥೆ ಹಾಳಾದ ನಂತರ, ಕಾಂಚನ್ಜುಂಗಾ ಎಕ್ಸ್ಪ್ರೆಸ್ ಮತ್ತು ಸರಕು ಸಾಗಣೆ ರೈಲು ಮಾತ್ರವಲ್ಲದೆ, ಈ ವಿಭಾಗದ ಮೂಲಕ ಐದು ಇತರ ರೈಲುಗಳು ಸಂಚರಿಸಿವೆ.</p></li><li><p>ವೇಗದ ಮಿತಿ ಹಾಗೂ ನಿಲುಗಡೆಯ ನಿಯಮವನ್ನು ಪಾಲನೆ ಮಾಡಿದ್ದು ಕಾಂಚನ್ಜುಂಗಾ ಎಕ್ಸ್ಪ್ರೆಸ್ನ ಚಾಲಕ ಮಾತ್ರ. ಇನ್ನುಳಿದ ಆರು ರೈಲುಗಳ ಚಾಲಕರು ನಿಯಮ ಪಾಲಿಸಿಲ್ಲ.</p></li><li><p>ಚಾಲಕರಿಗೆ ನೀಡಿದ್ದ ಅನುಮತಿಯಲ್ಲಿ ಪೂರ್ಣ ಮಾಹಿತಿ ಇರಲಿಲ್ಲ. ಇದರಿಂದಾಗಿ ವೇಗ ಎಷ್ಟಿರಬೇಕು ಎಂಬ ವಿಚಾರದಲ್ಲಿ ಗೊಂದಲ ನಿರ್ಮಾಣವಾಯಿತು.</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಸ್ವಯಂಚಾಲಿತ ಸಿಗ್ನಲ್ ವಲಯಗಳಲ್ಲಿ ರೈಲು ಕಾರ್ಯಾಚರಣೆ ನಿರ್ವಹಣೆಯಲ್ಲಿನ ಹಲವು ಹಂತಗಳಲ್ಲಿ ಇರುವ ಲೋಪಗಳು, ರೈಲು ಚಾಲಕರು ಹಾಗೂ ಸ್ಟೇಷನ್ ಮಾಸ್ಟರ್ಗಳಿಗೆ ಸೂಕ್ತ ಸಮಾಲೋಚನೆ ಸಿಗದೆ ಇರುವುದು ಕಾಂಚನ್ಜುಂಗಾ ಎಕ್ಸ್ಪ್ರೆಸ್ ಅಪಘಾತಕ್ಕೆ ಕಾರಣ ಎಂದು ರೈಲ್ವೆ ಸುರಕ್ಷತಾ ಆಯುಕ್ತರ ವರದಿಯು ಹೇಳಿದೆ.</p>.<p>ಜೂನ್ 17ರಂದು ನಡೆದ ಅಪಘಾತದ ಬಗ್ಗೆ ಸಿದ್ಧಪಡಿಸಿರುವ ವರದಿಯಲ್ಲಿ ಆಯುಕ್ತರು, ರೈಲುಗಳು ಡಿಕ್ಕಿಯಾಗುವುದನ್ನು ತಪ್ಪಿಸುವ ‘ಕವಚ್’ ವ್ಯವಸ್ಥೆಯನ್ನು ಆದ್ಯತೆಯ ಮೇಲೆ ಅಳವಡಿಸುವ ಕೆಲಸ ಆಗಬೇಕು ಎಂದು ಶಿಫಾರಸು ಮಾಡಿದ್ದಾರೆ. ಈ ಅಪಘಾತದಲ್ಲಿ ಹತ್ತು ಮಂದಿ ಪ್ರಾಣ ಕಳೆದುಕೊಂಡಿದ್ದರು.</p>.<p><strong>ಅಪಘಾತಕ್ಕೆ ಕಾರಣಗಳು</strong></p>.<ul><li><p>ಲೋಪ ಇದ್ದ ಸಿಗ್ನಲ್ಗಳನ್ನು ದಾಟಲು ಸರಕು ಸಾಗಣೆ ರೈಲಿನ ಚಾಲಕನಿಗೆ ಸಂಬಂಧಪಟ್ಟ ಅಧಿಕಾರಿಗಳು ತಪ್ಪಾಗಿ ಅನುಮತಿ ನೀಡಿದ್ದರು. ಈ ಸಿಗ್ನಲ್ಗಳನ್ನು ದಾಟುವಾಗ ವೇಗದ ಮಿತಿ ಎಷ್ಟಿರಬೇಕು ಎಂಬುದನ್ನು ಆ ಚಾಲಕನಿಗೆ ತಿಳಿಸಿರಲಿಲ್ಲ.</p></li><li><p>ಸಿಗ್ನಲ್ ವ್ಯವಸ್ಥೆ ಹಾಳಾದ ನಂತರ, ಕಾಂಚನ್ಜುಂಗಾ ಎಕ್ಸ್ಪ್ರೆಸ್ ಮತ್ತು ಸರಕು ಸಾಗಣೆ ರೈಲು ಮಾತ್ರವಲ್ಲದೆ, ಈ ವಿಭಾಗದ ಮೂಲಕ ಐದು ಇತರ ರೈಲುಗಳು ಸಂಚರಿಸಿವೆ.</p></li><li><p>ವೇಗದ ಮಿತಿ ಹಾಗೂ ನಿಲುಗಡೆಯ ನಿಯಮವನ್ನು ಪಾಲನೆ ಮಾಡಿದ್ದು ಕಾಂಚನ್ಜುಂಗಾ ಎಕ್ಸ್ಪ್ರೆಸ್ನ ಚಾಲಕ ಮಾತ್ರ. ಇನ್ನುಳಿದ ಆರು ರೈಲುಗಳ ಚಾಲಕರು ನಿಯಮ ಪಾಲಿಸಿಲ್ಲ.</p></li><li><p>ಚಾಲಕರಿಗೆ ನೀಡಿದ್ದ ಅನುಮತಿಯಲ್ಲಿ ಪೂರ್ಣ ಮಾಹಿತಿ ಇರಲಿಲ್ಲ. ಇದರಿಂದಾಗಿ ವೇಗ ಎಷ್ಟಿರಬೇಕು ಎಂಬ ವಿಚಾರದಲ್ಲಿ ಗೊಂದಲ ನಿರ್ಮಾಣವಾಯಿತು.</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
