ದಿ ಕಾಶ್ಮೀರ್ ಫೈಲ್ಸ್: ತರೂರ್ ಟ್ವೀಟ್‌ಗೆ ಕಿಡಿಕಾರಿದ ಅಗ್ನಿಹೋತ್ರಿ, ಅನುಪಮ್ ಖೇರ್

ಬೆಂಗಳೂರು : ಸಾಕಷ್ಟು ವಾದ–ವಿವಾದಗಳಿಗೆ ಕಾರಣವಾಗಿರುವ ‘ದಿ ಕಾಶ್ಮೀರ್ ಫೈಲ್ಸ್’ ಸಿನಿಮಾವನ್ನು ಸಿಂಗಪುರ ದೇಶದಲ್ಲಿ ನಿಷೇಧ ಮಾಡಿರುವುದು ಇತ್ತೀಚೆಗೆ ದೊಡ್ಡ ಸುದ್ದಿಯಾಗಿತ್ತು.

. ಇದೇ ವಿಷಯ ಸಂಸದ ಶಶಿ ತರೂರ್, ಸಿನಿಮಾ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಹಾಗೂ ನಟ ಅನುಪಮ್ಖೇರ್ ನಡುವೆ ಕೆಸರೆರಚಾಟಕ್ಕೆ ಕಾರಣವಾಗಿದೆ.

. ಕಾಶ್ಮೀರ್ ಫೈಲ್ಸ್ ಸಿನಿಮಾವನ್ನು ಸಿಂಗಪುರದಲ್ಲಿ ನಿಷೇಧ ಮಾಡಿದ್ದರ ಬಗ್ಗೆ ಟ್ವೀಟ್ ಮಾಡಿದ್ದ ಶಶಿ ತರೂರ್, ‘ನೋಡಿ ಭಾರತ ಸರ್ಕಾರದ ಆಡಳಿತ ಪಕ್ಷ ಪ್ರೋತ್ಸಾಹಿಸಿದ ಕಾಶ್ಮೀರ್ ಫೈಲ್ಸ್ ಸಿನಿಮಾವನ್ನು ಸಿಂಗಪುರದಲ್ಲಿ ಬ್ಯಾನ್ ಮಾಡಿದ್ದಾರೆ’ಎಂದು ಕಾಲೆಳದಿದ್ದರು.

. ಈ ಬಗ್ಗೆ ಸಿಡುಕಿದ ನಿರ್ದೇಶಕ ವಿವೇಕ ಅಗ್ನಿಹೋತ್ರಿ, ‘ರೀ ಸ್ವಾಮಿ ಕಿಚಾಯಿಸುವುದನ್ನು ಬಂದ್ ಮಾಡಿ, ‘ಲೀಲಾಹೋಟೆಲ್ ಪೈಲ್ಸ್’ ಸಿನಿಮಾವನ್ನೂ ಸಹ ಅವರು ಬ್ಯಾನ್ ಮಾಡಬಹುದು. ಕಾಶ್ಮೀರಿ ಪಂಡಿತರ ವಿಚಾರದಲ್ಲಿ ಹಾಸ್ಯ ಮಾಡುವುದನ್ನು ನಿಲ್ಲಿಸಿ’ ಎಂದು ತರಾಟೆಗೆ ತೆಗೆದುಕೊಂಡಿದ್ದರು.

. ವಿವೇಕ್ ಅವರು ಈ ವಿಚಾರದಲ್ಲಿ ಶಶಿ ತರೂರ್ ಅವರ ದಿವಂಗತ ಪತ್ನಿ ಸುನಂದಾ ಪುಸ್ಕರ್ ಅವರನ್ನು ಎಳೆ ತಂದಿದ್ದರು. ಸುನಂದಾ ಅವರು ದೆಹಲಿಯ ಲೀಲಾ ಹೋಟೆಲ್ನಲ್ಲಿ 2014 ರಲ್ಲಿ ಅನುಮಾನಾಸ್ಪದವಾಗಿ ಮೃತಪಟ್ಟಿದ್ದರು.

. ‘ನಿಮ್ಮ ಪತ್ನಿ ಕೂಡ ಒಬ್ಬ ಕಾಶ್ಮೀರಿ ಪಂಡಿತ್ ಕುಟುಂಬದವರು. ನಿಮ್ಮ ಟ್ವೀಟ್ ಅನ್ನು ಡಿಲೀಟ್ ಮಾಡಿ’ ಎಂದು ಅಗ್ನಿಹೋತ್ರಿ ಹಾಗೂ ಕೆಲ ನೆಟ್ಟಿಗರು ಆಗ್ರಹ ಮಾಡಿದ್ದರು.

. ಇದೇ ವಿಚಾರದಲ್ಲಿ ಮಧ್ಯಪ್ರವೇಶಿಸಿ ಶಶಿ ಅವರ ಮೇಲೆ ಕಿಡಿ ಕಾರಿದ ನಟ ಅನುಪಮ್ ಖೇರ್, ‘ಪ್ರೀತಿಯ ಶಶಿ, ಹಿಂದೂಗಳ ಹತ್ಯೆ ವಿಚಾರದಲ್ಲಿ ನಿಮ್ಮ ನಿರ್ದಯತೆ ಒಂದು ದುರಂತ. ಕನಿಷ್ಠ ನಿಮ್ಮ ಪತ್ನಿಗಾದರೂ ನೀವು ಮರಗುತ್ತೀರಿ ಎಂದುಕೊಂಡಿದ್ದೇವು. ನೀವು ಮಾಡುತ್ತಿರುವುದು ಸರಿಯಲ್ಲ’ ಎಂದಿದ್ದಾರೆ.

. ಇದರಿಂದ ಕುಪಿತಗೊಂಡ ಶಶಿ ತರೂರ್ ತಮ್ಮ ಹೆಂಡತಿಯನ್ನು ಎಳೆ ತಂದಿದ್ದಕ್ಕೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ‘ಸುನಂದಾಳನ್ನು ಈ ವಿಚಾರದಲ್ಲಿ ಎಳೆ ತಂದಿರುವುದು ಅನಗತ್ಯ ಹಾಗೂ ಅವಹೇಳನಕಾರಿಯಾಗಿದೆ. ನಿಮಗಿಂತ ಚೆನ್ನಾಗಿ ನಾನು ಅವಳನ್ನು ಬಲ್ಲೆ. ಕಾಶ್ಮೀರದ ಸೋಪೂರ್ನಲ್ಲಿ ಅವಳು ಮುಸ್ಲಿಂ ಹಾಗೂ ಹಿಂದೂ ಸ್ನೇಹಿತರ ಜೊತೆ ಅತ್ಯಂತ ಅವಿನಾಭಾವದಿಂದ ಇದ್ದಳು. ಅವಳು ದ್ವೇಷವನ್ನು ನಂಬಿರಲಿಲ್ಲ, ಸಾಮರಸ್ಯವನ್ನು ನಂಬಿದ್ದಳು’ ಎಂದಿದ್ದಾರೆ.

. 90ರ ದಶಕದಲ್ಲಿ ಕಾಶ್ಮೀರದಲ್ಲಿ ಕಾಶ್ಮೀರಿ ಪಂಡಿತರ ಮೇಲೆ ನಡೆದ ದೌರ್ಜನ್ಯ ಹಾಗೂ ಹತ್ಯೆಯ ಬಗ್ಗೆ ದಿ ಕಾಶ್ಮೀರ್ ಫೈಲ್ಸ್ ಕಥೆ ಹೊಂದಿತ್ತು. ಮಾರ್ಚ್ 11 ರಂದು ಬಿಡುಗಡೆಯಾಗಿದ್ದ ಈ ಚಿತ್ರ ಇದುವರೆಗೆ ಬಾಕ್ಸ್ ಆಫೀಸ್ನಲ್ಲಿ ₹350 ಕೋಟಿಗೂ ಅಧಿಕ ಗಳಿಕೆ ಮಾಡಿದೆ.

. ಹಿಂದೂ ಯುವಕನ ಹತ್ಯೆ: ರಾಜಸ್ಥಾನದ ಬಿಲಾವರ್ನಲ್ಲಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿ ಕಾಶ್ಮೀರ್ ಫೈಲ್ಸ್: ತರೂರ್ ಟ್ವೀಟ್‌ಗೆ ಕಿಡಿಕಾರಿದ ಅಗ್ನಿಹೋತ್ರಿ, ಅನುಪಮ್ ಖೇರ್

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ಕೂಚ್‌ ಬಿಹಾರ್‌ ಟ್ರೋಫಿ: ದ್ವಿಶತಕ ಬಾರಿಸಿದ ಸೆಹ್ವಾಗ್‌ ಪುತ್ರ

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಚುರುಮುರಿ: ದುಡ್ಡಿನ ದಾರಿ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!