<p><strong>ಕೋಲ್ಕತ್ತ:</strong> ಸಂಸತ್ತಿನಲ್ಲಿ ಭದ್ರತೆ ಉಲ್ಲಂಘಿಸಿದ ಸಂಚುಕೋರರಿಗೆ ಕೋಲ್ಕತ್ತದ ನಂಟು ಇದೆ ಎನ್ನಲಾಗಿದೆ. ಪ್ರಮುಖ ಸಂಚುಕೋರ ಲಲಿತ್ ಝಾ ಈ ನಗರದ ನಿವಾಸಿ ಎಂದು ಹೇಳಲಾಗಿದೆ.</p><p>ಸೆಂಟ್ರಲ್ ಕೋಲ್ಕತ್ತದಲ್ಲಿ ನೆಲೆಸಿದ್ದು ಶಿಕ್ಷಕ ವೃತ್ತಿಯಲ್ಲಿರುವುದಾಗಿ ಝಾ ಹೇಳಿಕೊಂಡಿದ್ದರು. ಆದರೆ ಒಂದು ವರ್ಷದಿಂದ ಅವರು ಈ ಸ್ಥಳದಲ್ಲಿ ಇರಲಿಲ್ಲ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.</p><p>ಈ ಸ್ಥಳದ ಜನರು ಝಾ ಅವರನ್ನು ಈ ಮೊದಲು ನೋಡಿದ್ದಾಗಿ ಸ್ಥಳೀಯ ಸುದ್ದಿ ವಾಹಿನಿಗಳಿಗೆ ಹೇಳಿಕೆ ನೀಡಿದ್ದಾರೆ. ಘಟನೆ ನಡೆದ ದಿನ ಮಧ್ಯಾಹ್ನ 1 ಗಂಟೆ ವೇಳೆಗೆ ಝಾ ಅವರು ತಮ್ಮನ್ನು ಸಂಪರ್ಕಿಸಿದ್ದರು ಎಂದು ಸಮಾಜ ಸೇವೆಯಲ್ಲಿ ತೊಡಗಿಕೊಂಡಿರುವ ವಿದ್ಯಾರ್ಥಿ ನೀಲಾಕ್ಷ ಎಂಬುವರು ಗುರುವಾರ ಹೇಳಿದ್ದಾರೆ.</p><p>ಲೋಕಸಭೆಯಲ್ಲಿ ಬಣ್ಣದ ಹೊಗೆ ಎದ್ದಿರುವ ದೃಶ್ಯ ಸೆರೆಹಿಡಿದ ವಿಡಿಯೊವನ್ನು ತಮ್ಮ ವಾಟ್ಸ್ಆ್ಯಪ್ನೊಂದಿಗೆ ಝಾ ಹಂಚಿಕೊಂಡಿದ್ದರು. ಈ ವೇಳೆ ತಾನು ಕಾಲೇಜಿನಲ್ಲಿದ್ದೆ ಎಂದು ನೀಲಾಕ್ಷ ಅವರು ‘ಎಬಿಪಿ ಆನಂದ’ ವಾಹಿನಿಗೆ ತಿಳಿಸಿದ್ದಾರೆ.</p><p>ಮಾಧ್ಯಮದಲ್ಲಿ ಇದನ್ನು ವೀಕ್ಷಿಸುವಂತೆ ಅವರು ತನಗೆ ಹೇಳಿದರು. ಆರಂಭದಲ್ಲಿ ವಿಡಿಯೊವನ್ನು ಸರಿಯಾಗಿ ನೋಡಲಿಲ್ಲ. ನಂತರದಲ್ಲಿ ಘಟನೆ ಎಲ್ಲಿ ನಡೆಯಿತು ಎಂದು ಕೇಳಿದಾಗ ಪ್ರತಿಕ್ರಿಯೆ ಲಭಿಸಲಿಲ್ಲ ಎಂದು ಅವರು ಹೇಳಿದ್ದಾರೆ.</p><p>ಏಪ್ರಿಲ್ನಲ್ಲಿ ಸೆಂಟ್ರಲ್ ಕೋಲ್ಕತ್ತದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಝಾ ಅವರ ಪರಿಚಯವಾಯಿತು. ಕೋಲ್ಕತ್ತದಲ್ಲಿ ನೆಲೆಸಿರುವುದಾಗಿ ಝಾ ಹೇಳಿದ್ದರು. ಆದರೆ ನಿರ್ದಿಷ್ಟ ಪ್ರದೇಶವನ್ನು ಹೆಸರಿಸಿರಲಿಲ್ಲ ಎಂದಿದ್ದಾರೆ.</p><p>ಬುಡಕಟ್ಟು ಜನರ ಶಿಕ್ಷಣ ಮತ್ತು ಇತರ ಕಲ್ಯಾಣ ಕಾರ್ಯಕ್ರಮದ ಬಗ್ಗೆ ಗಮನಹರಿಸುವ ತಮ್ಮ ಸಂಘಟನೆಗೆ ಝಾ ಅವರನ್ನು ಸೇರಿಸಿಕೊಳ್ಳಲು ಬಯಸಿ ಅವರನ್ನು ಸಂಪರ್ಕಿಸಿದ್ದಾಗಿ ಮತ್ತು ಅವರು ಸಂಘಟನೆಯ ಸದಸ್ಯರಾಗಿ ಮತ್ತು ಕೆಲ ತಿಂಗಳ ಪ್ರಧಾನ ಕಾರ್ಯದರ್ಶಿಯಾಗಿ ಕಾರ್ಯ ನಿರ್ವಹಿಸಿದ್ದಾಗಿ ನೀಲಾಕ್ಷ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲ್ಕತ್ತ:</strong> ಸಂಸತ್ತಿನಲ್ಲಿ ಭದ್ರತೆ ಉಲ್ಲಂಘಿಸಿದ ಸಂಚುಕೋರರಿಗೆ ಕೋಲ್ಕತ್ತದ ನಂಟು ಇದೆ ಎನ್ನಲಾಗಿದೆ. ಪ್ರಮುಖ ಸಂಚುಕೋರ ಲಲಿತ್ ಝಾ ಈ ನಗರದ ನಿವಾಸಿ ಎಂದು ಹೇಳಲಾಗಿದೆ.</p><p>ಸೆಂಟ್ರಲ್ ಕೋಲ್ಕತ್ತದಲ್ಲಿ ನೆಲೆಸಿದ್ದು ಶಿಕ್ಷಕ ವೃತ್ತಿಯಲ್ಲಿರುವುದಾಗಿ ಝಾ ಹೇಳಿಕೊಂಡಿದ್ದರು. ಆದರೆ ಒಂದು ವರ್ಷದಿಂದ ಅವರು ಈ ಸ್ಥಳದಲ್ಲಿ ಇರಲಿಲ್ಲ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.</p><p>ಈ ಸ್ಥಳದ ಜನರು ಝಾ ಅವರನ್ನು ಈ ಮೊದಲು ನೋಡಿದ್ದಾಗಿ ಸ್ಥಳೀಯ ಸುದ್ದಿ ವಾಹಿನಿಗಳಿಗೆ ಹೇಳಿಕೆ ನೀಡಿದ್ದಾರೆ. ಘಟನೆ ನಡೆದ ದಿನ ಮಧ್ಯಾಹ್ನ 1 ಗಂಟೆ ವೇಳೆಗೆ ಝಾ ಅವರು ತಮ್ಮನ್ನು ಸಂಪರ್ಕಿಸಿದ್ದರು ಎಂದು ಸಮಾಜ ಸೇವೆಯಲ್ಲಿ ತೊಡಗಿಕೊಂಡಿರುವ ವಿದ್ಯಾರ್ಥಿ ನೀಲಾಕ್ಷ ಎಂಬುವರು ಗುರುವಾರ ಹೇಳಿದ್ದಾರೆ.</p><p>ಲೋಕಸಭೆಯಲ್ಲಿ ಬಣ್ಣದ ಹೊಗೆ ಎದ್ದಿರುವ ದೃಶ್ಯ ಸೆರೆಹಿಡಿದ ವಿಡಿಯೊವನ್ನು ತಮ್ಮ ವಾಟ್ಸ್ಆ್ಯಪ್ನೊಂದಿಗೆ ಝಾ ಹಂಚಿಕೊಂಡಿದ್ದರು. ಈ ವೇಳೆ ತಾನು ಕಾಲೇಜಿನಲ್ಲಿದ್ದೆ ಎಂದು ನೀಲಾಕ್ಷ ಅವರು ‘ಎಬಿಪಿ ಆನಂದ’ ವಾಹಿನಿಗೆ ತಿಳಿಸಿದ್ದಾರೆ.</p><p>ಮಾಧ್ಯಮದಲ್ಲಿ ಇದನ್ನು ವೀಕ್ಷಿಸುವಂತೆ ಅವರು ತನಗೆ ಹೇಳಿದರು. ಆರಂಭದಲ್ಲಿ ವಿಡಿಯೊವನ್ನು ಸರಿಯಾಗಿ ನೋಡಲಿಲ್ಲ. ನಂತರದಲ್ಲಿ ಘಟನೆ ಎಲ್ಲಿ ನಡೆಯಿತು ಎಂದು ಕೇಳಿದಾಗ ಪ್ರತಿಕ್ರಿಯೆ ಲಭಿಸಲಿಲ್ಲ ಎಂದು ಅವರು ಹೇಳಿದ್ದಾರೆ.</p><p>ಏಪ್ರಿಲ್ನಲ್ಲಿ ಸೆಂಟ್ರಲ್ ಕೋಲ್ಕತ್ತದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಝಾ ಅವರ ಪರಿಚಯವಾಯಿತು. ಕೋಲ್ಕತ್ತದಲ್ಲಿ ನೆಲೆಸಿರುವುದಾಗಿ ಝಾ ಹೇಳಿದ್ದರು. ಆದರೆ ನಿರ್ದಿಷ್ಟ ಪ್ರದೇಶವನ್ನು ಹೆಸರಿಸಿರಲಿಲ್ಲ ಎಂದಿದ್ದಾರೆ.</p><p>ಬುಡಕಟ್ಟು ಜನರ ಶಿಕ್ಷಣ ಮತ್ತು ಇತರ ಕಲ್ಯಾಣ ಕಾರ್ಯಕ್ರಮದ ಬಗ್ಗೆ ಗಮನಹರಿಸುವ ತಮ್ಮ ಸಂಘಟನೆಗೆ ಝಾ ಅವರನ್ನು ಸೇರಿಸಿಕೊಳ್ಳಲು ಬಯಸಿ ಅವರನ್ನು ಸಂಪರ್ಕಿಸಿದ್ದಾಗಿ ಮತ್ತು ಅವರು ಸಂಘಟನೆಯ ಸದಸ್ಯರಾಗಿ ಮತ್ತು ಕೆಲ ತಿಂಗಳ ಪ್ರಧಾನ ಕಾರ್ಯದರ್ಶಿಯಾಗಿ ಕಾರ್ಯ ನಿರ್ವಹಿಸಿದ್ದಾಗಿ ನೀಲಾಕ್ಷ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
