ಉತ್ತರಪ್ರದೇಶ: ಯೋಗಾಸನ ಮೂಲಕ ಸಂಚಾರ ನಿಯಮದ ಜಾಗೃತಿ

ಲಖನೌ: ಉತ್ತರಪ್ರದೇಶ ಪೊಲೀಸರು ಜನರಲ್ಲಿ ಸಂಚಾರ ನಿಯಮದ ಕುರಿತು ಜಾಗೃತಿ ಮೂಡಿಸುವ ಕಾರಣಕ್ಕಾಗಿ ಯೋಗ ದಿನದದಂದು ಯೋಗಾಸನಗಳನ್ನು ಉಲ್ಲೇಖಿಸಿ ಸರಣಿ ಟ್ವೀಟ್ ಮಾಡಿದ್ದಾರೆ.

. ಈ ರೀತಿಯ ಟ್ವೀಟ್ವೊಂದರಲ್ಲಿ , ಪೊಲೀಸರು ಯೋಗಾಸನಗಳು ಹಾಗೂ ಸಂಚಾರ ನಿಯಮಗಳನ್ನು ಸೂಚಿಸುವ ಚಿತ್ರಗಳನ್ನು ಲಗತ್ತಿಸಿದ್ದು, ‘ವಾಹನದಲ್ಲಿ ಅನುಶ್ ಆಸನ (ಅನುಶಾಸನ)’ (ವಾಹನ ಚಾಲನೆ ಮಾಡುವಾಗ ಇರಬೇಕಾದ ಶಿಸ್ತು) ಕುರಿತು ಒತ್ತಿ ಹೇಳಿದ್ದಾರೆ.

. ಕೆಂಪು ದೀಪದ ಸಿಗ್ನಲ್ ಬಿದ್ದಾಗ, ರೈಲು ಹಳಿಗಳ ಬಳಿ, ಹಾರ್ನ್ ನಿರ್ಬಂಧಿತ ಪ್ರದೇಶಗಳಲ್ಲಿ ಹಾಗೂ ಜೀಬ್ರಾ ಪಟ್ಟಿ ಇರುವಡೆಗಳಲ್ಲಿ ಯಾವ ರೀತಿ ವರ್ತಿಸಬೇಕು ಎಂಬುದರ ಕುರಿತು ಟ್ವೀಟ್ ಮೂಲಕ ಪೊಲೀಸರು ಸಾರ್ವಜನಿಕರಲ್ಲಿ ಅರಿಕೆ ಮಾಡಿಕೊಂಡಿದ್ದಾರೆ.

. ಸಿಗ್ನಲ್ಗಳ ಕುರಿತ ಟ್ವೀಟ್ವೊಂದರಲ್ಲಿ, ಕೆಂಪು ದೀಪ ಬಂದಾಗ ನಿಧಾನವಾಗಿ ಉಸಿರಾಡಿ, ಹಳದಿ ದೀಪ ಬಂದಾಗ ಉಸಿರುನ್ನು ಬಿಗಿ ಹಿಡಿಯಿರಿ ಹಾಗೂ ಹಸಿರು ದೀಪ ಬಂದಾಗ ಉಸಿರು ಬಿಡಿ ಎಂದು ಆಕರ್ಷಕವಾಗಿ ತಿಳಿಸಲಾಗಿದೆ.

. ಮತ್ತೊಂದು ಟ್ವೀಟ್ನಲ್ಲಿ, ನಿರ್ಲಕ್ಷ್ಯದ ವಾಹನ ಚಲಾವಣೆನ್ನು ಶೀರ್ಷಾಸನಕ್ಕೆ ಹಾಗೂ ಅದರಿಂದ ಸಂಭವಿಸಬಹುದಾದ ಸಾವನ್ನು ಶವಾಸನಕ್ಕೆ ಹೋಲಿಸಲಾಗಿದೆ.

. ಈ ಕುರಿತು ವಿಶೇಷ ಡಿ.ಜಿ (ಕಾನೂನು ಮತ್ತು ಸುವ್ಯಸ್ಥೆ) ಪ್ರಶಾಂತ್ ಕುಮಾರ್ ಅವರು, ‘ಉತ್ತರಪ್ರದೇಶ ಪೊಲೀಸರು ಸರಣಿ ಟ್ವೀಟ್ ಮೂಲಕ ಕೇವಲ ಅಂತರರಾಷ್ಟ್ರೀಯ ಯೋಗ ದಿನಾಚರಣೆಯನ್ನು ಆಚರಿಸುವುದು ಮಾತ್ರವಲ್ಲದೇ ಸಂಚಾರ ನಿಯಮಗಳ ಕುರಿತು ಜನರಲ್ಲಿ ಜಾಗೃತಿ ಮೂಡಿಸುತ್ತಿದ್ದಾರೆ’ ಎಂದಿದ್ದಾರೆ.