ಕೋಲ್ಕತ್ತ: ದುರ್ಗೆಯ ಪೂಜಾ ಮಂಟಪದಲ್ಲಿ ರೈತರ ಚಳವಳಿ ಅನಾವರಣ

ಕೋಲ್ಕತ್ತ (ಪಿಟಿಐ): ಈ ವರ್ಷ ಕೋಲ್ಕತ್ತದ ಪ್ರಸಿದ್ಧ ದುರ್ಗೆಯ ಪೂಜೆ ವೇಳೆ ನಿರ್ಮಿಸುವ ಪೂಜಾ ಮಂಟಪ ಮತ್ತು ಭಿತ್ತಿಚಿತ್ರಗಳು ಕೇಂದ್ರದ ಕೃಷಿ ಕಾನೂನುಗಳನ್ನು ವಿರೋಧಿಸಿ ರೈತರು ನಡೆಸುತ್ತಿರುವ ಚಳವಳಿಯನ್ನು ಅಕ್ಷರಶಃ ಪ್ರತಿಬಿಂಬಿಸಿದೆ.

. ಇಲ್ಲಿ ಉತ್ತರ ಪ್ರದೇಶದ ಲಖಿಂಪುರ–ಖೇರಿ ಪ್ರದೇಶದಲ್ಲಿ ರೈತರ ಮೇಲೆ ನಡೆದ ಹಿಂಸಾಚಾರವೂ ಭಿತ್ತಿಚಿತ್ರಗಳಲ್ಲಿ ಬಿಂಬಿತವಾಗಿದೆ.

. ನಗರದ ಉತ್ತರದ ಅಂಚಿನಲ್ಲಿರುವ ಪ್ರದೇಶದ ಭಾರತ್ ಚಕ್ರ ಮಂಟಪದ ಪ್ರವೇಶದ್ವಾರದಲ್ಲಿ ರೈತರ ಹೋರಾಟವನ್ನು ಚಿತ್ರಿಸುವ ಬೃಹತ್ ಟ್ರ್ಯಾಕ್ಟರ್ವೊಂದರ ಪ್ರತಿಕೃತಿಯನ್ನು ಇರಿಸಲಾಗಿದೆ.

. ಇಲ್ಲಿನ ಕಾಲುದಾರಿಯಲ್ಲಿ ಕಾರಿನ ರೇಖಾಚಿತ್ರವನ್ನು ಮತ್ತು ದಾರಿಯಲ್ಲಿ ರೈತ ಬಿದ್ದಿರುವ ಚಿತ್ರವನ್ನು ಬಿಡಿಸಲಾಗಿದೆ. ಇವುಗಳ ಜೊತೆಗೆ ‘ಕಾರು ತನ್ನ ದೂಳಿನ ಸುಳಿಯನ್ನು ಬಿಟ್ಟು ಹೋಗುತ್ತದೆ, ರೈತ ಅದರಲ್ಲಿ ಸಿಲುಕಿಕೊಳ್ಳುತ್ತಾನೆ’ ಎಂಬ ಬಂಗಾಳಿ ಭಾಷೆಯ ಸಾಲುಗಳು ರೈತರ ದಯನೀಯ ಸ್ಥಿತಿಯನ್ನು ಧ್ವನಿಸಿವೆ.

. ರೈತರ ಪ್ರತಿಭಟನೆಯ ನಂತರದ ದೃಶ್ಯಗಳನ್ನು ಸಂಕೇತಿಸುವ ನೂರಾರು ಚಪ್ಪಲಿಗಳು ಮಂಟಪದ ನೆಲದಲ್ಲಿ ಬಿದ್ದಿವೆ. ಪೊಲೀಸರು ರೈತರ ಮೇಲೆ ಲಾಠಿ ಪ್ರಹಾರ ನಡೆಸಿದಾಗ ಅವರು ದಿಕ್ಕಾಪಾಲಾಗಿ ಓಡಿದ್ದರು. ಈ ವೇಳೆ ಅವರ ಬೂಟುಗಳು ಅಲ್ಲಿ ಬಿದ್ದಿದ್ದವು.

. ಪ್ರಮುಖ ಮಂಟಪವನ್ನು ಭತ್ತದ ಪ್ರತಿಕೃತಿಗಳಿಂದ ಅಲಂಕರಿಸಲಾಗಿದೆ. ಅದರ ಮೇಲ್ಛಾವಣಿಯಿಂದಲೂ ಭತ್ತದ ಸಸಿಗಳನ್ನು ಇಳಿಬಿಡಲಾಗಿದೆ.

. ಪ್ರತಿಭಟನೆ ವೇಳೆ ಸಾವನ್ನಪ್ಪಿದ ರೈತರ ಹೆಸರನ್ನು ಕಾಗದದಲ್ಲಿ ಬರೆದು ಟ್ರ್ಯಾಕ್ಟರ್ ಮೇಲೆ ಅಂಟಿಸಲಾಗಿದೆ ಎಂದು ಈ ಪರಿಕಲ್ಪನೆಯನ್ನು ಸಿದ್ಧಗೊಳಿಸಿರುವ ಕಲಾವಿದ ಅನಿರ್ಬನ್ ದಾಸ್ ಪಿಟಿಐಗೆ ತಿಳಿಸಿದರು.

. ‘ರೈತರು ಬಂಧನದಿಂದ ಮುಕ್ತರಾಗುವ ಬಯಕೆಯನ್ನು ಟ್ರ್ಯಾಕ್ಟರ್ ಸಂಕೇತಿಸುತ್ತದೆ’ ಎಂದು ಅವರು ವಿವರಿಸಿದರು.

. ‘ನಾವು ರೈತರು, ಭಯೋತ್ಪಾದಕರಲ್ಲ, ರೈತರು ಆಹಾರ ಸೈನಿಕರು’ ಎಂದು ಮಂಟಪದಲ್ಲಿಯ ಇನ್ನೊಂದು ಪೋಸ್ಟರ್ನಲ್ಲಿ ಇಂಗ್ಲಿಷ್ನಲ್ಲಿ ಬರೆಯಲಾಗಿದೆ.

. ರೈತರ ಮೇಲಿನ ಶೋಷಣೆಯನ್ನು ಎತ್ತಿ ತೋರಿಸುವುದು ನಮ್ಮ ಉದ್ದೇಶವಾಗಿದೆ ಎಂದು ಪೂಜಾ ಸಮಿತಿಯ ಕಾರ್ಯದರ್ಶಿ ಪ್ರತೀಕ್ ಚೌಧರಿ ಹೇಳಿದರು.

. ‘ನಮ್ಮ ಮಂಟಪವು ಬಹುತೇಕ ತಯಾರಾಗಿದ್ದಾಗ ಲಖಿಂಪುರ–ಖೇರಿ ಹಿಂಸಾಚಾರ ನಡೆದಿದೆ. ಅದಕ್ಕೆ ನಾವು ಅದನ್ನೂ ಸೇರಿಸಿದ್ದೇವೆ’ ಎಂದೂ ಅವರು ಹೇಳಿದರು.

. ಕೋಲ್ಕತ್ತಾದ ದುರ್ಗಾ ಪೂಜಾ ಮಂಟಪಗಳು ಪ್ರಸ್ತುತ ಸಾಮಾಜಿಕ-ಆರ್ಥಿಕ ಮತ್ತು ರಾಜಕೀಯ ಸಮಸ್ಯೆಗಳನ್ನು ಚಿತ್ರಿಸುತ್ತಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋಲ್ಕತ್ತ: ದುರ್ಗೆಯ ಪೂಜಾ ಮಂಟಪದಲ್ಲಿ ರೈತರ ಚಳವಳಿ ಅನಾವರಣ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಶ್ರೇಯಸ್ ಅಯ್ಯರ್ ದ್ವಿಶತಕ

ಐಎಸ್‌ಎಲ್‌: ಬೆಂಗಳೂರು ಎಫ್‌ಸಿಗೆ ನಾರ್ಥ್‌ಈಸ್ಟ್‌ ಸವಾಲು

ವಿಶ್ವ ರ‍್ಯಾಂಕಿಂಗ್‌: ಎರಡನೇ ಸ್ಥಾನಕ್ಕೇರಿದ ಅರ್ಜುನ್‌

ಮೂವರಿಗೆ ಅವಕಾಶ ಸಿಗಲಿ: ವೈಶಾಖ, ಯಶ್, ರಮಣದೀಪ್ ಬಗ್ಗೆ ಕುಂಬ್ಳೆ ಮೆಚ್ಚುಗೆ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು