<p><strong>ನವದೆಹಲಿ</strong>: ‘ದೆಹಲಿಯಾದ್ಯಂತ ಮಂಗಳವಾರ ಬೆಳಿಗ್ಗೆ ಬೀಸಿದ ಬಿರುಗಾಳಿಯಿಂದಾಗಿ ವಾತಾವರಣದಲ್ಲಿ ದಟ್ಟವಾದ ದೂಳು ಆವರಿಸಿತ್ತು. ಇದರಿಂದ ಗಾಳಿಯ ಗುಣಮಟ್ಟದ ಮೇಲೆ ಪ್ರತಿಕೂಲ ಪರಿಣಾಮ ಉಂಟಾಗಿತ್ತು. ಗೋಚರತೆಯೂ ಕ್ಷೀಣಿಸಿತ್ತು’ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಮಂಗಳವಾರ ತಿಳಿಸಿದೆ. </p><p>‘ಗಂಟೆಗೆ 30 ರಿಂದ 35 ಕಿ.ಮೀ. ವೇಗದಲ್ಲಿ ಗಾಳಿ ಬೀಸಿದ್ದರಿಂದಾಗಿ ದೂಳೆಲ್ಲಾ ಮೇಲೆದ್ದು ವಾತಾವರಣ ಕಲುಷಿತಗೊಂಡಿತ್ತು. ಜೊತೆಗೆ ಗೋಚರತೆಯು ಕ್ಷೀಣಿಸಿತ್ತು. ಬೆಳಿಗ್ಗೆ 9 ಗಂಟೆ ವೇಳೆಗೆ ಗಾಳಿಯ ವೇಗ 12 ಕಿ.ಮೀ ಗೆ ತಗ್ಗಿತ್ತು. ಕ್ರಮೇಣ ಅದು ಇನ್ನಷ್ಟು ಕಡಿಮೆಯಾಗಿದ್ದರಿಂದ ವಾತಾವರಣ ತಿಳಿಯಾಗಿತ್ತು’ ಎಂದು ಐಎಂಡಿಯ ಪ್ರಾದೇಶಿಕ ಮುನ್ಸೂಚನಾ ಕೇಂದ್ರದ ಮುಖ್ಯಸ್ಥ ಕುಲದೀಪ್ ಶ್ರೀವಾಸ್ತವ ಹೇಳಿದ್ದಾರೆ.</p><p>‘ಇಂದಿರಾಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಸನಿಹವಿರುವ ಪಾಲಮ್ ವೀಕ್ಷಣಾಲಯದ ಬಳಿ ಬೆಳಿಗ್ಗೆ 9 ಗಂಟೆ ಸುಮಾರಿಗೆ ಗೋಚರತೆಯ ಮಟ್ಟವು 1,100 ಮೀಟರ್ನಷ್ಟು ದಾಖಲಾಗಿತ್ತು. ಸೋಮವಾರ ಇದೇ ವೇಳೆಗೆ ಈ ಮಟ್ಟವು 4,000 ಮೀಟರ್ನಷ್ಟಿತ್ತು’ ಎಂದು ಐಎಂಡಿಯ ಹಿರಿಯ ವಿಜ್ಞಾನಿ ಆರ್.ಕೆ.ಜೆನಾಮಣಿ ತಿಳಿಸಿದ್ದಾರೆ.</p><p>‘ದೂಳಿನ ಸಾಂಧ್ರತೆಯು ಹಲವು ಬಾರಿ ಹೆಚ್ಚಳವಾಗಿತ್ತು. ಬೆಳಿಗ್ಗೆ 4 ರಿಂದ 8 ಗಂಟೆ ನಡುವಣ ಅವಧಿಯಲ್ಲಿ ಪರ್ಟಿಕ್ಯುಲೇಟ್ ಮ್ಯಾಟರ್–10ನ ಸಾಂಧ್ರತೆಯು ಒಂದು ಘನ ಮೀಟರ್ಗೆ 140 ಮೈಕ್ರೋಗ್ರಾಂನಿಂದ 775 ಮೈಕ್ರೋಗ್ರಾಂಗೆ ಹೆಚ್ಚಳವಾಗಿತ್ತು. ಬಿರುಗಾಳಿ ಬೀಸಿದ್ದರಿಂದಾಗಿ ಈ ಬದಲಾವಣೆ ಉಂಟಾಗಿತ್ತು. ಗಾಳಿ ತಗ್ಗಿದ ಬಳಿಕ ದೂಳು ಕಡಿಮೆಯಾಗಿತ್ತು’ ಎಂದು ಐಎಂಡಿಯ ಪರಿಸರ ನಿಗಾ ಮತ್ತು ಸಂಶೋಧನಾ ಕೇಂದ್ರದ ಮುಖ್ಯಸ್ಥ ವಿ.ಕೆ.ಸೋನಿ ಹೇಳಿದ್ದಾರೆ.</p><p>ಇಂತಹ ಪರಿಸ್ಥಿತಿಯಲ್ಲಿ ಜನರು ಉಸಿರಾಡುವಾಗ ದೂಳಿನ ಕಣಗಳು ಶ್ವಾಸಕೋಶದೊಳಗೆ ಸೇರಿಕೊಳ್ಳಬಹುದು. ಇದರಿಂದ ಉಸಿರಾಟದ ಸಮಸ್ಯೆ ಉಂಟಾಗಬಹುದು. ಅಸ್ತಮಾ, ಶ್ವಾಸನಾಳಗಳ ಒಳಪೊರೆಯ ಉರಿಯೂತ ಹಾಗೂ ಅಲರ್ಜಿಯಂತಹ ಸಮಸ್ಯೆಗಳೂ ತಲೆದೋರಬಹುದು ಎಂದು ತಜ್ಞರು ತಿಳಿಸಿದ್ದಾರೆ. </p><p>ಕಳೆದ ನಾಲ್ಕು ದಿನಗಳಿಂದ ದೆಹಲಿಯಲ್ಲಿ ಗರಿಷ್ಠ ತಾಪಮಾನ ಕಂಡುಬಂದಿದೆ. 40 ಡಿಗ್ರಿ ಸೆಲ್ಸಿಯಸ್ಗಿಂತಲೂ ಅಧಿಕ ಉಷ್ಣಾಂಶ ದಾಖಲಾಗಿದೆ. ಇದರಿಂದಾಗಿ ನಗರದಾದ್ಯಂತ ಬಿಸಿಲಿನ ಝಳ ಹೆಚ್ಚಾಗಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ‘ದೆಹಲಿಯಾದ್ಯಂತ ಮಂಗಳವಾರ ಬೆಳಿಗ್ಗೆ ಬೀಸಿದ ಬಿರುಗಾಳಿಯಿಂದಾಗಿ ವಾತಾವರಣದಲ್ಲಿ ದಟ್ಟವಾದ ದೂಳು ಆವರಿಸಿತ್ತು. ಇದರಿಂದ ಗಾಳಿಯ ಗುಣಮಟ್ಟದ ಮೇಲೆ ಪ್ರತಿಕೂಲ ಪರಿಣಾಮ ಉಂಟಾಗಿತ್ತು. ಗೋಚರತೆಯೂ ಕ್ಷೀಣಿಸಿತ್ತು’ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಮಂಗಳವಾರ ತಿಳಿಸಿದೆ. </p><p>‘ಗಂಟೆಗೆ 30 ರಿಂದ 35 ಕಿ.ಮೀ. ವೇಗದಲ್ಲಿ ಗಾಳಿ ಬೀಸಿದ್ದರಿಂದಾಗಿ ದೂಳೆಲ್ಲಾ ಮೇಲೆದ್ದು ವಾತಾವರಣ ಕಲುಷಿತಗೊಂಡಿತ್ತು. ಜೊತೆಗೆ ಗೋಚರತೆಯು ಕ್ಷೀಣಿಸಿತ್ತು. ಬೆಳಿಗ್ಗೆ 9 ಗಂಟೆ ವೇಳೆಗೆ ಗಾಳಿಯ ವೇಗ 12 ಕಿ.ಮೀ ಗೆ ತಗ್ಗಿತ್ತು. ಕ್ರಮೇಣ ಅದು ಇನ್ನಷ್ಟು ಕಡಿಮೆಯಾಗಿದ್ದರಿಂದ ವಾತಾವರಣ ತಿಳಿಯಾಗಿತ್ತು’ ಎಂದು ಐಎಂಡಿಯ ಪ್ರಾದೇಶಿಕ ಮುನ್ಸೂಚನಾ ಕೇಂದ್ರದ ಮುಖ್ಯಸ್ಥ ಕುಲದೀಪ್ ಶ್ರೀವಾಸ್ತವ ಹೇಳಿದ್ದಾರೆ.</p><p>‘ಇಂದಿರಾಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಸನಿಹವಿರುವ ಪಾಲಮ್ ವೀಕ್ಷಣಾಲಯದ ಬಳಿ ಬೆಳಿಗ್ಗೆ 9 ಗಂಟೆ ಸುಮಾರಿಗೆ ಗೋಚರತೆಯ ಮಟ್ಟವು 1,100 ಮೀಟರ್ನಷ್ಟು ದಾಖಲಾಗಿತ್ತು. ಸೋಮವಾರ ಇದೇ ವೇಳೆಗೆ ಈ ಮಟ್ಟವು 4,000 ಮೀಟರ್ನಷ್ಟಿತ್ತು’ ಎಂದು ಐಎಂಡಿಯ ಹಿರಿಯ ವಿಜ್ಞಾನಿ ಆರ್.ಕೆ.ಜೆನಾಮಣಿ ತಿಳಿಸಿದ್ದಾರೆ.</p><p>‘ದೂಳಿನ ಸಾಂಧ್ರತೆಯು ಹಲವು ಬಾರಿ ಹೆಚ್ಚಳವಾಗಿತ್ತು. ಬೆಳಿಗ್ಗೆ 4 ರಿಂದ 8 ಗಂಟೆ ನಡುವಣ ಅವಧಿಯಲ್ಲಿ ಪರ್ಟಿಕ್ಯುಲೇಟ್ ಮ್ಯಾಟರ್–10ನ ಸಾಂಧ್ರತೆಯು ಒಂದು ಘನ ಮೀಟರ್ಗೆ 140 ಮೈಕ್ರೋಗ್ರಾಂನಿಂದ 775 ಮೈಕ್ರೋಗ್ರಾಂಗೆ ಹೆಚ್ಚಳವಾಗಿತ್ತು. ಬಿರುಗಾಳಿ ಬೀಸಿದ್ದರಿಂದಾಗಿ ಈ ಬದಲಾವಣೆ ಉಂಟಾಗಿತ್ತು. ಗಾಳಿ ತಗ್ಗಿದ ಬಳಿಕ ದೂಳು ಕಡಿಮೆಯಾಗಿತ್ತು’ ಎಂದು ಐಎಂಡಿಯ ಪರಿಸರ ನಿಗಾ ಮತ್ತು ಸಂಶೋಧನಾ ಕೇಂದ್ರದ ಮುಖ್ಯಸ್ಥ ವಿ.ಕೆ.ಸೋನಿ ಹೇಳಿದ್ದಾರೆ.</p><p>ಇಂತಹ ಪರಿಸ್ಥಿತಿಯಲ್ಲಿ ಜನರು ಉಸಿರಾಡುವಾಗ ದೂಳಿನ ಕಣಗಳು ಶ್ವಾಸಕೋಶದೊಳಗೆ ಸೇರಿಕೊಳ್ಳಬಹುದು. ಇದರಿಂದ ಉಸಿರಾಟದ ಸಮಸ್ಯೆ ಉಂಟಾಗಬಹುದು. ಅಸ್ತಮಾ, ಶ್ವಾಸನಾಳಗಳ ಒಳಪೊರೆಯ ಉರಿಯೂತ ಹಾಗೂ ಅಲರ್ಜಿಯಂತಹ ಸಮಸ್ಯೆಗಳೂ ತಲೆದೋರಬಹುದು ಎಂದು ತಜ್ಞರು ತಿಳಿಸಿದ್ದಾರೆ. </p><p>ಕಳೆದ ನಾಲ್ಕು ದಿನಗಳಿಂದ ದೆಹಲಿಯಲ್ಲಿ ಗರಿಷ್ಠ ತಾಪಮಾನ ಕಂಡುಬಂದಿದೆ. 40 ಡಿಗ್ರಿ ಸೆಲ್ಸಿಯಸ್ಗಿಂತಲೂ ಅಧಿಕ ಉಷ್ಣಾಂಶ ದಾಖಲಾಗಿದೆ. ಇದರಿಂದಾಗಿ ನಗರದಾದ್ಯಂತ ಬಿಸಿಲಿನ ಝಳ ಹೆಚ್ಚಾಗಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
