ಮಣಿಪುರ ಹಿಂಸಾಚಾರ | ನಾಯಕನ ಅಂಧಾನುಕರಣೆಯಿಂದ ಸಮಾಜ ಹಾಳು: ನಟ ಪ್ರಕಾಶ್ ರಾಜ್

ಕೊಟ್ಟಾಯಂ (ಪಿಟಿಐ): ಮಣಿಪುರದಲ್ಲಿನ ಹಿಂಸಾಚಾರದ ಬಗ್ಗೆ ಕಳವಳ ವ್ಯಕ್ತಪಡಿಸಿರುವ ನಟ ಪ್ರಕಾಶ್ ರಾಜ್ ಅವರು, ‘ಕೋಮು ಹಿಂಸಾಚಾರದಲ್ಲಿ ಬಹುತೇಕವಾಗಿ ಮಹಿಳೆಯರು ಮತ್ತು ಮಕ್ಕಳು ತೊಂದರೆಗಳಾಗುತ್ತಾರೆ’ ಎಂದು ಹೇಳಿದ್ದಾರೆ.

. ಡಿಸಿ ಬುಕ್ಸ್ನ ಸುವರ್ಣ ಮಹೋತ್ಸವ ಸಮಾರಂಭದ ಅಂಗವಾಗಿ ನಡೆದ ಡಿ.ಸಿ. ಕಿಳಕ್ಕೆಮುರಿ ಸ್ಮಾರಕ ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಪ್ರಜೆಗಳು ತಮ್ಮ ನಾಯಕನನ್ನು ಅಂಧಾನುಕರಣೆ ಮಾಡಿದಾಗ ಸಮಾಜವು ಹಾಳಾಗುತ್ತದೆ’ ಎಂದು ಅಭಿಪ್ರಾಯಪಟ್ಟರು.

. ‘ಪ್ರಜೆಗಳು ತಮ್ಮ ನಾಯಕ ಇಲ್ಲವೇ ಯಾವುದೇ ಒಂದು ಸಿದ್ಧಾಂತವನ್ನು ಕುರುಡಾಗಿ ಅನುಸರಿಸಿದರೆ ಆ ಸಮಾಜವು ಹಾಳಾಗುತ್ತದೆ ಎಂಬುದು ಸ್ಪಷ್ಟವಾಗಿದೆ. ರಾಷ್ಟ್ರೀಯತೆಯ ಹೆಸರಿನಲ್ಲಿ ಈಗ ದೇಶದಲ್ಲಿ ಅದೇ ಆಗುತ್ತಿದೆ. ಅನ್ಯಾಯದ ಸಂದರ್ಭದಲ್ಲಿ ತಟಸ್ಥರಾಗಿದ್ದರೆ ನೀವು ದಬ್ಬಾಳಿಕೆಯ ಭಾಗವಾಗಿರುವುದನ್ನು ಆಯ್ಕೆ ಮಾಡಿಕೊಂಡಿದ್ದೀರಿ ಎಂದರ್ಥ’ ಎಂದರು.

. ‘ಮಣಿಪುರದ ಹಿಂಸಾಚಾರವು ಸಮಾಜದ ಮೇಲೆ ಕೋಮುಗಲಭೆಯ ಪರಿಣಾಮ ಏನಾಗಬಹುದು ಎಂಬುದನ್ನು ತೋರಿಸಿದೆ. ಇಂದು ಮಣಿಪುರ ನೋಡಿದಾಗ, ಅಲ್ಲಿನ ಗಾಯಗಳು ನಮಗೇನು ತಂದುಕೊಟ್ಟಿವೆ ಎಂಬುದನ್ನು ತೋರಿಸುತ್ತವೆ. ನೋವುಣ್ಣುವವರು ಯಾರು? ಬಹುತೇಕ ಮಹಿಳೆಯರು ಮತ್ತು ಮಕ್ಕಳು ತೊಂದರೆಗೀಡಾಗುತ್ತಿದ್ದಾರೆ. ಭವಿಷ್ಯವೂ ಮಸುಕಾಗುತ್ತದೆ. ಈ ಗಾಯಗಳು ಮಾಂಸಕ್ಕಿಂತಲೂ ಹೆಚ್ಚು ಆಳವಾಗಿರುವಂಥವು. ಇದರಿಂದ ನಾವು ಪಾಠ ಕಲಿಯಲಾಗದೇ’ ಎಂದು ಪ್ರಕಾಶ್ ರಾಜ್ ಪ್ರಶ್ನಿಸಿದರು.

. '16 ಅಥವಾ 17 ವರ್ಷದ ಯುವಕರು ಮೆರವಣಿಗೆಯಲ್ಲಿ ಖಡ್ಗಗಳು ಮತ್ತು ಪಿಸ್ತೂಲುಗಳನ್ನು ಝಳಪಿಸುತ್ತಾರೆ ಎಂದರೆ, ಇದು ಡಾ. ಅಂಬೇಡ್ಕರ್ ಅಥವಾ ಸಮಾಜ ಸುಧಾರಕ ಬಸವಣ್ಣ ಅವರು ಕಾಣಬಯಸಿದ್ದ ದೇಶವಲ್ಲ. ಖಡ್ಗ, ಪಿಸ್ತೂಲುಗಳನ್ನು ಝಳಪಿಸುವುದನ್ನು ಕಂಡು ನನ್ನ ಮನಸ್ಸು ದುಃಖಿತವಾಗುತ್ತದೆ. ಆ ಯುವಕರಿಗೆ ಯಾವುದೇ ಕನಸುಗಳಿಲ್ಲ. ಯಾವ ರೀತಿಯ ಭವಿಷ್ಯ ಅವರಿಗಿರುತ್ತದೆ ಎಂಬ ಅರಿವೂ ಅವರಿಗಿಲ್ಲ. ಅವರನ್ನು ಪ್ರಚೋದಿಸಿರುವವರು ಯಾರು? ನಾವೇಕೆ ಈ ಬಗ್ಗೆ ಮೌನವಾಗಿದ್ದೇವೆ’ ಎಂದೂ ಅವರು ಕೇಳಿದರು.

. ಶಿಕ್ಷಕಿಯೊಬ್ಬರು ನಿರ್ದಿಷ್ಟ ಸಮುದಾಯವೊಂದರ ವಿದ್ಯಾರ್ಥಿಯನ್ನು ಥಳಿಸುವಂತೆ ತಮ್ಮ ವಿದ್ಯಾರ್ಥಿಗಳಿಗೆ ಆದೇಶಿಸಿದ್ದ ಪ್ರಕರಣವನ್ನು ಪ್ರಸ್ತಾಪಿಸಿದ ಅವರು, ‘ಎಂಟು ವರ್ಷದ ಬಾಲಕನ ಕೆನ್ನೆಗೆ ಹೊಡೆಯುವಂತೆ ಇತರ ಸಮುದಾಯದ ಬಾಲಕರಿಗೆ ಸೂಚಿಸುವಂತೆ ಆ ಶಿಕ್ಷಕಿಗೆ ಹೇಗೆ ಧೈರ್ಯ ಬರುತ್ತದೆ? ಇದು ನಮ್ಮ ದೇಶವೇ? ಇದು ಭವಿಷ್ಯದ ಭಾರತವೇ? ಅಂಬೇಡ್ಕರ್ ಅಥವಾ ಬಸವಣ್ಣ ಅಥವಾ ಬೇರೆ ಯಾರಾದರೂ ಇದನ್ನು ಕಲ್ಪಿಸಿಕೊಂಡಿದ್ದರೆ’ ಎಂದೂ ಪ್ರಕಾಶ್ ರಾಜ್ ಪ್ರಶ್ನಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಣಿಪುರ ಹಿಂಸಾಚಾರ | ನಾಯಕನ ಅಂಧಾನುಕರಣೆಯಿಂದ ಸಮಾಜ ಹಾಳು: ನಟ ಪ್ರಕಾಶ್ ರಾಜ್

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!

ಕೂಚ್‌ ಬಿಹಾರ್‌ ಟ್ರೋಫಿ: ದ್ವಿಶತಕ ಬಾರಿಸಿದ ಸೆಹ್ವಾಗ್‌ ಪುತ್ರ

ಪ್ರೊ ಕಬಡ್ಡಿ: 2ನೇ ಸ್ಥಾನಕ್ಕೇರಿದ ತೆಲುಗು ಟೈಟನ್ಸ್‌

ಸೇನ್‌ ಮುನ್ನಡೆ: ಸಿಂಧುಗೆ ನಿರಾಸೆ

ಕರಣ್‌ ಸಿಂಗ್‌ಗೆ ಚಾಪೆಲ್‌ ಸವಾಲು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಲಂಚ, ವಂಚನೆ ಪ್ರಕರಣ: ಅದಾನಿ ವಿರುದ್ಧ ಬಂಧನ ವಾರೆಂಟ್ ಹೊರಡಿಸಿದ ಅಮೆರಿಕ ನ್ಯಾಯಾಲಯ

ಜಗತ್ತಿನ ಅತಿ ಕುಬ್ಜ– ಎತ್ತರದ ಮಹಿಳೆಯರ ಭೇಟಿ!