<p><strong>ಮೈಸೂರು:</strong> ಕೇಂದ್ರ ಸರ್ಕಾರವು ದೇಶಕ್ಕೆ ‘ಸಿಎಎ’, ‘ಎನ್ಆರ್ಸಿ’ ಹಾಗೂ ‘ಎನ್ಪಿಆರ್’ ರೂಪದಲ್ಲಿ ಮೂರುನಾಮಗಳನ್ನು ಹಾಕಿದೆ ಎಂದು ಸಾಹಿತಿ ಅರವಿಂದ ಮಾಲಗತ್ತಿ ಹರಿಹಾಯ್ದರು.</p>.<p>ಬಹುಜನ ವಿದ್ಯಾರ್ಥಿ ಸಂಘವು (ಬಿವಿಎಸ್) ಭಾನುವಾರ ಇಲ್ಲಿ ಏರ್ಪಡಿಸಿದ್ದ ಸಂವಿಧಾನ ಜಾಗೃತಿ ಸಮಾವೇಶದಲ್ಲಿ ಅವರು ಮಾತನಾಡಿದರು.</p>.<p>‘ನಾಥೂರಾಂ ಗೋಡ್ಸೆ ಚಿಂತನೆ ಅಳವಡಿಸಿಕೊಂಡಿರುವ ಕೇಂದ್ರ ಸರ್ಕಾರವು ಸಂವಿಧಾನದೊಳಗೆ ಮರಿಮನುಸ್ಮೃತಿಯನ್ನು ಅಳವಡಿಸಲು ಹುನ್ನಾರ ನಡೆಸಿದೆ. ನಾವೆಲ್ಲರೂ ಸೈನಿಕರಂತೆ ಸಂವಿಧಾನವನ್ನು ರಕ್ಷಿಸಬೇಕಿದೆ’ ಎಂದು ಹೇಳಿದರು.</p>.<p>ಚಿಂತಕ ಸಿ.ಎಸ್.ದ್ವಾರಕನಾಥ್ ಮಾತನಾಡಿ, ‘ಕೆಲವು ಚಿತ್ಪಾಲ ಬ್ರಾಹ್ಮಣರು ಮಹಾತ್ಮ ಗಾಂಧಿಯನ್ನು ಕೊಲ್ಲುವಂತಹ ತಂತ್ರ ಹೆಣೆದ ನಾಗಪುರದ ಕ್ಯಾಂಪಿನಿಂದಲೇ ಈ ‘ಸಿಎಎ’ ಸೂತ್ರ ರಚಿಸಲಾಗಿದೆ. ‘ಇವನಾರವ, ಇವನಾರವ’ ಎಂದು ಕೇಳುವ ಮೂಲಕ ಇದು ಸಂವಿಧಾನದ ಆಶಯಗಳಿಗೆ ಮಾತ್ರವಲ್ಲ, ಬಸವಣ್ಣನವರ ತತ್ವಗಳಿಗೂ ವಿರುದ್ಧವಾದುದು’ ಎಂದರು.</p>.<p>‘ಸಂಸದರಿಗಾಗಿ ಸಂವಿಧಾನ ಕುರಿತು ಪ್ರಬಂಧ ಸ್ಪರ್ಧೆ ಏರ್ಪಡಿಸಬೇಕು. ಇವರಿಗೆಂದೇ ₹ 1 ಕೋಟಿ ಮೌಲ್ಯದ ಬಹುಮಾನ ನೀಡಲು ಭಿಕ್ಷೆ ಎತ್ತಿಯಾದರೂ ತರುತ್ತೇನೆ’ ಎಂದು ಲೇವಡಿ ಮಾಡಿದರು.</p>.<p>ಶಾಸಕ ಮಹೇಶ್ ಮಾತನಾಡಿ, ಕಾಂಗ್ರೆಸ್ ಹಾಗೂ ಕಮ್ಯುನಿಸ್ಟರು ಸಾಮಾನ್ಯರಲ್ಲ. ಇವರು ಹಾಗೂ ಬಿಜೆಪಿ ದೇಶದಲ್ಲಿ ‘ಸಿವಿಲ್ ವಾರ್’<br />ಯೋಜಿಸಲು ಷಡ್ಯಂತ್ರ ನಡೆಸುತ್ತಿದ್ದಾರೆ. ಆದರೆ, ನಾವು ಮಾತ್ರ ಶಾಂತಿಯುತವಾಗಿ ಹೋರಾಟ ನಡೆಸೋಣ’ ಎಂದು ಕರೆ ನೀಡಿದರು.</p>.<p>ಬಿವಿಎಸ್ ವತಿಯಿಂದ ಪರಿಸರವಾದಿ ಸಾಲುಮರದ ತಿಮ್ಮಕ್ಕ ಅವರಿಗೆ ₹ 1 ಲಕ್ಷ ಪುರಸ್ಕಾರ ವಿತರಿಸಲಾಯಿತು.</p>.<p class="Subhead">₹ 5 ಲಕ್ಷ ಬಹುಮಾನ: ಸಂವಿಧಾನ ಕುರಿತ ಪ್ರಬಂಧ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ವಿದ್ಯಾರ್ಥಿಗಳಿಗೆ ₹ 5 ಲಕ್ಷ ಮೌಲ್ಯದ ಬಹುಮಾನ ನೀಡಲಾಯಿತು.</p>.<p>ಪದವಿ ಮತ್ತು ಸ್ನಾತಕೋತ್ತರ ವಿಭಾಗದಲ್ಲಿ ಪ್ರಥಮ ಸ್ಥಾನ ಗಳಿಸಿದ ಕಾರ್ಕಳದ ಮಹಮ್ಮದ್ ರಿಯಾಜ್ ಅವರಿಗೆ ₹ 1 ಲಕ್ಷ, ಪಿಯು ವಿಭಾಗದಲ್ಲಿ ಪ್ರಥಮ ಸ್ಥಾನ ಗಳಿಸಿದ ತುಮಕೂರಿನ ಚಂದನಾ ಅವರಿಗೆ ₹ 50 ಸಾವಿರ ಹಾಗೂ ಪ್ರೌಢಶಾಲಾ ವಿಭಾಗದಲ್ಲಿ ಮೊದಲ ಸ್ಥಾನ ಗಳಿಸಿದ ಟಿ.ಎಸ್.ಇಂಪನಾ ಅವರಿಗೆ ₹ 25 ಸಾವಿರ ಬಹುಮಾನ ನೀಡಲಾಯಿತು. ಒಟ್ಟು 31,969 ವಿದ್ಯಾರ್ಥಿಗಳು ಈ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ಕೇಂದ್ರ ಸರ್ಕಾರವು ದೇಶಕ್ಕೆ ‘ಸಿಎಎ’, ‘ಎನ್ಆರ್ಸಿ’ ಹಾಗೂ ‘ಎನ್ಪಿಆರ್’ ರೂಪದಲ್ಲಿ ಮೂರುನಾಮಗಳನ್ನು ಹಾಕಿದೆ ಎಂದು ಸಾಹಿತಿ ಅರವಿಂದ ಮಾಲಗತ್ತಿ ಹರಿಹಾಯ್ದರು.</p>.<p>ಬಹುಜನ ವಿದ್ಯಾರ್ಥಿ ಸಂಘವು (ಬಿವಿಎಸ್) ಭಾನುವಾರ ಇಲ್ಲಿ ಏರ್ಪಡಿಸಿದ್ದ ಸಂವಿಧಾನ ಜಾಗೃತಿ ಸಮಾವೇಶದಲ್ಲಿ ಅವರು ಮಾತನಾಡಿದರು.</p>.<p>‘ನಾಥೂರಾಂ ಗೋಡ್ಸೆ ಚಿಂತನೆ ಅಳವಡಿಸಿಕೊಂಡಿರುವ ಕೇಂದ್ರ ಸರ್ಕಾರವು ಸಂವಿಧಾನದೊಳಗೆ ಮರಿಮನುಸ್ಮೃತಿಯನ್ನು ಅಳವಡಿಸಲು ಹುನ್ನಾರ ನಡೆಸಿದೆ. ನಾವೆಲ್ಲರೂ ಸೈನಿಕರಂತೆ ಸಂವಿಧಾನವನ್ನು ರಕ್ಷಿಸಬೇಕಿದೆ’ ಎಂದು ಹೇಳಿದರು.</p>.<p>ಚಿಂತಕ ಸಿ.ಎಸ್.ದ್ವಾರಕನಾಥ್ ಮಾತನಾಡಿ, ‘ಕೆಲವು ಚಿತ್ಪಾಲ ಬ್ರಾಹ್ಮಣರು ಮಹಾತ್ಮ ಗಾಂಧಿಯನ್ನು ಕೊಲ್ಲುವಂತಹ ತಂತ್ರ ಹೆಣೆದ ನಾಗಪುರದ ಕ್ಯಾಂಪಿನಿಂದಲೇ ಈ ‘ಸಿಎಎ’ ಸೂತ್ರ ರಚಿಸಲಾಗಿದೆ. ‘ಇವನಾರವ, ಇವನಾರವ’ ಎಂದು ಕೇಳುವ ಮೂಲಕ ಇದು ಸಂವಿಧಾನದ ಆಶಯಗಳಿಗೆ ಮಾತ್ರವಲ್ಲ, ಬಸವಣ್ಣನವರ ತತ್ವಗಳಿಗೂ ವಿರುದ್ಧವಾದುದು’ ಎಂದರು.</p>.<p>‘ಸಂಸದರಿಗಾಗಿ ಸಂವಿಧಾನ ಕುರಿತು ಪ್ರಬಂಧ ಸ್ಪರ್ಧೆ ಏರ್ಪಡಿಸಬೇಕು. ಇವರಿಗೆಂದೇ ₹ 1 ಕೋಟಿ ಮೌಲ್ಯದ ಬಹುಮಾನ ನೀಡಲು ಭಿಕ್ಷೆ ಎತ್ತಿಯಾದರೂ ತರುತ್ತೇನೆ’ ಎಂದು ಲೇವಡಿ ಮಾಡಿದರು.</p>.<p>ಶಾಸಕ ಮಹೇಶ್ ಮಾತನಾಡಿ, ಕಾಂಗ್ರೆಸ್ ಹಾಗೂ ಕಮ್ಯುನಿಸ್ಟರು ಸಾಮಾನ್ಯರಲ್ಲ. ಇವರು ಹಾಗೂ ಬಿಜೆಪಿ ದೇಶದಲ್ಲಿ ‘ಸಿವಿಲ್ ವಾರ್’<br />ಯೋಜಿಸಲು ಷಡ್ಯಂತ್ರ ನಡೆಸುತ್ತಿದ್ದಾರೆ. ಆದರೆ, ನಾವು ಮಾತ್ರ ಶಾಂತಿಯುತವಾಗಿ ಹೋರಾಟ ನಡೆಸೋಣ’ ಎಂದು ಕರೆ ನೀಡಿದರು.</p>.<p>ಬಿವಿಎಸ್ ವತಿಯಿಂದ ಪರಿಸರವಾದಿ ಸಾಲುಮರದ ತಿಮ್ಮಕ್ಕ ಅವರಿಗೆ ₹ 1 ಲಕ್ಷ ಪುರಸ್ಕಾರ ವಿತರಿಸಲಾಯಿತು.</p>.<p class="Subhead">₹ 5 ಲಕ್ಷ ಬಹುಮಾನ: ಸಂವಿಧಾನ ಕುರಿತ ಪ್ರಬಂಧ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ವಿದ್ಯಾರ್ಥಿಗಳಿಗೆ ₹ 5 ಲಕ್ಷ ಮೌಲ್ಯದ ಬಹುಮಾನ ನೀಡಲಾಯಿತು.</p>.<p>ಪದವಿ ಮತ್ತು ಸ್ನಾತಕೋತ್ತರ ವಿಭಾಗದಲ್ಲಿ ಪ್ರಥಮ ಸ್ಥಾನ ಗಳಿಸಿದ ಕಾರ್ಕಳದ ಮಹಮ್ಮದ್ ರಿಯಾಜ್ ಅವರಿಗೆ ₹ 1 ಲಕ್ಷ, ಪಿಯು ವಿಭಾಗದಲ್ಲಿ ಪ್ರಥಮ ಸ್ಥಾನ ಗಳಿಸಿದ ತುಮಕೂರಿನ ಚಂದನಾ ಅವರಿಗೆ ₹ 50 ಸಾವಿರ ಹಾಗೂ ಪ್ರೌಢಶಾಲಾ ವಿಭಾಗದಲ್ಲಿ ಮೊದಲ ಸ್ಥಾನ ಗಳಿಸಿದ ಟಿ.ಎಸ್.ಇಂಪನಾ ಅವರಿಗೆ ₹ 25 ಸಾವಿರ ಬಹುಮಾನ ನೀಡಲಾಯಿತು. ಒಟ್ಟು 31,969 ವಿದ್ಯಾರ್ಥಿಗಳು ಈ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
