<p>ಕಲಬುರ್ಗಿ: ‘ಮೈತುಂಬ ದುಡಿ, ಹೊಟ್ಟಿತುಂಬ ಹೊಡಿ’ ಅಂತ್ ಹೇಳ್ಯಾರ್ರಿ ಹಿರ್ಯಾರು. ಇಲ್ಲಿಗೆ ಬರಬ್ಬರಿ 70 ವರ್ಸ್ ಆತ್ರಿ. ನನ್ನ ಪಾಡಿಗೆ ನಾ ದುಡುಕೋತ ಹೊಂಟೇನಿ. ಮಕ್ಕಳು ಬಿಡಸಾಕ್ ನೋಡತಾರ. ಖಾಲಿ ಕುಂತ್ರ ಸತ್ ಕುಂತಂಗ್ ಅಕ್ಕದರಿ. ನಾ ದುಡಿಕಿ ಬಿಡೋ ಮಗಾ ಅಲ್ಲ...’</p>.<p>ಕಮಲಾಪುರ ತಾಲ್ಲೂಕಿನ ಆಲಗೂಡ ಗ್ರಾಮದ ಹಳ್ಳಿಕಟ್ಟೆ ಮುಂದೆ ಕುಳಿತ ಅಜ್ಜ;ಮಾಣಿಕಪ್ಪ ಗುಂಡಪ್ಪ ಸುತಾರ ಅವರು ಒಂದೇ ಮಾತಿನಲ್ಲಿ ಖಡಕ್ ಉತ್ತರ ಕೊಟ್ಟರು. ಅವರಿಗೆ ಈಗ 86 ವರ್ಷ ವಯಸ್ಸು! ಆರಡಿ ದೇಹ ಸುಕ್ಕುಗಟ್ಟಿ ಒಣಕಲು ಕಡ್ಡಿಯಂತಾಗಿದೆ. ಆದರೆ, ಅವರೊಳಗಿನ ಚೈತನ್ಯ, ಸ್ವಾಭಿಮಾನ ಮಾತ್ರ ಮಾಸಿಲ್ಲ.</p>.<p>ರೆಂಟೆ, ಕುಂಟೆ, ನೇಗಿಲ, ಚಕ್ಕಡಿ ಮುಂತಾದ ಕೃಷಿ ಸಲಕರಣೆಗಳನ್ನು ಮಾಡುವುದು ಅವರ ಕಾಯಕ. 16ನೇ ವಯಸ್ಸಿನಿಂದಲೇ ಮರ ಕೆತ್ತಲು ಆರಂಭಿಸಿದ ಈ ಅಜ್ಜ; ಆಲಗೂಡ ಹಾಗೂ ತೊಂಡಕಲ್ಲ ಗ್ರಾಮದ ಎಲ್ಲ ರೈತರಿಗೂ ಆಧಾರ. ಅವರ ಮೇಲಿನ ಅಭಿಮಾನದಿಂದಾಗಿ ಈವರೆಗೆ ಈ ಎರಡೂ ಹಳ್ಳಿಗಳಲ್ಲಿ ಇನ್ನೊಬ್ಬರು ಮರ ಕೆತ್ತುವ ಕೆಲಸ ಮಾಡಲು ಮುಂದಾಗಿಲ್ಲ. ಬೆಳಿಗ್ಗೆ 7ಕ್ಕೆ ಕೆಲಸ ಆರಂಭವಾದರೆ ಸಂಜೆ 7ರವರೆಗೆ ಬಿಡುವಿಲ್ಲದ ದುಡಿಮೆ. ಈ ಊರಿಗೆ ಯಾರೇ ಕಾಲಿಟ್ಟರೂ ಮರದಡಿ ಕುಳಿತ ಈ ಹಿರಿಯ ಜೀವವೇ ಮೊದಲು ದರ್ಶನ ನೀಡುವುದು.</p>.<p>ವಿಶೇಷವೆಂದರೆ, ಮಾಣಿಕಪ್ಪ ಕೆಲಸಕ್ಕೆ ಪ್ರತಿಯಾಗಿ ಹಣ ಪಡೆಯುವುದಿಲ್ಲ. ಒಂದು ವರ್ಷಕ್ಕೆ ಒಂದು ಚೀಲ ಜೋಳ ಪಡೆಯುತ್ತಾರೆ. ಒಮ್ಮೆ ಜೋಳ ಕೊಟ್ಟರೆ ಮುಗಿಯಿತು; ವರ್ಷಪೂರ್ತಿ ಇವರಿಂದ ಕೃಷಿ ಉಪಕರಣಗಳ ಕೆಲಸ ಮಾಡಿಸಬಹುದು. ಎರಡೂ ಹಳ್ಳಿಗಳು ಸೇರಿ 200 ರೈತರಿಂದ 200 ಚೀಲ ಜೋಳ ಪ್ರತಿ ವರ್ಷ ಬರುತ್ತದೆ ಅವರಿಗೆ.</p>.<p>ಮೂವರು ಪುತ್ರರು, ಸೊಸೆಯಂದಿರು, ಮೊಮ್ಮಕ್ಕಳಿರುವ ಅವಿಭಕ್ತ ಕುಟುಂಬ. ಹಿರಿಯ ನಾಗರಿಕರ ಕಾರ್ಡ್, ವೃದ್ಧಾಪ್ಯ ವೇತನ ಯಾವುದೂ ಸಿಕ್ಕಿಲ್ಲ.</p>.<p>ಲಾಕ್ಡೌನ್ ಆದ ಮೊದಲ ದಿನವೇ ಮಾಸ್ಕ್ ಹಾಕಿಕೊಂಡು, ‘ಸುರಕ್ಷಿತ’ ಅಂತರ ಕಾಯ್ದುಕೊಳ್ಳುವ ಮೂಲಕ ಹಳ್ಳಿಗೆ ಮಾದರಿಯಾದವರು ಅವರು.</p>.<p>ನಿರಂತರ ಮರ ಕೆತ್ತನೆ ಕೆಲಸದಿಂದ 60 ಡಿಗ್ರಿ ಕೋನಾಕೃತಿಯಲ್ಲಿ ಮಡಚಿದ ಅವರ ಬಲಗೈ ಮತ್ತೆ ಸೀದಾ ಆಗಿಲ್ಲ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಲಬುರ್ಗಿ: ‘ಮೈತುಂಬ ದುಡಿ, ಹೊಟ್ಟಿತುಂಬ ಹೊಡಿ’ ಅಂತ್ ಹೇಳ್ಯಾರ್ರಿ ಹಿರ್ಯಾರು. ಇಲ್ಲಿಗೆ ಬರಬ್ಬರಿ 70 ವರ್ಸ್ ಆತ್ರಿ. ನನ್ನ ಪಾಡಿಗೆ ನಾ ದುಡುಕೋತ ಹೊಂಟೇನಿ. ಮಕ್ಕಳು ಬಿಡಸಾಕ್ ನೋಡತಾರ. ಖಾಲಿ ಕುಂತ್ರ ಸತ್ ಕುಂತಂಗ್ ಅಕ್ಕದರಿ. ನಾ ದುಡಿಕಿ ಬಿಡೋ ಮಗಾ ಅಲ್ಲ...’</p>.<p>ಕಮಲಾಪುರ ತಾಲ್ಲೂಕಿನ ಆಲಗೂಡ ಗ್ರಾಮದ ಹಳ್ಳಿಕಟ್ಟೆ ಮುಂದೆ ಕುಳಿತ ಅಜ್ಜ;ಮಾಣಿಕಪ್ಪ ಗುಂಡಪ್ಪ ಸುತಾರ ಅವರು ಒಂದೇ ಮಾತಿನಲ್ಲಿ ಖಡಕ್ ಉತ್ತರ ಕೊಟ್ಟರು. ಅವರಿಗೆ ಈಗ 86 ವರ್ಷ ವಯಸ್ಸು! ಆರಡಿ ದೇಹ ಸುಕ್ಕುಗಟ್ಟಿ ಒಣಕಲು ಕಡ್ಡಿಯಂತಾಗಿದೆ. ಆದರೆ, ಅವರೊಳಗಿನ ಚೈತನ್ಯ, ಸ್ವಾಭಿಮಾನ ಮಾತ್ರ ಮಾಸಿಲ್ಲ.</p>.<p>ರೆಂಟೆ, ಕುಂಟೆ, ನೇಗಿಲ, ಚಕ್ಕಡಿ ಮುಂತಾದ ಕೃಷಿ ಸಲಕರಣೆಗಳನ್ನು ಮಾಡುವುದು ಅವರ ಕಾಯಕ. 16ನೇ ವಯಸ್ಸಿನಿಂದಲೇ ಮರ ಕೆತ್ತಲು ಆರಂಭಿಸಿದ ಈ ಅಜ್ಜ; ಆಲಗೂಡ ಹಾಗೂ ತೊಂಡಕಲ್ಲ ಗ್ರಾಮದ ಎಲ್ಲ ರೈತರಿಗೂ ಆಧಾರ. ಅವರ ಮೇಲಿನ ಅಭಿಮಾನದಿಂದಾಗಿ ಈವರೆಗೆ ಈ ಎರಡೂ ಹಳ್ಳಿಗಳಲ್ಲಿ ಇನ್ನೊಬ್ಬರು ಮರ ಕೆತ್ತುವ ಕೆಲಸ ಮಾಡಲು ಮುಂದಾಗಿಲ್ಲ. ಬೆಳಿಗ್ಗೆ 7ಕ್ಕೆ ಕೆಲಸ ಆರಂಭವಾದರೆ ಸಂಜೆ 7ರವರೆಗೆ ಬಿಡುವಿಲ್ಲದ ದುಡಿಮೆ. ಈ ಊರಿಗೆ ಯಾರೇ ಕಾಲಿಟ್ಟರೂ ಮರದಡಿ ಕುಳಿತ ಈ ಹಿರಿಯ ಜೀವವೇ ಮೊದಲು ದರ್ಶನ ನೀಡುವುದು.</p>.<p>ವಿಶೇಷವೆಂದರೆ, ಮಾಣಿಕಪ್ಪ ಕೆಲಸಕ್ಕೆ ಪ್ರತಿಯಾಗಿ ಹಣ ಪಡೆಯುವುದಿಲ್ಲ. ಒಂದು ವರ್ಷಕ್ಕೆ ಒಂದು ಚೀಲ ಜೋಳ ಪಡೆಯುತ್ತಾರೆ. ಒಮ್ಮೆ ಜೋಳ ಕೊಟ್ಟರೆ ಮುಗಿಯಿತು; ವರ್ಷಪೂರ್ತಿ ಇವರಿಂದ ಕೃಷಿ ಉಪಕರಣಗಳ ಕೆಲಸ ಮಾಡಿಸಬಹುದು. ಎರಡೂ ಹಳ್ಳಿಗಳು ಸೇರಿ 200 ರೈತರಿಂದ 200 ಚೀಲ ಜೋಳ ಪ್ರತಿ ವರ್ಷ ಬರುತ್ತದೆ ಅವರಿಗೆ.</p>.<p>ಮೂವರು ಪುತ್ರರು, ಸೊಸೆಯಂದಿರು, ಮೊಮ್ಮಕ್ಕಳಿರುವ ಅವಿಭಕ್ತ ಕುಟುಂಬ. ಹಿರಿಯ ನಾಗರಿಕರ ಕಾರ್ಡ್, ವೃದ್ಧಾಪ್ಯ ವೇತನ ಯಾವುದೂ ಸಿಕ್ಕಿಲ್ಲ.</p>.<p>ಲಾಕ್ಡೌನ್ ಆದ ಮೊದಲ ದಿನವೇ ಮಾಸ್ಕ್ ಹಾಕಿಕೊಂಡು, ‘ಸುರಕ್ಷಿತ’ ಅಂತರ ಕಾಯ್ದುಕೊಳ್ಳುವ ಮೂಲಕ ಹಳ್ಳಿಗೆ ಮಾದರಿಯಾದವರು ಅವರು.</p>.<p>ನಿರಂತರ ಮರ ಕೆತ್ತನೆ ಕೆಲಸದಿಂದ 60 ಡಿಗ್ರಿ ಕೋನಾಕೃತಿಯಲ್ಲಿ ಮಡಚಿದ ಅವರ ಬಲಗೈ ಮತ್ತೆ ಸೀದಾ ಆಗಿಲ್ಲ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
