ನಿಯಮ ಉಲ್ಲಂಘಿಸಿ ಅರಣ್ಯಾಧಿಕಾರಿಗಳಿಗೆ ಬಡ್ತಿ: ನ್ಯಾಯಾಂಗ ನಿಂದನೆ ದೂರು ದಾಖಲು

ಅರಣ್ಯ ಇಲಾಖೆ ವಲಯ ಅರಣ್ಯಾಧಿಕಾರಿಗಳ ಜ್ಯೇಷ್ಠತಾ ಪಟ್ಟಿ ಪ್ರಕಟಿಸಿದ ನಂತರವೂ ತಿದ್ದುಪಡಿ ಆದೇಶದ ಮೂಲಕ ಮತ್ತೆ ಕೆಲವರನ್ನು ಸೇರ್ಪಡೆ ಮಾಡಿದೆ. ಹೀಗೆ ಸೇರ್ಪಡೆ ಮಾಡಲು ಹೊರಡಿಸಿದ ಆದೇಶಗಳಲ್ಲಿ ಕಣ್ತಪ್ಪಿನಿಂದ ಬಿಟ್ಟುಹೋದ ಕಾರಣ ನೀಡಲಾಗಿದೆ. ಅಲ್ಲದೇ, ಬಡ್ತಿ ಪ್ರಕ್ರಿಯೆಯೂ ಕೋರ್ಟ್‌ ಅಂತಿಮ ಆದೇಶಕ್ಕೆ ಒಳಪಟ್ಟಿರುತ್ತದೆ ಎಂದು ಷರಾ ಸೇರಿಸಲಾಗಿದೆ. ತಮಗೆ ಬೇಕಾದವರು ಬಡ್ತಿಯಿಂದ ಪಡೆದ ಸ್ಥಾನವನ್ನು ಕೋರ್ಟ್ ಪ್ರಕರಣಗಳು ಇತ್ಯರ್ಥವಾಗುವರೆಗೆ ಅನುಭವಿಸಲು ಇಲಾಖೆಯೇ ಅವಕಾಶ ಮಾಡಿಕೊಡುತ್ತಿದೆ.