‘ಗೋಡ್ಸೆ ಭಾರತ’ ಮಾಡುವ ಬಿಜೆಪಿ ಷಡ್ಯಂತ್ರ ಸೋಲಿಸೋಣ: ಸಿಎಂ ಸಿದ್ದರಾಮಯ್ಯ

‘ಕೆಲವು ಬಾರಿ ನ್ಯಾಯಾಲಯಗಳಲ್ಲಿ ನ್ಯಾಯ ಸಿಗದೇ ಇರಬಹುದು. ಎಲ್ಲ ನ್ಯಾಯಾಲಯಕ್ಕಿಂತ ಮೇಲೆ ಅತ್ಯುನ್ನತವಾದ ನ್ಯಾಯಾಲಯವೊಂದಿದೆ. ಅದು ಆತ್ಮಸಾಕ್ಷಿಯ ನ್ಯಾಯಾಲಯ’ ಎಂದು ಸಿ.ಎಂ ಸಿದ್ದರಾಮಯ್ಯ ಹೇಳಿದರು. ಗಾಂಧಿ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ‘ಯಾರು ಒಪ್ಪಲಿ, ಒಪ್ಪದಿರಲಿ, ಟೀಕಿಸಲಿ, ವಿರೋಧಿಸಲಿ, ನಾವು ನಮ್ಮ ಆತ್ಮ ಸಾಕ್ಷಿಯಂತೆ ನಡೆದುಕೊಳ್ಳಬೇಕು. ಆತ್ಮಸಾಕ್ಷಿಗೆ ಅನುಗುಣವಾಗಿ ಕೆಲಸ ಮಾಡಬೇಕು. ಇದುವೇ ಗಾಂಧೀಜಿ ತಿಳಿಸಿದ ಮಾರ್ಗ’ ಎಂದರು.