<p><strong>ಮೈಸೂರು:</strong> ಕನಿಷ್ಠ ಬೆಂಬಲ ಬೆಲೆ ಯೋಜನೆಯಡಿ ಮೈಸೂರು ಜಿಲ್ಲೆಯಲ್ಲಿ ಭತ್ತ ಹಾಗೂ ರಾಗಿ ಖರೀದಿಸಿರುವ ಸರ್ಕಾರವು, ಏ. 2ರ ಬಳಿಕ ರೈತರಿಗೆ ಹಣ ಪಾವತಿಸಿಲ್ಲ.</p>.<p>ಲಾಕ್ಡೌನ್ನಿಂದಾಗಿ ಸಂಕಷ್ಟಕ್ಕೆ ಸಿಲುಕಿರುವ ರೈತರು, ಹಣ ಬಾರದೆ ವ್ಯವಸಾಯ ಮಾಡಲು ಪರದಾಡುತ್ತಿದ್ದಾರೆ. ಕೆಲವರು ಮತ್ತೆ ಕೈಸಾಲಕ್ಕೆ ಮೊರೆ ಹೋಗಿದ್ದಾರೆ.</p>.<p>ಬೆಂಬಲ ಬೆಲೆ ₹ 1,815 ದರದಲ್ಲಿ, ನೋಂದಾಯಿತ ಪ್ರತಿ ರೈತನಿಂದ ಗರಿಷ್ಠ 40 ಕ್ವಿಂಟಲ್ ಭತ್ತವನ್ನು ಹಾಗೂ ₹ 3,150 ದರದಲ್ಲಿ ಪ್ರತಿ ರೈತನಿಂದ ಗರಿಷ್ಠ 75 ಕ್ವಿಂಟಲ್ ರಾಗಿಯನ್ನು ಕರ್ನಾಟಕ ರಾಜ್ಯ ಉಗ್ರಾಣ ನಿಗಮದ ಮೂಲಕ ಖರೀದಿಸಲಾಗಿದೆ.</p>.<p><strong>ಬಾಕಿ:</strong> ರಾಗಿ ಮಾರಾಟ ಮಾಡಿರುವ 3,229 ರೈತರಿಗೆ ₹ 25.27 ಕೋಟಿ ನೀಡಬೇಕಿದೆ. ಭತ್ತ ಮಾರಾಟ ಮಾಡಿರುವ 533 ರೈತರಿಗೆ ₹ 2.35 ಕೋಟಿ ಪಾವತಿಸಬೇಕಿದೆ. ಲಾಕ್ಡೌನ್ಗೆ ಮುನ್ನ ಮಾರಾಟ ಮಾಡಿದ್ದ ಕೆಲ ರೈತರ ಖಾತೆಗಳಿಗೆ ಅರ್ಧದಷ್ಟು ಹಣ ಮಾತ್ರ ತಲುಪಿದೆ.</p>.<p><strong>ವ್ಯವಸಾಯಕ್ಕೆ ಕಷ್ಟ:</strong> ‘ಮತ್ತೊಂದು ಭತ್ತದ ಬೆಳೆ ಕಟಾವಿಗೆ ಬಂದಿದೆ. ಹೆಚ್ಚಿನವರು ಸಾಲ ಮಾಡಿ ಭತ್ತ ಬೆಳೆದಿದ್ದಾರೆ. ಮತ್ತೆ ವ್ಯವಸಾಯ ಮಾಡಲು ಹಣವಿಲ್ಲದಾಗಿದೆ’ ಎಂದು ಮೈಸೂರು ತಾಲ್ಲೂಕಿನ ರೈತ ಕೃಷ್ಣರಾಜು ಸಮಸ್ಯೆ ಹೇಳಿಕೊಂಡರು.</p>.<p>‘ಏ. 2ರವರೆಗೆ ಭತ್ತ ಹಾಗೂ ರಾಗಿ ಮಾರಾಟ ಮಾಡಿದ ರೈತರ ಖಾತೆಗಳಿಗೆ ಹಣ ಪಾವತಿಸಲಾಗಿದೆ. ಆನಂತರ ಮಾರಾಟ ಮಾಡಿದವರಿಗೆ ಮಾತ್ರ ಹಣ ನೀಡಬೇಕಿದೆ’ ಎಂದು ಕರ್ನಾಟಕ ರಾಜ್ಯ ಉಗ್ರಾಣ ನಿಗಮದ ಪ್ರಾದೇಶಿಕ ವ್ಯವಸ್ಥಾಪಕ ಸಿದ್ದಮಹಾದೇವಯ್ಯ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.</p>.<p>ಫೆಬ್ರುವರಿಯಿಂದ ಮೇ 31ರವರೆಗೆ ಒಟ್ಟು 8,474 ರೈತರಿಂದ 2.9 ಲಕ್ಷ ಕ್ವಿಂಟಲ್ ರಾಗಿ, ಒಟ್ಟು 8,056 ರೈತರಿಂದ 1.95 ಲಕ್ಷ ಕ್ವಿಂಟಲ್ ಭತ್ತ ಖರೀದಿ ಮಾಡಲಾಗಿದೆ.</p>.<p>*<br />ನಾನು ಫೆಬ್ರುವರಿಯಲ್ಲೇ ಭತ್ತ ಮಾರಿದ್ದೆ. ಏಳು ದಿನಗಳಲ್ಲಿ ಹಣ ಪಾವತಿಸುವುದಾಗಿ ಹೇಳಿದ್ದರು. ಆದರೆ, ಇನ್ನೂ ಪೂರ್ಣ ಹಣ ಬಂದಿಲ್ಲ.<br /><em><strong>-ರಾಮಪ್ರಸಾದ್ ಭತ್ತ ಬೆಳೆಗಾರ, ಕೆ.ಆರ್.ನಗರ</strong></em></p>.<p><em><strong>*</strong></em><br />ಹಣಕ್ಕಾಗಿ ಒತ್ತಾಯಿಸುತ್ತಿರುವ ವಿಚಾರವನ್ನು ಮೇಲಧಿಕಾರಿಗಳ ಗಮನಕ್ಕೆ ತಂದಿದ್ದೇವೆ. ಒಂದೆರಡು ವಾರಗಳಲ್ಲಿ ರೈತರ ಖಾತೆಗೆ ಹಣ ಸೇರಲಿದೆ.<br /><em><strong>-ಸಿದ್ದಮಹಾದೇವಯ್ಯ, ಪ್ರಾದೇಶಿಕ ವ್ಯವಸ್ಥಾಪಕ, ರಾಜ್ಯ ಉಗ್ರಾಣ ನಿಗಮ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ಕನಿಷ್ಠ ಬೆಂಬಲ ಬೆಲೆ ಯೋಜನೆಯಡಿ ಮೈಸೂರು ಜಿಲ್ಲೆಯಲ್ಲಿ ಭತ್ತ ಹಾಗೂ ರಾಗಿ ಖರೀದಿಸಿರುವ ಸರ್ಕಾರವು, ಏ. 2ರ ಬಳಿಕ ರೈತರಿಗೆ ಹಣ ಪಾವತಿಸಿಲ್ಲ.</p>.<p>ಲಾಕ್ಡೌನ್ನಿಂದಾಗಿ ಸಂಕಷ್ಟಕ್ಕೆ ಸಿಲುಕಿರುವ ರೈತರು, ಹಣ ಬಾರದೆ ವ್ಯವಸಾಯ ಮಾಡಲು ಪರದಾಡುತ್ತಿದ್ದಾರೆ. ಕೆಲವರು ಮತ್ತೆ ಕೈಸಾಲಕ್ಕೆ ಮೊರೆ ಹೋಗಿದ್ದಾರೆ.</p>.<p>ಬೆಂಬಲ ಬೆಲೆ ₹ 1,815 ದರದಲ್ಲಿ, ನೋಂದಾಯಿತ ಪ್ರತಿ ರೈತನಿಂದ ಗರಿಷ್ಠ 40 ಕ್ವಿಂಟಲ್ ಭತ್ತವನ್ನು ಹಾಗೂ ₹ 3,150 ದರದಲ್ಲಿ ಪ್ರತಿ ರೈತನಿಂದ ಗರಿಷ್ಠ 75 ಕ್ವಿಂಟಲ್ ರಾಗಿಯನ್ನು ಕರ್ನಾಟಕ ರಾಜ್ಯ ಉಗ್ರಾಣ ನಿಗಮದ ಮೂಲಕ ಖರೀದಿಸಲಾಗಿದೆ.</p>.<p><strong>ಬಾಕಿ:</strong> ರಾಗಿ ಮಾರಾಟ ಮಾಡಿರುವ 3,229 ರೈತರಿಗೆ ₹ 25.27 ಕೋಟಿ ನೀಡಬೇಕಿದೆ. ಭತ್ತ ಮಾರಾಟ ಮಾಡಿರುವ 533 ರೈತರಿಗೆ ₹ 2.35 ಕೋಟಿ ಪಾವತಿಸಬೇಕಿದೆ. ಲಾಕ್ಡೌನ್ಗೆ ಮುನ್ನ ಮಾರಾಟ ಮಾಡಿದ್ದ ಕೆಲ ರೈತರ ಖಾತೆಗಳಿಗೆ ಅರ್ಧದಷ್ಟು ಹಣ ಮಾತ್ರ ತಲುಪಿದೆ.</p>.<p><strong>ವ್ಯವಸಾಯಕ್ಕೆ ಕಷ್ಟ:</strong> ‘ಮತ್ತೊಂದು ಭತ್ತದ ಬೆಳೆ ಕಟಾವಿಗೆ ಬಂದಿದೆ. ಹೆಚ್ಚಿನವರು ಸಾಲ ಮಾಡಿ ಭತ್ತ ಬೆಳೆದಿದ್ದಾರೆ. ಮತ್ತೆ ವ್ಯವಸಾಯ ಮಾಡಲು ಹಣವಿಲ್ಲದಾಗಿದೆ’ ಎಂದು ಮೈಸೂರು ತಾಲ್ಲೂಕಿನ ರೈತ ಕೃಷ್ಣರಾಜು ಸಮಸ್ಯೆ ಹೇಳಿಕೊಂಡರು.</p>.<p>‘ಏ. 2ರವರೆಗೆ ಭತ್ತ ಹಾಗೂ ರಾಗಿ ಮಾರಾಟ ಮಾಡಿದ ರೈತರ ಖಾತೆಗಳಿಗೆ ಹಣ ಪಾವತಿಸಲಾಗಿದೆ. ಆನಂತರ ಮಾರಾಟ ಮಾಡಿದವರಿಗೆ ಮಾತ್ರ ಹಣ ನೀಡಬೇಕಿದೆ’ ಎಂದು ಕರ್ನಾಟಕ ರಾಜ್ಯ ಉಗ್ರಾಣ ನಿಗಮದ ಪ್ರಾದೇಶಿಕ ವ್ಯವಸ್ಥಾಪಕ ಸಿದ್ದಮಹಾದೇವಯ್ಯ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.</p>.<p>ಫೆಬ್ರುವರಿಯಿಂದ ಮೇ 31ರವರೆಗೆ ಒಟ್ಟು 8,474 ರೈತರಿಂದ 2.9 ಲಕ್ಷ ಕ್ವಿಂಟಲ್ ರಾಗಿ, ಒಟ್ಟು 8,056 ರೈತರಿಂದ 1.95 ಲಕ್ಷ ಕ್ವಿಂಟಲ್ ಭತ್ತ ಖರೀದಿ ಮಾಡಲಾಗಿದೆ.</p>.<p>*<br />ನಾನು ಫೆಬ್ರುವರಿಯಲ್ಲೇ ಭತ್ತ ಮಾರಿದ್ದೆ. ಏಳು ದಿನಗಳಲ್ಲಿ ಹಣ ಪಾವತಿಸುವುದಾಗಿ ಹೇಳಿದ್ದರು. ಆದರೆ, ಇನ್ನೂ ಪೂರ್ಣ ಹಣ ಬಂದಿಲ್ಲ.<br /><em><strong>-ರಾಮಪ್ರಸಾದ್ ಭತ್ತ ಬೆಳೆಗಾರ, ಕೆ.ಆರ್.ನಗರ</strong></em></p>.<p><em><strong>*</strong></em><br />ಹಣಕ್ಕಾಗಿ ಒತ್ತಾಯಿಸುತ್ತಿರುವ ವಿಚಾರವನ್ನು ಮೇಲಧಿಕಾರಿಗಳ ಗಮನಕ್ಕೆ ತಂದಿದ್ದೇವೆ. ಒಂದೆರಡು ವಾರಗಳಲ್ಲಿ ರೈತರ ಖಾತೆಗೆ ಹಣ ಸೇರಲಿದೆ.<br /><em><strong>-ಸಿದ್ದಮಹಾದೇವಯ್ಯ, ಪ್ರಾದೇಶಿಕ ವ್ಯವಸ್ಥಾಪಕ, ರಾಜ್ಯ ಉಗ್ರಾಣ ನಿಗಮ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
