<p><strong>ಬೆಂಗಳೂರು:</strong> `ವಿದೇಶಿಯರು ನಮ್ಮನ್ನು ಆಳುತ್ತಿದ್ದಾಗ ಕನ್ನಡ ಭಾಷೆಗೆ ತೊಂದರೆ ಇರಲಿಲ್ಲ. ಅವರು ಯಾವ ಭಾಷೆಯನ್ನೂ ಕೊಲ್ಲಲಿಲ್ಲ. ನಮ್ಮವರೇ ಆಳುತ್ತಿರುವಾಗ ಕನ್ನಡ ಭಾಷೆಗೆ ತೊಂದರೆ ಎದುರಾಗಿದೆ' ಎಂದು ಹಿರಿಯ ಸಾಹಿತಿ ಸಾರಾ ಅಬೂಬಕ್ಕರ್ ಆಕ್ರೋಶ ವ್ಯಕ್ತಪಡಿಸಿದರು.<br /> <br /> ಮಾಸ್ತಿ ವೆಂಕಟೇಶ ಅಯ್ಯಂಗಾರ್ ಪ್ರಶಸ್ತಿ ಸಮಿತಿ ಹಾಗೂ ಕೋಲಾರದ ಡಾ.ಮಾಸ್ತಿ ಟ್ರಸ್ಟ್ ಆಶ್ರಯದಲ್ಲಿ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ `ಮಾಸ್ತಿ ಪ್ರಶಸ್ತಿ' ಸ್ವೀಕರಿಸಿ ಅವರು ಮಾತನಾಡಿದರು.<br /> <br /> `ಈ ಹಿಂದೆ ದಕ್ಷಿಣ ಕನ್ನಡ ಜಿಲ್ಲೆಯ ಗಡಿ ನೀಲೇಶ್ವರದ ಆಚೆಗೂ ಇತ್ತು. ಈಗ ದ.ಕ. ಜಿಲ್ಲೆ ಕಿರಿದಾಗಿದೆ. ಕಾಸರಗೋಡಿನಲ್ಲಿ ಮಲಯಾಳಂ ಭಾಷೆ ಕಡ್ಡಾಯ ಮಾಡಲಾಗಿದೆ. ಕನ್ನಡ ಪ್ರದೇಶವನ್ನು ನಮ್ಮವರು ಕೇರಳಕ್ಕೆ ಬಿಟ್ಟುಕೊಟ್ಟಿದ್ದಾರೆ' ಎಂದು ಕಿಡಿಕಾರಿದರು.<br /> <br /> `ರಾಜ್ಯದಲ್ಲಿ ಪ್ರಾಥಮಿಕ ಶಿಕ್ಷಣ ಗುಣಮಟ್ಟ ಕಳೆದುಕೊಂಡಿದೆ. ಶಾಲೆಗಳಲ್ಲಿ ಸರಿಯಾದ ಶಿಕ್ಷಕರು ಇಲ್ಲ. ಸರ್ಕಾರ ಶಾಲಾ ಗ್ರಂಥಾಲಯಗಳಿಗೆ ಅಪಾರ ಅನುದಾನ ನೀಡುತ್ತಿದೆ. ಆದರೆ, ಗ್ರಂಥಾಲಯಗಳಲ್ಲಿ ಅಡುಗೆ, ಮದರಂಗಿ ಪುಸ್ತಕಗಳೇ ಇವೆ. ಶಾಲೆಗಳಲ್ಲಿ ಮಕ್ಕಳಿಗೆ ಕಥೆ ಓದಿಸುತ್ತಿಲ್ಲ' ಎಂದು ಅವರು ಬೇಸರ ವ್ಯಕ್ತಪಡಿಸಿದರು.<br /> <br /> ಹಿರಿಯ ಸಾಹಿತಿ ಕೋ.ಚೆನ್ನಬಸಪ್ಪ ಅಧ್ಯಕ್ಷತೆ ವಹಿಸಿ ಮಾತನಾಡಿ, `ನಮ್ಮ ನಾಲಿಗೆಯಲ್ಲಿ ಕನ್ನಡ ಇರಬೇಕು. ಆಗ ಕನ್ನಡ ಉಳಿಯುತ್ತದೆ. ಕನ್ನಡ ಶಾಲೆಗಳನ್ನು ಉಳಿಸುವ ಕೆಲಸವನ್ನು ನಾವೆಲ್ಲ ಒಟ್ಟಾಗಿ ಮಾಡಬೇಕು' ಎಂದು ಕಿವಿಮಾತು ಹೇಳಿದರು.<br /> <br /> ಹಿರಿಯ ವಿಮರ್ಶಕ ಡಾ.ಸಿ.ಎನ್.ರಾಮಚಂದ್ರನ್, `ವಿಮರ್ಶಕನಿಗೆ ಸೂಕ್ಷ್ಮ ಸಂವೇದನೆ, ಪ್ರಾಮಾಣಿಕತೆ ಇರಬೇಕು. ಸತ್ಯಪೂರ್ಣ ತೀರ್ಮಾನಗಳು ಆತನಿಂದ ಬರಬೇಕು. ಆದರೆ, ಸತ್ಯಪೂರ್ಣ ವಿಮರ್ಶೆ ವ್ಯಕ್ತಿಗೆ ಮಾಡಲು ಸಾಧ್ಯವೇ ಎಂಬ ಸಂಶಯ ಕಾಡುತ್ತಿದೆ. ಗ್ರಹಿಕೆ ಸದಾ ಅಪರಿಪೂರ್ಣ ಆಗಿರುತ್ತದೆ' ಎಂದರು.<br /> <br /> ಹಿರಿಯ ಸಾಹಿತಿ ಡಾ.ಚಂದ್ರಶೇಖರ ಕಂಬಾರ, `ಭಾರತೀಯ ಸಾಹಿತ್ಯ ಕಥನ ಪ್ರಕಾರ. ಕಥನದಿಂದ ರಸಾನುಭೂತಿ ಸಾಧ್ಯ. ಮಾಸ್ತಿ ಅವರು ಕಥನ ಸಾಹಿತ್ಯದ ದೊಡ್ಡ ಶಕ್ತಿ. ಕನ್ನಡದ ದೊಡ್ಡ ಆಸ್ತಿ' ಎಂದರು.<br /> <br /> ವಿಮರ್ಶಕ ಎಸ್.ಆರ್.ವಿಜಯಶಂಕರ ಅಭಿನಂದನಾ ಭಾಷಣ ಮಾಡಿ, `ಸಾರಾ ಅಬೂಬಕ್ಕರ್ ಮಾನವೀಯ ಅನುಕಂಪದ ಲೇಖಕಿ. ಸಿದ್ದರಾಮಯ್ಯ ನೆಲಮೂಲದ ಕವಿ. ರಾಮಚಂದ್ರನ್ ಮಂಡನೆಯ ಕ್ರಮದ ಮೂಲಕ ಸತ್ಯಶೋಧನೆಯಲ್ಲಿ ತೊಡಗುವ ನಮ್ಮ ನಡುವಿನ ದೊಡ್ಡ ವಿಮರ್ಶಕ' ಎಂದರು. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಆಯುಕ್ತ ಕೆ.ಆರ್.ರಾಮಕೃಷ್ಣ ಕಥಾ ಪುರಸ್ಕಾರ ಪ್ರದಾನ ಮಾಡಿದರು.</p>.<p><strong>ಮಾಸ್ತಿ ಪ್ರಶಸ್ತಿ ಪುರಸ್ಕೃತರು</strong><br /> -ಡಾ.ಸಿ.ಎನ್.ರಾಮಚಂದ್ರನ್<br /> -ಸಾರಾ ಅಬೂಬಕ್ಕರ್<br /> -ಪ್ರೊ.ಎಸ್.ಜಿ.ಸಿದ್ದರಾಮಯ್ಯ.</p>.<p><strong>ಕಥಾ ಪುರಸ್ಕಾರ ಪುರಸ್ಕೃತರು</strong><br /> -ಸಿ.ಎನ್.ರಾಮಚಂದ್ರ (ಸುಮುಖ ಪ್ರಕಾಶನ, ಬೆಂಗಳೂರು)<br /> -ಅನುಪಮಾ ಪ್ರಸಾದ್ (ಪಲ್ಲವ ಪ್ರಕಾಶನ, ಬಳ್ಳಾರಿ)<br /> -ಡಾ.ಚಿಂತಾಮಣಿ ಕೊಡ್ಲೆಕೆರೆ (ಅಂಕಿತ ಪುಸ್ತಕ, ಬೆಂಗಳೂರು)</p>.<p><strong>ಮಾಸ್ತಿ ಭವನಕ್ಕೆ ಜಾಗ</strong><br /> `ನಗರದ ಜ್ಞಾನಗಂಗೋತ್ರಿಯ ಬಳಿ ಉಳ್ಳಾಲ ಮುಖ್ಯ ರಸ್ತೆಯಲ್ಲಿ ಮಾಸ್ತಿ ಭವನ ನಿರ್ಮಾಣಕ್ಕೆ ಬಿಡಿಎಯಿಂದ ಜಾಗ ದೊರಕಿದೆ' ಎಂದು ಮಾಸ್ತಿ ಟ್ರಸ್ಟ್ ಅಧ್ಯಕ್ಷ ಮಾವಿನಕೆರೆ ರಂಗನಾಥನ್ ತಿಳಿಸಿದರು.<br /> <br /> ಸಮಾರಂಭದಲ್ಲಿ ಮಾತನಾಡಿದ ಅವರು, ಮಾಸ್ತಿ ಭವನದಲ್ಲಿ 300-400 ಮಂದಿ ಕುಳಿತುಕೊಳ್ಳಬಹುದಾದ ಸಭಾಂಗಣ, ಗ್ರಂಥಾಲಯ, ಮಾಸ್ತಿ ಪ್ರತಿಮೆ ಸ್ಥಾಪನೆ ಮಾಡಲಾಗುವುದು. ಇದಕ್ಕೆ ಸರ್ಕಾರ ಹಾಗೂ ಜನರ ಸಹಕಾರ ಅಗತ್ಯ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> `ವಿದೇಶಿಯರು ನಮ್ಮನ್ನು ಆಳುತ್ತಿದ್ದಾಗ ಕನ್ನಡ ಭಾಷೆಗೆ ತೊಂದರೆ ಇರಲಿಲ್ಲ. ಅವರು ಯಾವ ಭಾಷೆಯನ್ನೂ ಕೊಲ್ಲಲಿಲ್ಲ. ನಮ್ಮವರೇ ಆಳುತ್ತಿರುವಾಗ ಕನ್ನಡ ಭಾಷೆಗೆ ತೊಂದರೆ ಎದುರಾಗಿದೆ' ಎಂದು ಹಿರಿಯ ಸಾಹಿತಿ ಸಾರಾ ಅಬೂಬಕ್ಕರ್ ಆಕ್ರೋಶ ವ್ಯಕ್ತಪಡಿಸಿದರು.<br /> <br /> ಮಾಸ್ತಿ ವೆಂಕಟೇಶ ಅಯ್ಯಂಗಾರ್ ಪ್ರಶಸ್ತಿ ಸಮಿತಿ ಹಾಗೂ ಕೋಲಾರದ ಡಾ.ಮಾಸ್ತಿ ಟ್ರಸ್ಟ್ ಆಶ್ರಯದಲ್ಲಿ ನಗರದಲ್ಲಿ ಭಾನುವಾರ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ `ಮಾಸ್ತಿ ಪ್ರಶಸ್ತಿ' ಸ್ವೀಕರಿಸಿ ಅವರು ಮಾತನಾಡಿದರು.<br /> <br /> `ಈ ಹಿಂದೆ ದಕ್ಷಿಣ ಕನ್ನಡ ಜಿಲ್ಲೆಯ ಗಡಿ ನೀಲೇಶ್ವರದ ಆಚೆಗೂ ಇತ್ತು. ಈಗ ದ.ಕ. ಜಿಲ್ಲೆ ಕಿರಿದಾಗಿದೆ. ಕಾಸರಗೋಡಿನಲ್ಲಿ ಮಲಯಾಳಂ ಭಾಷೆ ಕಡ್ಡಾಯ ಮಾಡಲಾಗಿದೆ. ಕನ್ನಡ ಪ್ರದೇಶವನ್ನು ನಮ್ಮವರು ಕೇರಳಕ್ಕೆ ಬಿಟ್ಟುಕೊಟ್ಟಿದ್ದಾರೆ' ಎಂದು ಕಿಡಿಕಾರಿದರು.<br /> <br /> `ರಾಜ್ಯದಲ್ಲಿ ಪ್ರಾಥಮಿಕ ಶಿಕ್ಷಣ ಗುಣಮಟ್ಟ ಕಳೆದುಕೊಂಡಿದೆ. ಶಾಲೆಗಳಲ್ಲಿ ಸರಿಯಾದ ಶಿಕ್ಷಕರು ಇಲ್ಲ. ಸರ್ಕಾರ ಶಾಲಾ ಗ್ರಂಥಾಲಯಗಳಿಗೆ ಅಪಾರ ಅನುದಾನ ನೀಡುತ್ತಿದೆ. ಆದರೆ, ಗ್ರಂಥಾಲಯಗಳಲ್ಲಿ ಅಡುಗೆ, ಮದರಂಗಿ ಪುಸ್ತಕಗಳೇ ಇವೆ. ಶಾಲೆಗಳಲ್ಲಿ ಮಕ್ಕಳಿಗೆ ಕಥೆ ಓದಿಸುತ್ತಿಲ್ಲ' ಎಂದು ಅವರು ಬೇಸರ ವ್ಯಕ್ತಪಡಿಸಿದರು.<br /> <br /> ಹಿರಿಯ ಸಾಹಿತಿ ಕೋ.ಚೆನ್ನಬಸಪ್ಪ ಅಧ್ಯಕ್ಷತೆ ವಹಿಸಿ ಮಾತನಾಡಿ, `ನಮ್ಮ ನಾಲಿಗೆಯಲ್ಲಿ ಕನ್ನಡ ಇರಬೇಕು. ಆಗ ಕನ್ನಡ ಉಳಿಯುತ್ತದೆ. ಕನ್ನಡ ಶಾಲೆಗಳನ್ನು ಉಳಿಸುವ ಕೆಲಸವನ್ನು ನಾವೆಲ್ಲ ಒಟ್ಟಾಗಿ ಮಾಡಬೇಕು' ಎಂದು ಕಿವಿಮಾತು ಹೇಳಿದರು.<br /> <br /> ಹಿರಿಯ ವಿಮರ್ಶಕ ಡಾ.ಸಿ.ಎನ್.ರಾಮಚಂದ್ರನ್, `ವಿಮರ್ಶಕನಿಗೆ ಸೂಕ್ಷ್ಮ ಸಂವೇದನೆ, ಪ್ರಾಮಾಣಿಕತೆ ಇರಬೇಕು. ಸತ್ಯಪೂರ್ಣ ತೀರ್ಮಾನಗಳು ಆತನಿಂದ ಬರಬೇಕು. ಆದರೆ, ಸತ್ಯಪೂರ್ಣ ವಿಮರ್ಶೆ ವ್ಯಕ್ತಿಗೆ ಮಾಡಲು ಸಾಧ್ಯವೇ ಎಂಬ ಸಂಶಯ ಕಾಡುತ್ತಿದೆ. ಗ್ರಹಿಕೆ ಸದಾ ಅಪರಿಪೂರ್ಣ ಆಗಿರುತ್ತದೆ' ಎಂದರು.<br /> <br /> ಹಿರಿಯ ಸಾಹಿತಿ ಡಾ.ಚಂದ್ರಶೇಖರ ಕಂಬಾರ, `ಭಾರತೀಯ ಸಾಹಿತ್ಯ ಕಥನ ಪ್ರಕಾರ. ಕಥನದಿಂದ ರಸಾನುಭೂತಿ ಸಾಧ್ಯ. ಮಾಸ್ತಿ ಅವರು ಕಥನ ಸಾಹಿತ್ಯದ ದೊಡ್ಡ ಶಕ್ತಿ. ಕನ್ನಡದ ದೊಡ್ಡ ಆಸ್ತಿ' ಎಂದರು.<br /> <br /> ವಿಮರ್ಶಕ ಎಸ್.ಆರ್.ವಿಜಯಶಂಕರ ಅಭಿನಂದನಾ ಭಾಷಣ ಮಾಡಿ, `ಸಾರಾ ಅಬೂಬಕ್ಕರ್ ಮಾನವೀಯ ಅನುಕಂಪದ ಲೇಖಕಿ. ಸಿದ್ದರಾಮಯ್ಯ ನೆಲಮೂಲದ ಕವಿ. ರಾಮಚಂದ್ರನ್ ಮಂಡನೆಯ ಕ್ರಮದ ಮೂಲಕ ಸತ್ಯಶೋಧನೆಯಲ್ಲಿ ತೊಡಗುವ ನಮ್ಮ ನಡುವಿನ ದೊಡ್ಡ ವಿಮರ್ಶಕ' ಎಂದರು. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಆಯುಕ್ತ ಕೆ.ಆರ್.ರಾಮಕೃಷ್ಣ ಕಥಾ ಪುರಸ್ಕಾರ ಪ್ರದಾನ ಮಾಡಿದರು.</p>.<p><strong>ಮಾಸ್ತಿ ಪ್ರಶಸ್ತಿ ಪುರಸ್ಕೃತರು</strong><br /> -ಡಾ.ಸಿ.ಎನ್.ರಾಮಚಂದ್ರನ್<br /> -ಸಾರಾ ಅಬೂಬಕ್ಕರ್<br /> -ಪ್ರೊ.ಎಸ್.ಜಿ.ಸಿದ್ದರಾಮಯ್ಯ.</p>.<p><strong>ಕಥಾ ಪುರಸ್ಕಾರ ಪುರಸ್ಕೃತರು</strong><br /> -ಸಿ.ಎನ್.ರಾಮಚಂದ್ರ (ಸುಮುಖ ಪ್ರಕಾಶನ, ಬೆಂಗಳೂರು)<br /> -ಅನುಪಮಾ ಪ್ರಸಾದ್ (ಪಲ್ಲವ ಪ್ರಕಾಶನ, ಬಳ್ಳಾರಿ)<br /> -ಡಾ.ಚಿಂತಾಮಣಿ ಕೊಡ್ಲೆಕೆರೆ (ಅಂಕಿತ ಪುಸ್ತಕ, ಬೆಂಗಳೂರು)</p>.<p><strong>ಮಾಸ್ತಿ ಭವನಕ್ಕೆ ಜಾಗ</strong><br /> `ನಗರದ ಜ್ಞಾನಗಂಗೋತ್ರಿಯ ಬಳಿ ಉಳ್ಳಾಲ ಮುಖ್ಯ ರಸ್ತೆಯಲ್ಲಿ ಮಾಸ್ತಿ ಭವನ ನಿರ್ಮಾಣಕ್ಕೆ ಬಿಡಿಎಯಿಂದ ಜಾಗ ದೊರಕಿದೆ' ಎಂದು ಮಾಸ್ತಿ ಟ್ರಸ್ಟ್ ಅಧ್ಯಕ್ಷ ಮಾವಿನಕೆರೆ ರಂಗನಾಥನ್ ತಿಳಿಸಿದರು.<br /> <br /> ಸಮಾರಂಭದಲ್ಲಿ ಮಾತನಾಡಿದ ಅವರು, ಮಾಸ್ತಿ ಭವನದಲ್ಲಿ 300-400 ಮಂದಿ ಕುಳಿತುಕೊಳ್ಳಬಹುದಾದ ಸಭಾಂಗಣ, ಗ್ರಂಥಾಲಯ, ಮಾಸ್ತಿ ಪ್ರತಿಮೆ ಸ್ಥಾಪನೆ ಮಾಡಲಾಗುವುದು. ಇದಕ್ಕೆ ಸರ್ಕಾರ ಹಾಗೂ ಜನರ ಸಹಕಾರ ಅಗತ್ಯ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
