<p><strong>ಶ್ರವಣ ಬೆಳಗೊಳ: </strong> ಇಲ್ಲಿ ನಡೆಯುತ್ತಿರುವ ಅಖಿಲ ಭಾರತ 81ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ನಾಲ್ವಡಿ ಕೃಷ್ಣರಾಜ ಒಡೆಯರ್ ವೇದಿಕೆಯಲ್ಲಿ ಭಾನುವಾರ ಕವಿ ಸಿದ್ದಲಿಂಗಯ್ಯ ಅವರ ಗೀತೆಗಳು ಗಾಯಕ ಪಿಚ್ಚಳ್ಳಿ ಶ್ರೀನಿವಾಸ್ ಅವರ ಕಂಠಸಿರಿಯಲ್ಲಿ ಮಾರ್ದನಿಸಿದವು.<br /> <br /> ಕೇವಲ ದಲಿತ ಬಂಡಾಯದ ಗೀತೆಗಳೇ ಅಲ್ಲದೇ, ರಾಜಕೀಯ ಪ್ರೇಮಗೀತೆ, ಸಿನಿಮಾಗಾಗಿ ಬರೆದ ಪ್ರಣಯ ಗೀತೆಗಳೂ ಇದರಲ್ಲಿ ಸೇರಿ ಸಭಿಕರಿಗೆ ಭರಪೂರ ಮನರಂಜನೆ ನೀಡಿದವು.<br /> <br /> ಈ ಹಾಡುಗಳು ಕೇವಲ ಮನರಂಜನೆಗಾಗಿ ಅಲ್ಲ ಮನಸ್ಸಿನ ಆಲೋಚನೆಗಾಗಿ ಎಂದು ಹೇಳುವ ಮೂಲಕ ಪಿಚ್ಚಳ್ಳಿ ಅವರು, ಗಾಯನದ ಮುಖ್ಯ ಉದ್ದೇಶವನ್ನು ತಿಳಿಸಿದರು.<br /> <br /> ನಾಡ ನಡುವಿನಿಂದ ಸಿಡಿದ ನೋವಿನ ಕೂಗೇ... ಹಾಡಿನ ಗುಂಗು ಕೇಳುಗರನ್ನು ತನ್ಮಯಗೊಳಿಸಿತು. ಕೋಟಿ ಕೋಟಿ ಕಪ್ಪು ಜನರ ಮೊಟ್ಟಮೊದಲ ಮಾತೇ... ಎಂಬ ಚರಣವನ್ನು ಏರುಸ್ವರದಲ್ಲಿ ಹಾಡಿದ್ದು ಸಭಾಂಗಣದ ತುಂಬೆಲ್ಲಾ ಪ್ರತಿಧ್ವನಿಸಿತು.<br /> ಬೆಳೆಯ ಕಾಣದೋದವನೇ ಎಂಬ ಸಾಲು ವಿಷಾದ ಮೂಡಿಸಿದರೆ ಮರುಕ್ಷಣವೇ ಹಾಡಿದ ಮಲಗಿದವರ ಕೂರಿಸಿದೇ ನಿಲ್ಲಿಸುವವರು ಯಾರು ಎಂಬ ಸಾಲುಗಳು ಚಿಂತನೆಗೆಡೆ ಮಾಡಿದವು.<br /> <br /> ದಲಿತ ಬಂಡಾಯದ ಚಳವಳಿಯ ಸಮಯದಲ್ಲಿ ಮಾತ್ರವಲ್ಲ ಈಗಲೂ ಬಂಡಾಯ ಚಳವಳಿಗಳಲ್ಲಿ ಮುಖವಾಣಿಯಾಗಿರುವ ‘ನನ್ನ ಜನಗಳು' ಪದ್ಯವಂತೂ ಒಂದು ರೀತಿಯ ಸಂಚಲನಕ್ಕೆಡೆ ಮಾಡಿತು.<br /> <br /> ಹಸಿವಿನಿಂದ ಸತ್ತೋರು ಸೈಜುಗಲ್ಲು ಹೊತ್ತೋರು... ಎಂಬ ಸಾಲುಗಳು ಕೇಳುಗರನ್ನು ಸೂಜಿಗಲ್ಲಿನಂತೆ ಸೆಳೆಯಿತು.<br /> ಡಿ.ವೈ. ರಾಘವ್ ಅವರ ಕಂಚಿನ ಕಂಠದಲ್ಲಿ ಮೂಡಿ ಬಂದ ‘ನೆನ್ನೆ ದಿನ ನನ್ನ ಜನ...' ಹಾಡಂತೂ ಕೇಳುಗರನ್ನು ವಿಸ್ಮಿತಗೊಳಿಸಿತು. ‘ದಿಕ್ಕಾರ ದಿಕ್ಕಾರ' ಎಂಬ ಘೋಷವಾಕ್ಯಗಳಂತೂ ಎಲ್ಲೆಡೆಯಿಂದಲೂ ಮೂಡಿಬಂತು.<br /> <br /> ಇದಲ್ಲದೇ ಒಂದು ಕಾಲದಲ್ಲಿ ರಾಜಕೀಯ ಪ್ರೇಮಗೀತೆ ಎಂದೇ ಹೆಸರಾದ ‘ಉತ್ತರ ದಿಕ್ಕಿಗೆ ರಾಣಿಯೊಬ್ಬಳು ಇದ್ದಳು...’ ಗುಡಿಸಲಿನಲ್ಲಿ ಅರಳುವ ಗುಲಾಬಿ ನಕ್ಷತ್ರ ನನ್ನ ಕವನ'ಗಳು ಗಮನ ಸೆಳೆಯಿತು.<br /> <br /> ಧರಣಿ ಮಂಡಳ ಮಧ್ಯದೊಳಗೆ ಸಿನಿಮಾಕ್ಕೆ ಬರೆದ ಗೆಳತಿ ಓ ಗೆಳತಿ ಅಪ್ಪಿಕೋ ಎನ್ನ ಅಪ್ಪಿಕೋ ಬಾಳೆಲ್ಲಾ ಎನ್ನ ತಬ್ಬಿಕೋ ಎಂಬ ಗೀತೆಯಂತೂ ಕೇಳುಗರನ್ನು ಮೋಡಿ ಮಾಡಿತು. ಇದು ಪ್ರೇಕ್ಷಕರ ಶಿಳ್ಳೆ, ಚಪ್ಪಾಳೆಗಳಿಗೂ ಕಾರಣವಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶ್ರವಣ ಬೆಳಗೊಳ: </strong> ಇಲ್ಲಿ ನಡೆಯುತ್ತಿರುವ ಅಖಿಲ ಭಾರತ 81ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ನಾಲ್ವಡಿ ಕೃಷ್ಣರಾಜ ಒಡೆಯರ್ ವೇದಿಕೆಯಲ್ಲಿ ಭಾನುವಾರ ಕವಿ ಸಿದ್ದಲಿಂಗಯ್ಯ ಅವರ ಗೀತೆಗಳು ಗಾಯಕ ಪಿಚ್ಚಳ್ಳಿ ಶ್ರೀನಿವಾಸ್ ಅವರ ಕಂಠಸಿರಿಯಲ್ಲಿ ಮಾರ್ದನಿಸಿದವು.<br /> <br /> ಕೇವಲ ದಲಿತ ಬಂಡಾಯದ ಗೀತೆಗಳೇ ಅಲ್ಲದೇ, ರಾಜಕೀಯ ಪ್ರೇಮಗೀತೆ, ಸಿನಿಮಾಗಾಗಿ ಬರೆದ ಪ್ರಣಯ ಗೀತೆಗಳೂ ಇದರಲ್ಲಿ ಸೇರಿ ಸಭಿಕರಿಗೆ ಭರಪೂರ ಮನರಂಜನೆ ನೀಡಿದವು.<br /> <br /> ಈ ಹಾಡುಗಳು ಕೇವಲ ಮನರಂಜನೆಗಾಗಿ ಅಲ್ಲ ಮನಸ್ಸಿನ ಆಲೋಚನೆಗಾಗಿ ಎಂದು ಹೇಳುವ ಮೂಲಕ ಪಿಚ್ಚಳ್ಳಿ ಅವರು, ಗಾಯನದ ಮುಖ್ಯ ಉದ್ದೇಶವನ್ನು ತಿಳಿಸಿದರು.<br /> <br /> ನಾಡ ನಡುವಿನಿಂದ ಸಿಡಿದ ನೋವಿನ ಕೂಗೇ... ಹಾಡಿನ ಗುಂಗು ಕೇಳುಗರನ್ನು ತನ್ಮಯಗೊಳಿಸಿತು. ಕೋಟಿ ಕೋಟಿ ಕಪ್ಪು ಜನರ ಮೊಟ್ಟಮೊದಲ ಮಾತೇ... ಎಂಬ ಚರಣವನ್ನು ಏರುಸ್ವರದಲ್ಲಿ ಹಾಡಿದ್ದು ಸಭಾಂಗಣದ ತುಂಬೆಲ್ಲಾ ಪ್ರತಿಧ್ವನಿಸಿತು.<br /> ಬೆಳೆಯ ಕಾಣದೋದವನೇ ಎಂಬ ಸಾಲು ವಿಷಾದ ಮೂಡಿಸಿದರೆ ಮರುಕ್ಷಣವೇ ಹಾಡಿದ ಮಲಗಿದವರ ಕೂರಿಸಿದೇ ನಿಲ್ಲಿಸುವವರು ಯಾರು ಎಂಬ ಸಾಲುಗಳು ಚಿಂತನೆಗೆಡೆ ಮಾಡಿದವು.<br /> <br /> ದಲಿತ ಬಂಡಾಯದ ಚಳವಳಿಯ ಸಮಯದಲ್ಲಿ ಮಾತ್ರವಲ್ಲ ಈಗಲೂ ಬಂಡಾಯ ಚಳವಳಿಗಳಲ್ಲಿ ಮುಖವಾಣಿಯಾಗಿರುವ ‘ನನ್ನ ಜನಗಳು' ಪದ್ಯವಂತೂ ಒಂದು ರೀತಿಯ ಸಂಚಲನಕ್ಕೆಡೆ ಮಾಡಿತು.<br /> <br /> ಹಸಿವಿನಿಂದ ಸತ್ತೋರು ಸೈಜುಗಲ್ಲು ಹೊತ್ತೋರು... ಎಂಬ ಸಾಲುಗಳು ಕೇಳುಗರನ್ನು ಸೂಜಿಗಲ್ಲಿನಂತೆ ಸೆಳೆಯಿತು.<br /> ಡಿ.ವೈ. ರಾಘವ್ ಅವರ ಕಂಚಿನ ಕಂಠದಲ್ಲಿ ಮೂಡಿ ಬಂದ ‘ನೆನ್ನೆ ದಿನ ನನ್ನ ಜನ...' ಹಾಡಂತೂ ಕೇಳುಗರನ್ನು ವಿಸ್ಮಿತಗೊಳಿಸಿತು. ‘ದಿಕ್ಕಾರ ದಿಕ್ಕಾರ' ಎಂಬ ಘೋಷವಾಕ್ಯಗಳಂತೂ ಎಲ್ಲೆಡೆಯಿಂದಲೂ ಮೂಡಿಬಂತು.<br /> <br /> ಇದಲ್ಲದೇ ಒಂದು ಕಾಲದಲ್ಲಿ ರಾಜಕೀಯ ಪ್ರೇಮಗೀತೆ ಎಂದೇ ಹೆಸರಾದ ‘ಉತ್ತರ ದಿಕ್ಕಿಗೆ ರಾಣಿಯೊಬ್ಬಳು ಇದ್ದಳು...’ ಗುಡಿಸಲಿನಲ್ಲಿ ಅರಳುವ ಗುಲಾಬಿ ನಕ್ಷತ್ರ ನನ್ನ ಕವನ'ಗಳು ಗಮನ ಸೆಳೆಯಿತು.<br /> <br /> ಧರಣಿ ಮಂಡಳ ಮಧ್ಯದೊಳಗೆ ಸಿನಿಮಾಕ್ಕೆ ಬರೆದ ಗೆಳತಿ ಓ ಗೆಳತಿ ಅಪ್ಪಿಕೋ ಎನ್ನ ಅಪ್ಪಿಕೋ ಬಾಳೆಲ್ಲಾ ಎನ್ನ ತಬ್ಬಿಕೋ ಎಂಬ ಗೀತೆಯಂತೂ ಕೇಳುಗರನ್ನು ಮೋಡಿ ಮಾಡಿತು. ಇದು ಪ್ರೇಕ್ಷಕರ ಶಿಳ್ಳೆ, ಚಪ್ಪಾಳೆಗಳಿಗೂ ಕಾರಣವಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
