‘ಸಿಡಿಲು ಮುನ್ಸೂಚನೆ’ಗೆ ಉಪಕರಣ

ಬೆಂಗಳೂರು: ಸಿಡಿಲಿನಿಂದ ಜನರು ಹಾಗೂ ಜಾನುವಾರುಗಳು ಸಾಯುವುದನ್ನು ತಡೆಯಲು ರಾಜ್ಯದ 10 ಕಡೆ ‘ಸಿಡಿಲು ಮುನ್ಸೂಚನೆ’ ಉಪಕರಣಗಳನ್ನು ಅಳವಡಿಸಲು ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರ (ಕೆಎಸ್ಎನ್ಡಿಎಂಸಿ) ಸಿದ್ಧತೆ ನಡೆಸಿದೆ.

. ರಾಜ್ಯದಲ್ಲಿ ಈ ವರ್ಷ ಮುಂಗಾರು ಪೂರ್ವ ಉತ್ತಮ ಮಳೆಯಾಗಿದೆ. ಅದರೊಂದಿಗೆ ಸಿಡಿಲು, ಗುಡುಗಿನ ಆರ್ಭಟವೂ ಜೋರಾಗಿದೆ. ಇದರಿಂದ ಎರಡು ತಿಂಗಳಲ್ಲೇ ಸಿಡಿಲಿಗೆ 30 ಮಂದಿ ಬಲಿಯಾಗಿದ್ದಾರೆ. ಇದನ್ನು ತಪ್ಪಿಸಲು ಕೆಎಸ್ಎನ್ಡಿಎಂಸಿ ಈ ಕ್ರಮಕ್ಕೆ ಮುಂದಾಗಿದೆ.

. ‘ಸಿಡಿಲನ್ನು ತಡೆಯಲು ಆಗುವುದಿಲ್ಲ. ಆದರೆ, ಅದರ ಮುನ್ಸೂಚನೆ ಸಿಕ್ಕಿದರೆ ಅನೇಕರ ಪ್ರಾಣ ಉಳಿಸಬಹುದು. ಸಿಡಿಲು ಬರುವ ಅರ್ಧಗಂಟೆಗೂ ಮುನ್ನ ಈ ಸಾಧನ ಮಾಹಿತಿ ನೀಡುತ್ತದೆ’ ಎಂದು ಕೇಂದ್ರ ನಿರ್ದೇಶಕ ಡಾ. ಶ್ರೀನಿವಾಸ ರೆಡ್ಡಿ ತಿಳಿಸಿದರು.

. ‘ಸಿಡಿಲಿನಿಂದ ಸತ್ತವರ ಸಂಖ್ಯೆ ಹೆಚ್ಚು ಇರುವಲ್ಲಿ ಈ ಉಪಕರಣ ಅಳವಡಿಸುತ್ತೇವೆ. ಇದನ್ನು ಪ್ರತ್ಯೇಕವಾಗಿ ಅಳವಡಿಸುವ ಅಗತ್ಯವಿಲ್ಲ. ಈಗಿರುವ ಹವಾಮಾನ ಮುನ್ಸೂಚನೆ ಸಾಧನದೊ ಂದಿಗೆ ಜೋಡಿಸಿದರೆ ಸಾಕು. ಮಳೆ ಮೋಡ ಸಾಗುವಾಗ ಅದು ಮಾಹಿತಿ ರವಾನಿಸುತ್ತದೆ’ ಎಂದು ವಿವರಿಸಿದರು.

. ‘ಅರ್ಥ್ ನೆಟ್ವರ್ಕ್ಸ್ ಎಂಬ ವಿದೇಶಿ ಕಂಪೆನಿ ಜೊತೆ ಈ ಬಗ್ಗೆ ಮಾತುಕತೆ ನಡೆದಿದೆ. ಆಂಧ್ರಪ್ರದೇಶ ಸರ್ಕಾರವು ಈಗಾಗಲೇ ಈ ಕಂಪೆನಿ ಜೊತೆ ಒಪ್ಪಂದ ಮಾಡಿಕೊಂಡಿದೆ. ಸಿಡಿಲಿನ ಮಾಹಿತಿ ನೀಡಲು ವರ್ಷಕ್ಕೆ ₹45 ಲಕ್ಷ ನೀಡಬೇಕು ಎಂದು ಕಂಪೆನಿ ಬೇಡಿಕೆ ಇಟ್ಟಿದೆ’ ‘ಉಪಕರಣದ ನಿರ್ವಹಣೆಯನ್ನು ಕಂಪೆನಿಯೇ ನೋಡಿಕೊಳ್ಳುತ್ತದೆ. ಅವರು ನೀಡುವ ಸಿಡಿಲಿನ ಮುನ್ಸೂಚನೆಯನ್ನು ಜನರಿಗೆ ತಲುಪಿಸುವುದಷ್ಟೇ ನಮ್ಮ ಕೆಲಸ. ಈ ಮಾಹಿತಿಯನ್ನು ಜನರಿಗೆ ತ್ವರಿತ ಗತಿಯಲ್ಲಿ ತಲುಪಿಸುವುದು ಸವಾಲಿನ ವಿಷಯ’ ಎಂದು ಹೇಳಿದರು.

. ‘ಜನರಿಗೆ ಮಾಹಿತಿ ನೀಡಲು ಆ್ಯಪ್ ಅಭಿವೃದ್ಧಿಪಡಿಸುವ ಚಿಂತನೆ ಇದೆ. ಜೊತೆಗೆ, ಇತರ ಸಾಧ್ಯತೆಗಳ ಬಗ್ಗೆಯೂ ಚರ್ಚಿಸುತ್ತಿದ್ದೇವೆ’ ಎಂದರು.

. ‘ಅರ್ಥ್ ನೆಟ್ವರ್ಕ್ಸ್ನ ಯಾವುದೇ ಘಟಕಗಳು ದೇಶದಲ್ಲಿ ಇಲ್ಲ. ಏನಾದರೂ ವ್ಯತ್ಯಯ ಕಂಡುಬಂದರೆ ಅವರನ್ನು ಸಂಪರ್ಕಿಸಲು ಕಷ್ಟವಾಗುತ್ತದೆ. ಹಾಗಾಗಿ ಈ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿರುವ ದೇಸಿ ಕಂಪೆನಿಗಾಗಿಯೂ ಹುಡುಕಾಟ ನಡೆಸುತ್ತಿದ್ದೇವೆ’ ಎಂದು ಹೇಳಿದರು.

. ‘ಆಂಧ್ರದಲ್ಲಿ ಈ ಯೋಜನೆಗೆ ಸರ್ಕಾರವೇ ಹಣ ನೀಡಿದೆ. ಆದರೆ, ಇಲ್ಲಿ ನಮ್ಮ ಕೇಂದ್ರದ ವತಿಯಿಂದ ಈ ಸಾಧನ ಅಳವಡಿಸುವ ಚಿಂತನೆ ಇದೆ’ ಎಂದು ತಿಳಿಸಿದರು.

. ‘ಈ ಉಪಕರಣದಿಂದ ಸಿಡಿಲಿನ ಮಾಹಿತಿಯಲ್ಲದೆ ಭಾರಿ ಮಳೆ, ಗಾಳಿಯ ಮುನ್ಸೂಚನೆಯೂ ಸಿಗುತ್ತದೆ. ಸಿಡಿಲು ಅಪ್ಪಳಿಸುವ ಪ್ರದೇಶ, ತೀವ್ರತೆ ಬಗ್ಗೆಯೂ ಇದರಿಂದ ತಿಳಿಯಬಹುದು’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಸಿಡಿಲು ಮುನ್ಸೂಚನೆ’ಗೆ ಉಪಕರಣ

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ