ಸಿನ್ಸಿನಾಟಿ ವಿವಿ ಆವರಣದ ಹತ್ತಿರ ಗುಂಡಿನ ದಾಳಿ: ಮೂವರು ಸಾವು

ಸಿನ್ಸಿನಾಟಿ ವಿವಿಯ ಸುಮಾರು ಒಂದು ಕಿ.ಮೀ ದೂರದ ರಸ್ತೆಯಲ್ಲಿ ಹಲವು ಬಾರಿ ಗುಂಡಿನ ಸದ್ದು ಕೇಳಿದ್ದು, ಐವರು ವ್ಯಕ್ತಿಗಳ ಮೇಲೆ ದಾಳಿ ನಡೆದಿದೆ. ಈ ಪೈಕಿ ಒಬ್ಬ ಗಾಯಾಳು ತಾನೇ ಆಸ್ಪತ್ರೆಗೆ ಹೋಗಿ ದಾಖಲಾಗಿದ್ದಾನೆ. ಮತ್ತೊಬ್ಬ ಗಾಯಾಳುವನ್ನು ಪೊಲೀಸರೇ ಆಸ್ಪತ್ರೆಗೆ ದಾಖಲಿಸಿದ್ದಾರೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ. 

ಬೆಳಗಿನ ಜಾವ 3 ಗಂಟೆಗೂ ಮೊದಲು ವಿ.ವಿ ಆವರಣದ ಸಮೀಪ ಗುಂಡಿನ ದಾಳಿ ನಡೆದಿದೆ. ಪೊಲೀಸರು ತ್ವರಿತವಾಗಿ ಬಂದು ಕಾರ್ಯಾಚರಣೆ ಕೈಗೊಂಡರು ಎಂದು ವಿಶ್ವವಿದ್ಯಾಲಯದ ಸಾರ್ವಜನಿಕ ಸುರಕ್ಷತಾ ಇಲಾಖೆಯು ‘ಎಕ್ಸ್’ ವೇದಿಕೆಯಲ್ಲಿ ತಿಳಿಸಿದೆ.