<p><strong>ಲಂಡನ್</strong>: ಸಮಾಜದ ಏಳ್ಗೆಗಾಗಿ ಅಗಾಧ ಕೊಡುಗೆ ನೀಡಿದ ಶಾಲೆಗಳನ್ನು ಗುರುತಿಸಿ ಪ್ರೋತ್ಸಾಹಿಸುವ ದೃಷ್ಟಿಯಿಂದ ಬ್ರಿಟನ್ನ ಟಿ–4 ಸಂಸ್ಥೆಯು ಪ್ರಕಟಿಸಿದ ಟಾಪ್–10ರ ಸುತ್ತಿಗೆ ‘ಭಾರತದ ಐದು ಸ್ಫೂರ್ತಿದಾಯಕ ಶಾಲೆ’ಗಳು ಆಯ್ಕೆಯಾಗಿವೆ.</p>.<p>ಮಧ್ಯಪ್ರದೇಶದ ಎರಡು ಶಾಲೆಗಳು, ದೆಹಲಿ, ಮಹಾರಾಷ್ಟ್ರ, ತಮಿಳುನಾಡಿನ ತಲಾ ಒಂದು ಶಾಲೆ ವಿವಿಧ ವಿಭಾಗಗಳಲ್ಲಿ ಕಳೆದ ವಾರ ಪ್ರಕಟಿಸಿದ್ದ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ. ಪ್ರಶಸ್ತಿಯ ಮೊತ್ತ 50 ಸಾವಿರ ಡಾಲರ್ (₹41,76,657) ಇದ್ದು, ಈ ಶಾಲೆಗಳು ಸಮಾನವಾಗಿ ಹಂಚಿಕೊಳ್ಳಲಿವೆ.</p>.<p>‘ಸಮುದಾಯದ ಸಹಭಾಗಿತ್ವ’, ‘ಪರಿಸರ ಕ್ರಿಯಾಯೋಜನೆ’, ‘ಸಂಶೋಧನೆ’, ‘ಪ್ರತಿಕೂಲ ಪರಿಸ್ಥಿತಿಯ ನಿವಾರಣೆ’, ‘ಆರೋಗ್ಯಯುತ ಜೀವನ ನಿರ್ವಹಣೆಗೆ ಪ್ರೋತ್ಸಾಹ’ ವಿಭಾಗಗಳಲ್ಲಿ ಅತ್ಯುತ್ತಮ ಶಾಲೆಗಳನ್ನು ಆಯ್ಕೆ ಮಾಡಲಾಗುತ್ತದೆ.</p>.<p>‘ಕೋವಿಡ್ ಬಳಿಕ ತರಗತಿಯಲ್ಲಿ ಮತ್ತು ಅದರಾಚೆಗಿನ ಜನರ ಜೀವನವನ್ನು ಬದಲಾಯಿಸುವ ಶಾಲೆಗಳಿಗೆ ವೇದಿಕೆಯನ್ನು ನೀಡಿ, ಪ್ರೋತ್ಸಾಹಿಸಲು ಟಿ–4 ಶಿಕ್ಷಣ ಸಂಸ್ಥೆಯು ಪ್ರಶಸ್ತಿ ನೀಡುತ್ತಿದೆ.</p>.<p>‘ಮಧ್ಯಪ್ರದೇಶದ ಜಬುವಾ ಜಿಲ್ಲೆಯ ಸಿ.ಎಂ.ರೈಸ್ ಶಾಲೆ, ದೆಹಲಿಯ ವಸಂತ್ಕುಂಜ್ನಲ್ಲಿರುವ ರಾಯನ್ ಇಂಟರ್ನ್ಯಾಷನಲ್ ಸ್ಕೂಲ್, ಮಹಾರಾಷ್ಟ್ರದ ರತ್ಲಾಂ ಜಿಲ್ಲೆಯ ವಿನೋಬಾ ಅಂಬೇಡ್ಕರ್ ನಗರದ ಜಿ.ಎಚ್.ಎಸ್.ಎಸ್, ತಮಿಳುನಾಡಿನ ಮಧುರೈನ ಕಲ್ವಿ ಇಂಟರ್ನ್ಯಾಷನಲ್ ಸ್ಕೂಲ್, ಮುಂಬೈ ಪಬ್ಲಿಕ್ ಸ್ಕೂಲ್ ಎಲ್.ಕೆ.ವಾಗ್ಜಿ ಇಂಟರ್ನ್ಯಾಷನಲ್’ ಶಾಲೆಗಳು ಪ್ರಶಸ್ತಿಗೆ ಆಯ್ಕೆಯಾಗಿವೆ.</p>.<p>ಈ ಶಾಲೆಗಳು ನಾವೀನ್ಯ ಸಂಶೋಧನೆಯಲ್ಲಿ ದೃಢ ಹೆಜ್ಜೆ ಇಟ್ಟಿದ್ದು, ಸಾಕಷ್ಟು ಜನರ ಜೀವನದಲ್ಲಿ ಬದಲಾವಣೆ ತಂದಿವೆ. ಕಲಿಕೆಗೆ ಉತ್ತಮ ವಾತಾವರಣ ರೂಪಿಸಿದ್ದು, ಸರ್ಕಾರಿ ಶಾಲೆಗಳು ಅತ್ಯುತ್ತಮ ಸಾಧನೆ ಮಾಡಿವೆ’ ಎಂದು ಟಿ–4 ಸಂಸ್ಥೆಯ ಸಂಸ್ಥಾಪಕ ವಿಕಾಶ್ ಪೋತಾ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್</strong>: ಸಮಾಜದ ಏಳ್ಗೆಗಾಗಿ ಅಗಾಧ ಕೊಡುಗೆ ನೀಡಿದ ಶಾಲೆಗಳನ್ನು ಗುರುತಿಸಿ ಪ್ರೋತ್ಸಾಹಿಸುವ ದೃಷ್ಟಿಯಿಂದ ಬ್ರಿಟನ್ನ ಟಿ–4 ಸಂಸ್ಥೆಯು ಪ್ರಕಟಿಸಿದ ಟಾಪ್–10ರ ಸುತ್ತಿಗೆ ‘ಭಾರತದ ಐದು ಸ್ಫೂರ್ತಿದಾಯಕ ಶಾಲೆ’ಗಳು ಆಯ್ಕೆಯಾಗಿವೆ.</p>.<p>ಮಧ್ಯಪ್ರದೇಶದ ಎರಡು ಶಾಲೆಗಳು, ದೆಹಲಿ, ಮಹಾರಾಷ್ಟ್ರ, ತಮಿಳುನಾಡಿನ ತಲಾ ಒಂದು ಶಾಲೆ ವಿವಿಧ ವಿಭಾಗಗಳಲ್ಲಿ ಕಳೆದ ವಾರ ಪ್ರಕಟಿಸಿದ್ದ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ. ಪ್ರಶಸ್ತಿಯ ಮೊತ್ತ 50 ಸಾವಿರ ಡಾಲರ್ (₹41,76,657) ಇದ್ದು, ಈ ಶಾಲೆಗಳು ಸಮಾನವಾಗಿ ಹಂಚಿಕೊಳ್ಳಲಿವೆ.</p>.<p>‘ಸಮುದಾಯದ ಸಹಭಾಗಿತ್ವ’, ‘ಪರಿಸರ ಕ್ರಿಯಾಯೋಜನೆ’, ‘ಸಂಶೋಧನೆ’, ‘ಪ್ರತಿಕೂಲ ಪರಿಸ್ಥಿತಿಯ ನಿವಾರಣೆ’, ‘ಆರೋಗ್ಯಯುತ ಜೀವನ ನಿರ್ವಹಣೆಗೆ ಪ್ರೋತ್ಸಾಹ’ ವಿಭಾಗಗಳಲ್ಲಿ ಅತ್ಯುತ್ತಮ ಶಾಲೆಗಳನ್ನು ಆಯ್ಕೆ ಮಾಡಲಾಗುತ್ತದೆ.</p>.<p>‘ಕೋವಿಡ್ ಬಳಿಕ ತರಗತಿಯಲ್ಲಿ ಮತ್ತು ಅದರಾಚೆಗಿನ ಜನರ ಜೀವನವನ್ನು ಬದಲಾಯಿಸುವ ಶಾಲೆಗಳಿಗೆ ವೇದಿಕೆಯನ್ನು ನೀಡಿ, ಪ್ರೋತ್ಸಾಹಿಸಲು ಟಿ–4 ಶಿಕ್ಷಣ ಸಂಸ್ಥೆಯು ಪ್ರಶಸ್ತಿ ನೀಡುತ್ತಿದೆ.</p>.<p>‘ಮಧ್ಯಪ್ರದೇಶದ ಜಬುವಾ ಜಿಲ್ಲೆಯ ಸಿ.ಎಂ.ರೈಸ್ ಶಾಲೆ, ದೆಹಲಿಯ ವಸಂತ್ಕುಂಜ್ನಲ್ಲಿರುವ ರಾಯನ್ ಇಂಟರ್ನ್ಯಾಷನಲ್ ಸ್ಕೂಲ್, ಮಹಾರಾಷ್ಟ್ರದ ರತ್ಲಾಂ ಜಿಲ್ಲೆಯ ವಿನೋಬಾ ಅಂಬೇಡ್ಕರ್ ನಗರದ ಜಿ.ಎಚ್.ಎಸ್.ಎಸ್, ತಮಿಳುನಾಡಿನ ಮಧುರೈನ ಕಲ್ವಿ ಇಂಟರ್ನ್ಯಾಷನಲ್ ಸ್ಕೂಲ್, ಮುಂಬೈ ಪಬ್ಲಿಕ್ ಸ್ಕೂಲ್ ಎಲ್.ಕೆ.ವಾಗ್ಜಿ ಇಂಟರ್ನ್ಯಾಷನಲ್’ ಶಾಲೆಗಳು ಪ್ರಶಸ್ತಿಗೆ ಆಯ್ಕೆಯಾಗಿವೆ.</p>.<p>ಈ ಶಾಲೆಗಳು ನಾವೀನ್ಯ ಸಂಶೋಧನೆಯಲ್ಲಿ ದೃಢ ಹೆಜ್ಜೆ ಇಟ್ಟಿದ್ದು, ಸಾಕಷ್ಟು ಜನರ ಜೀವನದಲ್ಲಿ ಬದಲಾವಣೆ ತಂದಿವೆ. ಕಲಿಕೆಗೆ ಉತ್ತಮ ವಾತಾವರಣ ರೂಪಿಸಿದ್ದು, ಸರ್ಕಾರಿ ಶಾಲೆಗಳು ಅತ್ಯುತ್ತಮ ಸಾಧನೆ ಮಾಡಿವೆ’ ಎಂದು ಟಿ–4 ಸಂಸ್ಥೆಯ ಸಂಸ್ಥಾಪಕ ವಿಕಾಶ್ ಪೋತಾ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
