ಇಸ್ರೇಲ್ | ಟೆಲ್ ಅವಿವ್ ಮೇಲೆ ವಾಯು ದಾಳಿ: ಒಬ್ಬರ ಸಾವು, ಕನಿಷ್ಠ 10 ಮಂದಿಗೆ ಗಾಯ

ಇಸ್ರೇಲಿ ವಾಯು ರಕ್ಷಣೆಯನ್ನು ಭೇದಿಸಿ ಹೇಗೆ ದಾಳಿ ನಡೆಯಿತು, ಇದಕ್ಕೆ ಇಸ್ರೇಲ್ ಪಡೆಗಳು ಹೇಗೆ ಪ್ರತಿಕ್ರಿಯಿಸಲಿದೆ ಎನ್ನುವುದು ಇನ್ನೂ ಸ್ಪಷ್ಟವಗಿಲ್ಲ.

‘ಇದೊಂದು ಡ್ರೋನ್ ದಾಳಿ’ ಎಂದು ಟೆಲ್ ಅವಿವ್‌ ಮೇಯರ್‌ ರಾನ್‌ ಹುಲ್ಡೈ ಎಕ್ಸ್‌ನಲ್ಲಿ ತಿಳಿಸಿದ್ದಾರೆ. ಆದರೆ ಯಾವ ರೀತಿಯ ದಾಳಿ ಎನ್ನುವುದರ ಬಗ್ಗೆ ಸೇನೆಯಿಂದ ಮಾಹಿತಿ ಲಭ್ಯವಾಗಿಲ್ಲ. ‌

ಶುಕ್ರವಾರ ಮುಂಜಾನೆ 3.10ರ ವೇಳೆಗೆ ಸ್ಫೋಟ ನಂಭವಿಸಿದೆ. ಗಾಳಿಯಲ್ಲೇ ಸ್ಫೋಟಗೊಂಡಿರುವುದರಿಂದ ಭೂಮಿಯಲ್ಲಿ ಸ್ಫೋಟದ ಯಾವುದೇ ಕುರುಹುಗಳು ಕಾಣಿಸಿಲ್ಲ ಎಂದು ಟೆಲ್ ಅವಿವ್ ಜಿಲ್ಲಾ ಕಮಾಂಡರ್‌ ಪೆರೆಡ್ಜ್ ಅಮರ್ ತಿಳಿಸಿದ್ದಾರೆ.

ಸ್ಫೋಟದಿಂದ ಹೆಚ್ಚಿನ ಹಾನಿ ಸಂಭವಿಸಿದ್ದರೂ, ಅದರ ‍ಪರಿಣಾಮ ಹಲವು ‍ಪ್ರದೇಶಗಳ ಮೇಲೆ ಬೀರಿದೆ ಎಂದು ಅವರು ಹೇಳಿದ್ದಾರೆ.