<p><strong>ವಾಷಿಂಗ್ಟನ್</strong>: ‘ನನ್ನ ಮನೆಯ ಚಿತ್ರವನ್ನು ಅಬ್ದುಲ್‌ಗೆ ಕಳುಹಿಸಿದ್ದೆ’ ಎಂದು ರಿಪಬ್ಲಿಕನ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ ಹೇಳಿರುವುದು ಇದೀಗ ಮಿಮ್ಸ್ಗಳ ಬಾಯಿಗೆ ಆಹಾರವಾಗಿದೆ.</p><p>ಡೆಮಾಕ್ರೆಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಅವರೊಂದಿಗಿನ ಬಹಿರಂಗ ಚರ್ಚೆ ವೇಳೆ ತಾಲಿಬಾನ್ ವಿಷಯ ಪ್ರಸ್ತಾಪಿಸಿ ಮಾತನಾಡಿದ್ದ ಟ್ರಂಪ್, ತಮ್ಮ ಅವಧಿಯಲ್ಲಿ ತಾಲಿಬಾನ್ ನಾಯಕ ಅಬ್ದುಲ್ ಜೊತೆ ಮಾತನಾಡಿರುವುದಾಗಿ ತಿಳಿಸಿದ್ದಾರೆ.</p><p>‘ಸ್ನೈಪರ್ಗಳನ್ನು ಬಳಸಿ ಅಮೆರಿಕದ ಯೋಧರನ್ನು ತಾಲಿಬಾನಿಗಳು ಹತ್ಯೆ ಮಾಡುತ್ತಿದ್ದ ಸಮಯದಲ್ಲಿ ಅಬ್ದುಲ್ ಜೊತೆ ನಾನು ಮಾತುಕತೆ ನಡೆಸಿದ್ದೆ. ಅಬ್ದುಲ್‌ಗೆ ಇನ್ನು ಮುಂದೆ ಹಾಗೆ ಮಾಡಬೇಡ, ಮಾಡಿದರೆ ನಿನಗೆ ಸಮಸ್ಯೆಯಾಗುತ್ತದೆ’ ಎಂದು ಹೇಳಿದೆ. </p><p>‘ನನ್ನ ಮನೆಯ ಚಿತ್ರವನ್ನು ಅಬ್ದುಲ್‌ಗೆ ಕಳುಹಿಸಿದೆ. ನಿಮ್ಮ ಮನೆಯ ಚಿತ್ರವನ್ನು ಏಕೆ ಕಳುಹಿಸಿದ್ದೀರಿ? ಎಂದು ಅಬ್ದುಲ್ ನನಗೆ ಕೇಳಿದ. ಅದನ್ನು ನೀನೇ ಹೇಳಬೇಕು ಎಂದು ನಾನು ಹೇಳಿದೆ. ಅದಾದ ಬಳಿಕ 18 ತಿಂಗಳವರೆಗೆ ಯಾರನ್ನೂ(ಯೋಧರನ್ನು) ಕೊಲ್ಲಲಿಲ್ಲ’ ಎಂದು ಟ್ರಂಪ್ ಹೇಳಿದ್ದಾರೆ.</p>.<p>ಟ್ರಂಪ್ ‘ಅಬ್ದುಲ್’ ಹೇಳಿಕೆ ಪ್ರತಿಸ್ಪರ್ಧಿ ಕಮಲಾ ಹ್ಯಾರಿಸ್ ಮೊಗದಲ್ಲಿಯೂ ನಗೆ ತರಿಸಿತು. </p><p>ಇದೀಗ ‘ಅಬ್ದುಲ್’ ಹೇಳಿಕೆ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ಟ್ರೋಲ್‌ಗೆ ಒಳಗಾಗಿದ್ದು, ಈ ಕುರಿತ ಹಲವು ತಮಾಷೆಯ ವಿಡಿಯೊಗಳು ಮತ್ತು ಪೋಸ್ಟ್ಗಳು ಹರಿದಾಡಿವೆ.</p><p>‘ಅಬ್ದುಲ್’ ಯಾರು ಎಂಬುದನ್ನು ಟ್ರಂಪ್ ಸ್ಪಷ್ಟಪಡಿಸದಿರುವುದರಿಂದ ಅಫ್ಗಾನಿಸ್ತಾನದ ಮಾಜಿ ತಾನಿಬಾನ್ ಉಪ ಮುಖ್ಯಸ್ಥ ಅಬ್ದುಲ್ ಘನಿ ಬರಾದರ್ ಅವರನ್ನು ಉಲ್ಲೇಖಿಸಿ ಟ್ರಂಪ್ ಮಾತನಾಡಿರಬಹುದು ಎಂದು ಊಹಿಸಲಾಗಿದೆ.</p><p>ಅಧ್ಯಕ್ಷೀಯ ಚುನಾವಣೆಗೆ ಇನ್ನು ಕೆಲವೇ ದಿನಗಳು ಬಾಕಿಯಿದ್ದು, ಮಂಗಳವಾರ ನಡೆದ ಬಹಿರಂಗ ಚರ್ಚೆಯಲ್ಲಿ ಉಭಯ ನಾಯಕರು ಪರಸ್ಪರ ಮುಖಾಮುಖಿಯಾಗಿದ್ದರು. ಗರ್ಭಪಾತ, ನಿರುದ್ಯೋಗ ಸಮಸ್ಯೆ, ಹಣದುಬ್ಬರ ಸೇರಿದಂತೆ ಹಲವು ವಿಚಾರಗಳ ಬಗ್ಗೆ ಪ್ರಸ್ತಾಪಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್</strong>: ‘ನನ್ನ ಮನೆಯ ಚಿತ್ರವನ್ನು ಅಬ್ದುಲ್‌ಗೆ ಕಳುಹಿಸಿದ್ದೆ’ ಎಂದು ರಿಪಬ್ಲಿಕನ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ ಹೇಳಿರುವುದು ಇದೀಗ ಮಿಮ್ಸ್ಗಳ ಬಾಯಿಗೆ ಆಹಾರವಾಗಿದೆ.</p><p>ಡೆಮಾಕ್ರೆಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಅವರೊಂದಿಗಿನ ಬಹಿರಂಗ ಚರ್ಚೆ ವೇಳೆ ತಾಲಿಬಾನ್ ವಿಷಯ ಪ್ರಸ್ತಾಪಿಸಿ ಮಾತನಾಡಿದ್ದ ಟ್ರಂಪ್, ತಮ್ಮ ಅವಧಿಯಲ್ಲಿ ತಾಲಿಬಾನ್ ನಾಯಕ ಅಬ್ದುಲ್ ಜೊತೆ ಮಾತನಾಡಿರುವುದಾಗಿ ತಿಳಿಸಿದ್ದಾರೆ.</p><p>‘ಸ್ನೈಪರ್ಗಳನ್ನು ಬಳಸಿ ಅಮೆರಿಕದ ಯೋಧರನ್ನು ತಾಲಿಬಾನಿಗಳು ಹತ್ಯೆ ಮಾಡುತ್ತಿದ್ದ ಸಮಯದಲ್ಲಿ ಅಬ್ದುಲ್ ಜೊತೆ ನಾನು ಮಾತುಕತೆ ನಡೆಸಿದ್ದೆ. ಅಬ್ದುಲ್‌ಗೆ ಇನ್ನು ಮುಂದೆ ಹಾಗೆ ಮಾಡಬೇಡ, ಮಾಡಿದರೆ ನಿನಗೆ ಸಮಸ್ಯೆಯಾಗುತ್ತದೆ’ ಎಂದು ಹೇಳಿದೆ. </p><p>‘ನನ್ನ ಮನೆಯ ಚಿತ್ರವನ್ನು ಅಬ್ದುಲ್‌ಗೆ ಕಳುಹಿಸಿದೆ. ನಿಮ್ಮ ಮನೆಯ ಚಿತ್ರವನ್ನು ಏಕೆ ಕಳುಹಿಸಿದ್ದೀರಿ? ಎಂದು ಅಬ್ದುಲ್ ನನಗೆ ಕೇಳಿದ. ಅದನ್ನು ನೀನೇ ಹೇಳಬೇಕು ಎಂದು ನಾನು ಹೇಳಿದೆ. ಅದಾದ ಬಳಿಕ 18 ತಿಂಗಳವರೆಗೆ ಯಾರನ್ನೂ(ಯೋಧರನ್ನು) ಕೊಲ್ಲಲಿಲ್ಲ’ ಎಂದು ಟ್ರಂಪ್ ಹೇಳಿದ್ದಾರೆ.</p>.<p>ಟ್ರಂಪ್ ‘ಅಬ್ದುಲ್’ ಹೇಳಿಕೆ ಪ್ರತಿಸ್ಪರ್ಧಿ ಕಮಲಾ ಹ್ಯಾರಿಸ್ ಮೊಗದಲ್ಲಿಯೂ ನಗೆ ತರಿಸಿತು. </p><p>ಇದೀಗ ‘ಅಬ್ದುಲ್’ ಹೇಳಿಕೆ ಸಾಮಾಜಿಕ ಮಾಧ್ಯಮಗಳಲ್ಲಿ ಭಾರಿ ಟ್ರೋಲ್‌ಗೆ ಒಳಗಾಗಿದ್ದು, ಈ ಕುರಿತ ಹಲವು ತಮಾಷೆಯ ವಿಡಿಯೊಗಳು ಮತ್ತು ಪೋಸ್ಟ್ಗಳು ಹರಿದಾಡಿವೆ.</p><p>‘ಅಬ್ದುಲ್’ ಯಾರು ಎಂಬುದನ್ನು ಟ್ರಂಪ್ ಸ್ಪಷ್ಟಪಡಿಸದಿರುವುದರಿಂದ ಅಫ್ಗಾನಿಸ್ತಾನದ ಮಾಜಿ ತಾನಿಬಾನ್ ಉಪ ಮುಖ್ಯಸ್ಥ ಅಬ್ದುಲ್ ಘನಿ ಬರಾದರ್ ಅವರನ್ನು ಉಲ್ಲೇಖಿಸಿ ಟ್ರಂಪ್ ಮಾತನಾಡಿರಬಹುದು ಎಂದು ಊಹಿಸಲಾಗಿದೆ.</p><p>ಅಧ್ಯಕ್ಷೀಯ ಚುನಾವಣೆಗೆ ಇನ್ನು ಕೆಲವೇ ದಿನಗಳು ಬಾಕಿಯಿದ್ದು, ಮಂಗಳವಾರ ನಡೆದ ಬಹಿರಂಗ ಚರ್ಚೆಯಲ್ಲಿ ಉಭಯ ನಾಯಕರು ಪರಸ್ಪರ ಮುಖಾಮುಖಿಯಾಗಿದ್ದರು. ಗರ್ಭಪಾತ, ನಿರುದ್ಯೋಗ ಸಮಸ್ಯೆ, ಹಣದುಬ್ಬರ ಸೇರಿದಂತೆ ಹಲವು ವಿಚಾರಗಳ ಬಗ್ಗೆ ಪ್ರಸ್ತಾಪಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್‌ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
