<p><strong>ರಮಲ್ಲಾ</strong>: ವೆಸ್ಟ್ ಬ್ಯಾಂಕ್ನ ರಮಲ್ಲಾದಲ್ಲಿರುವ ತನ್ನ ಕಚೇರಿಯ ಮೇಲೆ ದಾಳಿ ನಡೆಸಿದ ಸಶಸ್ತ್ರ ಮತ್ತು ಮಾಸ್ಕ್ ಧರಿಸಿದ್ದ ಇಸ್ರೇಲಿ ಪಡೆಗಳು, 45 ದಿನಗಳವರೆಗೆ ಮುಚ್ಚುವ ಆದೇಶವನ್ನು ಹೊರಡಿಸಿವೆ ಎಂದು ಅಲ್ ಜಜೀರಾ ಸುದ್ದಿವಾಹಿನಿ ಹೇಳಿದೆ.</p>.<p>ಗಾಜಾ ಯುದ್ಧದ ಸಮಯದಿಂದ ಅರಬ್ ವಾಹಿನಿ ಮತ್ತು ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ನಡುವೆ ದ್ವೇಷ ಉಂಟಾಗಿತ್ತು. ಅದೀಗ ವಾಹಿನಿ ಕಚೇರಿಯ ಬಾಗಿಲು ಮುಚ್ಚಿಸುವ ಹಂತಕ್ಕೆ ತಲುಪಿದೆ.</p>.<p>ಕಳೆದ ವರ್ಷದ ಅಕ್ಟೋಬರ್ 7ರಂದು ಪ್ಯಾಲೆಸ್ಟೀನ್ನ ಹಮಾಸ್ ಬಂಡುಕೋರರು ಇಸ್ರೇಲ್ ಮೇಲೆ ದಾಳಿ ನಡೆಸಿದ್ದರು. ಆ ಬಳಿಕ ಇಸ್ರೇಲ್ ಕಾರ್ಯಾಚರಣೆ ಘೋಷಿಸಿತ್ತು. ಈ ಯುದ್ಧದ ಪರಿಣಾಮಗಳ ಕುರಿತು ಅಲ್ ಜಜೀರಾ ನಿರಂತರ ವರದಿ ಪ್ರಸಾರ ಮಾಡಿತ್ತು. </p>.<p>ಕತಾರ್ ಮೂಲದ ವಾಹಿನಿಯ ಪತ್ರಕರ್ತರು ಹಮಾಸ್ ಅಥವಾ ಅದರ ಇಸ್ಲಾಮಿಕ್ ಜಿಹಾದಿಗಳ ಜತೆ ಸಂಪರ್ಕ ಹೊಂದಿದ್ದಾರೆ ಎಂಬುದು ಇಸ್ರೇಲ್ನ ಸೇನೆಯ ಆರೋಪ.</p>.<p>ಆದರೆ ಈ ಆರೋಪಗಳನ್ನು ನಿರಾಕರಿಸಿರುವ ಅಲ್ ಜಜೀರಾ, ಗಾಜಾ ಪಟ್ಟಿಯಲ್ಲಿರುವ ತನ್ನ ಸಿಬ್ಬಂದಿಯನ್ನು ಇಸ್ರೇಲ್ ಗುರಿಯಾಗಿಸುತ್ತಿದೆ ಎಂದು ಹೇಳಿದೆ.</p>.<p>ಗಾಜಾ ಯುದ್ಧ ಆರಂಭವಾದಾಗಿನಿಂದ ವಾಹಿನಿಯ ನಾಲ್ವರು ಪತ್ರಕರ್ತರು ಹತ್ಯೆಯಾಗಿದ್ದಾರೆ. ಗಾಜಾದಲ್ಲಿನ ವಾಹಿನಿ ಕಚೇರಿಯ ಮೇಲೆ ಬಾಂಬ್ ದಾಳಿಯೂ ನಡೆದಿದೆ ಎಂದು ಅದು ಹೇಳಿದೆ.</p>.<p>‘ವಾಹಿನಿಯ ಕಚೇರಿ ಮುಚ್ಚಿಸಲು ಸೂಚಿಸಿದ ಸೇನಾ ಪಡೆಗಳು ಸ್ಪಷ್ಟ ಕಾರಣ ತಿಳಿಸಲಿಲ್ಲ. ಎಲ್ಲ ಕ್ಯಾಮೆರಾಗಳನ್ನು ತೆಗೆದುಕೊಂಡು ಈ ಕ್ಷಣ ಕಚೇರಿ ತ್ಯಜಿಸಿ ಎಂದು ಹೇಳಿದ್ದಾಗಿ’ ವಾಹಿನಿ ತಿಳಿಸಿದೆ.</p>.<p>ತನಗೆ ನೀಡಲಾಗಿರುವ ಆದೇಶದಲ್ಲಿ, ಭಯೋತ್ಪಾದನೆಗೆ ಬೆಂಬಲಿಸುತ್ತಿರುವ ಮತ್ತು ಪ್ರಚೋದಿಸುತ್ತಿರುವ ಆರೋಪ ಮಾಡಲಾಗಿದೆ ಎಂದು ವಾಹಿನಿಯ ವೆಸ್ಟ್ ಬ್ಯಾಂಕ್ ಬ್ಯೂರೊದ ಮುಖ್ಯಸ್ಥ ವಾಲಿದ್ ಅಲ್ ಒಮರಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಮಲ್ಲಾ</strong>: ವೆಸ್ಟ್ ಬ್ಯಾಂಕ್ನ ರಮಲ್ಲಾದಲ್ಲಿರುವ ತನ್ನ ಕಚೇರಿಯ ಮೇಲೆ ದಾಳಿ ನಡೆಸಿದ ಸಶಸ್ತ್ರ ಮತ್ತು ಮಾಸ್ಕ್ ಧರಿಸಿದ್ದ ಇಸ್ರೇಲಿ ಪಡೆಗಳು, 45 ದಿನಗಳವರೆಗೆ ಮುಚ್ಚುವ ಆದೇಶವನ್ನು ಹೊರಡಿಸಿವೆ ಎಂದು ಅಲ್ ಜಜೀರಾ ಸುದ್ದಿವಾಹಿನಿ ಹೇಳಿದೆ.</p>.<p>ಗಾಜಾ ಯುದ್ಧದ ಸಮಯದಿಂದ ಅರಬ್ ವಾಹಿನಿ ಮತ್ತು ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ನಡುವೆ ದ್ವೇಷ ಉಂಟಾಗಿತ್ತು. ಅದೀಗ ವಾಹಿನಿ ಕಚೇರಿಯ ಬಾಗಿಲು ಮುಚ್ಚಿಸುವ ಹಂತಕ್ಕೆ ತಲುಪಿದೆ.</p>.<p>ಕಳೆದ ವರ್ಷದ ಅಕ್ಟೋಬರ್ 7ರಂದು ಪ್ಯಾಲೆಸ್ಟೀನ್ನ ಹಮಾಸ್ ಬಂಡುಕೋರರು ಇಸ್ರೇಲ್ ಮೇಲೆ ದಾಳಿ ನಡೆಸಿದ್ದರು. ಆ ಬಳಿಕ ಇಸ್ರೇಲ್ ಕಾರ್ಯಾಚರಣೆ ಘೋಷಿಸಿತ್ತು. ಈ ಯುದ್ಧದ ಪರಿಣಾಮಗಳ ಕುರಿತು ಅಲ್ ಜಜೀರಾ ನಿರಂತರ ವರದಿ ಪ್ರಸಾರ ಮಾಡಿತ್ತು. </p>.<p>ಕತಾರ್ ಮೂಲದ ವಾಹಿನಿಯ ಪತ್ರಕರ್ತರು ಹಮಾಸ್ ಅಥವಾ ಅದರ ಇಸ್ಲಾಮಿಕ್ ಜಿಹಾದಿಗಳ ಜತೆ ಸಂಪರ್ಕ ಹೊಂದಿದ್ದಾರೆ ಎಂಬುದು ಇಸ್ರೇಲ್ನ ಸೇನೆಯ ಆರೋಪ.</p>.<p>ಆದರೆ ಈ ಆರೋಪಗಳನ್ನು ನಿರಾಕರಿಸಿರುವ ಅಲ್ ಜಜೀರಾ, ಗಾಜಾ ಪಟ್ಟಿಯಲ್ಲಿರುವ ತನ್ನ ಸಿಬ್ಬಂದಿಯನ್ನು ಇಸ್ರೇಲ್ ಗುರಿಯಾಗಿಸುತ್ತಿದೆ ಎಂದು ಹೇಳಿದೆ.</p>.<p>ಗಾಜಾ ಯುದ್ಧ ಆರಂಭವಾದಾಗಿನಿಂದ ವಾಹಿನಿಯ ನಾಲ್ವರು ಪತ್ರಕರ್ತರು ಹತ್ಯೆಯಾಗಿದ್ದಾರೆ. ಗಾಜಾದಲ್ಲಿನ ವಾಹಿನಿ ಕಚೇರಿಯ ಮೇಲೆ ಬಾಂಬ್ ದಾಳಿಯೂ ನಡೆದಿದೆ ಎಂದು ಅದು ಹೇಳಿದೆ.</p>.<p>‘ವಾಹಿನಿಯ ಕಚೇರಿ ಮುಚ್ಚಿಸಲು ಸೂಚಿಸಿದ ಸೇನಾ ಪಡೆಗಳು ಸ್ಪಷ್ಟ ಕಾರಣ ತಿಳಿಸಲಿಲ್ಲ. ಎಲ್ಲ ಕ್ಯಾಮೆರಾಗಳನ್ನು ತೆಗೆದುಕೊಂಡು ಈ ಕ್ಷಣ ಕಚೇರಿ ತ್ಯಜಿಸಿ ಎಂದು ಹೇಳಿದ್ದಾಗಿ’ ವಾಹಿನಿ ತಿಳಿಸಿದೆ.</p>.<p>ತನಗೆ ನೀಡಲಾಗಿರುವ ಆದೇಶದಲ್ಲಿ, ಭಯೋತ್ಪಾದನೆಗೆ ಬೆಂಬಲಿಸುತ್ತಿರುವ ಮತ್ತು ಪ್ರಚೋದಿಸುತ್ತಿರುವ ಆರೋಪ ಮಾಡಲಾಗಿದೆ ಎಂದು ವಾಹಿನಿಯ ವೆಸ್ಟ್ ಬ್ಯಾಂಕ್ ಬ್ಯೂರೊದ ಮುಖ್ಯಸ್ಥ ವಾಲಿದ್ ಅಲ್ ಒಮರಿ ತಿಳಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
