<p><strong>ಬೈರೂತ್/ಜೆರುಸಲೇಮ್(ಎಪಿ):</strong> ಇಸ್ರೇಲ್ ಪಡೆಗಳು ದಕ್ಷಿಣ ಲೆಬನಾನ್ನಲ್ಲಿ ಶುಕ್ರವಾರ ನಡೆಸಿದ ವೈಮಾನಿಕ ದಾಳಿಯಲ್ಲಿ ಲೆಬನಾನ್ನ ಇಬ್ಬರು ಸೈನಿಕರು ಮೃತಪಟ್ಟಿದ್ದು, ಇತರ ಮೂವರು ಗಾಯಗೊಂಡಿದ್ದಾರೆ.</p>.<p>ವಿಶ್ವಸಂಸ್ಥೆಯ ಶಾಂತಿಪಾಲನೆ ಪಡೆಯ ಕೇಂದ್ರ ಕಚೇರಿ ಮೇಲೆಯೂ ಈ ದಾಳಿ ನಡೆದಿದ್ದು, ಗಾಯಗೊಂಡವರಲ್ಲಿ ಇಬ್ಬರು ಶಾಂತಿಪಾಲನೆ ಪಡೆ ಸಿಬ್ಬಂದಿಯೂ ಸೇರಿದ್ದಾರೆ ಎಂದು ಲೆಬನಾನ್ ಸೇನೆ ತಿಳಿಸಿದೆ.</p>.<p>‘ಹಿಂದಿನ 24 ಗಂಟೆಗಳ ಅವಧಿಯಲ್ಲಿ, ಇಸ್ರೇಲ್ ಪಡೆಗಳು ನಡೆಸಿದ ದಾಳಿಯಲ್ಲಿ 60 ಜನರು ಮೃತಪಟ್ಟು, ಇತರ 168 ಮಂದಿ ಗಾಯಗೊಂಡಿದ್ದಾರೆ’ ಎಂದು ಲೆಬನಾನ್ ಅಧಿಕಾರಿಗಳು ಶುಕ್ರವಾರ ಹೇಳಿದ್ದಾರೆ.</p>.<p>ಇದರೊಂದಿಗೆ, ಇಸ್ರೇಲ್ ಮತ್ತು ಹಿಜ್ಬುಲ್ಲಾ ಬಂಡುಕೋರರ ಗುಂಪಿನ ನಡುವೆ ಕಳೆದ ವರ್ಷದಿಂದ ನಡೆಯುತ್ತಿರುವ ಕಾಳಗದಲ್ಲಿ ಈ ವರೆಗೆ ಮೃತಪಟ್ಟವರ ಸಂಖ್ಯೆ 2,229ಕ್ಕೆ ಹಾಗೂ ಗಾಯಗೊಂಡವರ ಸಂಖ್ಯೆ 10,380ಕ್ಕೆ ಏರಿದಂತಾಗಿದೆ.</p>.<p>ಹಿಜ್ಬುಲ್ಲಾ ಗುರಿಯಾಗಿಸಿ ಇಸ್ರೇಲ್ ಪಡೆಗಳು ದಾಳಿಯನ್ನು ಹೆಚ್ಚಿಸಿದ್ದು, ಇದರ ಭಾಗವಾಗಿ ವೈಮಾನಿಕ ಹಾಗೂ ಭೂದಾಳಿ ನಡೆಸಿವೆ.</p>.<p>ಮುಂದುವರಿದ ಶೋಧ: ಬೈರೂತ್ನ ಕೇಂದ್ರ ಭಾಗದಲ್ಲಿ ಶುಕ್ರವಾರ ಶೋಧ ಕಾರ್ಯಾಚರಣೆ ನಡೆಯಿತು. ಇಸ್ರೇಲ್ ಪಡೆಗಳ ದಾಳಿಯಿಂದ ಧ್ವಂಸಗೊಂಡಿರುವ ಕಟ್ಟಡಗಳಡಿ ಸಿಲುಕಿರುವವರ ಹಾಗೂ ಮೃತದೇಹಗಳ ಶೋಧ ಮುಂದುವರಿದಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.</p>.<p>ಸೂಚನೆ: ಗಾಜಾ ಪಟ್ಟಿ ಮೇಲಿನ ದಾಳಿಯನ್ನು ತೀವ್ರಗೊಳಿಸಲು ಮುಂದಾಗಿರುವ ಇಸ್ರೇಲ್, ಉತ್ತರ ಭಾಗದಲ್ಲಿರುವ ಪ್ಯಾಲೆಸ್ಟೀನಿಯನ್ನರು ಮನೆಗಳು ಹಾಗೂ ಆರೈಕೆ ಕೇಂದ್ರಗಳನ್ನು ತೊರೆಯುವಂತೆ ಶನಿವಾರ ಸೂಚಿಸಿದೆ.</p>.<p>ಸಿರಿಯಾ ಮೇಲೆ ದಾಳಿ: ಸಿರಿಯಾದಲ್ಲಿರುವ ಐಎಸ್ನ ಹಲವು ಶಿಬಿರಗಳನ್ನು ಗುರಿಯಾಗಿಸಿ ದಾಳಿ ನಡೆಸಿದ್ದಾಗಿ ಅಮೆರಿಕ ಸೇನೆ ಹೇಳಿದೆ.</p>.<p><strong>- ಇರಾನ್ ಮೇಲೆ ನಿರ್ಬಂಧ: ಮತ್ತಷ್ಟು ವಿಸ್ತರಿಸಿದ ಅಮೆರಿಕ</strong></p><p>ಇಸ್ರೇಲ್ ಮೇಲೆ ಇರಾನ್ ಅಕ್ಟೋಬರ್ 1ರಂದು ನಡೆಸಿದ ದಾಳಿಗೆ ಸಂಬಂಧಿಸಿ ಇರಾನ್ನ ಇಂಧನ ಕ್ಷೇತ್ರದ ಮೇಲಿನ ನಿರ್ಬಂಧಗಳನ್ನು ಅಮೆರಿಕ ಮತ್ತಷ್ಟು ಹೆಚ್ಚಿಸಿದೆ. ಇರಾನ್ ತನ್ನ ತೈಲೋತ್ಪನ್ನ ಮಾರಾಟಕ್ಕಾಗಿ ಯುಎಇ ಲೈಬಿರಿಯಾ ಹಾಂಗ್ಕಾಂಗ್ಗಳಲ್ಲಿ ಹೊಂದಿರುವ ಕಂಪನಿಗಳ ಕಾರ್ಯಾಚರಣೆಗೆ ಈ ನಿರ್ಬಂಧ ತೊಡಕಾಗಲಿದೆ. ಅಲ್ಲದೇ ತೈಲೋತ್ಪನ್ನ ಸಾಗಿಸುವ ಹಡಗುಗಳ ಕಾರ್ಯಾಚರಣೆ ಮೇಲೆಯೂ ಪರಿಣಾಮ ಬೀರಲಿದೆ ಎಂದು ಹೇಳಲಾಗುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೈರೂತ್/ಜೆರುಸಲೇಮ್(ಎಪಿ):</strong> ಇಸ್ರೇಲ್ ಪಡೆಗಳು ದಕ್ಷಿಣ ಲೆಬನಾನ್ನಲ್ಲಿ ಶುಕ್ರವಾರ ನಡೆಸಿದ ವೈಮಾನಿಕ ದಾಳಿಯಲ್ಲಿ ಲೆಬನಾನ್ನ ಇಬ್ಬರು ಸೈನಿಕರು ಮೃತಪಟ್ಟಿದ್ದು, ಇತರ ಮೂವರು ಗಾಯಗೊಂಡಿದ್ದಾರೆ.</p>.<p>ವಿಶ್ವಸಂಸ್ಥೆಯ ಶಾಂತಿಪಾಲನೆ ಪಡೆಯ ಕೇಂದ್ರ ಕಚೇರಿ ಮೇಲೆಯೂ ಈ ದಾಳಿ ನಡೆದಿದ್ದು, ಗಾಯಗೊಂಡವರಲ್ಲಿ ಇಬ್ಬರು ಶಾಂತಿಪಾಲನೆ ಪಡೆ ಸಿಬ್ಬಂದಿಯೂ ಸೇರಿದ್ದಾರೆ ಎಂದು ಲೆಬನಾನ್ ಸೇನೆ ತಿಳಿಸಿದೆ.</p>.<p>‘ಹಿಂದಿನ 24 ಗಂಟೆಗಳ ಅವಧಿಯಲ್ಲಿ, ಇಸ್ರೇಲ್ ಪಡೆಗಳು ನಡೆಸಿದ ದಾಳಿಯಲ್ಲಿ 60 ಜನರು ಮೃತಪಟ್ಟು, ಇತರ 168 ಮಂದಿ ಗಾಯಗೊಂಡಿದ್ದಾರೆ’ ಎಂದು ಲೆಬನಾನ್ ಅಧಿಕಾರಿಗಳು ಶುಕ್ರವಾರ ಹೇಳಿದ್ದಾರೆ.</p>.<p>ಇದರೊಂದಿಗೆ, ಇಸ್ರೇಲ್ ಮತ್ತು ಹಿಜ್ಬುಲ್ಲಾ ಬಂಡುಕೋರರ ಗುಂಪಿನ ನಡುವೆ ಕಳೆದ ವರ್ಷದಿಂದ ನಡೆಯುತ್ತಿರುವ ಕಾಳಗದಲ್ಲಿ ಈ ವರೆಗೆ ಮೃತಪಟ್ಟವರ ಸಂಖ್ಯೆ 2,229ಕ್ಕೆ ಹಾಗೂ ಗಾಯಗೊಂಡವರ ಸಂಖ್ಯೆ 10,380ಕ್ಕೆ ಏರಿದಂತಾಗಿದೆ.</p>.<p>ಹಿಜ್ಬುಲ್ಲಾ ಗುರಿಯಾಗಿಸಿ ಇಸ್ರೇಲ್ ಪಡೆಗಳು ದಾಳಿಯನ್ನು ಹೆಚ್ಚಿಸಿದ್ದು, ಇದರ ಭಾಗವಾಗಿ ವೈಮಾನಿಕ ಹಾಗೂ ಭೂದಾಳಿ ನಡೆಸಿವೆ.</p>.<p>ಮುಂದುವರಿದ ಶೋಧ: ಬೈರೂತ್ನ ಕೇಂದ್ರ ಭಾಗದಲ್ಲಿ ಶುಕ್ರವಾರ ಶೋಧ ಕಾರ್ಯಾಚರಣೆ ನಡೆಯಿತು. ಇಸ್ರೇಲ್ ಪಡೆಗಳ ದಾಳಿಯಿಂದ ಧ್ವಂಸಗೊಂಡಿರುವ ಕಟ್ಟಡಗಳಡಿ ಸಿಲುಕಿರುವವರ ಹಾಗೂ ಮೃತದೇಹಗಳ ಶೋಧ ಮುಂದುವರಿದಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.</p>.<p>ಸೂಚನೆ: ಗಾಜಾ ಪಟ್ಟಿ ಮೇಲಿನ ದಾಳಿಯನ್ನು ತೀವ್ರಗೊಳಿಸಲು ಮುಂದಾಗಿರುವ ಇಸ್ರೇಲ್, ಉತ್ತರ ಭಾಗದಲ್ಲಿರುವ ಪ್ಯಾಲೆಸ್ಟೀನಿಯನ್ನರು ಮನೆಗಳು ಹಾಗೂ ಆರೈಕೆ ಕೇಂದ್ರಗಳನ್ನು ತೊರೆಯುವಂತೆ ಶನಿವಾರ ಸೂಚಿಸಿದೆ.</p>.<p>ಸಿರಿಯಾ ಮೇಲೆ ದಾಳಿ: ಸಿರಿಯಾದಲ್ಲಿರುವ ಐಎಸ್ನ ಹಲವು ಶಿಬಿರಗಳನ್ನು ಗುರಿಯಾಗಿಸಿ ದಾಳಿ ನಡೆಸಿದ್ದಾಗಿ ಅಮೆರಿಕ ಸೇನೆ ಹೇಳಿದೆ.</p>.<p><strong>- ಇರಾನ್ ಮೇಲೆ ನಿರ್ಬಂಧ: ಮತ್ತಷ್ಟು ವಿಸ್ತರಿಸಿದ ಅಮೆರಿಕ</strong></p><p>ಇಸ್ರೇಲ್ ಮೇಲೆ ಇರಾನ್ ಅಕ್ಟೋಬರ್ 1ರಂದು ನಡೆಸಿದ ದಾಳಿಗೆ ಸಂಬಂಧಿಸಿ ಇರಾನ್ನ ಇಂಧನ ಕ್ಷೇತ್ರದ ಮೇಲಿನ ನಿರ್ಬಂಧಗಳನ್ನು ಅಮೆರಿಕ ಮತ್ತಷ್ಟು ಹೆಚ್ಚಿಸಿದೆ. ಇರಾನ್ ತನ್ನ ತೈಲೋತ್ಪನ್ನ ಮಾರಾಟಕ್ಕಾಗಿ ಯುಎಇ ಲೈಬಿರಿಯಾ ಹಾಂಗ್ಕಾಂಗ್ಗಳಲ್ಲಿ ಹೊಂದಿರುವ ಕಂಪನಿಗಳ ಕಾರ್ಯಾಚರಣೆಗೆ ಈ ನಿರ್ಬಂಧ ತೊಡಕಾಗಲಿದೆ. ಅಲ್ಲದೇ ತೈಲೋತ್ಪನ್ನ ಸಾಗಿಸುವ ಹಡಗುಗಳ ಕಾರ್ಯಾಚರಣೆ ಮೇಲೆಯೂ ಪರಿಣಾಮ ಬೀರಲಿದೆ ಎಂದು ಹೇಳಲಾಗುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>