<p><strong>ಸೋಲ್ (ಎ.ಪಿ):</strong> ಉತ್ತರ ಕೊರಿಯಾದ ನಾಯಕ ಕಿಮ್ ಜಾಂಗ್ ಉನ್ ಮತ್ತು ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರು ಬುಧವಾರ ಭೇಟಿಯಾಗಿ ಸೇನಾ ಸಹಕಾರ ಸೇರಿ ಹಲವು ವಿಷಯಗಳನ್ನು ಚರ್ಚಿಸಿರುವುದಕ್ಕೆ ದಕ್ಷಿಣ ಕೊರಿಯಾ ತೀವ್ರ ಕಳವಳ ವ್ಯಕ್ತಪಡಿಸಿದೆ.</p>.<p>ಅಣ್ವಸ್ತ್ರಸಜ್ಜಿತ ಎರಡೂ ದೇಶಗಳ ನಾಯಕರ ನಡುವಿನ ಚರ್ಚೆ ಅಮೆರಿಕ ಜೊತೆಗಿನ ಸಂಘರ್ಷ ಹೆಚ್ಚಿಸುವ ಸೂಚನೆ ಎಂದು ಹೇಳಲಾಗಿದೆ. ಅಮೆರಿಕ ಕೂಡ ಉಭಯ ನಾಯಕರ ಭೇಟಿ ಪರಿಣಾಮವಾಗಿ ರಷ್ಯಾಗೆ ಹೆಚ್ಚಿನ ಶಸ್ತ್ರಾಸ್ತ್ರಗಳ ಪೂರೈಕೆ ಆಗಬಹುದು ಎಂದು ಅಂದಾಜಿಸಿದೆ.</p>.<p>‘ಶಸ್ತ್ರಾಸ್ತ್ರ ಪೂರೈಕೆಗೆ ಪ್ರತಿಯಾಗಿ ಉತ್ತರ ಕೊರಿಯಾವು ಸೇನಾ ಕಣ್ಗಾವಲು ಸ್ಯಾಟಲೈಟ್ಗಳು ಸೇರಿ ಆಧುನಿಕ ಶಸ್ತ್ರಾಸ್ತ್ರಗಳ ತಂತ್ರಜ್ಞಾನವನ್ನು ಪಡೆಯಬಹುದು’ ಎಂದು ದಕ್ಷಿಣ ಕೊರಿಯಾ ವಿದೇಶಾಂಗ ಸಚಿವಾಲಯದ ವಕ್ತಾರ ಲಿಮ್ ಸೂ ಸುಕ್ ಕಳವಳ ವ್ಯಕ್ತಪಡಿಸಿದ್ದಾರೆ.</p>.<p>ಖಂಡಾಂತರ ಕ್ಷಿಪಣಿ ತಂತ್ರಜ್ಞಾನ ಕುರಿತ ಅಣ್ವಸ್ತ್ರ ಮತ್ತು ಕ್ಷಿಪಣಿ ಅಭಿವೃದ್ಧಿಗಾಗಿ ನೀಡುವ ಯಾವುದೇ ರೀತಿಯ ವಿಜ್ಞಾನ ಹಾಗೂ ತಂತ್ರಜ್ಞಾನದ ನೆರವು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ನಿರ್ಣಯಕ್ಕೆ ವಿರುದ್ಧವಾದುದಾಗಿದೆ ಎಂದು ಅವರು ಸುದ್ದಿಗೋಷ್ಠಿಯಲ್ಲಿ ಪ್ರತಿಪಾದಿಸಿದರು.</p>.<p>ಉತ್ತರ ಕೊರಿಯಾ ಜೊತೆಗಿನ ಬಾಂಧವ್ಯವು ಹಲವು ನಕಾರಾತ್ಮಕ ಪರಿಣಾಮಗಳನ್ನು ಬೀರಲಿದೆ ಎಂಬುದನ್ನು ರಷ್ಯಾವು ಅರ್ಥ ಮಾಡಿಕೊಳ್ಳಬೇಕು ಎಂದೂ ಅವರು ಎಚ್ಚರಿಸಿದರು.</p>.<p>ಅಮೆರಿಕ ಎಚ್ಚರಿಕೆ: ಅಮೆರಿಕದ ರಾಷ್ಟ್ರೀಯ ಭದ್ರತಾ ಮಂಡಳಿಯ ವಕ್ತಾರರಾದ ಜಾನ್ ಕಿರ್ಬಿ ಅವರು, ರಷ್ಯಾಗೆ ಯಾವುದೇ ರೀತಿಯ ಶಸ್ತ್ರ್ರಾಸ್ತ್ರಗಳನ್ನು ಉತ್ತರ ಕೊರಿಯಾ ಪೂರೈಸಿದ್ದೇ ಆದಲ್ಲಿ ಅದರ ಪರಿಣಾಮಗಳನ್ನು ಎದುರಿಸಬೇಕಾದಿತು ಎಂದು ಎಚ್ಚರಿಸಿದರು.</p>.<p>‘ಉಕ್ರೇನ್ನಲ್ಲಿ ಅಮಾಯಕರನ್ನು ಕೊಲ್ಲುವುದಕ್ಕಾಗಿ ಪುಟಿನ್ ಅವರಿಗೆ ಯಾವುದೇ ದೇಶ ನೆರವು ನೀಡಬಾರದು’ ಎಂದು ಅವರು ಪ್ರತಿಪಾದಿಸಿದರು. ‘ಶಸ್ತ್ರಾಸ್ತ್ರ ಪೂರೈಕೆಯಾದಲ್ಲಿ ಅಮೆರಿಕವು ಅದನ್ನು ಸೂಕ್ತ ರೀತಿಯಲ್ಲಿ ಎದುರಿಸಲಿದೆ’ ಎಂದು ಸ್ಪಷ್ಟಪಡಿಸಿದರು.</p>.<p>ಪುಟಿನ್ಗೆ ಸ್ವಾಗತ: ಈ ಮಧ್ಯೆ ಉತ್ತರ ಕೊರಿಯಾದ ಅಧಿಕೃತ ಸುದ್ದಿ ಸಂಸ್ಥೆಯು, ‘ಸೂಕ್ತ ಸಮಯ’ದಲ್ಲಿ ಉತ್ತರ ಕೊರಿಯಾಗೆ ಭೇಟಿ ನೀಡುವಂತೆ ಪುಟಿನ್ ಅವರಿಗೆ ಕಿಮ್ ಆಹ್ವಾನ ನೀಡಿದ್ದಾರೆ’ ಎಂದು ವರದಿ ಮಾಡಿದೆ. </p>.<p>ಇತ್ತ, ರಷ್ಯಾದಲ್ಲಿ ಟಿ.ವಿ. ವಾಹಿನಿಯ ಜೊತೆಗೆ ಮಾತನಾಡಿರುವ ಪುಟಿನ್ ಅವರು, ರಷ್ಯಾದ ಇನ್ನೂ ಎರಡು ನಗರಗಳಿಗೆ ಕಿಮ್ ಅವರು ಭೇಟಿ ನೀಡಲಿದ್ದಾರೆ. ಕೊಮ್ಸೊಮೊಸ್ಕ್ ನಗರದಲ್ಲಿ ವಿಮಾನ ತಯಾರಿಕಾ ಘಟಕಕ್ಕೂ ಭೇಟಿ ನೀಡುವರು ಎಂದು ತಿಳಿಸಿದ್ದಾರೆ.</p>.<p>ರಷ್ಯಾ ಮತ್ತು ಉತ್ತರ ಕೊರಿಯಾ ಸಾಕಷ್ಟು ಆಸಕ್ತಿದಾಯಕವಾದ ಯೋಜನೆಗಳನ್ನು ಹೊಂದಿವೆ. ಸಾರಿಗೆ, ಕೃಷಿ ಕ್ಷೇತ್ರವು ಇದರಲ್ಲಿ ಸೇರಿದೆ. ರಷ್ಯಾ ಮಾನವೀಯ ಆಧಾರದಲ್ಲಿ ಅಗತ್ಯವಿರುವ ನೆರವನ್ನು ನೀಡಲಿದೆ ಎಂದು ತಿಳಿಸಿದ್ದಾರೆ.</p>.<p>ಆದರೆ, ಉಭಯ ರಾಷ್ಟ್ರಗಳ ನಡುವೆ ಸೇನಾ ಸಹಕಾರ ಕುರಿತಂತೆ ಅವರು ಸದ್ಯ ಪ್ರತಿಕ್ರಿಯಿಸಿಲ್ಲ. ‘ಉತ್ತರ ಕೊರಿಯಾದಿಂದ ಶಸ್ತ್ರಾಸ್ತ್ರಗಳನ್ನು ಖರೀದಿಸುವುದಕ್ಕೆ ಸಂಬಂಧಿಸಿದಂತೆ ಇರುವ ನಿರ್ಬಂಧಗಳಿಗೆ ರಷ್ಯಾ ಬದ್ಧವಾಗಿದೆ’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸೋಲ್ (ಎ.ಪಿ):</strong> ಉತ್ತರ ಕೊರಿಯಾದ ನಾಯಕ ಕಿಮ್ ಜಾಂಗ್ ಉನ್ ಮತ್ತು ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರು ಬುಧವಾರ ಭೇಟಿಯಾಗಿ ಸೇನಾ ಸಹಕಾರ ಸೇರಿ ಹಲವು ವಿಷಯಗಳನ್ನು ಚರ್ಚಿಸಿರುವುದಕ್ಕೆ ದಕ್ಷಿಣ ಕೊರಿಯಾ ತೀವ್ರ ಕಳವಳ ವ್ಯಕ್ತಪಡಿಸಿದೆ.</p>.<p>ಅಣ್ವಸ್ತ್ರಸಜ್ಜಿತ ಎರಡೂ ದೇಶಗಳ ನಾಯಕರ ನಡುವಿನ ಚರ್ಚೆ ಅಮೆರಿಕ ಜೊತೆಗಿನ ಸಂಘರ್ಷ ಹೆಚ್ಚಿಸುವ ಸೂಚನೆ ಎಂದು ಹೇಳಲಾಗಿದೆ. ಅಮೆರಿಕ ಕೂಡ ಉಭಯ ನಾಯಕರ ಭೇಟಿ ಪರಿಣಾಮವಾಗಿ ರಷ್ಯಾಗೆ ಹೆಚ್ಚಿನ ಶಸ್ತ್ರಾಸ್ತ್ರಗಳ ಪೂರೈಕೆ ಆಗಬಹುದು ಎಂದು ಅಂದಾಜಿಸಿದೆ.</p>.<p>‘ಶಸ್ತ್ರಾಸ್ತ್ರ ಪೂರೈಕೆಗೆ ಪ್ರತಿಯಾಗಿ ಉತ್ತರ ಕೊರಿಯಾವು ಸೇನಾ ಕಣ್ಗಾವಲು ಸ್ಯಾಟಲೈಟ್ಗಳು ಸೇರಿ ಆಧುನಿಕ ಶಸ್ತ್ರಾಸ್ತ್ರಗಳ ತಂತ್ರಜ್ಞಾನವನ್ನು ಪಡೆಯಬಹುದು’ ಎಂದು ದಕ್ಷಿಣ ಕೊರಿಯಾ ವಿದೇಶಾಂಗ ಸಚಿವಾಲಯದ ವಕ್ತಾರ ಲಿಮ್ ಸೂ ಸುಕ್ ಕಳವಳ ವ್ಯಕ್ತಪಡಿಸಿದ್ದಾರೆ.</p>.<p>ಖಂಡಾಂತರ ಕ್ಷಿಪಣಿ ತಂತ್ರಜ್ಞಾನ ಕುರಿತ ಅಣ್ವಸ್ತ್ರ ಮತ್ತು ಕ್ಷಿಪಣಿ ಅಭಿವೃದ್ಧಿಗಾಗಿ ನೀಡುವ ಯಾವುದೇ ರೀತಿಯ ವಿಜ್ಞಾನ ಹಾಗೂ ತಂತ್ರಜ್ಞಾನದ ನೆರವು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ನಿರ್ಣಯಕ್ಕೆ ವಿರುದ್ಧವಾದುದಾಗಿದೆ ಎಂದು ಅವರು ಸುದ್ದಿಗೋಷ್ಠಿಯಲ್ಲಿ ಪ್ರತಿಪಾದಿಸಿದರು.</p>.<p>ಉತ್ತರ ಕೊರಿಯಾ ಜೊತೆಗಿನ ಬಾಂಧವ್ಯವು ಹಲವು ನಕಾರಾತ್ಮಕ ಪರಿಣಾಮಗಳನ್ನು ಬೀರಲಿದೆ ಎಂಬುದನ್ನು ರಷ್ಯಾವು ಅರ್ಥ ಮಾಡಿಕೊಳ್ಳಬೇಕು ಎಂದೂ ಅವರು ಎಚ್ಚರಿಸಿದರು.</p>.<p>ಅಮೆರಿಕ ಎಚ್ಚರಿಕೆ: ಅಮೆರಿಕದ ರಾಷ್ಟ್ರೀಯ ಭದ್ರತಾ ಮಂಡಳಿಯ ವಕ್ತಾರರಾದ ಜಾನ್ ಕಿರ್ಬಿ ಅವರು, ರಷ್ಯಾಗೆ ಯಾವುದೇ ರೀತಿಯ ಶಸ್ತ್ರ್ರಾಸ್ತ್ರಗಳನ್ನು ಉತ್ತರ ಕೊರಿಯಾ ಪೂರೈಸಿದ್ದೇ ಆದಲ್ಲಿ ಅದರ ಪರಿಣಾಮಗಳನ್ನು ಎದುರಿಸಬೇಕಾದಿತು ಎಂದು ಎಚ್ಚರಿಸಿದರು.</p>.<p>‘ಉಕ್ರೇನ್ನಲ್ಲಿ ಅಮಾಯಕರನ್ನು ಕೊಲ್ಲುವುದಕ್ಕಾಗಿ ಪುಟಿನ್ ಅವರಿಗೆ ಯಾವುದೇ ದೇಶ ನೆರವು ನೀಡಬಾರದು’ ಎಂದು ಅವರು ಪ್ರತಿಪಾದಿಸಿದರು. ‘ಶಸ್ತ್ರಾಸ್ತ್ರ ಪೂರೈಕೆಯಾದಲ್ಲಿ ಅಮೆರಿಕವು ಅದನ್ನು ಸೂಕ್ತ ರೀತಿಯಲ್ಲಿ ಎದುರಿಸಲಿದೆ’ ಎಂದು ಸ್ಪಷ್ಟಪಡಿಸಿದರು.</p>.<p>ಪುಟಿನ್ಗೆ ಸ್ವಾಗತ: ಈ ಮಧ್ಯೆ ಉತ್ತರ ಕೊರಿಯಾದ ಅಧಿಕೃತ ಸುದ್ದಿ ಸಂಸ್ಥೆಯು, ‘ಸೂಕ್ತ ಸಮಯ’ದಲ್ಲಿ ಉತ್ತರ ಕೊರಿಯಾಗೆ ಭೇಟಿ ನೀಡುವಂತೆ ಪುಟಿನ್ ಅವರಿಗೆ ಕಿಮ್ ಆಹ್ವಾನ ನೀಡಿದ್ದಾರೆ’ ಎಂದು ವರದಿ ಮಾಡಿದೆ. </p>.<p>ಇತ್ತ, ರಷ್ಯಾದಲ್ಲಿ ಟಿ.ವಿ. ವಾಹಿನಿಯ ಜೊತೆಗೆ ಮಾತನಾಡಿರುವ ಪುಟಿನ್ ಅವರು, ರಷ್ಯಾದ ಇನ್ನೂ ಎರಡು ನಗರಗಳಿಗೆ ಕಿಮ್ ಅವರು ಭೇಟಿ ನೀಡಲಿದ್ದಾರೆ. ಕೊಮ್ಸೊಮೊಸ್ಕ್ ನಗರದಲ್ಲಿ ವಿಮಾನ ತಯಾರಿಕಾ ಘಟಕಕ್ಕೂ ಭೇಟಿ ನೀಡುವರು ಎಂದು ತಿಳಿಸಿದ್ದಾರೆ.</p>.<p>ರಷ್ಯಾ ಮತ್ತು ಉತ್ತರ ಕೊರಿಯಾ ಸಾಕಷ್ಟು ಆಸಕ್ತಿದಾಯಕವಾದ ಯೋಜನೆಗಳನ್ನು ಹೊಂದಿವೆ. ಸಾರಿಗೆ, ಕೃಷಿ ಕ್ಷೇತ್ರವು ಇದರಲ್ಲಿ ಸೇರಿದೆ. ರಷ್ಯಾ ಮಾನವೀಯ ಆಧಾರದಲ್ಲಿ ಅಗತ್ಯವಿರುವ ನೆರವನ್ನು ನೀಡಲಿದೆ ಎಂದು ತಿಳಿಸಿದ್ದಾರೆ.</p>.<p>ಆದರೆ, ಉಭಯ ರಾಷ್ಟ್ರಗಳ ನಡುವೆ ಸೇನಾ ಸಹಕಾರ ಕುರಿತಂತೆ ಅವರು ಸದ್ಯ ಪ್ರತಿಕ್ರಿಯಿಸಿಲ್ಲ. ‘ಉತ್ತರ ಕೊರಿಯಾದಿಂದ ಶಸ್ತ್ರಾಸ್ತ್ರಗಳನ್ನು ಖರೀದಿಸುವುದಕ್ಕೆ ಸಂಬಂಧಿಸಿದಂತೆ ಇರುವ ನಿರ್ಬಂಧಗಳಿಗೆ ರಷ್ಯಾ ಬದ್ಧವಾಗಿದೆ’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>